今次搵咗三位同學share佢地喺workshop學化妝嘅感想，
佢地三個有不同嘅背景，
但同樣對化妝有濃厚興趣，有同一個理想，
其中一位仲係男同學添，
雖然比例上男仔係比較少，
但其實唔代表佢地表現會比女仔差架。
如果真係鍾意化妝，就應該比機會自己嘗試！

Hailey:

兩、三年前喺其他地方學過基本化妝課程，
大概十堂嘅課程，每堂兩小時只係睇導師做demo，
冇即時實習嘅時間，只可以靠自己之後練妝，
所以自己嘅手勢、化法正唔正確都唔太清楚。
因為都想繼續進修，睇到Janice嘅Blog有新娘進修課程，
諗住之前自己都學過化妝，於是就skip咗基礎初班，直接報讀咗進修班喇。
但係上咗兩堂之後，覺得自己嘅basic technique同Janice嘅標準同要求差別好大，
所以最後決定由頭學起。

上堂後先發覺原來好多基本技巧都唔識，
比如最簡單點幫客人揀skincare、遮瑕等等，
Workshop導師專業，好細心教導，
上完堂先知原來化妝有好多細節要注意，
之前自己一直都忽略咗。
而家做緊文職part time，
雖然一路學化妝一路返工好辛苦，
但係可以做自己鍾意嘅嘢都覺得值得嘅，
希望之後有機會嘅話就轉行，
做化妝counter或者freelance工作，成為專業化妝師。

Fanny:

我係第一次讀化妝，覺得學費多少、學唔學到嘢都同樣重要，
所以當初搵學校嘅時候，都經過深思熟慮，
經朋友介紹之下，報讀咗全修班同City & Guilds證書課程。
而家已經完成咗Basic班同Advance班，
上埋新娘班就可以畢業喇。

其中Advance班對我嚟講就最富挑戰性，
課程內容包含好多唔同嘅元素，
比如紅唇、年代妝、韓妝，
單單係畫一個靚嘅唇形就已經好講究，
用唔同嘅products同技巧，出嚟嘅效果已經可以好唔同，
個人認為好值得學，可以擴闊眼界，
學完先知道原來化妝可以好多方面，有好多方法去做不同嘅妝效，
唔係想像中咁簡單，呢啲對我之後上新娘班有好大幫助。
化妝絕對係一種專業，要化得靚，合客人心意真係一啲都唔容易！
學咗咁耐，都多留意咗其他化妝師嘅妝，
都開始識得邊啲妝靚啲，邊啲冇咁靚。
從觀察中都學到野架。

另外，City & Guilds證書課程嚟緊12月就會考試，
上完之後發覺同平時上堂嘅要求好唔同，
C﹠G較著重standard嘅步驟，
要做足所有嘅程序先至唔會扣分，
而Janice嘅課程就以美感為先，最緊要靚！
不過考張國際認可嘅cert，相信將來搵工都會有幫助。
而家我做緊part time sales, 半工半讀，
希望有多啲時間練妝，
雖然屋企人一半支持一半唔支持，
而且學習過程都幾辛苦，因為一有時間就要keep住練妝，
所以我都努力緊，希望將來可以成為一位好嘅化妝師啦！

除咗化妝之外，喺屋企一有時間我都會練習set頭，
再影相whatsapp比阿sir，每次阿sir都會好有耐性比comment，
好同唔好嘅地方都會話番比我地知，等我地可以改進。
而家自己仲有好大嘅進步空間，要繼續努力先得喇。

Cyrus:

我係經朋友介紹嚟workshop學化妝嘅，
學費平係會幾吸引，但我都會考慮質素，
始終學到嘢嘅話貴少少都值番。
之前都有學過，覺得自己對化妝方面好有興趣，
所以最後就決定報讀workshop嘅基礎班，
試試睇下係咪真係適合自己啦。
學化妝過程其實都辛苦，但完成之後好有滿足感。
雖然家人覺得做化妝師收入唔穩定，
但係好彩佢地都好支持我。

