唔知化開妝嘅朋友有無受到暗瘡,油脂粒嘅影響呢?
人地成日話化妝會令皮膚變差,
其實係卸妝唔夠乾淨,令化妝品堵塞毛孔先會令粒粒現形,
所以落妝唔乾淨都好有影響嫁!
如果平時比較濃妝或者會重閃粉嘅人都建議返用卸妝油落妝,
但皮膚比較敏感人士要注意返乳化過程,要清潔得仔細啲啦!
如果唔係就好易堵塞毛孔嫁啦~
平時妝容比較薄都可以考慮用卸妝水~
化靚妝固然重要,但大家都唔可以忽略卸妝嘅重要性!
近排唔同嘅brand都出左卸妝水~
今次就等我同大家測試唔同牌子嘅卸妝水啦!

由左至右排列:
Biolane BB水
Maybelline Clean Express Miracle Water
Swiss Rituel Cleansing Water
Nars Makeup Removing Water
L’oreal 溫和卸妝潔膚水
Shu uemura 昇級版細緻毛孔潔顏泡沫
Cyber Colors All-in-1 Moisturizing Cleansing Water
Phenome Micellar cleansing water
Mac Charged Water Cleanser

事不宜遲,
我地揀左幾款products嚟測試卸妝水嘅威力,
分別有比較易卸嘅眼影,
遇水會溶嘅油彩,liquid eyeliner,
同防水睫毛液!

Biolane BB水(左)性質比較溫和,
不含酒精,特別適合敏感肌膚,
有專利成分Hydra-bleine水解小麥蛋白,用後無需過水,
有助滋潤皮膚鎖緊水分!

Cyber Colors Cleansing Water (中)不含油分,酒精及香料,
配方溫和唔剌激,
成分有玻尿酸及蘆薈萃取,可以高度保濕同鎖緊水分,
迷迭香萃取有收細毛孔、清爽功效。
而洋甘菊、甘草、蘆薈及尿囊素有抗炎、紓緩功效，
有助鎮靜肌膚!

L’oreal 溫和卸妝潔膚水同樣不含酒精及香料,
經皮膚科及眼科醫生測試,
適合敏感肌膚人士使用!

首先測試左比較易卸嘅眼影先,
三隻落妝水對付眼影效果都非常好,
Biolane,Cyber colors同L’oreal分別都係抹左一次,
Biolane BB水仲有少少顏色淨,輕輕抹多次就ok,
Cyber colors同L’oreal好輕易就抹走哂眼影,
卸妝度好好!
而且抹完皮膚都幾保濕,唔錯!

Maybelline Clean Express Miracle Water不含酒精,香料及oil free配方,
用後感覺清爽,敏感肌都可以使用!

Mac Charged Water Cleanser無色無味,
水質配方,抹後感清爽唔笠!
試用後都覺得幾爽身!

Nars Makeup Removing Water不含皂鹼,油分同酒精,
性質溫和,能高效卸妝!
產品成分有青瓜、洋甘菊和透明質酸配方,
能紓緩肌膚!

輕輕一抹Maybelline同Nars甩左9成,
而Mac都甩左8成,
Maybelline同Nars都係抹多2次就乾淨哂,
Mac都係3次,卸妝度唔錯!

Phenome Micellar cleansing water呢支係2合1潔膚水,

噴出嚟有少少bubble水狀,
有潔膚護膚功能,成份有霍克草,糖海帶,
保濕之餘總有抗氧化作用,又可以調節油脂分泌,有抗炎之效!
有輕微草本味道!

Shu uemura 昇級版細緻毛孔潔顏泡沫將潔顏水化作輕盈泡沫,

成份: 睡蓮精華、H.E.P.E.S.溫和煥膚因子、龍鬚草保濕精華,
有效潔淨肌膚及收細毛孔功效,
用後感覺比較乾爽,適合混合性至油性肌膚!

