眼晴係我地好重要嘅地方，同時都係一個容易暴露我地真實年齡嘅地方。
眼紋一旦出現，就會好難完全消失。
所以，平日我地都要好好保養眼晴，盡量減輕出現眼紋。

今次我地會為大家介紹幾款唔同牌子, 唔同質地嘅眼部護理產品，
功效都以提升眼部輪廓, 改善眼部鬆馳及皺紋問題。

首先介紹兩款適合眼部肌膚出油比較多嘅朋友。

ESTEE LAUDER Advanced Night Repair Eye

Advanced Night Repair Eye 結合咗好幾種專利技術，可以修復眼部脆弱嘅肌膚。
平日我地嘅皮膚容易受周圍環境影響，例如紫外線, 臭氧同各種污染等等。
而呢樽眼霜當中嘅專利技術就可以持續為我地修復受環境侵損嘅肌膚。
入面嘅Anti-Fatigure Soothers 更可以鎮靜肌膚，為肌膚減退刺激。

另外，當中嘅配方含有非常強效嘅抗氧化物組合，
令日間需要修復嘅侵害減少。而入面更有大量透明質酸成分，
除咗可以即時為眼部肌膚保濕，更有鎖住水分嘅功效!

1. 質地似凝膠狀
2. 搽上肌膚推開時感覺非常柔滑

搽上皮膚時質地有D似凝膠狀, 推開感覺質地變得好絲滑,
一邊推一邊感覺皮膚吸收得好快,
搽完之後完全唔笠, 而且仲有種保濕感覺。

所以好適合眼部肌膚容易出現油脂粒嘅朋友。

第二款要介紹嘅係 fresh 嘅產品

fresh Age-Delay Ey Concentrate (HK $800)

當中嘅紅茶、黑莓葉萃取同荔枝籽精華可以增強皮膚彈性，

而成分之一嘅諾麗果汁有保存同提升肌膚水分嘅功效，
可以減褪同預防肌膚出現嘅衰老現象。
質地滋潤而且有緊緻眼周肌膚嘅功效。

另外，入面嘅清涼配方有助減淡黑眼圈同埋眼部肌膚浮腫現象。

1. 奶油質地
2. 推開時質地感覺很柔滑

柔滑嘅奶油質地， 用時會聞到一陣茶香味，
感覺好保濕，而且吸收得好快，
搽完皮膚唔會覺得笠。

適合眼部肌膚容易出油嘅朋友使用。

SK-II Stempower Eye Cream

當中含有 強效抗老配方成分，性質溫和、柔潤、細滑，
而當中嘅　Stem-Acanax Eye Complex同 Pitera™可以緊緻眼周肌膚,
強化肌膚嘅再生力，減少肌膚鬆弛的情況同埋眼紋。

1. 質地似奶油
2. 搽上後感覺滋潤

奶油般嘅質地，推開時感覺很柔滑，
搽上後感覺滋潤，吸收後皮膚不會感覺太油膩。

適合眼部肌膚比較乾又或者成熟型皮膚嘅朋友使用。

Clarins Soin Complet Jeunesse

當中有多種珍稀植物精萃，入面嘅檸檬百里香可以保護眼部肌膚嘅彈力纖維，
恢復彈性，合歡就可以減慢黑眼圈及眼袋形成，
另外，玫瑰蠟有紓緩作用，減少眼部肌膚嘅細紋同皺紋。

全方位解決眼部肌膚問題，令眼部肌膚回復緊緻飽滿、 減淡細紋、皺紋、
同時有提拉眼角、擊退黑眼圈以及撫平眼袋嘅功效。

1. 質地柔滑
2. 推開後感覺滋潤

呢款係咁多款上面幾款眼霜當中最滋潤嘅一款
質地同樣非常柔滑，搽上時會有少少清涼感覺，
所以都會幾舒服。

適合眼部肌膚比較乾同成熟型皮膚嘅朋友，

如果想眼部肌膚有提升效果都值得考慮！

介紹完幾款眼霜，以下會介紹幾款眼部精華針對性改善眼部常見肌膚問題

Kiehl’s Super Multi-Corrective Eye-Opening Serum (HK$430/15ml)

入面嘅 Rhamnose係一種針對眼肌變薄問題嘅植物精華，
可以強化肌膚結構嘅特殊蛋白質，加強眼膚嘅彈性。
當中仲有透明質酸鈉，作用係為肌膚注入高效鎖水成分，撫平眼部附近嘅皺紋。
另外，Kiehl’s更將 Skin Illuminating Minerals 加入精華配方當中，
令精華有即時亮肌嘅效果！

