一提起日本美食就令我聯想起「壽司」，
唔知你哋會唔會同我一樣，
每隔一、兩個星期就好想食壽司，
但總係覺得香港嘅壽司係同日本個邊食嘅唔同，
（就算搵到日本味道，價錢又好貴）
最近居然比我無意中發掘到一間價錢又唔貴，
又食到日本味道嘅壽司，
所以我就急不及待同大家分享下啦∼

我所講嘅就係呢間壽司之神啦！

一入到去睇完menu，
再睇到廚師台上有咁多新鮮嘅刺身，
我同朋友唸都唔唸就決定叫1.廚師發辦壽司個set啦∼

一落咗order就會有一個沙律，
味道都OK。

第一件：生八爪魚壽司
（師傅話呢款壽司比較少見，
平時我哋食開通常都係熟嘅八爪魚）

第二件：左口魚壽司

食咗2件壽司，就上蒸蛋啦∼
原來佢哋係等我哋落咗order之後即蒸嘅∼
好滑好味呀！

第三件：立魚壽司
（係咁多款魚生入裡，其實我最怕食立魚，
因為係香港食過，好多都有一陣怪味…
但佢哋呢到係好好味囉，仲好有口感添！）

第四件：油甘魚壽司

第五件：野生油甘魚壽司
（佢嘅味道比起頭先個件更甘香，真係好好味！）

第六件：日本紅衫魚壽司
（呢件比較特別啲，出面比較少見！）

第七件：池魚壽司

第八件：甜蝦壽司
（我個人特別鍾意食蝦，呢件壽司簡直就係我大愛呀！
鮮甜又好味！）

第九件：帶子壽司
（食完真係想嚟多件呀！）

第十件：吞拿魚Toro壽司
（好味到無得頂呀！）

第十一件：吞拿魚Toro壽司
（入口即溶！完全同我係日本築地食嘅一樣！
好味到難以形容！）

第十二件：吞拿魚醬油漬壽司

食到咁上下，又嚟咗個麵鼓湯，
勁足料！
快速飲完之後，就等師傳上埋最後一件啦！

一邊睇師傅整，一邊就好期待下一件壽司。

睇見到流口水呀！

第十三件：北海道海膽壽司

食完壽司之後，仲有雪糕食添，
左：綠茶味
右：柚子味

我就揀咗柚子味，味道好清好味呀！

呢間壽司店真係好有水準，
老實講，初初見到佢間鋪係元朗都無咩要求，
唸住唔好難食就得㗎啦，
點知好食到不得了呀！
食咗咁多嘢都只係$220，
（不過提提大家，今次我去食嘅係午市嘅價錢，
佢哋嘅晚市價錢係會貴啲㗎！）
而家一路睇到啲相就一路流晒口水，
相信我好快又忍唔住再去encore㗎啦！

地址：元朗馬田路安寧大廈20-30B七號地舖

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

（版權所有，未經同意不得轉載。)

平時喺香港做show睇show就多，
真係第一次去到海外出席咁大型既fashion show，
宜家香港大型既show通常都移師去上海或者北京，
小型既presentation就比較多，
今次呢個show場地勁大，成個景都係搭出黎之餘，
條runway足足有成條街咁長！
喺香港真係好少見。

呢個法國街頭既搭景，像真度超高，
就連地下既石屎地同街邊水渠蓋積水都有，
background既建築物printing都好真實，
比人感覺真係好似置身於法國小巷一樣。

想睇個show嘅精華片段，
可以去CHANEL youtube link:
https://www.youtube.com/channel/UCclHSnngVTZK7LEOQAzcg1w

大家可以睇到下年春夏季既最新fashion trend
都係以白恤衫隨性打扮為主，仲有金色既accessories，
好似腰帶、涼鞋、clutch，點綴左成個total look。
CHANEL一向比人感覺高貴，今次既street fashion係一個突破，
相信一般人都能夠carry得到。
我睇完個show之後，心諗又要大出血喇，
因為好多都係我鍾意既feel、style，完全係我杯茶！

通常fashion show大約半個鐘就完，
雖然只係短短30分鐘，
但做開backstage既我知道，
背後既preparing係需要好多時間、人力物力，
所以大家除左睇衫，
都要用心欣賞一下有份做show既人付出既努力！

作為化妝師，睇show除左睇下黎緊個fashion trend，
當然仲要留意埋model既妝容！
下年春夏妝容既主題同fashion一樣比較著重街頭玩味，
一般show既model妝會比較一致，
但今次CHANEL為左帶出左多元化女性味道，
佢地既model係來自唔同國藉，每個妝都唔同，呈現多種style。

