上星期同大家介紹左油性肌護膚品~
今個星期就同大家介紹返啲有機護膚產品啦!
特別適合皮膚容易敏感嘅朋友!

今次分別有:
Caudalie葡萄籽活性爽膚水 (上 左3)
Fresh Line活膚薯仔有機眼膜 $99/50g (上 左1)
Fresh Line 天神之后青春活顏保濕面霜 (下 左3)
Fresh Line 天神之后青春活顏緊緻精華 (下 左1)
Fresh Line 天神之后青春活顏精華油 (下 左2)
Pur Rose天然玫瑰水 (上 左2)
Pur Rose深層水漾保濕精華液 (上 左4)
Pur Rose深層淨白再生精華霜 (下 左4)
Neal’s Yard Remedies 野玫瑰亮釆萬用霜 $565/50g (上 左5)

Caudalie於1995年創立,
於美容科研已有超過15年經驗,研發一系列專利成分!
首先講左Caudalie嘅葡萄籽活性爽膚水,
成分主要有葡萄,香橙花,玫瑰,有機柏蜂草,
迷迭香,甜沒藥,安息香,
除左定妝外,有效收緊毛孔,
提升肌膚亮度,消除肌膚疲勞!

呢支爽膚水係噴灑嘴頭,
噴出嘅水珠粒子好幼細~
而且有少量精油,
除左做爽膚水仲可以當埋噴面水用,
補濕度都幾好~但一啲都唔笠!
適合夏天使用!
而且有迷迭香帶薄荷味,味道都好FRESH!

Web: www.caudalie.com

之後就講Fresh Line嘅活膚薯仔有機眼膜同天神之后青春活顏系列!
Fresh Line以新鮮蔬果為概念,
利用希臘家傳秘方結合花草提煉嘅美肌精華!
研發獨有美容配方!

Fresh Line活膚薯仔有機眼膜主要成分有馬鈴薯,洋甘菊,山金車,
有助減淡黑眼圈及眼部浮腫,
適合任何肌膚使用!

質地Creamy,
一啲都唔笠,
而且真係有陣淡淡薯仔味!

 Karen:

質感好似奶油咁creamy，
本身幾怕呢類質地，因為驚好油笠嘅感覺，
但係呢個薯仔mask都ok，
少少涼嘅感覺，唔會覺得笠，幾舒服，
而且眼肚唔算浮腫，所以見唔到有顯著消腫功效。
眼圈問題都係長時間影響,
要試多幾次先知效果!

用法:
攞大約5毫子分量,
敷在眼部20分鐘,抹走即可!

Joan:

用左之後減輕左眼部浮腫情況~
但黑眼圈問題嚴重,可能要試多幾次先會減淡啦!
但好在可以因應個人需求以重量購買~
保證"新鮮"!

之後就有天神之后青春活顏嘅保濕面霜(右),緊緻精華(左)同活顏精華油(中)!

保濕面霜主要成分有薰衣草,石榴,玫瑰精油及玫瑰果籽油,
能24小時長效保濕,
使肌膚細胞再生,
減淡細紋及提升肌膚彈性!
質地Creamy,都幾易推!
推開好保濕唔笠,
吸收得唔錯~
而且帶淡淡薰衣草和玫瑰味~好舒服!

緊緻精華主要成分有甜杏仁,燕麥,玫瑰和有機牛油果油,
有效提升及重塑肌膚,
升級版更有效深層保濕,修護乾燥肌膚及減淡細紋!
適合所有肌膚使用!

質地液體狀,
推開非常吸收,
感覺到有即時保濕功效!
味道方面都有輕微玫瑰味道杏仁味比較重~

活顏精華油加入左香薰治療,
由有機草本提煉成天然精油,
成分有有機橄欖油,百里香,鼠尾草和玫瑰,
有保濕和抗氧化功效,可修復肌膚及減淡細紋!
玫瑰精油比較重,有舒緩精神作用,
雖然油狀但非常易吸收,
一啲都唔笠,
適合偏乾性皮膚人士使用,
係乾嘅地方印上更見效!

