最近天氣又潮濕又悶熱，
相信唔少朋友都覺得最近皮膚痴笠笠，
加上香港空氣污染問題,
感覺表面好多污垢塞住毛孔，好唔舒服。
最近好多人問我地點樣清潔毛孔，
相信毛孔，黑頭等等問題困擾唔少人。
所以我地呢次會介紹一堆最近新推出嘅面膜，
佢地都可以幫我地清除皮膚毛孔內嘅油脂, 污垢！
想清潔毛孔就先要清除頑固黑頭，
但黑頭問題很難解決，
搽幾多產品黑頭都依然存在，
用手嘖嘅話會傷到皮膚，而且唔 Work。
最近有讀者問我地有無咩牌子清黑頭係有效，
所以接著落嚟講兩件清黑頭產品！
首先介紹我地 Workshop 有得買嘅黑頭水，
Lorrain Nose Pore Cleanser
佢係我地 workshop好好賣嘅產品之一。
唔係賣廣告，我地 workshop 嘅黑頭水經常一返貨好快又賣晒！
好多同學仔同客人買咗用完都讚佢清除黑頭好有效！
而且用法簡單，唔傷皮膚。
上面 Before 相係敷完黑頭水嘅效果。
After 係再用磨砂潔面後嘅效果。
黑頭水用法:
１. 先用水洗淨面部，
2. 再用黑頭水把化妝棉沾濕，
3. 然後將棉敷在鼻子上約5分鐘後，
會好似上面張相嘅 before 咁，
之後大家可以選擇嘖佢地出嚟又或者
大家怕痛就可以用磨砂清洗喇。
FANCL 黑頭潔淨軟膜
當中嘅美容成份有無患子果皮精華，炭粉，
硅石，海洋礦物粘土，歐錦葵花精華，香豌豆花精華，
水潤鮮膠原蛋白，透明質酸鈉
佢係一款清洗型軟膜，可以軟化黑頭污垢，
持績使用，頑固嘅黑頭可以一步步清走，
令毛孔潔淨細緻。
無香味，質地厚，敷完隔五分鐘左右就會乾，
之後就會感覺d面膜係度吸緊皮膚入面d油。
就好似上面張圖第3幅相咁，
會見到一點點油吸咗上面。
敷完之後就會覺得個鼻真係乾淨咗好多，
不過如果太頑固嘅黑頭就應該要持續再用多幾次了。
如果皮膚好乾嘅朋友就唔好敷太耐。
敷完之後可以再用其他深層潔淨 Mask 收細毛孔。
好多時粉刺嘅出現係因為角質, 死皮同油脂塞著毛孔。
如果唔想積聚角質就可以選擇 Peeling。
下面我地就介紹幾款 Peeling 產品!
HR PURE RITUAL Care-in-Peel
呢支雙效去角質產品入面有 PURE RITUAL複合因子，
PURE RITUAL複合因子可以解決皮膚內在外在囤積嘅污垢
（例如化妝品，污染物｝老廢角質，油脂，汗水）,
而且係種高效抗氧化劑, 功效可以媲美維他命C，
可以舒緩肌膚出現嘅炎症問題。
當中 Glycolic Acid, 去角質成份, 滋養油份, 排毒紅茶菌精華,
AHA經基酸, 火山浮石同埋大米萃取,
可以令皮膚毛孔暢通唔乾燥!