唔好以為catwalk妝只係on stage先會化，
今次個show入面有colorful妝、自然妝、淨眼線妝，
就好似日常街頭女性妝容既縮影，
所以今次我就參考左show入面其中兩個妝，
搵左workshop同事以仿妝示範比大家睇下。

Irene(左)既妝著重既係色彩方面， 分別用左粉紅、紫、藍同銀白色，
柔和色調除左可以帶出女性柔美感之餘，
就算係一般人都好易handle到架。
同埋重點係顏色同顏色之間既blending效果，
顏色要自然融和同有漸變感。

Christy(右)既妝著重既都係眼妝，但就只係用左一隻眼影色，
打造簡單眼線眼影妝，帶出女性硬朗既一面，
呢個妝for出街都好方便同埋有型。
而重點就係blend鬆眼邊位，有小smoky感。

Irene妝

胭脂: ORGANIC GLAM/ BLUSHER #PEACH $420
眼影: CHANEL/ LES 4 OMBRES #228, #224 $495
眼睫毛液: INGA C/ Mascara $108
唇膏: CHANEL/ ROUGE COCO SHINE #93 $260

Step 1:
首先塗上淺粉色eye shadow (A) 於2/3眼窩位置

Step 2:
塗上粉紅色eye shadow (B) 於眼窩中間位置，
然後用掃輕輕於兩色之間左右左右推開，使顏色融合。
由於春夏眼妝比較colorful，
顏色的高度可以再向上塗高一點，
增加玩味感又不會太誇張，
但要注意的是，最上方的眼邊位要慢慢掃，
使眼邊位有少許鬆smoky感。

Step 3:
於眼窩尾部位置，由睫毛向上塗上紫色eye shadow (C) ，
由深至淺，避色眼腫情況出現。
然後用掃輕輕於粉紅色與紫色之間左右左右推開，造成漸變色。

Step 4:
於下眼尾位置塗上藍色eye shadow (D) ，
由眼尾向眼頭慢慢推開。想眼睛看起來比較有精神，
可於眼頭位置用少許銀白色highlight (E)，打造立體感。

Step 5: 塗上上、下眼睫毛液，增加眼部輪廓感。
*CHECK POINT*
雖然Fashion show中的model沒有畫上眼線，但若想眼睛看起來更明亮有神，
建議可以用幼掃沾上深啡色或實黑色eye shadow (F)輕輕畫一條眼線。

Step 6: 由於眼妝比較colorful，所以胭脂使用淡橙粉色，
由面珠開始45度角向上掃上權骨位置，
加深面形輪廓及立體感，看起來面形更瘦。

Step 7: 唇部同樣不用太colorful， 選用nude色唇膏就可以。

Christy妝

眼影: CHANEL/ LES 4 OMBRES #224 $495
胭脂: CHANEL/ JOUES CONTRASTE #160 $380
唇膏: CHANEL/ ROUGE COCO SHINE #93 $260
粉底: CHANEL/ VITALUMIERE LOOSE POWDER FOUNDATION#20 $630

Step 1: 用粉底掃均勻掃上粉底。

Step 2: 先用灰黑色eye shadow在眼尾打斜向上掃至2/3眼窩位置，
然後掃勻眼窩位，邊位要掃鬆。

Step 3: 用幼掃沾上少許eye shadow由眼尾拉一條soft的下眼線。

Step 4: 用細號眼影掃畫眼頭。

Step 5: 加上上、下實色眼線，加強眼部立體感，給人感覺較精神。

Step 6: 由於眼妝比較深色，面部胭脂用較自然的顏色就可以。
輕輕由權骨位打斜向下掃，稍微加深面形輪廓。

Step 7: 唇膏選用nude色就可以。

如欲取得更多第一手美容及扮靚資訊
可瀏覽Girls Talk Main Blog：
Girlstalk Blog
或 Like我們的Facebook專頁：
Janice Lam Makeup Workshop Facebook

（版權所有，未經同意不得轉載。)

秋冬季又嚟啦∼
一到秋冬季好多品牌都紛紛推出咗好靚嘅深色眼影，
不過都因為咁，身邊好多化開淡妝嘅好姐妹，
都不約而同咁出現咗一個問題，
佢哋不斷問我：「點解一化深色眼影，對眼好似細咗？」
所以今次我就同大家分享下，
點樣可以化一個將眼睛放大1.5倍嘅秋冬妝容啦∼

想知點樣可以化一個將眼睛放大1.5倍嘅秋冬妝容？
Click入去睇下啦，Step by Step 教你㗎！
 

影片中用到嘅產品：

 

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

（版權所有，未經同意不得轉載。)

早前我地為大家介紹咗 shu uemura 嘅聖誕 box set，
入面嘅彩妝品全部都係藍眼貓貓為主，相信大家都覺得好靚喇！

聖誕節好多品牌都會推出好多好靚嘅 box set，
今次我地就會同大家睇下 JillStuart 同埋 Anna Sui 今個聖誕節推出嘅聖誕彩妝喇！

首先同大家睇下 JillStuart 今個聖誕嘅 Prima Grace Collection!