跟住嘅同樣係以玫瑰為主嘅品牌Pur Rose,
玫瑰具有多種護膚功效,
分別可加強保濕,對抗老化,鎮靜舒緩,滋潤肌膚和抗菌消炎,
尤其對乾燥及敏感肌更見效!

首先講pur rose嘅玫瑰水,
玫瑰水是利用Margalla山脈中一個玫瑰花農場嘅玫瑰以人手蒸餾提煉,
沒有添加任何化學製品或水,
每40公斤花瓣只能製造1公斤玫瑰水,十分珍貴!
在蒸餾過程會產生微量酒精,有天然防腐效果,可保存60個月!

嘴頭是噴灑式,可平均噴在皮膚上,
讓皮膚更吸收,
而且帶純天然玫瑰味,
有鎮靜舒緩之效!
唯一不足噴灑水珠不夠細緻~

深層水漾保濕精華液以天然玫瑰精華及野生植物等珍貴成分而成,
含豐富維他命E,多種不飽和脂肪酸,亞油酸等!
可防止水分流失,保護皮膚細胞,
對抗肌膚老化,減少細紋,
更有效舒緩敏感!

嘴頭同樣是噴灑式,能均勻噴在皮膚上,
令皮膚平均吸收!
水珠粒子非常幼細~
噴灑後有即時保濕嘅感覺!
可能係玫瑰精華的關係,玫瑰味較重!
感覺好舒服!
適合乾燥缺水性皮膚使用

深層淨白再生精華霜成分有
Zincum, White stone, wild rose extract,
sweet almond oil, aloe vera extract, bee wax, argan,
有效令細胞活化,令皮膚深層美白,
預防皮膚老化,改善黯沈,膚色不均等問題!
適合乾燥缺水性皮膚及膚色不均人士使用!

質地Creamy狀,非常易推,
Cream帶珠光粒子,
推開後有即時嫩白效果!
味道帶淡淡蘆葦及玫瑰味!

想知更多pur rose可瀏覽http://pur-rose.com/home.htm

最後就係英國有機品牌Neal’s Yard Remedies嘅野玫瑰亮釆萬用霜,
主要成分有玫瑰果油,廣藿香,琉璃苣,天竺葵,
有助改善毛孔阻塞,滋潤皮膚,
而且10周年限量版邀請左英國藝術家Alice Shields設計優美插畫!
包裝好靚嫁!

Beauty Balm有多種用法,
如潔面霜,面霜,面膜,護唇霜,
指甲修護,曬後護理等!
一樽多用!抵用!
而且味道帶淡玫瑰及廣藿香,幾好嗅!

售賣點:Neal’s Yard Remedies旗艦店(中環荷李活道65號)

我都知道敏感肌嘅朋友仔好難揀skincare~
今次介紹嘅主要都係有機產品,
大家睇完都可以去專櫃試試啦!

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup

呢期真係好興Sharp嘅唇色妝容，
大家有無留意佢哋顏色雖然用好sharp，
但依舊比人好平易近人嘅感覺，
仲多咗一份可愛感添！
好多人都話呢啲妝好難CARRY，
其實一啲都唔難㗎！
今次就等我同大家分享一個又簡單又快完成嘅妝啦！

1. 底妝：

我想打造透薄底妝，
所以用咗Etude House Precious Mineral any Cushion打底。
我用佢個sponge上咗2層，
輕易已經遮咗面上瑕疵，
塊面仲好有光澤添！

我用嘅係#Natural Beige W13號色，
呢隻cushion好透薄，
好水潤，搽咗上面真係好貼，
就算好似我搽咗2層，感覺都係好薄好自然，
唔會好粉嘅感覺，
同埋搽咗上面感覺好爽身，
如果想打造光澤感嘅底妝，
就連碎粉都可以唔洗搽添！
（如果屬於油性肌或容易出油嘅人就要上碎粉定妝啦∼）

