去旅行就個個都鍾意，
但香港人咁繁忙想拎番個長假都唔係話咁易架！
長旅行就話唔係成日都去到啦，
不過香港都仲有好多地方值得去既，
而離島都係個好選擇，
今次我就會分享長洲一天遊，
介紹下今次既短旅程有咩好玩好食啦。

一落船實在太肚餓，要衝去醫下個肚！
聽d長洲人講佢地經常都幫襯一間叫陳通記既茶餐廳，
話大件夾抵食，我梗係要去幫襯下啦。

我叫左佢地最出名既沙嗲牛通，
個湯底好濃，好香沙嗲味，
唔係好似出面咁整兩下沙嗲醬就算數架，
廿幾蚊大大碗，以呢個價係市區就食唔到啦！

食飽飽就周圍去行下啦，
其實長洲景色都好靚呀，
係海邊就見到好多特色漁船啦！

係街上面成日都會見到有人曬咸魚，魚乾咁
呢度有好多賣乾貨既舖頭，
好多遊客會買番去做手信架！

好多遊客去長洲都會租單車踩，
雖然市區都踩得單車，
不過就好少有得租呢種3輪單車啦，
仲可以載埋人添！
我呢d懶人梗係坐係後面等人載啦！
30蚊個鐘唔算貴，可以一路踩一路欣賞下長洲既景色啦。

踩到攰又周圍搵下有咩好野食先！
唔知大家知唔知長洲最出名既小食有d咩呢？
講到排頭位既一定係佢！
就係長洲大大粒魚蛋啦！
甘永泰呢間就最多人排隊，而且仲好早就關門，
想買就好早d去排隊啦。

睇相係咪唔覺有幾大呢？
其實就係同我手掌差唔多大呀！

除左魚蛋其實仲有好多好多選擇，
我就揀左炸墨魚丸，一樣係超好味架，
好彈牙又香口，真係會令人上癮 ……
唔怪得咁多人排隊啦!

食唔到呢間唔緊要，其實都仲有好多選擇既，
好似格離檔口就sell有不同口味選擇啦！
有咖哩，青咖哩，黑椒，沙嗲，燒汁，原味⋯⋯

承惠10蚊兩粒，不過一樣都好好味，
我揀左沙嗲味，都幾入味，
而且一樣係我手掌咁大粒添。

見到呢間店都幾多人排隊，
我又去八下有咩好野食，
我就買左炸雪榚同水果串（聽人講話係必食喎⋯⋯）

個炸雪榚就十蚊粒，外皮炸得好脆，
內面就帶溶溶地既雲呢嗱雪榚，
感覺好得意架！不過我建議食果陣真係要小心！
因為佢係即叫即炸，個皮真係好熱，
一唔小心就會燙傷個嘴啦！

而呢個水果串，望落去好多顏色好靚咁，
有西瓜，菠蘿，提子，桃，
不過味道就麻麻地…..
無咩味，有敏感牙齒既人就唔好食啦
凍到痺左佢都解唔到凍⋯⋯

洲啤工房既巨薯棒又係排曬長龍，
我當然唔會執輸啦！

買完要係格離自已落味粉，
都有好多口味揀，有長洲風味，黑椒，雞味，蒜味，鹽味等等…
我就揀左食蒜加黑椒味，
不過因為佢炸得好乾身，
其實d味粉係好難痴落去，
所以食果時其實都係無咩味！
不過就非常香脆啦。

係長洲除左食野都仲有好多特色小店，
會賣下手作仔咁，
可以買下手信比朋友啦!

