唔知道大家除左做好基本護膚程序外，
仲有無敷保濕面膜既習慣呢？
其實敷保濕面膜都係護膚既重要一環黎架！
因為可以幫皮膚急救，令到皮膚即時飲飽水回復狀態，
係重要既日子隨時會救番你一命添，
上次就有同事介紹左深層清潔面膜，
今日我就有幾款保濕面膜既好推介比大家 ,
仲搵左同事Karen,Irene一齊試用添，快d睇下我地有咩用後感啦。
保濕面膜種類大致上分 paper /gel /cream mask ，
而有好多朋友都好鍾意用paper mask,
貪佢方便唔洗慢慢搽上面，撕開包裝直接撻上面就攪掂，
我自己就鍾意帶幾塊去旅行用就夠曬方便。
極潤保濕面膜 $79/4片
首先出場又有平靚正既肌研保濕面膜，
每片都含20ml 超級透明質酸精華，可以即刻滲透至肌膚底層提升水份，
提高天然既鎖水力。弱酸性、低刺激性、無香料同油份，
敏感肌同油性皮膚都岩用架。
可以見到塊面膜好濕潤，但又唔會有過多既精華滴到周圍都係，
質地好滑但唔黏膩，無特別氣味，亦好貼面
敷完感覺好水嫩又滋潤，皮膚飲飽水，乾紋即刻淡左！
敷得耐都唔易變乾，不過都建議敷10-15分鍾後就夠曬，
唔需要過水就可以按摩剩餘既精華至完全吸收。
學生們都建議試下呢款，敷得多都唔會太心痛，又平又有效果。
有朋友可能無咁鍾意用paper mask, 嫌佢唔夠貼面,
事實上未必隻隻paper mask都貼合各種面型，
如果搵到好fit你面型既就恭喜你啦！
不過未遇到都唔洗灰心，可以試下cream/gel mask，效果一樣出！
皮膚乾既朋友就可以試下cream狀mask, 相對較杰身滋潤，
一路敷一路做自己野都唔洗驚移位啦。
AHAVA Hydration cream mask $360/100ml
成份蘊合豐富死海礦物精華，結合獨特死海水、鹽和泥製造,
死海礦物最能激活皮膚細胞，可以將水分，養份從深層肌膚帶到最需要滋潤既表屠
呢個系列既活膚產品係由歐盟科研委員會既頂尖專家共同研發出黎既項目，
提倡不含色素、石化原料、基因改造生物等
絕對可以用得放心呀!
質地好creamy好rich, 好濕潤又超易推,
敷緊既時侯好似係死海浸緊浴咁haha，
敷完唔會繃緊，保持住水嫩既感覺,仲帶有少少光澤添，
重點係佢敷3分鍾去洗面就攪掂！對趕時間既上班一族絕對吸引呀！
而且佢所有產品都好溫和，有敏感既朋友可以放心使用。
另一款我自己好鍾意既cream mask…就係佢!!