佢嘅質地真係好水同好有光澤感呀∼

其實除咗我用個隻色之外，仲有其他3隻色：
1. Magic Mint
呢盒Magic Mint建議大家局部使用，例如用係鼻翼同泛紅位置先用。
2. Magic Pink
呢盒 Magic Pink就啱晒皮膚好蒼白或面無血色嘅人用，
可以增加皮膚紅潤感。
3. Magic Peach
呢盒 Magic Peach好適合皮膚比較深或者皮膚暗啞嘅人用，
可以均勻同提亮皮膚。
4. Natural Beige W13
呢盒就係粉底顏色咁，一般肌色都啱用，
搽咗上面令皮膚睇落滑啲而佢嘅遮瑕度都幾好，
一般瑕疵都輕易遮到添！

我試晒四隻色比大家睇，
4隻顏色質地都好水，
而Magic Mint, Magic Pink同Magic Peach
就好似corrector 有調色功效，
暫時市面好多cushion嘅底妝產品好只有粉底色比大家選擇，
如果大家都想微調膚色，
不妨試下Etude House嘅cushion啦！

由於今次個妝重點係唇部，所以係眼妝方面都係以淡淡地同自然為主。
今次我就揀Laura Mercier Baked Eye Colour Quad – Rendezvous in Monte Carlo
主要用咗下圖A同B兩隻色。

2. 眼妝：

Step 1: 先用A淺粉紅色眼影打亮成個眼簾位置，增加眼部立體感。

Step 2：再用B啡色眼影，掃係眼摺位置。

Step 3：用B啡色眼影，由眼尾向前掃約1/3位置。

Step 4：用A淺粉紅色眼影，掃係下眼線，打亮成個卧蠶。

Step 5：用Liquid eyeliner畫上一條眼線，輕輕係眼尾拉出2-3mm。

Step 5：用眼線筆畫內眼線。

Step 6: 搽上睫毛液，眼妝便完成。

雖然今次我只用到A同B色，
但其他色都一樣好靚㗎∼
佢好易上色，顯色度又高，
大家可以睇下圖：

3. 胭脂：

胭脂我都係淺色為主，
輕輕用掃由內至外斜掃上面，
(右圖圈住位置)
呢個胭脂顏色我好鍾意，
淡淡粉紅搽出嚟好似白裡透紅咁！

4. 唇部：

1. 首先我會用返 Etude House Precious Mineral any Cushion 印係成個唇上面，
遮晒原本我個唇色。
2. 用 Shu Uemura tint in gelato lip 先搽係唇中間位置，
再用手輕輕印開，輕易做到呢個唇妝啦 !

Tips: 如果唇部比較乾嘅人，可以輕輕係面搽一層 Eight Hour Cream/透明lip gloss
*圖中所用嘅係Elizabeth Arden Eight Hour Cream

佢質地好似慕絲咁，
好滑又好實色，小小令身，
佢唔單止可以用係唇部仲可以當胭脂用添，
一物兩用，好方便呀！

完成∼

要注意：唇部顏色比較Sharp，眼部同胭脂都會以自然為主，
出嚟效果比人一種柔和嘅感覺。
要避免 3 part 都太重色，否則會比人一種難以接近嘅感覺!

呢個妝容好簡單又好輕易就做到啦∼
大家不妨試下啦！

相信好多女仔同我一樣好鍾意煲劇，
無可否認煲劇係需要好多時間，
但係其實煲劇除咗睇劇情、睇偶像之餘，
都有好多嘢睇架，
可能係職業病，又可能統綷興趣，
睇劇一定會留意埋啲造型，
例如妝、頭、服裝、飾物，
好似今次介紹呢套劇裡面嘅造型就絕對係好好嘅reference喇！
前排星星熱潮，千頌伊嘅不同造型引起大家嘅高度關注，
無論係衫，Accessories，妝物都大受歡迎。
本身麻麻地古裝劇，但不約而同地有幾個朋友都話好睇，
好奇之下就睇咗呢套古裝劇《奇皇后》，
估唔到連古裝劇都可以咁有驚喜喎，
裡面嘅戲服、飾物係好∼華麗∼好∼靚，
做research之下發現原來全劇戲服用咗約1500萬won，
都算落重本架！唔怪之得咁靚啦！
睇過呢套劇嘅朋友一定會有同感，
未睇嘅朋友就睇下我嘅分享啦！