SWISS Rituel Purifying Cleansing Water配方溫和,
成分有瑞士溫泉水,矢車菊,
有效排走毒素、鎮痛、抗炎、抗菌,
不含防腐劑、著色劑或香料,配方天然和低致敏性,適合任何皮膚使用!
味道係好香嘅檸檬味!

一睇幅相就見到Phenome同Swiss Rituel卸妝度比較高,
一抹已經抹左9成,
可能由於Phenome係泡沫水狀,之後要抹4,5次先乾淨哂,
Swiss就抹左2次乾淨哂!
而Shu uemura第一次抹仲有一半,
之後抹左7,8次就乾淨哂
抹後非常爽身,對偏乾膚質嘅我嚟講就偏乾啦!
啱哂油性膚質人士使用!

睇完眼影之後就到用水都洗得甩嘅油彩!
雖然呢啲顏料用水都抹得甩~
但顏色都比較實,都唔係咁易卸嫁!

Biolane, Cyber color同 L’oreal呢三隻一抹都抹左7成,
Biolane BB水就抹左4,5次先完全無哂,
Cyber Colors就抹左2,3次,
而L’oreal就輕輕抹左2次已經甩哂!

Maybelline一抹已經甩左8成,
輕輕抹多次就甩哂,
Mac同Nars都甩左7成,
而Nars抹左2次就乾淨哂,
Mac就2,3次仲有少少印!

Swiss Rituel都睇到甩左8,9成,
Phenome同Shu uemura淨係甩左5,6成,
Swiss Rituel抹左4,5次就甩哂,
Phenome要抹兩張卸妝棉先乾淨,大約10數次,
Shu uemura都係抹左兩張卸妝棉就乾淨哂!

再嚟就係測試liquid eyeliner!

除左Biolane BB水甩得6成,
其餘品牌都甩左7,8成!
Biolane, Maybelline, Mac, Phenome, Shu uemura都係抹左4,5次就乾淨,
而Cyber colors, Nars同Swiss Rituel就3次,
L’oreal就2次乾淨哂!

最後測試嘅就係防水睫毛液!

Biolane一抹就甩左7成,
Cyber colors同L’oreal就甩左8成,
由於BB水比較溫和,要抹7,8次先乾淨,
Cyber colors 4,5次就乾淨哂,
L’oreal最驚喜,竟然2次就乾淨哂!

maybelline同mac一抹就甩左7成,
Nars都甩左6成,
Maybelline抹左3,4次就甩哂,
Mac同Nars分別抹左8,9次都仲未甩哂,
最終用油水卸妝卸走!

近排推出咗唔少新嘅eye shadow，
自然earth tone,鮮色眼影都有，
而且顏色好特別呢，
無論你想化日妝定晚妝，
都可以滿足到你嘅需要架！

如果你係眼妝入門新手，
不妨試下搽啲自然啡tone單色眼影先！

Anna Sui嘅包裝出名別緻，
呢個eye shadow case成個小手袋咁，
當匙扣掛住都得呀，
今次會示範呢個帶橙啡嘅顏色，
無論健康膚色定係白白淨嘅朋友都啱用架！

1. 將眼影塗於眼窩位置

2. 單搽眼影可能未夠精靈，畫埋內眼線同外眼線就精神啲喇！

3. 想要soft眼線效果，用細號眼影掃掃鬆眼線位置。

咁就精神晒啦！

眼影好易上色，
一粒粒閃粉明顯可見，
啡橙色自然得嚟有啲閃嘅效果，
令眼睛睇起嚟特別sharp。

如果你平時都有化開eye shadow，
可以試下用幾隻色做番眼部層次感。
Lunasol 15th Anniversary推出嘅Palette係一個唔錯嘅選擇！
另外一個選擇就係W Lighting雙色眼影，
分別有Coral, purple,turquoise,
三隻色都好特別好靚架！