我希望以freelance化妝師作為正職，
因為我好鍾意幫人化妝，好想將興趣變做職業。
學化妝之後都會成日留意唔同嘅妝容，
會對比下人地化同自己化有咩唔同，
識得分邊啲化得靚啲。
喺workshop學化妝同出面學化妝唔同之處係呢度人數少啲，
上堂嘅時候Janice真係會周圍睇下我地化成點，
會糾正我地做得唔好嘅地方，
每個學生都會照顧到，唔係過嚟望兩眼就算，
學到一啲平時忽略咗嘅技巧。
同埋會試到唔同牌子嘅產品，試啱嘅話都會買嚟做自己嘅makeup kit。
上堂教嘅嘢亦係比較trendy啲，迎合到而家嘅潮流，
而且每樣嘢都教得好仔細，比如打底、遮瑕、
甚至妝前護理同出job要注意嘅細節都會講到，
所以學到嘅好實用。

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

（版權所有，未經同意不得轉載。)

之前同大家分享過，我化妝袋內有邊啲化妝品係我最常用嘅，
今次就用返我常用嘅化妝品，
化一個我日常出街嘅妝容啦∼

平時嘅我最鍾意簡約嘅打扮，
Natural嘅妝就啱晒我啦∼
想知我平時嘅妝容係點？
咁就快啲去睇下啦∼

 

化妝袋入面嘅化妝品：

Lancome Teint Miracle Foundation SPF15

LE METIER DE BEAUTE 碎粉＄490

Estee Lauder Re-nutriv Intensive Concealing Duo

Lunasol Eyeshadow # Beige Beige

KATE Eyebrow  ﹠ KATE eyebrow Gel #BE1

Vina Eyeliner Brown $95 & Love Liner-Liquid Eyeliner

Inga C mascara $108 ＆ 睫毛電熱棒

KP 胭脂

MAC Shading # DARK DEEPEST

YSL Rouge Volupte Shine #19 ＆ #12

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

（版權所有，未經同意不得轉載。)

又繼續我既旅遊記事啦，完左巴黎之旅後，
我就同朋友搭EURO STAR落左London，
喺London stay左5日期間，
食野行街買野觀光，行程非常緊密呀！
其實搭飛機都好方便，而價錢同搭火車都差唔多，
但因為我地每人拎住兩個篋，
所以就選擇左無重量同件數限制既EURO STAR。

黎到London，第一樣要同大家分享既係一間超正既餐廳，
多得係朋友Nicole介紹，可能有啲朋友都有去過架，
就係－Fortnum & Mason喇∼
（Address: 181 Piccadilly London W1A 1ER）

(網上圖片)

呢度樓高5層，全英式建築風格，
除左餐廳，仲係一棟department store，
呢度無論係食物、擺設、design等等我都勁鍾意！
而因為屋企裝修，所以我都好留意牆色、
擺位等等，當作參考。

呢個就係我今次high tea同afternoon tea既menu，
一個tea set其實都唔平架，都要5百幾蚊港紙，
不過我就覺得值回票價，食環境同氣氛都夠晒！

想去既朋友就要留意一點，
去之前記得要預早make appointment，
因為都好多人去架，
book左位就唔使去到無得入去喇。

事不宜遲，今次亦都拍左兩段video
帶大家一齊去睇下呢個咁靚既地方，去片∼

" "

" "

咁佢一個tea set 500蚊港幣，兩個人就千幾蚊，
其實係幾好貴㗎！
如果講到食物好唔好味，就真係好睇個人口味，
首個high tea set第一層嘅甜品，我自己就覺得都將甜吓，
咬咗幾啖就會感覺膩，不過鍾意食甜嘢嘅朋友都應該幾啱。
而afternoon tea set我就覺得幾好味，
因為佢裡面有咸點，例如啲三文治都唔錯。
我反而就好鍾意個到啲Jam啦，唔係好甜，
而且食落感覺好新鮮，好似即日整嘅感覺。

好多人去英國觀光都會首選大英博物館，
我之前都有去過，而且宜家主題係其他國家既物品，
好似唔係睇英國既歷史咁，
所以我就去睇另一個都好值得推介比大家既地方－
Kensington Palace。

