夏天又熱又焗，一出街就出汗出油，
有時真係懶得化妝，
但係薄薄地化個底妝點都要嘅，
今次就會介紹唔同種類嘅base，bb cream同cc cream比大家，
全部都係質地好light,，好適合夏天用架，
大家可以因應自己需要去選擇啦！

如果你想均勻膚色，透薄自然效果，
可以參考下以下嘅產品。

LUNASOL Control Base EX02 Light SPF25PA++ HK$340

帶藍綠色嘅控油底霜，
可修飾暗啞膚色，
含W High Fit Polymer能抑制多餘油脂，
令粉底更貼服，
改善油光同毛孔粗大問題，
令妝容keep得更持久。

多數有顏色嘅base都會比較厚身，
份量攞多咗就會好容易令到皮膚一撻白咗，
睇起嚟好似過白咁，
而Lunasol呢個control base質地好水，
好易推開，好貼服，
感覺清爽唔笠，好透薄，
主要改善泛紅嘅位置，令膚色均勻啲。

Skin Care Base Bright Up UV 無添加透氣 UV 底霜 $180

含有薰衣草、粉紅及金色珍珠嘅底霜，
能均勻膚色，改善粗糙肌膚問題，
令皮膚平滑啲。
成份不含防腐劑、香料、礦物油等，
亦不使用合成色素、紫外線吸收劑，
通過多項敏感皮膚測試。

質地幾水，推開好清爽，
非常透薄自然，
如果你皮膚比較敏感， 可考慮呢類性質溫和嘅產品。

想要透薄底妝效果，又懶得上粉底，
不妨試試以下呢支CC＋BB cream。

Holika Holika Aqua Petit Jelly CC Base & Foundation SPF20 PA++ $138

含亮膚成份令膚色睇起嚟更有光澤，
有50﹪保濕精華成份，薄荷、海洋膠原蛋白、玻尿酸，
增加水潤度。

一般bb/cc cream質地較杰同潤身，
而holika呢個質地就較為水潤，
好易推，好貼服，而且好薄，
感覺好自然。

如果你有毛孔粗大問題，
想妝前修飾撫平粗糙肌膚，
可以考慮一啲有遮毛孔嘅base。

Majolica Majorca零毛孔瓷娃娃底霜SPF20 PA+ $115

今次有我Jellia同大家分享早前去咗日本，
買咗啲平價、得意又好用，甚至唔好用嘅嘢，
有啲就係必買而有啲就係新出嘅嘢，
等我而家就同大家一一都分享啦！
今次同大家分享嘅，大致分咗零食同化妝品兩類，
一開始就同大家分享化妝護膚嘅嘢先！

呢4樣就係今次新買嘅嘢啦!
我去過日本幾次，記得第一次去個時買嘢買得好瘋狂，
個時無而家咁方便，周圍都有最新嘅日本產品買，
但近年就唔同啦，唔單止款式快，
價錢分分鐘比起日本買會更加平！
所以今次去日本好多嘢都無買，
只係揀咗啲新出或者我用開嘅嘢買啦∼

搽出嚟效果都好靚呀~
唔同顏色閃片配唔同形狀嘅同案，
真係出嚟效果都唔同呀∼
單搽又得，用實色打底再上一層閃嘅甲油，
出嚟效果都好靚呀∼
你哋都不妨試下丫！

唇部產品：410YEN (約$33)
初時見到呢個就比佢嘅包裝吸引住，
真係好得意又好靚，
所以唸都無唸就買咗啦！
初時以為佢係唇mask，
因為我只係睇咗右上角個圖，
同5-10mins嘅字眼，
點知一打開咗先知只係一張有CHU字嘅膠，
貿地就好似膠嘅袋，即係好似放糖個啲袋仔咁，
無任何嘅黏力，
用法：先搽護唇膏再用呢張嘢放面
（即係好似用保鮮紙包住）

雖然睇落before同after好似有分別，
但唔係呢張膠嘅作用，只係因為支eight hour cream好用者…
雷品呀!!!!!
真係得個樣嘅唇部產品，
又完全無黏力又容易掉落嚟，
一路用一路要攞手禁住佢。
大家如果注重效用嘅話真係可以唔洗買啦！