棉花百貨可以話係長洲其中一個地標，
好多人去到都會係門前影番張相，
入面就會賣民族衫，袋，飾物咁，
不過就唔係好岩我style啦！
反而我係下面間店就買到野喎！

呢間叫賣藝既舖頭一樣係賣家品，隨身小物，手作仔….
而我就買左下面支驅蚊膏，
就因為比佢個名吸引左，叫克蟲露驅蚊膏，
佢可以驅蚊同止痕，好似好勁咁！


細細支成支潤唇膏咁，
呢啲手作仔都係全天然人手做，
連包裝都係自已逐支痴上去架，
唔理有無用都要支持下小商店啦！

咁岩行過見到有芝士焗生蠔，芝士焗龍蝦，仲有芝士焗帶子食！
個賣相好吸引，我又衝左入去試下啦

我就試左芝士焗生蠔同焗帶子，
每件$30蚊，一樣好似手掌咁大隻，
上面鋪住一層厚厚既芝士，
超濃芝士味，岩曬我呢d芝士精呀！
入面仲有洋蔥同薯仔添，個味好夾架。

食到咁上下飽，如果可以加埋個甜品就完美啦…..
講到長洲出名既甜品舖頭，
好多人都推介呢間允升甜品。

我試左佢呢度最馳名既芒果糯米滋，
我又係一個超級芒果迷，
對芒果做既所有甜品都抗拒唔到架！

大家見到張相都知有幾好食啦!
佢又係好大粒，(究竟長洲d野食係咪都鐘意鬥大架呢…..)
平時係出面就好少買到咁大SIZE，
而且入面唔係芒果粒黎架，
係成舊芒果係入面 ！
好多汁又好甜，
我每次黎都一定去排隊買，
但提提大家!想買都一定要早，
我試過5點去已經賣曬架啦。

到左晚飯時間，
好多旅客都會揀去海傍一排排既餐廳食海鮮，
因為望住個漁港食海鮮真係別有一番風味！
而且係呢度食海鮮好平，
大約二百幾蚊就食到四款海鮮架啦。

望住個咁靚既景色食野，
真係好開心又會覺得好味d,
放假得閒就記住同朋友家人入長洲玩下啦!

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

（版權所有，未經同意不得轉載。)

煙燻妝給人感覺非常cool，
其實如果接受不到煙燻妝太cool的感覺，
大家不妨試試化一個平易近人的小煙燻妝，
只需3樣產品加上幾個簡單step便能完成，
相信連新手的你也能做得到。

很多人喜歡化煙燻妝，但常常亦遇到不同的難題，
（例如:顏色化得不均勻，容易飛粉等等…）
為了讓煙燻妝可以keep得更持久，
我會選用Liquid Eye shadow打底，用法很簡單，
只需輕輕用手指印上眼窩位置，
它比一般粉狀眼影化出來的效果更透薄更自然，持久度更高 。

另外可以善用眼線產品: Gel-liner除了可以用作畫實色眼線外，
還可輕易化出深色的小煙燻妝。

使用gel liner的小Tips: 相信很多人亦試過買了gel liner，
但發覺整盒很快就變乾， 不能再使用，其實有個小小秘訣，
就是要緊記把蓋緊緊扭上，或在化妝時，
把整盒gel liner倒轉放於台上，這樣就能避免變乾。

Step 1: 用手指印上Liquid Eyeshadow

Step 2: 畫上gel liner (*畫至眼尾時需向下dup)

Step 3: 用細號眼影掃左右推鬆gel liner

Step 4: 用細號眼影掃上餘下的顏色掃於下眼尾1/3位置

Step 5: 完成圖

Check Point 1: 為了讓小煙燻妝更柔和更Soft，建議使用帶閃的眼線筆畫於下眼頭2/3位置

Check Point 2: 如果想化出一個柔和小煙燻妝，化妝掃是非常重要，Size要與尾指相約，以及要毛質較鬆軟。

Products:

大家有無試過明明已經搽左好潤身既粉底，
但過一陣已經出曬油，又啜住塊面唔貼，
甚至會"cake"粉添 ！
呢個情況好有可能係皮膚出現左缺水問題啦，
如果皮膚底層太乾就上粉，就真係搽幾潤粉底都無用啦!

咁除左化妝前敷MASK外， 仲可以有咩方法呢？
今次Karen就會為大家示範妝前急救方法同補妝小tips啦!
一齊去片啦!
 