JillStuart Prima Grace Collection (HK$620)

JillStuart Prima Grace Collection 入面有 Highlight & face powder,
4色眼影, 唇彩同埋眼線筆4個限定品。
入面仲有一個以芭蕾舞裙為主題嘅化妝袋。
宜家我地逐一睇下呢個 Collection 入面嘅產品喇!

今次 JillStuart 以充滿魅力嘅芭蕾舞者作為今次聖誕套裝嘅概念。
化妝袋尺寸: 約W175 X H145 X D60mm

JillStuart highlight & face powder
(101 romantic step)

盒身用了芭蕾舞鞋同絲帶作圖案，
蜜粉用了白色, 粉紅色, 偏黃粉紅色同埋薰衣草色作組合，
入面加咗少少閃粉，掃上面令面部更有光澤感。
除此之外，蜜粉更有陣陣玫瑰香味。
（蜜粉更會附上100%馬毛扁身掃同專用套）

JillStuart velvet crystal eyes
(104 ballerina tutu)

盒身同蜜粉一樣用了芭蕾舞鞋同絲帶作圖案，
眼影顏色以淺金色同粉紅色作組合，

顏色好容易配搭，就算皮膚淺或者深嘅都可以用得著!
日妝晚妝都可以用到呀!

入面其中一隻啡色系 Shading Colour 仲可以加深眼部輪廓。
送比朋友或者自用都無問題!

JillStuart Jelly Lip Gloss N
(102 dreamy attitude)

樽身鑲咗粒 Spot light pink 嘅施華洛世奇水晶石，
真係好閃好靚!

顏色方面，呢支 Lip gloss 係限定淡粉紅色，
入面加咗金色珍珠粉，令色彩更容易混合肌膚。
當中嘅 Cherubic fresh oil 可以滋潤唇部，
補濕雙唇嘅同時絕對唔會有黏稠感覺。

JillStuart crayon eyeliner
(101 classic tiara)

筆身同樣印滿芭蕾舞鞋上嘅蝴蝶結作圖案，
而呢支眼線筆筆芯柔軟，所以好輕易就畫出順滑嘅眼線，
眼線筆顏色濃密，加上有防汗, 防水同防淚嘅效果，
令眼線妝容可以維持得更持久。

總結：以 $620 就可以買到一共四件彩妝品同一個咁靚嘅化妝袋返屋低，
計落真係好超值! 平時JillStuart 嘅四色眼影一盒都已經要接近四百蚊，
所以呢個Collection 咁嘅價錢真係非常值，
送比人或者買比自己用都抵!

睇完 JillStuart 嘅聖誕套裝之後，我地就睇下 Anna Sui 嘅聖誕套裝喇!

今年 Anna Sui 嘅系列叫 “Holiday Sweets Collection"
呢個 Collection 所用嘅顏色都令人聯想到糖果嘅甜蜜感覺。

先睇睇系列入面嘅‘限定糖果派對禮盒’，

限定糖果派對禮盒 （HK＄450/一款）

呢盒糖果派對禮盒一打開時就令我諗起平時食Macaron咁，
佢一共有2 款供選購，入面有 Creamy Eye Colour(6g),
Creamy Cheek Colour(7g), Moisaturizing Lip Colour (5g)
同堆 Lip Balm Jellly (5g) 四件化妝品。
宜家就同大家睇下兩款入面有咩分別喇!

眼影質感好柔滑，易推之餘唔易笠，可以好輕易就掃於眼上，
又或者單用手指上眼都可以，效果貼服持久。
入面仲加入咗護膚成分嘅精華素(薔薇果精華,薔薇果油)添，
如果平時化眼妝時會因為眼皮太乾而唔上色嘅朋友可以試下!