1. 質地好水
2. 推開時感覺絲滑
3. 推開後很快就被皮膚完全吸收

質地唔杰，好水，推開時質地好絲滑。
而且一推開很快就皮膚吸收，
搽後感覺清爽，完全唔笠。

因為質地清爽，所以好適合皮膚容易出油嘅朋友。

The Body Shop Drops Of Eye Concentre

為咗氣候潮濕嘅亞洲地區人士都適合使用，呢支精華嘅質地都比較輕盈清爽，
當中嘅阿爾卑斯山雪絨花精華可以激活眼周細胞更新，
改善眼袋浮腫同埋眼部細紋等問題。加上木薯萃取物，
可以提升眼部肌膚嘅緊緻效果！

筆身嘅金屬滾珠設計，按摩眼部肌膚時為肌膚帶嚟冰凍感受，
同時可以刺激眼周肌膚血液循環，改善眼部水腫問題。

1. 筆身用了冷涼滾珠設計
2. 質地唔杰，仔細睇入面有少少閃身粉末

筆身用咗金屬滾珠設計，配合八字方向來回按摩眼部，
再用指尖輕輕按摩眼周可以刺激眼部血液循環，
改善眼部水腫問題。

質地唔杰，容易被肌膚吸收，
搽後肌膚唔笠，有高效補濕功效。

適合眼部有浮腫問題嘅朋友。

講完上面眼部護膚產品，下面會為大家介紹一款加入咗遮瑕效果嘅眼霜。

StriVectin 亮肌泛色眼霜 (HK$350/7ml)

呢支係一支有遮瑕,調色同埋修飾效果嘅眼部修護眼霜。
入面嘅專利成份「NIA-114」同埋Luminizer 有助活化眼周肌膚同對抗衰老。
至於佢嘅遮瑕效果可以修飾黑眼圈同眼紋,用後眼周肌膚會變得有光澤同感覺滋潤。

亮肌泛色眼霜一共有兩種色系, 淺膚色及自然膚色
配合唔同膚色嘅朋友。

用法只需要於潔面及護理眼部肌膚後使用，更可以於補妝嘅時候使用。
補妝時可以先將棉花棒輕輕印走眼部脫妝嘅地方，
再使用亮肌泛色眼霜。

1.　質地唔杰，容易塗上肌膚
2. 推開後效果自然，完全唔笠

質地唔笠，唔易溶，適合肌膚容易出油嘅朋友。
而且可以係修護眼部肌膚嘅同時有遮瑕效果，
非常適合想遮蓋眼黑圈但又唔想化妝嘅朋友！

希望呢篇文章可以幫到大家係今季選擇到適合自己肌膚嘅眼部護理產品喇！

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

（版權所有，未經同意不得轉載。)

平時我自己好鍾意八掛下人地既化妝袋有啲咩啦，
睇到有咩吸引既野就會衝去買黎試添。
今次我就會同大家介紹下我個化妝袋啦，
由於個袋位置有限，
所以放得落去既都係我經常會用既精選化妝品啦，
唔講咁多，即刻去片啦∼

以下就係我係片中介紹過既化妝品啦∼

Sofina Primavista long keep base

Dr. Wu perfect cover bb cream

Tarte maracuja creaseless concealer

Nars setting powder

SANA eyebrow pencil & Nars eyebrow gel

Maybelline hyper sharp liner & Vina eyeliner

Majolica Majorca mascara

Estee Lauder-sculpting eyeshadow 5-color palette #04Rebel Metal

眉妝﹠眼妝效果：

Nars-Laguna shading powder

Burberry Blossom blush #05

陰影﹠胭脂效果：

Burberry lip cover #02 & Lunasol full glamour gloss #EX03

唇妝效果：

Final Look：

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

（版權所有，未經同意不得轉載。)

其實日本已經流行了原宿妝好一段時間,
亦有人將其稱作病態妝,
原宿妝主要是以胭脂去突顯整個妝容,
較適合皮膚比較白晢的女生。
其實20-30年代已有開始掃抹誇張胭脂的歷史,
而這個妝容的出現亦是隨時代轉變而產生。
這次就教教大家簡單易學的日系原宿妝,
讓喜歡日本的大家可以去旅遊時自行打扮。

STEP 1:

日本女生喜歡偏淺色的眉毛,
我們可以先用帶金淺色眉筆畫好眉形,
再以淺棕色眉GEL減淡眉毛顏色。

MAQUILLAGE/ Double Brow Creator #BR711 $280

一枝有齊眉粉和眉筆,眉粉揉合仿真眉毛纖維,
效果輕盈自然,而眉筆採用樹葉型筆芯,
易於勾畫眉形,十分方便。

KATE/ Eyebrow Color Mascara #LB-2 $69

KATE是染眉膏中平靚正之選,顏色較淺,
容易減淡眉色,而且質地不厚,
不會令眉毛糾結,亦不易沾到眉毛周遭。

STEP 2:

眼部以橙啡色creamy狀eye shadow掃勻眼窩及下眼底卧蠶位置,
因粉色系會令人有眼腫錯覺,
宜用偏啡色tone及橙色tone,
並以珍珠白色highlight打亮眼頭位,
令眼睛更明亮有神。

SHISEIDO/ Shimmering Cream Eye Color #OR-313 $180

Creamy狀的eye shadow容易推開,
而且SHISEIDO這個eye shadow系列色彩有光澤,
可長時間不脫不褪,上眼後會變得爽身,不黏稠。

ETUDE HOUSE/ Tear Drop Liner #1 $65

Tear Drop Liner的閃粉及淚滴成份令妝容不會輕易脫落,
亦含植物防敏感配方,使配戴隱形眼鏡的人也可放心使用,
是打造閃亮下眼線必備品之一。

STEP 3:

用眼線筆先內眼線,再畫一條幼幼的外眼線,
在尾部可微微拉長及下垂,及以白色閃閃liquid eyeliner畫下眼線,
締造水汪汪眼睛效果。

Majolica Majorca/ Lash Bone Black Fiber In $115

MJ的mascara base含細滑睫毛液配方,
可將幼細纖維均勻貼服在每根睫毛上,
令睫毛更加纖長捲翹,而且不易溶妝。

STEP 4:

原宿妝另一重點就是眼睫毛,
若不想太誇張使用假睫毛,
就要花點功夫,再塗上mascara前先用mascara base掃一次,
這樣可使睫毛更濃密更纖長,效果亦更自然。

STEP 5:

原宿妝的重點胭脂,亦要有點小技巧。
掃上時不可太大範圍,亦不可太近眼頭位置,
否則會像有大眼袋般,
而掃開胭脂時應用光影掃由上而下、向眼尾方向打斜掃開。

DIOR/ DIORBLUSH Vibrant Color Powder Blush #881 $390

DIOR新推出的胭脂系列,
微米粉末令妝感透薄輕盈,
色澤亦比其他品牌較鮮艷,
桃粉色十分適合打造原宿妝。

Janice Lam Makeup Workshop/ 光影掃 $180

這枝是貂鼠毛掃,柔軟而有彈性,
掃頭比一般胭脂掃小,
適合於眼底或細微位置打造光影效果,
而原宿妝眼底位置的胭脂部份亦不宜掃開太大範圍,
所以使用光影掃就很適合。

STEP 6:

最後因應個人唇形塗上珊瑚色唇膏,
整個原宿妝就完成了!

IPSA/ LIPSTICK LUMINIZING COLOR #A02 $240

IPSA全新推出的LIPSTICK,
含有Melting Coating Oil 及高效保濕成份海洋膠原精華
及透明質酸,十分滋潤,亦可減淡唇紋,
而且珊瑚色適合任何膚色使用。

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

（版權所有，未經同意不得轉載。)

最近我哋workshop都淘咗好多唔同嘅用品返嚟大測試，
之前就同大家分享咗唔同嘅髮型用品，
今次就同大家分享一啲日常嘅家具小品，
睇下佢哋究竟work唔work先！

話明係日常嘅家具小品，當然就唔少得廚房用品啦∼

首先呢個一睇就知佢係一個隔蛋白器，

外表：
佢係一個膠質地嘅匙，好輕身！
係個手抦位有啲劃線位，
可以攞得隱啲無咁容易跌，
但佢背面嘅膠就有啲刮手，
所以用嘅時候要小心啦！

試用感：
試用之後真係覺得好費，
放隻蛋落去，隻蛋就係個隙到流落去，
左邊係試咗一次，右邊係試咗第二次，
隻蛋爛埋!