大家都知道呢度係Diana戴妃之前住既皇宮，
宜家其中一部分有開放左比公眾參觀，
入場費用係15英磅（約180蚊港紙）。
慢慢行既話就大約個半鐘左右，
而且人流唔多，都可以好舒服咁仔細去睇。

其實除左戴妃之外，自17世紀起呢度已經係英國皇室居住地，
宜家亦係其他公爵既正式官邸同哈利王子既非官方基地。

之前戴妃講過住喺皇宮好似困左入籠既雀仔咁，
所以今次黎到都有特別去睇下皇后寢宮。
雖然戴妃既寢宮無開放比公眾參觀，
但亦有以前其中一個皇后住過既地方。

呢度既走廊都係長形咁，
一邊係皇后寢室，另一邊就係皇帝寢室。
感覺無想像中咁奢華，地方亦都唔大，
張床好似都係普通size，周圍亦都無華麗既怖置，
真係同想像中有所出入。

之後我就去左睇新開放既Fashion Rules展覽，
裡邊展出左英女王伊利沙伯二世、瑪嘉烈公主同戴妃
總共21條佢地年輕時穿著過既裙，
佢地既每一條裙手工都好精細、好靚，
因為係度身訂造既關係，亦睇得到佢地有令人豔羨既身材。

而周邊亦展出左唔同既fashion雜誌，
可以知道佢地都好喜歡同留意fashion既事物。

仲有好多地方我都只能喺網上搵相，
因為有啲地方唔可以用燈光拍攝，影出黎好暗，
網上既圖片都係比較光，但真實皇宮都係用自然光，
所以唔係好似相片中咁新淨，都會有啲古舊，
如果你地都有興趣，去英國既時候就記得要親自去睇下啦！

如欲取得更多第一手美容及扮靚資訊
可瀏覽Girls Talk Main Blog：
Girlstalk Blog
或 Like我們的Facebook專頁：
Janice Lam Makeup Workshop Facebook

（版權所有，未經同意不得轉載。)

上次介紹完大家係韓國online shop買嘢，
反應非常好呀！
所以我今日就想講吓歐美嘅online shop喇！
唔講咁多，快啲碌落去睇啦！

相信大部分人最常接觸同見到嘅外國online shop，就係呢間ASOS。
佢已經成為英國最大嘅Fashion online shop，
而佢最大吸引力就裡面超過四萬多種商品，
每星期都有1500至2000種新商品推出。
女人就係最鐘意24小時都想check住睇新嘢，
所以話佢咁成功一定有原因！