Ultra Replenishing mask $620/75ml
含有乳木果,膽固醇,維他命E同透明質酸，
可以做到高效鎖水，修補肌膚，預防表情紋,除皺形成。
為肌膚維持最好既皮脂保護膜。
而家好多人都會做激光，彩光等療程，係皮膚咁脆弱既情況下就千期唔好亂用野！
不過呢支就岩用啦，因為除左保濕之外，
當中含有黃瓜萃取物，可以做到舒緩同鎮靜，更快修復速度。
cream狀質地，推開就變得薄身唔厚，有陣天然既草香味聞落好舒服，
敷落去會有輕微刺痛感同微溫感覺，不過係屬正常情況，
因為佢可以加強血液循環，過幾分鍾呢種感覺就會無左架啦
之前我面上出現敏感紅到一撻撻，
用完佢之後退紅效果好好皮膚平滑番好多，個心先定番！
呢個敷5-10分鍾，可以用濕棉花抹走，又或者唔清洗都得，作深層保濕之用，
任何肌膚都岩用
驚cream狀mask太笠身既朋友, 就可以揀gel狀既mask黎用啦，
效果一樣理想,而且各有特點添。睇下Karen同Irene有咩感受先！
éPure水凝彈性冰晶膜 $320/ 6packs
含獨創成份ACF活性细胞因子，
比一般面膜多70%保濕因子，
主要成份有玻尿酸、熊果苷、荷荷巴葉精華、海藻精華等，
能有助補濕，清潔毛孔，
抑制黑色素形成，淡化斑點。
Karen:
一包份量好多，全塊面敷好厚都得，
感覺涼涼地好舒服，
敷咗10至15分鐘度開始有少少吉吉地嘅感覺，
可能係我皮膚太乾，
但係之後都OK，冇覺得唔舒服，
最後敷咗30分鐘就清走個mask，
洗完面感覺好清爽乾淨，但唔會覺得繃緊，
皮膚仲滑咗。
適合中性至油性缺水皮膚使用。
PETERTHOMASROTH 玫瑰幹細胞活性修護面膜 $520/150ml
呢個係一個美國紐約專業護膚品牌，
研發出黎呢款面膜含有五種玫瑰幹細胞，同四種玫瑰精華，
可以促進肌膚天然排毒能力、平衡水油問題、對抗自由基、去除暗啞，
同時達到舒緩功效。特別岩泛紅既皮膚用
gel狀質地，有陣淡淡既玫瑰香，鍾意玫瑰既朋友一定要試下啦！
Irene：
打開時有淡淡玫瑰味，有啲似平時飲玫塊花茶嘅味，
完全唔似人工加落嘅味，
而敷嘅時候涼浸浸，感覺都幾舒服。
本身自己皮膚算薄，好容易兩面頰出微絲血管，
敷咗10分鐘後，本身泛紅嘅地方都感覺舒緩咗，
如果平時日曬完或做完laser facial嘅朋友，
都可以選擇呢款mask去鎮靜皮膚。
鍾意方便既朋友亦可揀用Sleeping mask,
搽好基本護膚品先再薄薄on top敷一層，
然後就可以直接去訓架啦，等朝早再去洗面就ok啦。
The history of 后 共振享-蜂蜜人參睡眠面膜 $420/80ml
成份含有珍貴人參同蜜糖組成，能夠去角質又同時為皮膚注入營養，
係睡覺同時, 給皮膚最適合既溫度同水份，
令肌膚飽滿有光澤又健康。
Karen:
質地膏狀，唔笠身，
感覺好似搽skincare咁，
唔似一般sleeping mask咁厚一層，
佢只係薄薄一層，啱啱掃完一層已經好似吸收咗咁，
有啲花香味，瞓覺都relax啲、舒服啲。
敷完皮膚柔軟咗滑咗。
平時沖完涼想護膚但又想即刻瞓嘅朋友就啱晒！
尤其是夜晚開冷氣，皮膚容易被抽乾水分，
sleeping mask係一個唔錯嘅選擇。
Holika Holika Ultra sleeping mask $110/70ml
主要成份以Ceramide 為肌膚提供深層補濕,
可以緊扣皮膚脂質細胞,
仲可以令肌底水份做到24小時暢通無阻！
含多種天然植物成份，會做到鎮靜敏感皮膚，同時可以提高皮膚免疲能力架。
Irene:
呢款sleeping mask，算係我同過嘅sleeping mask，
潤得嚟質地唔算厚而且無油笠嘅感覺。
而且仲好易推同吸收，搽上面有淡淡香草味！
我同樣搽返平日用嘅skincare，
再on top加呢個sleeping mask，
不但係痴笠笠感覺，第二朝用完塊無出油，
仲滑咗添！
比多個小tips大家：
可以係敷保濕面膜前先用化妝水/保濕精華打左底先,會令效果更加好架。
另外，敷完面膜急救趕住要化妝既朋友,記住要先用toner倒落棉花抹走多餘既精華,
之後先上番自己既護膚品同makeup base，
就可以避免太厚既護膚品會令上粉底果陣出現擦子膠碎啦！
欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup
| 