Lunasol 15th Anniversary Makeup Palette $440
Lunasol 15th Anniversary W Lighting Eyes $230

Lunasol眼影一向深得用家歡心，
貪佢夠出色、易用、易襯，
今次15th anniversary嘅眼影以自然為主，
顏色比較soft，啱晒OL一族或者喜歡自然淡妝嘅朋友。
今次我地揀咗Makeup Palette EX02試一試！
呢個Palette以Coral為主，
膚色深同白淨膚色都啱用，非常百搭！
我地就以(b)為主色，
(c)用嚟做下眼頭highlight，感覺自然得嚟sweet啲！

1. 用銀白色(a)highlight眉骨位

2. (b)塗於眼窩位置，(e)塗於雙眼皮位

3. 用(d)塗於下眼尾，(c)喺下眼線位置做highlight

一個palette有5隻色任你配搭，
鍾意點襯都得，非常實用！
本身Palette顏色比較soft，
想實色啲不妨重覆多上兩層顏色，
深淺色調都可隨你選擇。

YSL Couture Palette $595
一打開呢個palette就覺得好colorful，
好多朋友見到顏色咁靚，
一定會諗咁鮮色一定好誇張好難用啦。
但其實唔一定架！
今次揀咗其中嘅深藍，鮮藍同湖水綠色示範比大家睇！

1. 湖水綠色塗於眼窩

2. 鮮藍色塗於眼尾

3. 以深藍色為做眼線位

4. 用深藍色畫埋下眼線，
長度只限於後眼白位置就夠。

眼影顯色度高，搽上眼同原色好一致，
而且好易上色，
呢個顏色真係好適合夏天架！
顏色sharp得嚟唔會有好誇張嘅感覺，
如果平時多數化自然earth tone，
不妨試下呢類顏色，一定好有新鮮感！

Giorgio Armani eyes to kill solo
(由左至右：#15,#02,#21)

好多人都唔敢搽紫色眼影，
怕感覺會好腫，
其實只要搽嘅位置適當，做番深淺位就OK喇。
今次我地就用咗#15類似plum嘅色同#21鮮紫色示範一下。

1. 用#21塗於眼窩，要由中間最深向外散開。

2. 再用#15塗於眼尾位置。

3. 由眼頭開始淺至深，眼影位置唔會過高，
就唔會有眼腫嘅情況喇。

顯色度高，好易blend開做到深淺效果，
紫色shimmer效果令眼影色更突出，
而#15顏色較深同實色，兩隻夾埋就剛好做到眼部立體感。

 如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：

我相信唔少鐘意化妝嘅朋友都對視覺觀感上都有一定嘅要求!
我鐘意化妝其實唔多唔少都係因為我自己好鐘意畫畫,
今日想同大家講同化妝有關嘅人體彩繪!
唔同風格嘅彩繪都會有唔同感覺!
雖然彩繪未必可以就咁化出街,但用嚟化creative妝都唔錯~
有興趣嘅朋友快啲睇下啦!

人體彩繪真係可以做到出神入化,
好似將畫溶入左身體咁,
我特別鐘意右上果幅,
花同雀仔都畫得好真實,
連漸變都做得仔細!
只要加返淡淡眼妝就已經好靚!

人體彩繪都可以配合唔同主題同襯返創意彩妝,
令整體感覺提升!

當然都可以focus眼妝做彩繪,
無咁誇張之餘仲好適合創意廣告拍攝!

除左將Creative妝同彩繪溶合,
唔少新娘子都會大膽將彩繪圖案加入新娘妝,
令自己更特別,為婚禮增添獨特性!
圖案多以線條同色塊爲主!
但除左識畫之外,
配襯飾物都好重要嫁~

當然都可以隨心畫出彩繪,
表達自己心中所想!
把自己變成藝術品!

呢個系列嘅彩繪好得意,
好細心先睇到係一對情侶扮演,
不妨加啲創意,自己都可以同另一半試試,
都幾sweet嫁!