ASOS
http://www.asos.com

佢不但係free delivery，
而且佢經常大時大節都會搞sales，
你話點忍手！

而我就最鐘意佢價錢夠平民，最平＄100蚊港幣有找
特別係佢哋自家品牌，夠哂平靚正！

最經常會買嘅就係佢哋啲accessories，
種類多而且香港買唔到，
就好似以下兩款，有時化妝影styling真係好啱駛！

另一個好處就係payment上，有好多種選擇，夠方便！

而shipping，你只要買夠港幣＄200就可以free shipping，
大概兩星期就會到㗎喇！

第二間就係來自美國，
而呢間啲衫係完全係我鐘意嘅style，
歐美風帶少少復古少女味！

Pixie Market
http://www.pixiemarket.com/

而佢嘅價格算係中價，＄200 至千幾蚊港幣不等，
不過佢質素都唔差架，一定物有所值！

而佢啲one piece真係好靚，
雖然貴咗少少，不過有時買一兩件大時大節著都值得，
好似嚟緊聖誕就啱哂喇！

有時仲有好多好特別嘅款色，
一定唔會同人撞衫呀！

而shipping就要買夠$250美金先會free shipping，
而低過$250，就要加$20美金運費。

如果咁唔好彩收到件衫想return，
就要係21日內寄設去美國，
而當中郵費係要自費，
同埋國際order就唔接受exchanges。

最後呢間都係來自美國，
而呢一間嘅style就會wild、Sexy女人味啲，
不過大家鐘意呢啲Style都可以去睇吓！

Nasty Gals
http://www.nastygal.com/

佢裡面啲款sexy得嚟都幾有型架，
而佢新出嘅衛衣都幾正！

好似呢款Jumpsuit，真係型得嚟幾有女人味，
可惜自己唔夠高又唔夠瘦啦！唔係著出嚟一定好有型！

而佢另一個特別之處，就係有賣vintage luxury品牌，
例如chanel同Moschino。

只要你買夠USD$150就會free shipping。

如果有問題要return就要30日內寄回，
而當中郵費係要自費架！

希望大家睇得開心、買得開心啦！
有機會再同你哋分享啦！

如欲取得更多第一手美容及扮靚資訊
可瀏覽Girls Talk Main Blog：
Girlstalk Blog
或 Like我們的Facebook專頁：
Janice Lam Makeup Workshop Facebook

（版權所有，未經同意不得轉載。)

最近天氣愈嚟愈涼，周圍都推出聖誕set 真係開始聖誕節氣氛！
之前我地同大家睇過好幾個品牌推出嘅聖誕彩妝品套裝，
今次我地就同大家睇下幾個品牌推出嘅護膚套裝，
聖誕節天氣又凍又乾燥，送ｄ聖誕護膚套裝比身邊嘅朋友，
不論男女都一定用得著！

首先，想同大家睇下 Loccitane 今年嘅聖誕套裝。
Loccitane 每年聖誕都準備好多款唔同嘅窩心禮物套裝，
宜家就同大家睇兩款禮物套裝！

Joyeuses Fetes Nourishing Set      ($215)

Joyeuses Fetes 冬日果香系列入面嘅產品包括:
Hand Cream (30ml)
Lip Balm (12ml)
Perfumed Soap (50g)
Christmas Tin Box

入面有Loccitane 嘅皇牌成分乳木果，打開用時會聞到好香嘅果香味。

Hand Cream (30ml):
入面用咗乳油木果油、甜杏仁油同椰子精華油，
有效滋養修護手部肌膚，而且甜甜嘅香味令人感覺好舒服。

Lip Balm (12ml):
入面嘅成份當中有10%乳油木果油，另外仲加咗向日葵籽油同蜂蠟，
質地唔笠，而且感覺好滋潤。搽完之後效果好潤好有光潤!

Perfumed Soap (50g):
成份天然溫和，而且有一陣陣好甜好香嘅味道。

呢位聖誕禮盒香味主要都係甜甜嘅，岩晒送比一D鐘意果香甜味嘅朋友!

Hand Cream Set ($459)
入面有三支潤手產品,包括:
Rose Hand & Nail Cream (75ml)
Pivoine Flora Hand Cream (75ml)
Cherry Blossom Hand Cream (75ml)

Rose Hand & Nail Cream (75ml):
入面有乳木果油，玫瑰精華，玫瑰精華同埋維他命Ｅ，有淡淡嘅花香味。
用完之後肌膚會感覺變得嫩滑。
對肌膚有保濕功效，另外仲可以令指甲更強韌。

Pivoine Flora Hand Cream (75ml):
質地好幼滑好滋潤，入面有乳木果油同牡丹柔膚精華，
清淡嘅花果味聞到都覺得好舒服。

Cherry Blossom Hand Cream (75ml):
質地輕盈，感覺清爽，入面加咗蘊含乳木果油，葡萄籽油同埋櫻桃精華，
有甜甜嘅果香味，用完感覺肌膚變得柔軟。

三支嘅包裝都比較精美同小巧，方便隨身攜帶。

另外，仲推出咗 Arlésienne 聖誕限量版系列

同大家睇下呢個系列入面部份嘅產品先喇！

Arlésienne Body Oil (HK$ 290/75ml)
噴霧式設計，入面嘅配方輕盈清爽，仲加咗胡蘿蔔油。
有滋潤、修護同埋抗氧功效。可以噴係身體肌膚或者頭髮上，
令肌膚同頭髮有亮澤效果之後，令有淡淡花香味。

