相信好多女仔都有噴香水既習慣，
每日聞住自己鐘意既香味真係成個人都開心啲架！
香味係種好特別既野，
行過人地身邊聞到好香既味都會留下好深刻既印象，
唔同既味道仲會帶比人唔同既感覺，
而有啲味道仲可以勾起你一啲既回憶添！
有啲朋友遇到自己鐘意既香水就唔捨得再轉，
一用就用左好多年添，
個味道直情變左好似自己既signature咁，
令人一聞到就唸起自己啦。
今日就會推介幾種唔同既香水比大家，
睇下有無一款岩自己心水啦！

Fresh life Eau de Parfum 30/ml $460

Fresh呢個香水系列就以泥土、空氣、陽光同水為主題，
入面有佛手柑、葡萄柚、甜橙既氣味黎營造清新既感覺，
當中以甜橙味為主調，聞落去好清新，
個香味就好似令你置身係大自然咁，
享受住一種好舒服既感覺！
雖然佢以甜橙味為主，但唔會有太甜既感覺，
驚太俗既朋友就可以試下呢款，比較容易受落架！

Bottega Veneta Knot 50ml/$990

呢支香水一睇就比個樽身吸引左！
樽身設計靈感係來自威尼斯玻璃製品同意大利傳統carafe玻璃瓶，
啞光金瓶蓋更加係特色設計元素，
鐘意收藏靚靚香水樽既你就一定唔可以錯過啦。
前調為橘子，青檸同橙花油，
中調就會滲出好濃郁既薰衣草味，
而最後就帶出左玫瑰同牡丹花既花香。
一支就夾雜左花香同果香味，
味道比較濃郁，
有隆重場合或者party要出席噴佢就岩啦，
呢個味既感覺都非常高貴架！

CHANEL N°5 EAU PREMIERE VAPORISATEUR SPRAY 50ml/$885

CHANEL既經典香水可以話係好多女士既至愛，
而呢支係全新出既N°5奢華低調版，
味道會比之前出既版本淡一啲。
前調係格拉斯橙花、香水樹花，
中調就有格拉斯茉莉、五月玫瑰、依蘭，
而後調就係檀木香、波旁香根草同天竺薄荷。
我覺得聞落去係似一種好清爽既爽身粉味，
個味道好清新，唔會好濃，
仲好有女人味既感覺，
而且佢地既香水仲出名好long lasting添。

Fekkai Citron et Menthe 50ml/$300

Fekkai呢個品牌既創辦人係美容同美髮界最具權威既人物之一
而佢地今次就推出左支好特別既香水，
就係一支專門用黎噴頭髮既香水噴霧啦！
以清新水果同薄荷葉為組合，
聞落去就有陣淡淡既甜味，
散發出一陣好sweet既味道，
想要活潑少女既感覺就可以試下呢款啦！
佢除左帶有好香甜既味道之外，
仲可以令頭髮充滿光澤，撫平毛燥秀髮，
可以連髮尾油都慳番，
真係一物二用呀！

（左）Calvin Klein Eternity night 100ml/780

呢個香水樽身係漸變既暗紫同炭灰色，
就好似模仿緊天空夜幕低垂，營造出好浪漫既感覺，
真係好有心思呀！
前調有粉紅胡椒、接骨木果同歐洲李，
中調就有雞蛋花、紫藤同茉莉，
最後以檀香木味作結。
鍾情於花香味既朋友就可以試試呢支啦！

（右）Calvin Klein Eternity night for men 100ml/670

唔好以為噴香水只係女人專利，
男士噴完都可以即刻增強魅力架！
呢個系列就出左支專for men既香水，
前調有紅辣椒、梅子同芫荽籽味道，
中調有鼠尾草、紫羅蘭葉既草本香氣，
最後以岩蘭草同檀香木作結。
個味好清新醒神，岩曬想有年輕活力感覺既男士用啦！

Maquillage fragrance jelly 80/ml

呢支香味啫喱係Maquillage今季新出限定套裝既其中一樣items,
佢一搽開就變得好水，唔會痴笠笠架！
搽完會散發出一種好sweet既花果香味，
而且仲帶有少少閃粉效果添，
去party搽係鎖骨同手腳位置就非常sharp啦！

如欲取得更多第一手美容及扮靚資訊
可瀏覽Girls Talk Main Blog：
Girlstalk Blog
或 Like我們的Facebook專頁：
Janice Lam Makeup Workshop Facebook

（版權所有，未經同意不得轉載。)

現時流行用不同的電髮夾做出不同髮型效果，
之前我們也有用電髮夾教大家打造韓式清爽短髮。
而workshop早前亦在淘寶買了一個電髮夾，
今次就用它以及其他造型產品去教大家五分鐘造出層次感波浪曲髮。

我相信係女人都鐘意行街，我自己都係行街精，
不過因為工作成日都無時間行街買嘢，
而且online shop愈嚟嚟普及之後，
我都轉戰網上買嘢，
今日就介紹三個我經常買開嘅韓國online shop，
等大家破吓財！
我自己最常買嘅都係韓國同歐美嘅online shop，因為有信心保證，
反而我就唔淘寶，試過買過貨不對辨，
搞到嘥錢又嘥心機，所以就無再淘寶喇！