劇情就唔多提啦，
主要係講女主角河智苑為咗生存同報仇，
細個開始就要女扮男裝，
經歷咗好多嘢之後決定入宮進行復仇計劃，
由宮女做到皇后嘅故仔。
奇皇后（河智苑）由最初女扮男裝、
到入宮做宮女、才人、貴妃到皇后，
髮型，妝容，服飾都有好大嘅轉變，
雖然係古裝劇，但係一啲都唔“娘”架！

呢個係最初入宮做才人時候嘅造型，
半扎嘅髮型相對較溫柔可愛，
衫都係粉色，淡色為主。
睇上去冇乜殺傷力，柔弱一啲。

做咗貴妃之後就開始紮起all back，
盤起嘅all back頭真係好難carry,
但係皇后嘅標準鵝蛋面型完全無問題，
亦突出咗佢威嚴嘅一面。

講起韓妝，點可以唔留意眉形同唇妝。
眉形真係好影響比人嘅感覺，
睇佢最初做才人同最後結局落泊嘅樣，
條眉係彎同平直啲，淡色啲，
而唇妝就係偏淡同自然，
睇上去楚楚可憐，弱勢好多。

比起做皇后嘅時候拉長咗嘅上揚眉形，
差別好大呢！
完全表現到喺敵人面前要tough嘅一面呀！

韓式妝容一向比人感覺好clean、好有神，
河智苑嘅妝容都唔例外。
最初扮男仔膚色係冇咁白淨嘅，
只係畫少少粗嘅眉。

之後做番女仔做宮女嘅妝就好nude，

效果係化咗好似冇化咁，
細心睇就見到係畫咗內眼線喇。

就算之後皇后嘅妝都只係加咗啡tone眼影，
拉長少少上眼線同加埋好幼嘅下內眼線，
唇就多數用鮮紅、桃紅之類sharp色。
已經係最多架喇！

大家睇咗咁多相，有冇留意到皇后嘅衣飾都係好特別呢！

上面幾個皇后look嘅飾物令我諗起新娘子嘅金器，
尤其呢對耳環，我覺得都幾靚，
結婚有咁嘅“行頭”都好犀利，哈哈！

上面呢兩對耳環算casual架喇，
一樣係好別緻架！

大家睇完會唔會有衝動想睇呢？
個人認為呢套劇好有追看性，
如果你係一開始睇就停唔到嘅煲劇迷，
就要小心喇！
下次有機會再同大家share其他劇啦！

 如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup

因為工作關係，我經常都可以試用不同類型的新產品，當中我發現便宜的產品不一定不好用，
而昂貴的產品也可以用得物有所值；
最重要的就是學會從云云產品中，針對自己需要找出適合自己的產品。

之前我已經和大家分享了不少化妝技巧，
今期我就和大家分享一些我自己出job常用，又或者抵買兼好用的美妝產品。

1. Etude House Proof 10 Brush Brow

大家有沒試過夏天抹兩下臉就把自己的眉也抹掉? 以前就經常有發生在我身上。
因為自己屬於油性皮膚，眉毛位置也較容易出油，
當印臉油時，就連畫好的眉也被印走或者化開了。

這支防水眉筆筆頭像liquid eyeline般呈毛筆狀，
顏色淡而自然，所以畫起來非常容易掌控，
多掃幾筆也不會變成王小虎眉，而且防水度極高，
就算游水也不會溶掉。現在很多男士也非常注重儀容，
這支Etude House同樣適合男士使用，可以為眉毛加深顏色，令整個人看上更精神。

這筆在韓國售價低於HK$30，絕對是超值之選。

缺點是只有灰黑色，而且在香港暫未有售。
不過相信問題也不大，待自己或朋友去韓國旅行時多入貨兩支就是了。

顏色淡而自然，化妝經驗淺的也能容易畫出漂亮的眉
能夠勾畫現在流行的一字眉

Janice’s tips: 莎莎或者卓悅也有售賣類似眉筆，我也曾在blog介紹過，大家不妨去找找看。

1. Maybelline HyperSharp Liner

   

油性皮膚經常遇到的問題就是溶妝。我眼尾容易出油和經常流眼水，
所以除了眉筆，對眼線筆我也有非常高的要求。
我之前曾經推介過一支很好用的眼線筆:
SANA Extra Heavy Eyeliner，
但奈何這個產品好像忽然在市面上消失了。
幸好現在我找到了一個更出色的替代品，就是這支Maybelline HyperSharp。