呢個就係剝蒜筒

外表：
佢只係一塊薄薄嘅軟膠，
一打開就見到有啲膠爛爛地，
如果唔係有張紙寫佢係剝蒜筒，
我都真係唔知佢係咩呀！
未用佢已經覺得有啲流，
不過為咗公平起見，我都會認真試下！

試用感：
呢個試用出嚟效果都尚可，
至少真係剝到蒜皮，
但轆到成手好痛，
同埋其實無咗舊膠都一樣可以做到呢個效果。

上面有個剝蒜筒，呢個就係整蒜蓉器，

外表：
透明圓形膠質地而且好輕身，
一打開歌邊都有一排平頭嘅齒，
但一啲都唔利，唔會介手。
睇佢嘅包裝盒有埋STEP教點整，
而且睇佢出嚟效果好似幾好咁。

試用感：
只可以講我連想關埋兩邊個蓋都關唔到，
唔好話要轉佢，
已經勁大力壓落去都整唔到，
最後係成粒蒜頭無變過。

呢個豬頭咁樣嘅嘢就係隔熱手套

外表：
一個粉紅色豬頭公仔嘅軟膠，
中間有突出嘅橫紋，
防止整跌啲嘢。
個樣仲係一個笑住嘅豬頭，
其實都幾得意㗎！

試用感：
呢個都算OK呀，
都隔到熱，
同埋都OK穩唔會跣手。

呢個係魔力去塵膠（水晶版）
外表：
一舊透黃色嘅膠，
用嚟粘除灰塵，清滅細菌，
環保配方可自然分解。

試用感：
攞上手係勁”痴“住我隻手同埋太易爛，
（之前係香港買過另一隻牌子比較好啲！）
仲有啲濕濕地咁…感覺好核突，
佢係粘到好多塵，
不過係個過程中覺得好唔衛生囉！
粘完塵之後又粘住我隻手，
感覺好似用隻手去粘塵咁！

最後呢個大家估唔估到佢係咩呢？
我第一次見到佢個時覺得真係好得意！
其實佢係一個女士嘅恩物﹣防狼器。

外表：
驟眼睇佢只係一個鎖匙扣，
細細個又係粉紅色，
真係好CUTE。

試用感：
初時搵咗好耐先知究竟拉邊到先響，
原來係拉個扣仔就得，
佢真係響得超大聲，
初時拉開都嚇親我呀！
簡直係女士們恩物呀！
不過由於佢真係響得好大聲，
想整響佢個下都需要勇氣呀！

去Paris出trip，除左睇show之外，當然要介紹好野比大家，
黎緊我會分幾篇blog帶大家周圍去睇靚野同買平野，
記得留意住啦！

今次有幸獲CHANEL邀請出席佢地
2015 Spring/Summer fashion show，
令我可以更緊貼同捕捉化妝潮流。
我自己當初收到呢個邀請既時候都好開心，
因為平時化妝出show都係喺backstage幫人化妝為主，
未試過要著到靚靚地坐喺度睇show，
show既情形之後我會再upload video比大家睇下。

呢度除左大品牌會快啲出新品之外，
呢間喺Lafayette男裝果棟隔離既藥房賣既藥妝products真係好平！

好多香港賣中價以上既產品，呢度都以平價至中價發售，
而且仲會有好多set裝，甚至係買一送一！
好多當地人都會黎呢度買野，
我就梗係唔執輸，掃返啲貨返香港啦。

呢度全部SET裝都好平，好奇怪既係set裝仲平過單品，
真係好抵，好難忍手唔買，
連CAUDALIE都有，都係14,90EURO！

好多媽咪黎到就一定睇BB仔野，
Mustela成份天然，嬰兒皮膚護理同孕婦既產品好出名，
岩晒啲媽咪黎shopping，又或者可以買比身邊有左bb既朋友。

另外ROGER & GALLET呢隻牌子好多藥房同dept.store都有，
主要都係香水、body mist等等，
其實春天百貨都有架，但格過價發覺呢度買平好多！

相信都好多人用過Avene，好岩皮膚有敏感既人用，
呢度真係賣得好平，仲有套裝賣添。

呢枝base好多行內化妝師都用，又大枝又好用，
今次仲撞岩買一送一，送比朋友做手信都抵！

如果你地都有機會去Paris旅行，一定要去藥房睇下掃下貨喇！

掃完藥房之後，跟住就轉戰Lafayette，
入到去梗係即刻去睇下啲品牌既新品。

CHANEL呢個新色lip gloss系列係我喺Paris果段時間香港仲未有既，
所以就即刻試左上手，啲顏色好rich好實色，
而且非常水潤透亮，仲可以遮住唇紋，
唔好以為sharp色先實色，#11-15都係淺粉色系，
但都好出色，岩晒黎緊春天個trend。

呢個系列總共有9隻色，隻隻都好靚。
今次掃晒啲新色返黎，
大家可以睇到上咀後色都一樣係好亮澤，
顏色好出，連同事試完都大讚好潤好正！

Rouge Allure Gloss (9 shades) $270

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

（版權所有，未經同意不得轉載。)