Arlésienne Eau de Toilette (HK$480/ 75ml)
入面基調用咗紫羅蘭、檀香木，前調用咗番紅花、蜜柑，
中調就用咗玫瑰同鈴蘭。
呢支香氛入面加入咗好多唔同種類嘅花香，
開始時會感覺香氛有著清新嘅花香味，
慢慢就會感覺花香味當中愈來愈帶有檀香木。

Arlésienne Velvet Hand Cream (HK$80/ 30ml)
質地好柔滑，入面有天然保濕因子，有滋養肌膚嘅作用，
用完之後感覺雙手肌膚天加柔軟同幼滑。而用完之後仲會散發淡淡嘅花香味。

Arlésienne Solid Perfume (HK$95/ 10g)
成份溫和而且不含酒精，香味同同系列入面嘅與淡香氛一樣係清淡嘅花香味。
另外，佢外型設計輕巧，方便攜帶，出街可以隨時隨地添補香氣。

Arlesienne Scented Candle (HK$330/ 40g)
主要用石蠟同100%純棉燭芯製造。可以燃點約 30 小時，
香味係清淡嘅花香味道。令人感覺好舒服好自然。

上面介紹完 Loccitane 幾系列聖誕推出嘅身體護理產品同套裝之後，
接住落嚟會為大家介紹 CAUDALIE 嘅節日限量系列!

葡萄籽手部修護套裝 (HK$ 180)
呢個套裝入面有三款2013年限量版手部修護霜。
幾款手霜入面仲有帶有抗氧化成分嘅葡萄籽多酚, 牛油果同埋乳木果，
可以滋潤、保護同修復雙手肌膚，令肌膚保持細緻，質地完全唔笠。

1. 黑加侖葉 葡萄籽手部修護霜 (30ml)
香味方面有著黑加侖葉嘅香味。

2. 粉紅葡萄柚 葡萄籽手部修護霜(30ml)
香味方面係清新嘅果香氣味。

3. 葡萄藤蜂蜜 葡萄籽手部修護霜 (30ml)
入面有著陣陣清淡嘅葡萄蜜香甜味。

最後就係為大家介紹 Kiehls 最近推出嘅節日特別版
‘A World Of Giving’。

今年聖誕 Kiehls 同國際知名組合Craig & Karl 攜手合作，
將佢地嘅皇牌產品設計新形象。

入面包括:
Ultra Facial Cream HK$295/50ml
Calendula Herbal Extract Toner HK$330/250ml
Cre me de Corps HK$280/250ml, HK$470/500ml
CDC Whipped Body Butter HK$330/226g

Ultra Facial Cream HK$295/50ml
成份當中有葡萄醣蛋白同白茅精華，可以為肌膚注入水份持續24小時，
即使去到極度寒冷又或者乾旱嘅地方，滋潤同保濕功效都有非常好嘅效果。

Calendula Herbal Extract Toner HK$330/250ml
入面一種不含酒精成份，成份完全萃取自金盞花卉同其他天然植物精華，
有清潔, 均衡, 活化同調理肌膚嘅功效，而且佢仲有助於暗瘡疤痕嘅癒合，
另外，可以改善輕微嘅肌膚敏感現象。

CDC Whipped Body Butter HK$330/226g
CDC Whipped Body Butter 向來都好受顧客歡迎,
最近仲推出兩種期間限定嘅新味,就係薰衣草同西柚味!
Body Butter質地豐潤柔滑，感覺好似梳乎厘!
入面成份有可可巴油, beta-胡蘿蔔素同埋維他命E，可以保護同軟化肌膚。

今次同大家介紹嘅聖誕護膚禮物套裝就睇住咁多先，
希望大家睇完之後可以諗到今年聖誕送咩心水禮物比身邊嘅朋友又或者自己喇！

如欲取得更多第一手美容及扮靚資訊
可瀏覽Girls Talk Main Blog：
Girlstalk Blog
或 Like我們的Facebook專頁：
Janice Lam Makeup Workshop Facebook

（版權所有，未經同意不得轉載。)