又係每個月一次嘅好物雷品分享啦！
今個月我地嘅同事又有咩好物同雷品要同大家分享呢？
而當然中有兩位同事都有因網上嘅評論而中伏添！
唔想中伏就快啲睇喇！
好物
Irene:
Champneys Spa Treatments Skin Comforting Body Butter $119
近期自己去咗做小腿Laser脫毛，已經做兩次喇!
本身自己身體皮膚都比較乾同薄，
而家小腿就乾上加乾，搽平時普通嘅body lotion，
都好似唔夠潤，所以就尋尋覓覓一款又平又好用嘅body cream，
有日經過萬寧就見到boots個專櫃，就去試下佢哋body cream，
本身boots自己brand嘅body lotion，我就試過喇，
搽係其他位置就OK，不過用係小腿就唔夠潤喇!
所以就試咗佢另一條line嘅body butter喇!
雖然佢係body butter，
但佢質地相比起其他牌子body butter，
無咁厚同油笠笠，有啲似豆腐感覺!
而且搽完按摩一陣就會吸收哂，感覺好潤，
唔會搽完得個笠字，而且有陣好舒服嘅味!
十分推薦俾乾皮膚嘅朋友!
Jellia:
Fresh look Color Con $80一對
（一般眼鏡鋪有售，但可能價錢不同）
呢款Color Con雖然唔係新款式，但我對佢就情有獨鍾，
我Keep住帶佢都有成6年啦∼
鍾意佢嘅原因好簡單，
因為帶咗上眼實在太自然啦，
啲花紋又唔會太誇張，
好多人一直都以為我眼珠本身就係呢隻啡色添！
呢款con係屬於 2 week 而我揀呢隻係「茶碧壐」色，
（我只係用過呢隻色∼其他色就未試過）
佢都有好多色比大家揀㗎！
講返佢嘅質地，佢唔係非常軟身，所以好易帶到，
（我曾經試過有啲color con係太過軟身，太軟身嘅con係好難帶!）
另外，佢嘅透氣度都唔錯，唔會帶得耐就唔舒服，
（當然唔建議大家帶太耐啦!）
Christy:
The balm- How about them apples Cheek & lip palette $260
大家對The balm 呢個品牌可能比較陌生，
佢係一個美國既品牌，之前見過莎莎都有賣佢既化妝品,
但唔係間間都有, 如果搵唔到就可以去佢個官網訂啦。
The balm官網：http://www.thebalm.com
我自已超鍾意呢個品牌，因為佢既包裝好靚品裝質又好好，
絕對稱得上係平靚正之選呀！
呢個palette有6隻顏色，可以用黎做胭脂膏同唇膏，
顏色好大路好靚，質地又好滑。
都只係兩百幾蚊~除番開40幾蚊就有一隻色啦！真係超抵買呀！
唔好睇佢咁大盒其實佢個盒好薄身，仲有塊大鏡，
帶出JOB好方便。
今次用左＃pie色做唇膏比大家睇，佢好上色又唔會笠，
如果當胭脂膏既話用係碎粉之後都得，
輕輕掂一下已經好上色，所以記得用果陣唔好咁重手！
用手指點兩下落塊面度再Blend開就好自然架啦。
Karen:
Ingrid Millet魚子活細胞眼膜 $460/6對
平時成日對住電腦電話，雙眼好易攰，
而且本身有鼻敏感，瞓得唔好又成日流眼水，
雙眼好易乾同浮腫，
所以有時敷eye mask補救下真係必須架！
呢個眼膜設計比較幼長，
纖維質地好有彈性，
可以完全緊貼眼周皮膚。
一打開會有多餘嘅精華喺盒上，我會搽咗上眼先，
之後再貼上eye mask，咁就一滴都唔會嘥啦！
我習慣眼尾位置拉緊少少先敷，