人體彩繪除左可以隨心所欲利用顏料係身體上畫畫之外,
都可以用於廣告表達一啲信息~

好似呢幾幅人體彩繪咁,
其實係新加坡嘅關注乳癌廣告,
係講返乳癌唔可以忽視,
其實我地好注意嘅生活細節好似生痘痘,髮質唔好,擁有大PatPat等,
係乳腺癌面前其實好微不足道!
用左一種比較大膽又好吸引人注意嘅手法,創意十足!

睇完咁多唔同風格嘅彩繪,
有冇想提起畫筆嘅興趣呢?
希望比到啲靈感大家~
下次再同大家分享啦!

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup

上次教大家利用highlight和shading營造小顏效果，
今日就教大家兩個非常有用，而又很多時被忽略了的shading技巧：
以shading改善臉型和打鼻影。
其實恰當的shading能夠改善常見的圓臉、突額和顴骨過大情況，
大家如果在家有練習化妝的習慣，那建議大家也多多練習這兩個技巧。

改善圓潤臉型:

須使用斜掃，在顴骨與腮骨位置之間的凹位落掃做shading，
輕輕由髮鬢掃至眼珠中間對下位置以營造瘦面效果

突額和顴骨過大: 
用斜掃於髮際邊緣掃幾下，再由髮根位置開始呈弧形，
內深外淺向下掃，可助改善顴骨突出

腮骨過大: 
耳朵髮鬢位置向下巴由上至下掃，
可助改善腮骨過大臉型

鼻影能夠改善鼻形，大部份亞洲女性鼻頭較圓潤，
化妝時建議都利用打鼻影來改善鼻形和拉高鼻樑。

打造鼻影需要使用鼻影掃，於鼻頭與鼻翼中間位置向上掃，
並於鼻樑位置輕輕向兩邊鼻翼掃開。
一般來說做完鼻影可以不做highlight，因恰當的鼻影已能將鼻形提升。
但如仍希望再以highlight加強高鼻效果，那則謹記不要選用閃令的highlight顏色，
以免看落變成鼻油過剩，正確應使用啞啡色。

左：於鼻樑位置輕輕向鼻翼掃開，而非只向上直掃
右：掃不是放平，應打直並慢慢向上掃

Janice’s tips：很多人會在鼻翼位置落掃開始掃鼻影，那是錯誤的；
而落掃位置過開亦會令鼻看上闊而扁

推介的鼻影和陰影

推介的鼻影和陰影

為免鼻影份量過多，建議可先在紙巾上輕印，
直至紙巾上看似已沒有顏色時才掃上鼻，那就能做到最自然效果

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup

呢期興啲咩妝？其實參考下一啲潮流icon就可以略知一二喇！
今次我地就會同大家share而家最流行妝容
同介紹一啲最新嘅化妝品，
等大家都可以模仿一下呢啲妝容啦！

首先就係colorful眼線！
以前好多女仔除咗黑、啡之外，
都唔敢畫其他顏色嘅眼線，
但係已經愈嚟愈多女仔會開始試下深紫、深藍色
呢啲有色得嚟又稍為低調啲嘅眼線，
唔知大家有冇留意呢期有深淺程度不同嘅紅色眼線推出呢？
另外仲有搶眼嘅橙色架！

