最近真係開始聞到秋天既氣息啦，
距離秋天又行近左一步啦，
今次就會延續上篇為大家介紹秋冬啱用嘅護膚品，
如果上次仲未揀啱嘅話，
就要留意我呢篇既介紹啦。
隨著壓力同年歲增長，肌膚質素會不斷變化架，
唔單止會變得容易粗糙，鬆弛，失去光澤，
而膚色唔均勻，暗啞及細紋問題仲會慢慢浮現添。
Shu uemura TSUYA光感新肌精華水 ＄360／150ML
呢支蘊含淨肌酵母萃取物，
可以提升細胞自我淨化能力，
清除細胞內積聚嘅雜質。
而活細胞新肌複合物，可以激活細胞，
有效啟動新肌因子細胞，令肌膚逐層更生，
令皮膚有彈性，充滿光澤亦令到膠原蛋白再生。
呢款精華水會分3支唔同質地,
(I)清爽型-比較清爽，舒緩質感，適合油性肌膚。
(II)水潤型-水漾保濕質感，適合中性至乾性肌膚。
(III)滋潤型-盈潤質感，適合中性至乾性肌膚。
圖中呢支就係(III)滋潤型精華水，
佢質地都好水狀，但比起其餘個兩支最潤身，
唔好以為佢會好笠呀,其實佢吸收得好快,
用完佢之後皮膚會好補水，之後上妝會更加貼。
用嘅時候可以倒少少落化妝棉，
然後抹走肌膚表面上嘅死皮，
令皮膚更加平滑同光澤。
第二步就可以將精華水慢慢拍上面，
為皮膚補充水份啦。
人人都好羨慕初生嬰兒有好嫩白嘅肌膚，
其實BB們係媽媽肚內就已經吸收住天然嘅護膚品,
佢就係胎盤啦~
因為胎盤既生物成份同人類生理係完全吻合，
充滿住人體所需既養份，而家好多護膚品都加入左胎盤做成份架，
以下就係其中一個好例子啦。
Dr.bauer活研生肌胎盤肌底液 $798/120 ml
佢含有優質美肌胎盤成份rHPP-11,
可以係28天更新週期內提供肌膚不同既需要,
亦可以推動膠原蛋白自生。
當中亦含有多種草本保濕成份,
可以提高表皮水份循環。
微細份子可以直達肌膚纖維結構，強化肌芯功能。
肌底液呈淺黃色，質地比較rich同再滋潤啲,
好似稀身既精華液咁，
好適合秋天同乾性肌使用架，
用完會覺得皮膚有彈性左同潤澤。
雖然質地好rich不過都好快滲透,可以提升肌膚營養吸收力，
令之後搽嘅護膚品更加吸收。
好似係甩皮或者特別乾既位置搽多啲份量，
可以改善甩皮既情況。
Crème Ancienne Soft Cream $1,350/30g
成份含有白芒花籽油，佢係一種獨特既脂肪酸，
好滋潤，好輕易就被肌膚吸收。
而紫錐菊萃取就有助改善肌膚嘅復原能力，
可以令皮膚更加有光澤。
另外佢仲含有維他命E可以提供抗氧化保護，
防止因自由基侵害而形成皺紋。
而甘菊蠟可以消除皮膚乾裂現象，軟化皮膚，
係肌膚上面形成一層輕盈嘅鎖水保護膜。
呢個soft cream質地好軟滑，超級容易推，
有啲cream搽完果下好似好保濕，但過一陣就好似無搽過野咁，
呢個搽完就會有層保濕膜係面咁，
可以keep住皮膚水嫩柔滑，
仲有陣好清新舒服既味添。
好多朋友都嫌朝早趕出門口搽完日霜再搽防曬好麻煩，
呢個時候你就可以揀番個有防曬度嘅日霜啦。
CAUDALIE 這高效抗氧保濕日霜 SPF 20 PA++ $400/40ml
大家唔好以為夏天先要搽防曬呀，
一年365日都有紫外線架，
不過秋天就無夏天咁曬，佢入面有埋防曬既功效,
日常出街SPF20 PA++都足夠，
朝早就可以搽少樣野啦。
含有專利葡萄籽多酚同維他命Ｃ，可以抗氧化、抗皺，
植物甘油同五胜肽就可以做到保濕效果。
大家都好驚搽有防曬成份既野會變白面彊屍，
呢支質地推開後就好薄身，唔黏膩亦唔會泛白架。
用完即刻會feel到皮膚好保濕，乾紋都無咁現。
聞落去仲有好香既甜橙同薄荷葉味，
朝早用完就成個人都精神曬啦。
夜晚番到屋企雖然會好攰，
記得落妝之餘都要搽番護膚品架，
咁就可以潤住訓教，第二朝起床皮膚就唔洗乾爭爭啦。
SOTHYS 五加蔘排毒晚霜 $890/50ml
好多美容產品都有用人蔘做賣點，
人蔘產品好多時都好快見效，但同時會帶有刺激性，
所以好多敏感既皮膚都用唔到，
而呢個晚霜含有既五加蔘就可以用係較脆弱既皮膚上，
會比起普通人蔘更加溫和架。
有抗疲勞，同激活細胞嘅功效，
入面仲含有槐花，可以幫助排水、排毒及提昇輪廓功效，
第二朝起床都無咁面腫。
而米固醇可以幫助修複、保濕同舒緩日間嘅侵害。
好多晚霜質地都會比較厚身，
而呢款既質地就好薄，
雖然佢話係night cream，但我就覺得比較似lotion狀，
搽night cream就最怕難吸收會痴落個枕頭度，
如果你都一樣有呢種感覺，
我就推介你要試下呢款啦！
佢無咩氣味，易推快吸收，
仲有鎖水效果，令你既皮膚keep住水嫩到第二朝，
而且佢仲有排水腫功能，
用完第二朝就無咁口腫面腫，輪廓都出番黎架！
如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup
（版權所有，未經同意不得轉載。) | 