首先介紹呢一間Cherrykoko，
啲衫感覺斯文啲，好啱各位OL人士。
佢係韓國江南都有實店，
如果旅行經過都可以去睇吓架！

http://www.cherrykoko.com/

佢質素都幾好架，價錢都唔算好貴，
例如冬天啲大褸外套都好靚又抵！

而我就最鍾意佢哋嘅裇衫同裙，
有時啲款仲好elegant添！

Shipping大概需5﹣10個工作天，
一般一至兩星期內收到，都唔算好耐。
佢係用EMS Postage，所以運費都係根據重量同size而定，
落order嘅時候就會知要收幾多運費。
可以用VISA／MASTER，或者Paypal付款，非常簡單方便。

而呢一間Zipia應該好多人都認識，
佢嘅種類比較多，
無論casual、返工衫、連泳衣都有架！

http://www.zipia.net/

佢價錢都係好平民，
而且有好多時裡面啲衫都好獨特，
係香港未必會遇到架！

而近期我就鍾意佢啲bottom同accessories喇！
佢哋啲accessories仲好抵買添，
如果鍾意買飾物嘅朋友就啱哂你喇！

Shipping大概3﹣7個工作天，都算幾快架。
運費都係根據貨物重量而定，
2kg要22USD，4kg係28USD，
所以訂得愈多係愈抵架。
Payment方面可以用Paypal。

到最後一間，可能就少人認識喇，
佢Style比較少女，而且仲帶少少玩味，
係潮人嘅你一定唔可以錯過呀！

http://mixxmix.com/

佢仲有instagram，
一有新貨就會即刻update，
包你時時都係行緊街，check實個潮流！

呢間我就係經代購去買，
facebook search “Seoul Good"就會搵到，
價錢上如果48000won就變HKD480咁上下，
不過多數會問問先，等佢報個價。
如果要得一件，又要佢地國內運費就要加多around $25-30。

我訂過呢幾間online shop，
so far都冇問題，未試過要換貨退貨，
所以整體上都好OK。

今次就介紹住咁多先啦，
下次再同大家發掘更多online shop，
燒吓大家啦！

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

（版權所有，未經同意不得轉載。)

出trip除左要做野，趁有少少時間可以shopping睇野，
岩岩之前搬左新屋，所以今次就順道去左睇家品店喇，
大家都知歐洲既廚具、家具擺設樣樣都好精緻，
我今次真係買到癲左！
宜家帶大家睇下我掃左啲咩戰利品啦，
呢度只係其中一部分咋！

行Lafayette最好就係分左三棟，
分別係男裝、女裝同家品，
所以佢地既家品野真係好集中，
而且裝修左之後，佢地既野亦趨向年青化，
好似Cath Kidston呢類牌子都有，
不過呢度就比香港多好多款式。

而好多廚具既大牌子呢度都有，
因為新屋未有廚具，所以我第一時間去左睇廚具先，
真係不得不讚佢地既款式、品質都非常好，
去到仲要做緊discount，６折至８折不等，真係平好多！

呢個銅煲相信對煮食有一定要求既人一定認識，
老牌子Mauviel 1830出既銅製煮食用具出名導熱效果好，
而且可以快速加熱同降溫，
好多外國酒店、餐廳既廚師都會用架。
其實香港本身都有得賣，不過就貴成20~30%。
我自己就好鍾意玫瑰金色，呢個銅色都好類似，
所以一見到真係忍唔到手，癲喪到買左成SET返黎！
雖然我唔係廚藝精湛，但今次都要扮下PRO。

幾個煲加埋一啲都唔輕，無理由自己搬晒返黎，
好彩發現Lafayette原來有得郵寄！
佢地仲有得即時退稅，
退返黎既稅仲補貼到郵費仲有突，
哇，即時雙眼發光！
果度大慨一千蚊左右，一星期就會送到返黎香港，
計返都係平過喺香港買，而且又多款式比你揀。

Tips: 如果你地都去歐洲買野，記得問清楚店員有無郵寄服務，
因為其他大型百貨公司例如春天百貨，都無呢個服務，
Lafayette果邊會即時磅重，即時話你知運費係幾多，
買野之前就記得問左先喇！

之後我就見到呢啲好靚既餐巾，
印有lace pattern，仲要咩色都有，
喺香港就真係無見過，
所以最後每隻色我都掃左pack返黎！

呢個係有造型既糖，白糖黃糖啡糖都有，
其實上年去Paris既時候見到已經好想買，
覺得好精緻又好靚，但又好似好無聊咁。
今次撞岩搬新屋，就有藉口比自己買喇，
我買左細既茶壺同小鳥款式，
價錢唔貴，自用送禮都好正。

之後經過Bicester Village outlet shopping centre，
好多人都好鍾意去，不過今次就唔講住，
我反而想介紹喺佢隔離既商場，
因為入面有間好正既家品店－MAISONS。