敷完就會覺得更加緊緻，
浮腫改善咗，仲冇咁乾添。
佢有一種幾清新，少少薄荷嘅味道，
初初可能覺得有少少"拿"眼，
習慣咗就覺得OK嘅，
敷嘅時候涼涼地，合埋眼敷就最舒服，
真係可以有舒緩嘅作用。
佢嘅質地潤得嚟唔會好厚好笠，
我平時敷大概10分鐘就吸收晒，一啲都唔黏笠，
雖然我覺得＄7x一對的確係唔平，
但係如果大家都想補一補又攰又冇精神嘅雙眼都不妨一試架！
Una:
Estee Lauder Double Wear Mineral Rich Loose Powder Makeup （＃INTENSITY 3.0）
$320/11g
之前係workshop度學化妝每次幫model化妝，
個model都不停讚Estee Lauder碎粉效果好好。
最近自己差唔多用晒手頭上嘅碎粉就買嚟試下。
雖然呢盒碎粉係礦物粉，但粉唔粗，都好幼細嘅！
因為自己係健康膚色類型，
所以買咗比較深嘅3號色。
起初好擔心自己塊面出油咁勁，用佢嘅話個妝會好快溶。
不過用咗一段時間覺得真係唔錯嘅，用完效果好自然，唔會粉樣，
A. 無搽碎粉嘅部份
B. 有搽ESTEE LAUDER 碎粉嘅部份
平時用完睇落皮膚光澤咗，感覺又唔會焗。
搽咗呢盒碎粉好幾個鐘之後，
摸落皮膚都 keep 住唔乾, 唔油膩嘅感覺。
同埋呢盒碎粉設計幾方便，有塊鏡係入面，方便出街補妝。
雷品：
Irene:
Mario Badescu Silver Powder $1XX (購自水貨店)
首先介紹吓呢個產品有咩用先啦，
本身佢裡面全部都係白色嘅粉末，俗稱黑頭粉。
用法就係整濕個化妝棉，
然後點適量黑頭粉係 Ｔ 字位同黑頭位置，
再敷十至十五分鐘，再用清水洗淨。
就可以有效清除 Ｔ 字位同下巴毛孔裡面嘅污垢嘅如黑頭粉刺，
而且仲有吸油功效，減少生油脂粒。
係唔係覺得好似好正咁呢？
我就係睇完呢啲功能再加埋網上評論，好多人都讚好，
所以就走去水貨舖買喇!
買咗返嚟就急不及待就開嚟用，我就跟足步驟去做，
等完10分鐘沖水，心入面非常期待佢所講嘅效果。
點知敷完好似咩事都無發生過咁，完全無反應！
我以為可能自己黑頭唔夠勁啦，
搵埋細妹、男朋友試，點知都係一樣！
真係好失望呢！
所以係呢到都勸喻大家上網買嘢或網上睇聲稱好用嘅products，
最好都睇人哋有無效果圖先買，皆因網上實在太多打手了，
所謂有圖先有真相呀！
Jellia
B12 Cream (約$120幾)
「點解買咗佢？」
只可以講真係一時失手，
（其實我真係好少失手買錯嘢㗎！有啲老貓燒鬚嘅感覺…）
話說有一日去某店買嘢，佢送咗支sample比我返去試用，
試用過3次都覺得OK㗎！
之後就經過間店見到佢做特價，咁我就買咗啦∼
點知一返到屋企打開個蓋就好大陣香味…
啲cream好粉紅色！！
(同試用個支唔太似咁…試用個支係淺粉紅色，
佢呢支比較深色啲！
但Sale姐姐話係一樣！)
用咗2日，塊面就出粒粒啦！
搞到我塊面敏感……
B12 cream聲稱可以減淡及撫平皺紋、有效收細毛孔、
改善乾燥、深層滋潤補濕、
增強皮膚彈性、緊緻肌膚等等…
Sorry，我完全唔覺得有以上功效！
而家我只敢用佢嚟搽腳踭位，
（用得唔好浪費啦！）
Christy:
發表時間：2014-08-04 11:34 AM [ 訪客留言(0) ] [ 編輯日誌 ] [ 分享至FACEBOOK ] | 