Collection 01:
濃滑朱古力色（紅色, 古銅色珠光）
香脆杏仁色（金色、銀色珠光）

Collection 02:
草莓果仁色（紅色、古銅色珠光）
榛子曲奇色（金色、銀色珠光）

胭脂質感非常順滑，入面用咗大理石紋嘅設計，
顏色方面分別用咗一隻比較Sharp 嘅顏色配上比較淡嘅顏色，
望上去顏色配搭得好清新。
搽上面效果好Soft， 唔實色，好自然！

Collection 01: 櫻桃（銀色珠光）
Collection 02: 草莓（銀色珠光）

Moisaturizing Lip Colour

用手指粘上適量嘅份量塗係唇上，感覺質地好輕易溶化同推開，
滋潤效果好好，唔知大家有無留意到兩個Collection嘅面頰唇妝配搭有個特點？
胭脂淡色會配搭顏色較Sharp嘅唇色，
相反，胭脂顏色Sharp 嘅會配搭較淡嘅唇色。

其實就好似我地平時化妝咁，
如果眼妝，面妝都比較濃或者Sharp 色，嘴唇唔會同樣配搭Sharp 色嘅，
眼，面，唇唔會同時間用上較Sharp嘅顏色!

Collection 01: 小紅莓
Collection 02: 櫻桃粉紅(金色、銀色珠光)

Lip Balm Jellly

呢個LIP BLAM JELLY 好特別，
打開見到入面已經覺得好得意。
搽完之後感覺清爽，雙唇感覺變得更有彈性，
表面會組成一層薄膜，令令地嘅效果，
嘴唇睇落更有立體感。
出街單係搽佢都無問題!

入面嘅狗牙薔薇果油、荷荷葩籽油、
葡萄籽油同橄欖油可以滋潤雙唇。

同大家睇完限定糖果派對禮盒入面有幾吸引之後，
要同大家睇下系列入面嘅“甜心雪糕指甲油”。
相信好多女仔都好鐘意Anna Sui 嘅指甲油，
因為佢地向來出嘅指甲油都好靚!

Anna Sui 甜心雪糕指甲油 (HK $135/8ml)

呢個係ANNA SUI 嘅人氣指甲油系列，今次仲新加咗碎朱古力色調！
一共有五隻顏色。
入面分別係 018 雲呢拿雪香，113 薄荷朱古力，326 草莓奶昔，
327 玫瑰果香，707焦糖脆脆。

平時嘅指甲油入面多數都會加閃粉，
但Anna Sui 呢次出嘅指甲油系列就係實色黑色，
加上好似奶昔咁嘅底色，
望到我就諗起平時食碎朱古力雪糕咁喇!

限定糖果魔鏡 (HK $ 230)

講到 Anna Sui 嘅Collection又點少得佢地嘅魔鏡呢!？
今季嘅 限定糖果魔鏡尺寸約 155mm 高 × 93mm 闊
(鏡子: 約78.5mm高 × 62mm闊)，
顏色用咗半透明嘅紫色，Size 同手板差唔多，
出街隨時拎出嚟補妝都好方便。

最後，介紹嘅係 Anna Sui 波西米亞系列迷你香水
Anna Sui 出嘅香水又係非常受女仔歡迎嘅！

Bohème Collection Miniature Set　(HK$430)

今次嘅迷你香水set 入面一共有五支迷你香水，當中有三款香水，
其中金色同紫色樽身嘅係之前出過嘅香水，
過去都好受歡迎㗎！

係呢盒香水 set 入面嘅黑色樽身香水就係今季新推出嘅 La Nuit de Bohème 濃香水

樽身刻咗玫瑰嘅圖案, 用黑色為主要嘅色調,
開始時會聞到呢樽香水有一陣陣甜甜嘅香味，
慢慢香味就會轉為淡淡嘅花香味。

前調：卡拉布里亞佛手柑，柑橘，黑莓，蘋果
中調：加入盛開夜茉莉，橙花，月滿成熟烏梅，黑玫瑰
基調：檀香，深琥珀色，印尼廣藿香，午夜麝香。

嚟緊我地仲會同大家睇下其他彩妝品牌嘅聖誕box set，
大家要留意喇！

如欲取得更多第一手美容及扮靚資訊
可瀏覽Girls Talk Main Blog：
Girlstalk Blog
或 Like我們的Facebook專頁：
Janice Lam Makeup Workshop Facebook

（版權所有，未經同意不得轉載。)

今年寬邊帽又捲土重來，唔知點襯好？
唔駛怕！今日就教大家兩款10分鐘內就可以完成嘅髮型，
手殘嘅你都可以好輕易完成！

 

所需工具：

1. L’oreal TecniArt Thermo-modelling Spray
2. Philip B Jet Set Hair Spray
3. 24mm電髮棒
4. 橡根

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

（版權所有，未經同意不得轉載。)