好多人以為頭髮唔需要太多嘅護理, 只需要有日常嘅清潔步驟就可以。
直到一段時間先發現頭髮出現問題(就好似頭髮變得毛燥, 甚至出現脫髮問題), 先知道要正視問題。
除左平日選擇洗髮產品之外, 仲要好好選擇額外嘅護理頭髮產品, 好好為頭髮做好預防功夫。
所以今次想同大家睇下有咩護髮產品可以解決大家平日常見嘅頭髮問題。
先講講一些需要沖水的產品 (洗髮露/護髮素)

Fekkai Brilliant Glossing 系列

Fekkai 係香港只有 Joyce beauty 獨家發售, 棷欖油係 Fekkai嘅主要自然成份之一。
Billiant Glossing 系列特點係令頭髮變得閃亮, 撫平毛燥問題。呢個系列著重令頭髮閃亮有光澤及改善頭髮毛燥問題, 如果想頭髮有光澤但又怕油膩嘅朋友。香味清新。

Fresh Line POLYHYMIA系列

Fresh Line 係個國際香薰品牌。品牌入面嘅系列係用神話人物命名, 相當特別。我要講嘅係佢嘅  Polyhymnia 系列, 中文叫頌歌女神美髮系列。POLYHYMNIA 頌歌女神系列當中嘅成份包括蕁麻, 蒜頭, 雪松, 生薑, 胱氨酸, 維生素B5等等。適合一D頭髮易斷或者有脫髮問題嘅朋友。因為Fresh line係一個香薰品牌, 所以香味濃郁。

Leonor Greyl 亮澤護色洗頭水

好多人染完頭之後頭髮變得枯燥。
Leonor Greyl 研發嘅亮澤護色洗頭水入面嘅天然植物成份可以令漂染過或者挑染過嘅頭髮更鎖色, 所以好岩有染髮嘅朋友。
大家可能對 Leonor Greyl 呢個牌子有D陌生, 銷售地點只有 Jocye Beauty, Lane Creawford 同埋 H & Beaute 有售。
Leonor Greyl 本身係個法國品牌, 品牌最大嘅特點係產品成份著重天然成份, 產品兼具潔淨及修護功效。

之後, 介紹質地輕盈嘅噴霧式護髮產品

Rene FURTERER Lissea 絲滑順直護髮嘖霧

好多朋友平時都有用頭髮電燙工具, 甚至每日返工返學前都會用到頭髮電燙工具。而我地每次使用頭髮電燙工具都會令頭髮變質。 過一段日子, 頭髮就會變得毛燥。
Rene FURTERER 針對呢個問題, 利用天然酸漿萃取物同熱力防護層複合因子兩種主要成份, 研發了呢支護髮噴霧, 噴完之後就好似有層保護膜係頭髮上面。大家就唔怕用風筒, 直髮器果陣熱力帶來嘅長久問題。

香味清新唔會過份濃郁。有保護效果之外, 用完之後仲可以令毛燥嘅頭髮變得順直。適合經常用到頭髮電燙工具嘅朋友。而且質地用後清爽。
Rene FURTERER的產品係香港莎莎部份分店有售。

Fekkai Brilliant Glossing Sheer Shine Mist

上面洗髮同護髮產品介紹到Fekkai 嘅 Brilliant Glossing 系列。
同一系列更有支 sheer shine mist . 香味方面比較少。
質地輕盈, 可以在完成頭髮造型後才噴上, 方法容易而且好方便。
適合想頭髮即時有閃亮效果但又怕頭髮油膩嘅朋友。
而且，好岩一D朝早返工好趕嘅人，因為呢支sheer shine mist 可以短時間內令頭髮很快變得順直貼服。

之後, 會介紹幾款液態狀嘅護髮產品,
呢兩款產品都好岩一D擔心頭髮稀疏問題嘅朋友。

Shiseido 5重育髮精華素

這支產品入面嘅 Shiseido獨家成份腺苷, 腺苷可以促進健康髮絲增生。香味方面比較清淡, 清新, 唔會過份濃郁。
呢支精華素係泵裝設計, 方便使用。早晚泵少少係頭皮位置再配合 Shiseido提供嘅按摩頭皮皮層方法,可以預防同改善髮絲稀疏同埋掉髮問題。仲可以重點泵係於有掉髮問題嘅位置再按摩。