接落嚟就講下零食先：

呢3樣係我去親日本必買嘅零食。

玫瑰花味嘅糖：216 YEN (約$17)
呢包玫瑰花味嘅糖相信好多姐妹都鍾意，
因為女仔都係鍾意睇外表，
當然我都唔例外啦∼
呢包糖聲稱食咗會散發玫瑰香味，
超愛玫瑰嘅我就當然必買啦！
第一次食嘅時候，覺得味道有啲假，
即係好似玫瑰香精味，
但我研究咗點食先係最好味，
（係，我真係有研究過！！好好笑！）
個人建議食法：先咬成粒糖，
令到內面酸味同出面香精味混和，再含住慢慢食。
咁樣口腔內個陣玫瑰味會LAST得耐啲！
如果你同我一樣，第一次食覺得有小小怪，
不妨試下我呢個食法啦！

龍角散糖：204 YEN (約$16)
龍角散糖應該好多人都買過啦，
係喉嚨痛啱啱起嘅時候食係好有用，
我次次去日本都必買幾包返香港，
佢味道係有一陣藥味,
第一次食未必接受到,
但因為我每次喉嚨痛先食，所以覺得可以接受呀！

CHELSEA糖 乳酸味：108YEN (約$9)
呢隻糖香港都有得買，
但日本買真係平啲丫嘛！
加上我真係好鍾意食呢個糖，
所以係100 YEN店見到，忍唔住買咗6盒添！

如果你哋都鍾意食呢個糖就去掃貨啦！

今次同大家分享零食化妝品，下次再同大家分享下日本嘅美食啦∼
有興趣嘅你，就記得留意我哋個BLOG啦！

如欲取得更多第一手美容及扮靚資訊

可瀏覽Girls Talk Main Blog：
www.girlstalk.hk/blogs

近幾年韓風吹起，令唇妝變成潮流大熱。

今次除了介紹幾款口水推介唇色外，

還會教大家如何選擇市面上不同質地唇膏，

當然不少得sharp色咬唇妝教學。

Giorgio Armani Lip Maestro Intense Velvet Color #401

這一款鮮橙紅色，不論夏天或冬天都十分適合。

持久度都十分好而且能撫平唇紋，

假如有唇紋的朋友，就可以選擇這類型唇膏。

Innisfree Creamy Tint Lipstick #15

紅唇可以說是永不過時，而這款鮮紅色唇膏上色之餘，

質地非常creamy，顏色十分rich，

塗上一、兩層就已經足夠。

使用這些實色唇膏前，塗上薄薄一層潤唇膏打底，

可避免唇部乾燥和脫皮。

Laneige K-Secret Cushion Tint #Rose Garden

這款暗紅色感覺更誘人，而大部分這款包裝的唇膏都比較潤身，

指明是MATTE質地就除外。

所以大家想買滋潤度高的唇膏，

就可以選擇這種幼身包裝的唇膏。

而這個唇膏，還多了一個海綿頭將唇邊擦鬆，能方便做到咬唇妝。

Step 1: 用唇膏搽上咀中間位間，隨意就可以了。之後用海綿頭將唇邊擦鬆。

Step 2: 好簡單就完成了很soft的咬唇妝。

YSL Kiss and Blush #1

這個是兩用胭脂唇液，這款唇液加入了光線擴散啫喱，

所以色澤能均勻分佈唇上，令唇部看起來更立體和有光澤。

如果不喜歡用傳統唇膏，就可以選擇這一款液狀唇液。

Shu Uemura #Tint in Gelato

這款同樣都是胭脂唇部兩用彩妝，而它質感如雪糕般柔滑，

質地不黏笠，而且輕易控制塗抹時的厚薄度及層次感，

非常適合想畫sharp咀的初學者。

Maybelline Pink Alert #POW1

這一款唇膏可算是”平靚正”選擇，它質地十分滋潤，

即使不用潤唇膏打底，都不會乾燥，

而顏色鮮艷得來都十分自然，

絕對是現今年輕學生們的平價選擇。

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup

話咁快又到六月啦!
相信每個月大家都好期待呢篇Blog!
事不宜遲~
等我地幾位同事同大家分享今個月嘅平靚正之選啦!