它的優點是顏色夠實夠黑，掃頭易掃易上色，
最重要是用上一整天都不會脫色，
所以這支Maybelline HyperSharp Liner無論是自用或者出job我都經常隨身攜帶。

質感柔滑，容易操控，能同時勾畫粗或幼眼線

1. L’Oreal Gentle Eye Makeup Remover

   

又是另一個出job自用必備item。
這是一支就算更頑強的化妝都能卸得一乾二淨的眼和唇部卸妝液。
這支卸妝的優點就是它的水油成份比例適中，
卸妝潔淨之餘又不會令皮膚過乾；
而且價格亦非常大眾化，就是用多了也不會覺得心痛。
用了差不多十年就是更誇張的妝容也沒有難倒它。

可輕易卸去防水眼線液

1. Ya-Man Platinum Tornado EMS

除了用化妝技巧外，
其實現在市面上亦有一些家用美容儀器同樣可以做到瘦面效果的。
和很多人一樣，我自己都有雙下巴和輪廓不夠緊緻結實的問題，
所以好多時上電視或拍硬照前，我都會用這部Ya-Man來按摩一下自覺鬆弛的部位。

這美容儀的優點是有兩個模式可供選擇，除了臉部，
就是身體其他部位如bye-bye肉都可以使用。
當然這個不是用一兩次就立即見到效用的，
所以為了達到最佳效果，我平時閒在家中看電視時也會勤力的拿出來碌碌碌，
務求令臉型看來更緊緻。

可用於腮骨位置或bye-bye肉
用後臉型更緊緻

 如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup

唔少油性肌嘅朋友對揀skincare都有唔少疑惑,
因為油性皮膚毛孔比較粗大比較易出油,
唔夠補水又會令皮膚易缺水,
太補又會容易出暗瘡都咪話唔煩!
今次我會針對唔同性質嘅油性皮膚介紹啲product俾大家用!
唔係油性皮膚嘅朋友都唔緊要,
下面都會介紹啲補水同深層清潔嘅product,
大家繼續睇落去啦!

首先講左潔面乳先~
分別有:
ettusais零毛孔潔面乳 $180/125ml (右)
OXY快治高效暗瘡護理潔面乳 $78/100g (左)

ettusais零毛孔潔面乳加入左乳化配方,
可以快速起出超濃密泡沫,高效清潔毛孔,
吸走多餘油脂和不飽和脂肪酸,
而且有滋養成份,皮膚水分不易帶走,
配方溫和,通過過敏測試,無香料色素!

試完起泡效果梗係試埋上面啦!
用左好小分量泡泡已經可以上哂成面,
雖然針對油性肌,
但偏乾皮膚嘅我洗完之後都冇好乾,感覺仲乾淨左添!

Oxy快治高效暗瘡護理潔面乳含暗瘡護理成分,
專為暗瘡肌膚而設,
可以深入清潔毛孔,去除油脂及老化角質,
而且含保濕成分,海藻萃取及天然薄荷精華,
能平衡油脂及保持皮膚通透潔淨!

Oxy呢隻潔面乳泡量一般,唔算特別多!
洗完有冰涼感覺,但可能我皮膚偏乾,
雖然洗完乾淨左但我覺得皮膚有啲繃緊!
比較適合油性暗瘡肌!

而加就講保濕水啦!
ettusais零毛孔保濕水 $195/170ml
可以修護及改善粗大毛孔,可緊緻皮膚,
不含油分,加入防暗瘡配方可預防痘痘,
不含香料,色素,防敏感!

今次就將少量保濕水沾濕化妝棉抹面測試,
大家睇到用前用後分別嗎?
用後果張化妝棉又黃又灰黑,
皮膚嘅污糟野都抹乾淨,
但都係果句我皮膚偏乾,今次鼻翼位有啲啲脫皮添!
佢可以收細毛孔及預防痘痘,
比較適合油性暗瘡肌!