Polyhymnia 再生活髮潤髮露

上面提到 Fresh Line 嘅 Polyhymnia系列, 系列入面仲有支產品係可以防止同舒緩脫髮問題。一次療程係連續用60日, 方法好簡單, 只係滴幾滴係髮根再接摩頭皮。香味方面係一d香薰味道, 聞落幾舒服嘅。

MA CHERIE 香檳蜂蜜護髮油

MA CHERIE 係日本髮妝品牌, 外形以粉紅色為主。呢支免沖洗嘅香檳蜂蜜護髮油質地好輕, 雖然個名有個「油」字, 但質地帶水, 用完之後頭髮唔會油膩，而且仲好滑添。
而佢嘅香味真係好香, 聞落有好大陣蜜桃味, 仲可以避免難聞嘅氣味沾上頭髮。另外, 呢支護髮油仲可以係吹頭前用, 可以防止頭髮比熱力傷害。

最後係介紹兩款護髮精華,
TSUBAKI 全新修護潤澤精華液 同埋 MA CHERIE 髮尾修護精華

TSUBAKI 全新修護潤澤精華液

呢支精華液好岩想頭髮柔滑d同埋頭髮有薘鬆問題嘅朋友用。使用方法好廣, 吹髮前或者後, 又或者濕髮時使用都可以。質地方面比下面提到嘅 MA CHERIE 較液態。香味係果香味。

MA CHERIE 髮尾修護精華

雖然上面介紹 MA CHERIE 嘅護髮油果香好大, 但呢支髮尾修護精華就香味無咁勁。質地雖然不太液態, 但使用後感覺唔油膩同埋好柔滑嘅。 同護髮油一樣, 用完可以防止平時吹頭比熱力傷到髮質。

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup

結婚一生人一次,
係人生一大重要時刻,
除左準備酒席,禮服等等,
其實好多小節都要準備嫁~
好似頭飾,戒指枕,Welcome Board咁,
除左比錢買大家有冇諗過自己DIY先?
今次就等Joan分享下啲日本手作人嘅婚禮DIY小物啦~

首先講左好多新娘子都好在意嘅新娘頭飾先~
雖然唔少化妝師幫新娘子set頭都會包埋頭飾租借,
但唔少人都愈黎愈鐘意自己DIY頭飾,
畢竟獨一無二~
上圖分別係用布藝拼的和風小花同羊毛氈做成的頭飾,
我特別鐘意和風小花做出嚟嘅頭飾,
感覺好細緻,
而且不同顏色的布藝小花可以配襯掛頭或晚裝頭,
新娘子或化妝師都多個選擇!

結婚緊係唔少得對戒啦~
唔少新人都會物色靚嘅戒指枕,
係交換戒指前放置戒指,
但原來戒指枕都可以DIY,
而且款式仲咁靚添!
有左咁靚嘅戒指枕,
一定唔會再聽到新人唔見戒指嘅笑話啦~ 

大家平日想set頭去party或宴會時，都可能要去到salon。假如你經常要到salon set頭，除了價錢不是太划算外，每次到salon都需要浪費很多時間。所以今次想教大家一個非常簡單的髮型，應付普通場合絕對無問題！

首先介紹所需要的工具:

Volume spray: 髮質比較幼和柔軟的朋友，可以set頭前可噴上volume spray，令頭髮表面有少粗嚡感覺，增加髮絲自然豐厚感，增加volume並防止頭髮塌下。

Hair spray: 為整個造型定型，令髮型可維持一整天。

Setting lotion: 如果直接用電髮夾夾捲，會令之後髮絲看起很毛燥，所以可以夾捲前，噴上Setting lotion令髮絲表面更順滑，而且有定型作用，留意噴時大約距離25-30cm噴出，效果才自然。