Joan:
1028太妃糖眼妝盒.布朗尼眼妝盒 (購自台灣屈臣氏,折實左$8x@1)

1028呢個品牌係一個開價品牌,
話說呢兩盒眼影又係旅遊期間購入,
眼影價錢係台幣499@1,而且仲有折,
折實左都係$8x@1,見價錢咁平梗係即買啦!
買完第二日就即刻試,
用後效果唔錯即刻去買埋另外一盒,廢事自己後悔啦!

眼影係鐵盒裝有6隻顏色,
兩盒都係大地色,
除左單用仲可以混色使用,做到唔同效果,
好好襯而且非常顯色又無飛粉現象,
仲要每格都幾大格,抵用!
唯一閃粒比較大粒同多,
唔鐘意閃粉嘅人要留意下啦!
但對鐘意blingbling嘅我黎講就完全無問題啦!
而且效果都好自然!

係手試色嘅效果!

圖中用左布朗尼眼妝盒~
大家都可以睇下上眼嘅效果!
都唔算好誇張!閃粒比較幼細~
而且大地顏色非常易襯,
返工做野都啱用!

Karen:

Seatree Soapberry Lip & Eye Remover 約$48 （購自韓國）

Seatree嘅products算係幾平，
而最吸引我嘅就係佢地products嘅包裝，
好多盒係artist,designer設計，
每個pattern都好靚，
不過今次我買呢個remover就唔係因為佢嘅包裝，
只係去試完eyeshadow，
sales姐姐比remover我抺番乾淨隻手，
一試之下覺得好似唔錯喎，
好乾淨，感覺幾溫和，
再睇價錢港幣50蚊都唔使，就即刻買咗！

呢個係油水remover，用之前記住搖勻，
等我用防水眼線筆測試一下比大家睇！

跟平時卸眼妝習慣一樣敷住10秒再抺，
敷緊嘅時候就慢慢溶緊啲eyeline，
一抺已經抺走晒咁滯，好堅！
大家去開韓國記住入貨呀！

Irene:

innisfree No-Sebum Mineral Pact $100

本身係混合性皮膚，T字位都會易出油，
之前試過一啲有控油成分嘅product都覺得比較乾，
但係用呢個礦物粉就好好，
爽身、好滑，做到matte嘅效果而唔乾。
細細盒拎出街都好方便，
尤其是而家夏天較容易出汗出油，
薄薄地印一印就唔會成面“令立立“。

白色粉末上咗皮膚就會變透明，
唔會白咗一撻架，
質感仲好滑！

Jellia:

LION休足時間腳貼 (購自日本 約$32/18塊）

呢個腳貼係我每次去日本都必買！
(相信好多姐妹都同我一樣去親都必買)
行街行到腳跛靠佢嚟救命，
一打開就聞到一陣薄荷同好香嘅橙味，
貼上腳有涼涼地嘅感覺，
佢令我最鍾意嘅地方係，
佢係好長時間(約5﹣6小時)都KEEP住好冰涼嘅感覺，
有舒緩作用之外，隻腳都冇咁腫，
行街精必備！

佢係一塊粉紅色有彈性嘅腳貼，
我試過大力拉都無爛到，真係好有彈性，
所以就算腳比較大嘅人都啱用呀！
另外不得不讚下佢黏力好好，
我習慣夜晚貼係腳到訓覺，
到咗第二朝都依然無掉落嚟添！

佢都屬於大size嘅腳貼，
SIZE: 13cm x 8.5cm
一盒有18塊，分開3包獨立包裝，
如果成日腳攰嘅你不妨試下啦!

如欲取得

平時大家買眼睫毛時， 知唔知當中揀眼睫毛嘅竅門係咩呢? 同埋會分幾多種眼睫毛呢? 想知就快啲click入去睇啦!

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
 www.facebook.com/janicelammakeup