之前嘅畫法多數係focus喺上眼線，
而家又有新玩法，
就係focus畫下眼線位！
估唔到又有另一種feel喎，仲好eye-catching添！

永遠走在潮流尖端嘅Bom@2NE1都畫咗紅＋綠下眼線呀！

或者可以好似model咁畫粗嘅上眼線＋幼嘅下眼線，
效果都好靚架！

如果有特別function或者去Party，
想再突出啲可以加埋眼影，玩味重啲！

M.A.C. Chromagraphic Pencil

M.A.C.最新推出嘅color好吸引，
紅、橙、藍色都有，夠晒搶眼。
筆芯幾軟身，好易畫好出色，
除咗用嚟做眼線都可以用嚟做唇筆架。

Holika Holika Jewel-light Waterproof Eyeliner $48

Holika Holika eyeliner顏色偏棗紅，
帶金色微粒，筆芯挺身啲，
好易畫好順暢！

Majolica Majorca Perfect Automatic Liner $98

MJ呢支係liquid eyeliner，顏色偏啡紅，
所以一啲都唔會覺得誇張架，
不過佢啲eyeliner係要扭出嚟嘅，
要注意唔好一次過扭太多下，
如果唔係就會好似張相咁多到“唧”晒出嚟架喇。

以上3款都算防水，
尤其holika holika捽都唔甩，
但係用油水remover就可以好易卸走架喇！

畫咁sharp嘅眼線其實唔係想像中咁難架！
大家跟住以下嘅步驟試下啦∼

Step 1: 由眼尾開始畫起，慢慢向前

Step 2: 稍為拉高眼尾畫眼線尾部

稍為拉高眼皮，令眼皮平滑啲，
咁就唔會一摺摺畫到震震下咁啦。

Step 3: 修正眼尾

眼線尾要尖先靚架，
有個好簡單嘅方法，
就係用棉花棒打交叉咁修正，
咁就可以畫到架喇！

完成！

好多朋友都話眼尾角度好難拿捏，
大家可以學下以下呢個方法丫！

首先畫咗上面條線，

角度高度都OK嘅話，
就可以由眼角開始，好似連線咁連去上線嘅尾，

之後油顏色咁填滿三角位就搞掂喇！

唔想要實眼線，可以用細號眼影掃掃鬆邊位，
咁就好自然好soft架喇！
仲可以做到eyeshadow效果咁添！

如果想做到好似相中model好實色嘅效果，
就要用到painting呢類product喇！

可能大家平時返工唔可以太誇張，
只可以畫黑、啡眼線，
不過都可以趁放假去街嘅時候試試丫，
又有新鮮感又特別啲，very nice架！

除咗colorful eyeliner呢個大熱item，
sharp色嘅lip color都係另一樣必備妝物！

講到鮮色點少得紅色唇膏呢！
無論係上圖嘅鮮紅定係下圖嘅橙紅都係大受歡迎架！

另外就係好多女仔都大愛嘅桃紅色！

唔止係韓國、香港等亞洲地方，外國都非常流行架！

由上至下：

Dolce & Gabbana Classic Cream Lipstick #625  $280
Guerlain Gloss D’enfer #940
M.A.C. Mineralize Rich Lipstick #Be a lady  $215
YSL Rouge Pur Couture #112  $325
Lancome Lip Lover #353

今次揀咗YSL呢支示範一下比大家睇！

如果你初初嘗試搽咁sharp嘅唇色，
驚睇唔慣嘅話，可以試下用咬唇妝嘅畫法先，
感覺應該會易接受啲！
又或者你覺得自己雙唇好厚，
搽咁sharp一定好誇張，
都可以試試呢個化法架。

Step 1: 減淡唇邊
如果你唇色較深，可以印上遮瑕膏減淡唇邊位。
或者用上完粉底嘅粉撲輕輕印一印都OK。

Step 2: 喺唇中間位置塗上唇膏

Step 3: 用手指輕輕印鬆邊緣位置

完成！

畫實色一樣好靚架！

化妝TIPS：

化妝一般分眼、面、咀三part，
最好就係其中兩part深、一part淺，
或者一part好sharp、兩part淺，
切忌3 part都好深或者好淺，
咁比人感覺就會好濃妝或者太pale，
效果就唔靚架喇！
好似今次介紹嘅sharp eyeline同lip color，
上面嘅妝reference都係focus喺一part架咋！
所以先會特別突出特別靚架！