電髮夾: 最後需要一個23mm的電髮夾。

Step 1: 髮質比較幼、容易塌的朋友，可以全頭噴上volume spray。
之後將噴濕的頭髮吹乾，增加volume。
Step 2: 然後再噴上setting lotion。

Step 3: 將平日的留海，相反方向分界。
Step 4: 再將全頭髮絲分開兩個section。

Step 4,5:把剛剛兩個section，由底部的髮絲開始向內夾捲。

Step 6: 如果頭髮頂部不夠蓬鬆，可以將電髮夾由中間髮絲夾起，令頂部頭髮更立體。Step 7: 然後將留海向外夾捲。

Step 8: 將髮絲紮成小馬尾。
Step 9: 再將頭髮輕輕扯鬆，令髮型看起更有層次感。

Step 10: 然後再將馬尾紮成小髻，再用U型夾固定。
Step 11: 將餘下髮絲再用夾收好。

Step 12: 可隨意選擇部分留海用髮夾固定。
Step 13: 最後噴上Hair Spray，固定髮絲。

Total look:

自從專欄開始後，都經常收到大家來電詢問有關化妝疑問。
其實大家往後有什麼問題都可以我的Facebook Fan Page :https://www.facebook.com/janicelammakeup 留言。

一講起韓妝唔知大家會唸到咩呢？
可能呢刻大家只唸起粗眼線、Sharp色橙或紅唇？
其實嚟緊除咗以上講個啲之外，
仲開始大玩Sharp色胭脂呀∼
初時我睇到都以為好難carry，
點知試過先知原來都係好易㗎！
今次就同大家分享點去化呢個妝容啦！

通常胭脂Sharp色眼妝都會化得比較自然一啲，
而家就同大家示範下啦∼

眼妝所需用品：

1. Vina啡色眼線筆
2. 中號眼影掃
3. 極細號眼影掃
4. Gel-Liner掃
5. Inga C 睫毛液
6. CHANEL眼影 #96 UTOPIA
7. RMK Ingenious Powder Cheeks #12

Step 1: 用中號眼影掃沾上 RMK Ingenious Powder Cheeks #12 掃於眼窩位置
Step 2: 用極細號眼影掃沾上 CHANEL眼影 #96 UTOPIA 掃於雙眼皮位置
Step 3: 再用極細號眼影掃沾上 RMK Ingenious Powder Cheeks #12 掃於下眼線位置
Step 4: 用Vina啡色眼線筆畫外眼線

Step 5: 用Vina啡色眼線筆畫內眼線
Step 6: 用Gel-liner掃掃鬆上外眼線及掃下眼尾1/3位置
Step 7: 搽上Inga C 睫毛液
Step 8: 完成圖

呢個眼妝重點係卧蠶位，
大家不妨多掃highlight係眼珠對下嘅位置丫∼
睇落就會立體啲，又有水汪汪嘅效果！

胭脂方面就係今次妝容嘅重點！
今次我用咗Nars嘅新出胭脂膏，
佢嘅份量係好多，
係平時買開其他胭脂膏嘅3﹣4倍，
下面都試咗其中2枝胭脂膏嘅顏色比大家睇下，

左邊：#SIAM 用嚟做唇膏色
右邊：#LAOS 用嚟做胭脂色

左圖：用Nars #LAOS 胭脂膏輕輕用手印上圓圈位置
右圖：大家不妨試下大範圍印上，效果出嚟都好靚

咀唇我係用 Nars #SIAM 色輕輕印上，
唔知大家會唔會好似我咁，
一年四季個咀唇都會甩皮，
如果係嘅話，記得係上唇膏之前先用滋潤嘅潤唇膏打底。
之後再搽唇膏就唔會一路搽一路甩皮啦∼

成個妝話咁快就完成啦∼
大家都可以試下啦！

所需用品：

A. Inga C 睫毛液
B. Vina啡色眼線筆
C. 中號眼影掃
D. 極細號眼影掃
E. Gel-Liner掃
F. CHANEL眼影 #96 UTOPIA
G. Nars #SIAM MATTE MULTIPLE胭脂膏