一睇就知係我杯茶啦！
佢既價錢同IKEA係差唔多，但係用料同style就非常OK，
入面每個column都分得好仔細，
pattern／顏色／style，每樣都有自己既column，
非常方便到每個顧客既需要。

呢啲門抽同櫃，如果以款式黎睇，價錢同香港既真係差唔多，
咁vintage既座地櫃都係港紙2千蚊左右，仲要手工非常好，
其實呢個櫃就等同我喺淘寶見到果啲外銷貨品一樣，
不過有得睇實物就梗係好啲，
雖然未必可以買到返黎，但睇下一樣咁開心，
而且呢度多好多款同色，任君選擇。

有時見到啲好誇張既3D cake同jelly，
呢度都會有模具賣，成個蛋糕同城堡都有添！
鍾意整野食既朋友黎到真係要買返幾個。

我喺呢間店就買左張大枱布同門抽，
款式都係香港買唔到，而價錢我自己覺得可以接受。
呢間店仲有出catalog書，不過太厚太大本無拎到返黎，
如果大家想睇多啲可以上返佢地既官網睇下。
網址: http://www.maisonsdumonde.com/UK/en

今次只係同大家介紹左巴黎既家品店，
黎緊仲有英國果邊，都有好多好正既家品店，
記得留意住我既旅行遊記喇！

如欲取得更多第一手美容及扮靚資訊
可瀏覽Girls Talk Main Blog：
Girlstalk Blog
或 Like我們的Facebook專頁：
Janice Lam Makeup Workshop Facebook

（版權所有，未經同意不得轉載。)

又到左一個月一次既平靚正好物推介，
今次有四款好物介紹比大家，
包括其中三款保濕護膚為主既gel cream同mask，
因為最近秋冬天氣比較乾燥，
我地就揀返多啲抵用既護膚產品比大家參考，
希望都岩你地用啦！

KAREN:

廣源良天然蘆薈滋潤凍GEL $48

含天然植物蘆薈萃取液、海鮫深鯨油、洋甘菊等，
有滋潤、保濕效果。

質地好似啫喱狀，一推開就變水劑，
好容易推勻，好快被皮膚吸收，
感覺好清爽，唔笠身，
有補水嘅作用，但係唔算好滋潤。
中至油性皮膚可以單搽，夏天用都幾啱。
乾皮膚嘅就可以on top再搽番滋潤啲嘅cream，
咁就可以改善缺水嘅情況喇。

YUKI:

HOLIKA HOLIKA JUICY mask sheet $10/piece

呢個蕃茄mask蘊含番茄提取物，
當中既維他命K，A，C，可以令肌膚變得年輕緊緻，
而且有豐富養分同水分，幫皮膚補足水。

夜晚沖完涼洗完面就試左呢個mask，
塊mask好貼面形，岩岩好，
精華水分都充足，唔會過濕，
敷完15分鐘之後會明顯有水潤感，
而且唔會”痴笠笠”。
10蚊一塊其實都算OK，
佢地仲有其他水果味同功用，
如果麻麻地蕃茄味既朋友可以試下其他味架。

Annie’s Way 熊果素玻尿酸淨白果凍面膜 $125/250ml

為人熟識既Annie’s Way黎到香港一段時間，
今次要介紹就係呢個藍色瓶，
淨白＋保濕＋淡斑，仲可以清潔黑頭粉刺！

自己用第一次既時候就覺得無咩特別，
但喺用第二次既時候，就發覺有少少黑頭浮左出黎，
用針清左之後乾淨左，毛孔都有細到。

至於保濕功效，我覺得敷完會有飽水感，
我自己皮膚係屬於混合性，
敷完再加埋本身用開既cream就岩岩好。
但皮膚偏乾性既朋友可能就會覺得唔夠滋潤，
而呢個系列仲有一個更加深層保濕晚蜂蜜凍膜，
想再滋潤啲就可以轉用呢一款喇。

美白我就無咩感覺，可能本身自己都唔算偏黃偏黑，
所以都好似無咩太大分別。
不過250ml只係百零蚊，都好抵買，我已經打算回購喇！

Christy:

Banila Co eye love gel eyeliner #Dark Brown $8x

除左眼線液同筆之外，我自己平時都好鍾意用眼線膏既，
以前我都試過好多款既唔同既眼線膏，
不過就唔係款款都岩我心水啦！
有啲一開出黎就已經覺得質地好乾，
用多兩次直頭乾到硬左，掉得！
有啲質地就太濕，畫完一眨眼就整污漕上眼皮又好易溶！

而呢款Banila Co既眼線膏就非常好用啦，
我揀呢個係深啡色，畫出黎既效果會比較soft亦都好夠精神，
質地好軟滑，用左幾個月都唔會變乾，
畫既時侯好順好易畫，唔會畫到一舊舊，
仲都好防水防油添。

如欲取得更多第一手美容及扮靚資訊
可瀏覽Girls Talk Main Blog：
Girlstalk Blog
或 Like我們的Facebook專頁：
Janice Lam Makeup Worskshop Facebook

（版權所有，未經同意不得轉載。)