＊＊妝前急救篇＊＊

Ｑ：如果成日覺得護膚品搽極都係皮膚表層又唔吸收，點算好？

A：用暖毛巾敷面

相信好多準新娘都會係結婚前，
不斷上網搵下啲參考圖為佢哋結婚當日做好準備，
身為化妝師嘅我哋就更加要留意啦！
所以今日就同大家分享下今季流行嘅新娘妝容、髮型同頭飾啦∼

今季無論化妝同髮型都係流行自然，
濃妝OUT，髮型太誇張嘅都OUT！

相信好多新娘子好多時都唔知自己鍾意咩妝，
只係知道自己唔要濃妝，
但又唔想太淡，唔想影相出嚟好似無化妝咁。

呢類型嘅妝容就啱晒啦∼
每part都做到剛剛好，比人感覺又舒服又自然。

妝容方面當然都有流行嘅一字眉啦，
好多新娘子嚟試妝時都特別要求，
我哋除咗會按照新娘子喜好外，
另外一方面都會按照佢面型而化。

至於唇妝方面，
今季好多新娘子都好鐘意鮮色嘅唇妝。

除咗鮮色唇妝之外，當然都唔少得咬唇妝啦∼

髮型方面：唔好以為，新娘子一定鍾意set行晒成個頭，
其實好多都鍾意微曲嘅呢類髮型。

我哋好期待嘅轉季又嚟啦∼
因為一轉季就會有好多唔同嘅新產品推出，
今次先同大家簡介下其2個Brand出咗啲咩新嘢啦∼
我哋仲會用唔同嘅products化出唔同feel嘅妝添！

我會用 LUNASOL products嚟化一個OL LOOK，
因為我身邊有好多OL朋友原來都係Lunasol Fans，
佢哋成日都同我講「每日返工都好趕，
可唔可以教下一啲快速方法化妝？」
所以今次我就示範呢個快速柔和妝啦∼

Step 1: 先係眼窩搽上粉紅色眼影

Step 2: 用VINA啡色眼線筆畫內眼線

Step 3:用細號掃點上啡色眼影畫上外眼線

Step 4: 用液體狀眼線筆再加長眼尾位置

 Step 5:再用圓頭掃做眼頭highlight

 Step: 最後搽上胭脂係apple cheeks位置

Total Look:

Eye Makeup:

今次呢個look所需用品：

A: LUNASOL dual contrasting eyes EX03
B: LUNASOL Soft Contrasting Cheeks  #EX02 Soft Pink
C: LUNASOL  Shape Designing Liquid Eyeliner
D: VINA 啡色眼線筆
E: 細號眼影掃
F: 中號眼影掃
G: 胭脂掃

LUNASOL 秋冬系列以洛可可時期為題，
將女性韻味昇華到最高層次∼
色系方面都係以金啡色為主，
感覺高貴得黎又典雅！ 

宜家逐一睇吓LUNASOL啲products啦∼

今次呢個 Dual Contrasting Eyes 雙色眼影都好特別，
除左用上洛可可色調，亦有用黎做陰影既色。
顏色分別有#Ex01 Icy Gary、#Ex03 Warm Pink同#Ex04 Modern Olive，
輕輕搽一層已經非常上色喇，
眼影粉粒亦十分幼滑，I LIKE IT！

身邊有唔少OL朋友都問，會唔會有一隻眼影岩佢地，
化到唔同嘅妝容返工之餘，又可以慳時間，
因為唔少OL朝早趕返工唔想做咁多steps，
咁LUNASOL呢隻雙色眼影就可以做到喇！

除咗雙色眼影，
仲有一盒4色嘅 Grace Contrasting Eyes 眼影組，
都係以光影顏色做配搭，
每一隻色都可以用喺唔同嘅妝容上，真係唔錯呀！

胭脂方面，佢地推出咗 Soft Contrasting Cheeks。
兩隻限定顏色，#EX01 Soft Coral 同 #EX02 Soft Pink，
以 soft 柔色為主，好岩化日妝淡妝。

另外，新出嘅 Shape Designing Liquid Eyeliner 眼線液，
筆頭係以獨等斜切氈製，可以順返眼形去畫，
而且佢好幼，好易就畫到一條完美眼線，
呢個design真係好好呀！

而LUNASOL嘅唇膏就比較實色，
雖然滋潤度唔係太高，
但matte色同紅色系都可以襯上唔同妝容，
同埋唔係咁影甩色。

#29 Pure Red
#30 Smokey Rose

同時，佢地亦都出咗 Creamy Matte Crayon Lips 唇膏筆，
顏色比唇膏更易上色，
而且呢隻感覺仲好滋潤，
岩晒秋冬乾燥嘅天氣用，GOOD！

#EX01 Brown Red
#EX02 Dark Red

 如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

（版權所有，未經同意不得轉載。)