之前我地介紹好多大家都有一定熟悉既護膚品牌比大家，
平時我地都好鍾意試新野，
例如新進品牌或者大家少聽見既產品我地都好鐘意試，
今日我就會介紹一啲新進品牌既產品比大家，
雖然以下品牌既產品係香港未算好出名,
大家可能會覺得陌生少少，
不過佢地係其他地方知名度已經好高,
質量一樣有保證架。
ADJUVANT係日本美容品牌，
產品都係made in Japan,
係日本已經創立逾20年架啦!
大家唔好睇呢個品牌好似好陌生喎，
其實佢大有來頭架！
佢部分產品於2012同2013年兩年都連續獲得
比利時國際獨立質量研究所－Monde Selection「世界食品品質評鑑大會」
頒發既金獎殊榮添！
品牌提倡天然、無毒、安全同高效為宗旨，
研發出一系列不含酒精、礦物油、
人造色素同任何有害化學成分既護膚品，
令大家都用得更加安心。
而ADJUVANT更將人體細胞所需營養「糖分」
同「電解質」作為產品主要既成分,
可以增強細胞既自癒能力,有效抵禦外界既侵害架。
ADJUVANT AE lotion $460/80ml
含有酵素、維他命同胺基酸等成份，
可以將營養同水分都同時送到真皮層，
做到激活細胞，提高皮膚既彈性，
有效增強保濕既效果。
雖然佢叫AE lotion，不過質地就好水，
有啲似潤身少少既化妝水，
搽上去好快吸收又唔會太笠,
呈淡啡色，無咩味道。
建議皮膚太缺水既朋友可以選擇質地比較水既精華，
可以令皮膚易吸收啲架！
售賣地點：ISQUARE 國際廣場504號舖
Wish Formula係一個韓國醫學護膚品牌，
旗下品牌及醫學美容系列主要以發酵煥膚技術作基礎，
推出左多達80款醫學護膚產品，
單係南韓首爾就獲多於1,000名皮膚科醫生及整形診所選用架啦，
所以絕對係大有來頭！
Wish formula 酵素溶解黑頭鼻膜套裝 $420
呢個套裝入面有25片黑頭面膜、黑頭棉花棒25支、 毛孔緊致精華16ml
含有金縷梅萃取、鼠尾草萃取，薄荷萃取等9種天然萃取成分配方，
有助去除黑頭及溶解油脂，不剌激皮膚，
可以溫和去除黑頭粉刺，入面既薄荷成分仲可以舒緩肌膚添！
Step1 )潔面後，將含有去黑頭精華既黑頭面膜敷係鼻上15-20分鐘，
Step 2)然後套裝附有呢種特製棉花棒,
一邊係棉花頭,另一面係膠刮可以幫助推d黑頭出黎。
Step 3)最後以清水沖洗後，再搽上毛孔緊致精華。
呢個精華好水狀，無咩味道，
通常毛孔粗大既人都係偏油性肌，
呢個收毛孔精華搽完之後好爽身，唔洗驚會太笠啦！
售賣地點：萬寧
SkinMiso pore beauty nose pack $198/10pair
Skinmiso都係一個韓國醫學品牌，
由5位韓國皮膚科醫生，審美專家，藥劑師，
東方傳統中醫同化妝品專家開發，
佢地專注於毛孔問題和消除死皮細胞，
所以絕對係信心保證呀！
呢個去黑頭套裝有三樣產品，
分別係step 1,step 2同step 3。
Step 1可以有效導出同軟化黑頭功效，
可以先清潔乾淨T字部位，
然後敷上Step 1,
敷上去時就覺得有好薄荷既感覺，
涼涼地都幾舒服！
敷10分鐘,之後就可以用粉刺針或者棉花棒
刮乾淨浮出黎既黑頭粉刺啦。
然後就可以敷上step 2 ，
佢可以幫助收細毛孔, 唔洗驚擠完黑頭毛孔會變得鬆弛同粗大，
都係敷10分鍾就得架啦！
最後塗上step3既控油隱形毛孔霜,
佢既功能就似我地平時用開控油填毛孔既makeup base，
佢可以幫助減少油脂分泌，保持肌膚清爽，
用完佢再上妝就very good啦！
售賣地點：萬寧
而以下呢個亦係品牌另一皇牌產品！
SkinMiso緊緻毛孔精華 $235
油脂分泌過盛以及衰老都會造成毛孔粗大問題，
而呢支精草就含有天然植物，包括欖仁、馬齒莧、
綠茶等萃取HTHCP複合物，
可以幫助收縮毛孔，令皮膚回復光滑架！
呢支精華都係好水狀，亦係無咩味道
搽完佢上妝都唔會有擦子膠碎既情況出現，
好快就吸收曬架啦！
售賣地點：萬寧
上山採藥呢個品牌已經創辦左20年架啦,
今次上山採藥同幾米品牌首度合作,推出限量經典款面膜系列,
內外包裝都可以見到幾米既插圖呀!
呢個hand cream包裝非常有心思，
有個印有幾米插畫既紙筒裝住，
用黎送比朋友絕對唔會失禮呀！
上山採藥 x幾米 蠟菊修護手霜／玫瑰美白保濕手霜 ＄75/80g
我試呢支係玫瑰美白保濕護手霜，
個質地都好透薄，好容易推開，
我自己就好憎hand cream會黏笠笠，
做野會好唔方便！
而呢支就好快吸收，
搽完對手好滋潤得黎亦唔算太笠。
平時d hand cream都係細細枝，
呢支賣70幾蚊就有成80g ,
差唔多等於一支mask咁大支呀 ！
呢個價錢就買到又大支質素又好既hand cream真係好抵用，
而我最鍾意佢既攻瑰味好清，
唔似好人工既玫瑰味。
上山採藥x 幾米 面膜 ＄78/10塊
除左hand cream佢地都推出左幾款唔同功能既面膜，
包括極緻亮白、保濕蓄水、緊緻撫紋同美白嫩肌面膜。
今次我就試左呢款緊緻撫紋面膜，
含有薏仁萃取，膠原蛋白成份可以幫助緊緻皮膚，
面膜採用左特殊凝水蠶絲纖維，
都算幾貼面，亦都好多精華液，
我敷左約20分鐘都唔會乾。
拎完塊面膜出黎個包裝入面都仲有好多精華液，
我就梗係唔好浪費敷埋條頸啦！
呢塊雖然叫自己做緊緻撫紋面膜，
但驚喜地敷完即刻覺得好保濕，乾紋都即時淡左，
過一陣精華都吸收曬，
唔算好笠，
我本身既皮膚唔係好鬆馳，
所以緊緻既感覺就唔算太明顯啦。
不過以呢個價錢黎講我都無太高要求啦，
以平價mask黎講都算做得好唔錯！
都值得買黎一試。
售賣地點：萬寧，千葉草
如欲取得更多第一手美容及扮靚資訊
可瀏覽Girls Talk Main Blog： Girlstalk Blog
或 Like我們的Facebook專頁：
Janice Lam Makeup Workshop Facebook
（版權所有，未經同意不得轉載。)
| 
