如果續持使用，可以改善皮膚敏感問題，
只需要每日早晚使用，塗於面部及頸部，
而面部同眼部都用得架！
Soin d’eau/ Mild Lotion 200ml $230
Soin d’eau呢枝Lotion蘊含92%活泉水，可以高度補水，
令皮膚即時滋潤柔滑，
佢既質地都係水gel狀，可以好快吸收晒。
當中有Bio-mediator S細胞調節因子，
可以活化同激活細胞，促進新陳代謝，
令肌膚保持健康。
因為佢係水gel狀，帶少少黏黏地，
不過吸收後就好清爽，唔會油膩，
仲可以平衡皮膚既水油分泌，
作為日常洗完面後當爽膚水用就岩晒。
另外亦可以自製小面膜，用紙面膜浸濕mild lotion，
然後用保鮮紙包住放進雪櫃雪10mins，變成冰涼面膜，
敷上面部10-15mins，就可以即時紓緩敏感同紅腫既肌膚，
亦可以為肌膚注滿水分，令皮膚飲飽水。
－修護篇－
FANCL/ Brilliant Synergy Kit
呢個Kit set一盒有齊3款products，
有滋養眼膜、更新精華同massag軟膜。
同時幫肌膚去暗亮膚，柔滑補濕，
用膠原活肌、去除老化膠原蛋白，撫平皺紋，
仲可以滋養明眸，緊緻眼肌。
Beauty Concentrate
呢枝concentrate唧出黎係淡黃色，質地比較油膩滋潤，
不過都好快吸收到，皮膚表面唔會太痴笠笠，
比較適合混合性同乾性皮膚。
佢入面有高滲透水飛薊精華等多種美容成分，
可以提升膠原蛋白再生能力，
滋潤肌膚同時緻肌膚膠原蛋白組織。
早晚搽潔面同搽上肌底液後，
拎兩泵concentrate均勻搽勻全面。
Concentrate Eye Mask
呢個eye mask係彎月形，棉質，入面既精華好多，
而且唔似平時既eye mask咁係水gel狀精華，
而係比較黏笠既奶白色精華。
敷完10mins之後會有剩餘精華，可以搽喺其他位置。
呢個eye mask適合比較年長既女士，
因為佢主要係為乾燥同有細紋既眼周肌膚提供膠原蛋白，
亦主要針對眼尾同眼肚部份，
高效滋養，修護眼紋，回復緊緻細滑。
使用時潔面同搽上肌底液後，敷喺眼下位置10mins就可以。
Massage Clear Pack
Massage Clear Pack共有3枝，一枝用一次，
一枝既份量好多，入面亦有一點點黃色既維他命E微粒，
質地好柔滑，按摩完再敷一陣，
洗完面之後皮膚柔軟左，亦都白淨左。
呢個clear pack入面有其他美容成分可以加快去除老化廢物，
改善肌膚既暗啞暗黃，重拾紅潤亮澤。
使用時只要按摩一分鐘，然後敷三分鐘，
用清水洗乾淨，再搽其他日常skincare就ok。
Wish Formula/ Aesthetic Reparative K Cream 50g $700
呢瓶修護霜係具醫學美容功效，
入面有高濃度生物修復因子，
可以有助快速鎮靜同舒緩皮膚上既紅點同敏感部分，
補充損傷皮膚既必要營養，令肌膚能回復彈力。
佢適合任何肌膚使用，
而且仲好岩做完laser或其他皮膚治療之後使用，
可以舒緩紅腫同敏感既皮膚。
不過如果有傷口、濕疹或皮膚炎的位置就唔可以用。
佢既質地係一般cream狀，不過就比較滋潤，
最近天氣乾燥經常甩皮既話，都可以用黎修護，
但有損傷就唔可以用住喇。
－保濕篇－
gulsha/ Rosa Damascena Distillate 50ml $368
呢枝玫瑰水含有99.9%純天然活性玫瑰水，
每樽都係以傳統人手蒸餾方式一滴一滴集合而成，
一樽200亳升既玫瑰水用左1000朵大馬士革玫瑰，
由於玫瑰產量極為有限，非常珍貴，
所以呢枝玫瑰水被譽為「頂級珍貴既保濕皇后」。
佢既質地係水狀，有淡淡既玫瑰花清香，
只需要喺潔面後直接拍上瞼上，
就可以做到即時補水。
玫瑰水吸收得好好，做到即時滲透，
佢既成分可以更新活化皮膚細胞，令皮膚水潤亮白，
仲可以當mask濕敷，以淡化黑眼圈。
平時出街太乾燥或者要補妝，都可以用黎噴全面，
有效定妝同保濕。
Wish Formula/ Hydra B5 Source 30ml $480
大家都知維他命B5可以修復受損及敏感肌膚，
而呢枝B5入面仲有天然維他命K同透明質酸，
幫肌膚形成保濕膜，為肌膚鎖住水分，防止水分流失。
佢既質地係水狀，無味，無色素，
而且不合油性成分配方，搽上面感覺好清爽，
適合比較油性皮膚，
如果乾性同混合性皮膚可能唔夠滋潤。
只需要每次潔面後，拎2-3泵精華，輕輕塗抹於面上，
一日兩次，亦可以喺肌膚療程或做完laser之後用。
Avene/ Soothing moisture mask 50ml $240
呢個mask含有74%Avene活泉水及植物油，
可以做到滋潤、保濕肌膚，
即時紓緩肌膚乾燥等問題，令肌膚回復健康彈性。
呢個mask質地比較清爽，而且最特別係唔需要用水洗淨，
所以可以當sleeping mask用都得。
佢亦都好快吸收，可以即時滋養保濕乾燥肌膚，
亦可以修護角質層，長效鎖住水份。
使用時拎適當份量敷喺面上，大慨敷10-15mins，
輕按面部等所有成分完全被吸收，再用其他日常skincare，
又或者當sleeping mask用都無問題。
如欲取得更多第一手美容及扮靚資訊
可瀏覽Girls Talk Main Blog： Girlstalk Blog
或 Like我們的Facebook專頁：
Janice Lam Makeup Workshop Facebook
（版權所有，未經同意不得轉載。)