呢支面膜係啫哩狀，無香味，
質地容易推開。
因為啫哩質地，所以敷完感覺完全唔乾，
敷完10分鐘後用清水洗淨。
皮膚表面毛孔感覺細緻同乾淨咗。
質地同平時嘅 Peeling 好唔同，
敷完唔洗卒，
對於皮膚容易敏感嘅朋友嚟講，
敷面膜少咗呢個步驟，可以減少皮膚出現敏感嘅情況。
$550/ 100ml
拱辰享 Gold Peel Off Mask
呢支面膜入面有天然黃金, 黃金可以刺激細胞生長，
再生，令皮膚緊緻，
更有保濕同埋鎖水功效，令皮膚變得嫩滑。
另外，當中嘅甘草同埋黑豆精華成份，
可以促進肌膚血液循環，令暗啞膚色變得透亮，加強皮膚吸收力。
質地杰身，
呢個面膜係撕拉式面膜，
所以搽完上面之後需要等20至30分鐘等面膜乾透之後，
會見到面膜由濕潤變得啞光了
就可以再由上而下輕輕撕下面膜。
質地好杰，配合佢附送嘅掃可以令面膜搽得更平均。
雖然係撕拉式面膜，
但敷完撕面膜後感覺皮膚完全唔乾，而且有滋潤感覺。
用完後皮膚更摸落滑咗。
撕下面膜時很容易就可以將整塊面膜撕下，無痛嘅感覺。
適合想用撕拉式面膜但皮膚偏乾嘅朋友。
(HK$420/ 80ml)
單係 Peeling 係唔夠嘅，
下面會介紹幾款深層清潔肌膚嘅面膜
innisfree Super Volcanic Pore Clay Mask
呢樽面膜入面有2倍火山岩泥成份，
火山岩泥透過物理性同埋化學性雙重手法去除皮膚油脂之外，
由於當中有大量礦物質,
為肌膚
當中嘅 AHA 烴基丙酸更可以去除老廢角質。
面膜可以一次過去除角質, 深層清潔, 收細毛孔,
改善膚色同埋為肌膚降溫。
產品嘅 4 Free 配方
(無礦物油, 無動物油原料, 無合成香料, 無尿素醛)，
不會阻塞毛孔。
之前香港未有 innisfree 已經見 facebook 好多人讚佢平, 靚, 正，
話佢清潔皮膚效果好好, 而且唔乾。
面膜係泥狀，
質地非常杰。
搽上後有清涼感覺，
等5 – 10分鐘就可以沖水。
沖水後皮膚唔繃緊，完全唔乾，
皮膚表面感覺少咗角質，摸落仲有d滑。
（$120/ 100ml）
相信容易敏感嘅朋友好怕敷綠泥，
怕感覺會好拿, 好乾，
以下介紹兩款皮膚容易敏感嘅朋友可以試下。
AHAVA Purifying Mud Mask
入面嘅死海泥成份可以深層潔淨肌膚，
令可以收細毛孔, 調控皮膚色素。
當中嘅礦物活泉水, 死海鹽, 高嶺土, 三氯生, 德國洋甘菊,
蘆薈葉精華等等成份更可以消炎, 抗敏同埋保濕，
只需要敷2分鐘再用溫水徹底洗淨，
皮膚就可以變得潔淨幼細！
質地完全唔杰身，沒有香味，
搽上面後感覺清涼，
感覺很舒服。
而且非常適合大忙人，
只需要2分鐘就可以過水。
用完之後皮膚非常清爽，
感覺面膜潔淨咗深層嘅油脂。
用完之後無繃緊。
非常適合油性及有暗瘡問題嘅皮膚。
（HK$310/ 100ml）
CATTIER 有機綠泥面膜
入面主要嘅綠泥, 白泥性質溫和，
味道清新嘅有機薄荷精油同埋迷迭香精油，
加上豐富嘅荷荷芭油，有保濕同埋修護作用。
有助軟化同埋滋養皮膚表皮，同時潔淨肌膚。
敷10分鐘之後以清水洗淨，
再用溫水後用冷水清洗可以促進血液循環，更可以提升肌膚亮度。
質地好稀，完全唔杰身，
搽上面時有少少薄荷味，
感覺好清涼好舒服。
敷完之後清洗都好容易，
少少水已經洗得好乾淨。
而且敷完之後塊面唔會繃緊, 而且唔乾，
好適合乾性皮膚嘅朋友用。
(HK$189/ 100ml)
下面想介紹一支面膜比鐘意有中藥成份護膚品嘅朋友。
拱辰享 解熱白善土面膜
呢支面膜係專門針對老化角質積聚嘅問題。
另外，肌膚熱氣會引起肌膚乾燥問題，令毛孔變得粗大。
面膜入面有白善土同埋三種人參成份，
可以改善肌膚熱氣問題。
還有，清涼嘅凝膠質地可以降低皮膚溫度，
收細毛孔，緊緻皮膚，令肌膚紋理光滑細緻，強化皮膚彈性。
發表時間：2014-07-14 12:16 PM [ 訪客留言(0) ] [ 編輯日誌 ] [ 分享至FACEBOOK ] | 