講完清潔產品而加就講peeling,
去角質都有助毛孔暢通返減少粒粒形成!
ettusais去角質嫩肌面膜 $160/125ml (左)
A4 Cosmetics再生抗皺煥膚酵素粉 $219/5pcs (右)

ettusais去角質嫩肌面膜屬於溫和去角質,
加入左檬精華GL及軟膚成分,AC control oil,
可亮白肌膚,預防痘痘粉刺,
而且加入左植物纖維和深海潔淨粘土,
乳液瞬間變粒粒吸走皮脂污垢!

用左少量乳液捽上面眨下眼就變哂粒粒,
可以捽走老化角質,
感覺好溫和,
而且肌膚好柔軟亮白!
對我黎講唔算太乾,都唔錯!

A4 Cosmetics再生抗皺煥膚酵素粉成分有摩洛哥堅果油，
活性酵素，蘆薈及摩洛哥堅果果衣，
可對抗色素沈澱，毛孔粗大，膚色暗啞等衰老問題，
可喚醒肌膚，去除老化角質層及毒素，
令膚色均勻，毛孔變得緊緻！

用法：
1.倒出酵素粉(大約3分1包)
2.加水
3.弄至起泡
4.在皮膚上輕輕打圈按摩20秒,沖乾淨就ok

用左之後唔會好乾,
捽到起泡後按摩,粉末會成幼粒狀,
唔會刺激皮膚,
而且用後可去除老化角質及死皮,
皮膚乾淨左亮澤左!

Nestbeauty有售
地址:尖沙咀K11地庫2樓

介紹完peeling仲有cattier嘅潔膚泥面膜
圖中係有機黃泥面膜(適合乾性皮膚使用) $189/100毫升

主要成分有黃泥,白泥,有機荷荷芭油,
具保濕及修護作用,
有助軟化紓緩及潔淨皮膚,
泥漿含豐富微量營養素,能提供肌膚所需礦物,
令肌膚亮度提升!
試用時發覺好快變乾同吸收,
建議厚敷!
感覺乾淨左,但有少少乾,
需配合保濕護膚品使用!

Nestbeauty有售
地址:尖沙咀K11地庫2樓

啲人成日話油性皮膚要抗油抗痘,
但有時過份清潔令皮膚缺水出油情況更嚴重,
所以補水對油性皮膚都好重要!
介紹完咁多款清潔product梗係要介紹返啲補水護膚品啦~
分別有:
Pixel Clinical Silky Hydrating lotion $438/30ml (左)
Origins 高礦物酣夢活肌修護晚霜 (右)

Pixel Clinical Silky Hydrating lotion成分有Lipidure,
Venuceane,Sepitonic M3,Tiare Extract,Tiare Extract,Calmiskin,
擁有超強補濕鎖水,抗氧化成分,
使皮膚回復彈性,加速代謝!
而且係皮膚科醫生專研究配方,適合過敏皮膚人士使用!

呢隻lotion非常保濕,
質地好清爽易吸收!
非常適合夏天使用~

Origins 高礦物酣夢活肌修護晚霜加入左不含油分清爽配方,
成分有栗子萃取,大麥小麥胚芽,角鯊烯,紅桑苺葉蠟等,
主要針對缺水及衰老皮膚,
改善暗啞,乾燥皮膚,
令肌膚回復彈性光澤!

質地較creamy,但一啲都唔笠!
用後好清爽,
如果好似我咁皮膚偏乾仲可以厚敷當sleeping mask!
缺水肌朋友可以試試~

Oxy快治蓋療暗瘡露 $95/25g

含10%Benzoyl Peroxide特強配方,專治較嚴重暗瘡,
藥膏接近膚色,用後可上妝,
而且吸乾多餘油脂杜絕暗瘡發炎,
試過在暗瘡位真係會抽乾暗瘡,但會令暗瘡位乾,
而偏乾皮膚嘅我更會脫皮,
由於佢真係會抽乾暗瘡皮膚水分,上妝容易cake粉,
所以我唔建議上妝!

但佢顏色接近膚色有少量遮瑕效果!
都可以遮到痘痘!
而且推開都好薄好貼!

由清潔product至護膚skincare介紹左咁多product~
有冇啱心水先?
夏天唔想油光滿面就快啲揀返啲啱用嘅產品用啦~

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup