Q1. 聖誕狂歡過後，膚色變得暗啞，
就算上妝後也沒有紅潤效果，
用BB cream可以改善這個問題嗎？

A1. BB cream可以改善膚色不均問題，但若想臉色紅潤，
變回之前的好氣息，可以在底妝方面作出改善，
選用粉紅色make up base打底，於面部幾個位置上點上，
然後向外推開，再上粉底、碎粉等，
膚色就能變得自然紅潤；或者於上碎粉前，
用creamy狀或水狀淡粉色胭脂於面頰位置薄薄塗上一層，
亦能帶出紅潤氣息。

先用makeup base由內而外推開

左: IPSA/ PURE CONTROL BASE #EX PINK $260
右: CANMAKE/ CREAM CHEEK #08 $76

Q2. 如果皮膚缺水變得又乾又多紋，又可以怎樣打造白滑水潤的效果？

A2. 肌膚乾燥時可選用珠光色make up base，
同樣於面部幾個位置上塗上、推開，再上粉底、碎粉等，
即時令膚色變得光滑亮麗；
或者可以用閃身或滋潤成分較高的粉底，
即時改善皮膚乾燥感，令肌膚看起來水潤有光澤。

在輪廓突出的位置塗上具珠光的粉底，令肌膚看起來水潤。

左: LANCOME/ LA BASE HYDRA GLOW $320
右: YSL/ YOUTH LIBERATOR Serum Foundation #B20 Beige $530

Q3. 化妝後眼底總是出現乾紋，用上eye cream和eye base
也有時會出現以上情況，應如何解決？

A3. 化妝後眼底乾紋出現或許是因為遮瑕膏太乾、
拿掐份量太多、碎粉粒子太粗等因素所致，
建議先選用corrector遮蓋眼底啡色及青色色素的位置，
如有需要才用concealer於深色色素的地方塗上，
而用遮瑕掃掃上，效果會更透薄。
另外，可用細號碎粉掃於眼底掃上碎粉，
份量會較少較薄，減少乾紋形成；
市面亦有眼部專用的碎粉，
粒子較幼細，質感較薄，不易令眼底出現乾紋。

下: Bobbi Brown/ BBU Palette (corrector & concealer)
左上: ESTEE LAUDER/ Re-Nutriv極緻鑽亮遮瑕底霜 $360
右上: Laura Mercier/ Secret Brightening Powder #1 $210

左: 細號碎粉掃 $180
右: 遮瑕掃 $150

如欲取得更多第一手美容及扮靚資訊
可瀏覽Girls Talk Main Blog：
Girlstalk Blog
或 Like我們的Facebook專頁：
Janice Lam Makeup Workshop Facebook

（版權所有，未經同意不得轉載。)

上次同大家分享左入營前要準備既物品，
唔知大家有無心動想即刻相約朋友去玩返晚？
上星期六、日我就去左一個由團體草原地圖舉辦既
露營活動「草民音樂營」，
今個星期即刻同大家分享返有幾好玩先！

今次去呢個露營都係無意中喺facebook見到有朋友share出黎，
覺得佢地都有好多活動，好似幾得意就參加左，
佢地有３日２夜、２日１夜同日營揀，而我join既係２日１夜，
不過當日去到發覺唔少人join day camp，
入去聽下音樂會、同朋友野餐煮野食同傾計，都好唔錯！

基維爾營地喺飛鵝山上，係屬於童軍總會既營地。
咁岩我去果幾日天氣非常之好，山上係大風少少，不過有太陽都好和暖。

第一日去到入口處要同工作人員做返登記，
每人都會有返一個牌以知悉別，
入面仲有營地既地圖方便參加者睇返。

（大家都見到唔少參加者真係準備充足，個backpack多野到呢…）

我登記完之後周圍行左一圈，順便睇下喺邊個營區紮營，
因為我去到既時間已經係下午，好多人已經一早紮左營，
所以最後就揀左比較偏靜同要再向山上行既營地。

一直行都見到好多唔同既帳幕，呢個真係好好好靚呀！
一個大既白色營，初時我以為係for 4-6人用，但原來係兩個人用咋。
帳篷外面同入面都怖置得好別緻，有旗子、風車、捕夢網等等，
而營內仲用左好多民族圖案既布鋪墊床舖。
呢個營後面仲有一個係半開放式既帳幕，
係for煮食、坐低傾計既地方。
對於第一次黎露營既我，真係比呢個營吸引住。
之後我亦都有同帳幕既主人傾計，好開心知道多左有關露營既事物，
亦令我好想快啲再去多次camping！
 

其實我去之前都喺７５９掃左好多唔同既零食，
不過最後發覺都唔多夠，零食真係好邪惡，一開始食就好快食晒！
所以下次我會再買多啲！

  有故事地攤、交換草場、導賞團等等，

  可以圍埋坐喺地下同唔同既朋友傾計，

  了解下佢地既故事、去旅行遇到既特別事情等等。

而夜晚音樂會完左之後，會再有營火會，
一齊圍住營火，聽住舒服既音樂，真係好愜意。

入夜後既帳篷竟然仲有埋燈飾，真係超靚！
（搞到我好想添置裝備…）
有唔少人會喺自己個帳篷前面煮野食，別有一番風味。

本來夜晚我係想影星星，可惜當晚12點後大霧到不得了，
好有霧地異剎既感覺，全部營都喺霧入面，差啲伸手不見唔五指，
隔離營啲人仲圍埋喺度講鬼故。（的確好有氣氛！）

山上夜晚氣溫無想像中咁凍，帶去既暖包都無開過，
有睡袋同著左兩件衫，已經好暖。
重要既係，一定要有防潮墊，因為濕度真係太高，
如果唔係好易令個個營入面都係水氣。

第二日起身後，我好即興咁提議走上飛鵝山山頂，
好耐都無行過山，原來呢度都有好多芒草，
天氣又好好，上到山頂可以飽覽成個九龍同西貢風景。

行完山之後我同朋友就返去執好行李落山走喇。
今次既露營體驗真係好唔錯，我諗係時候要諗諗添置裝備…
例如係一啲旗仔裝飾、露營用摺枱摺凳、
GAS燈、或者加多一個爐頭煮野食…

今次帶去既背囊其實都好夠用，
不過如果要添置裝備就可能又要考慮加大容量喇…
或者應該再call多幾個朋友一齊去分擔下啲物資，
其實同成班朋友去真係好開心架，
希望下次有機會再同大家分享！

有興趣既朋友可以留意下：草原地圖facebook

唇色對成個妝容黎講係好重要，
而每個女仔屋企實儲埋一大堆lip products！
只要幫自己換個唇色就好似換左個妝咁架啦。
而今年春天都會流行柔潤，比較絲滑感覺既唇妝，
少用左matte既顏色，
咀唇乾，唇紋又多既朋友都好驚用matte色，
驚出到黎既感覺會更加乾，
想個咀sharp得黎又唔乾就可以留意我以下既推介。
今次我就會試下唔同品牌既唇膏，唇彩比大家睇下，
睇下有無岩你心水啦。

好多女仔對於夢幻既包裝都會愛不釋手，
甚至係控制唔到自己 .....
Jill Stuart絕對係夢幻之選，
佢次次出新野我都會去專櫃潮聖一番！
今次佢就出左以ballet stories為主題既collection，
仲係限定版黎架，想儲就要快啲去買啦！

Jill Stuart jelly lip gloss $170/15g

入面有迷迭香，薰衣草，牛油果油等保濕成份，
啫喱狀質地，比較杰身，
我無搽潤唇膏再搽佢都OK，
過一陣個咀都無乾無甩皮。

＃103係帶有細膩閃粉既透明gloss,
本身個咀好紅，唔想搽有色lip gloss既話，
用佢就岩曬啦。

而＃105，106搽上去都會比較透薄無咁實色，
淡淡既唇色用黎襯番濃眼妝同胭脂妝都好match。

而我自己就好鐘意支＃104，佢顏色會鮮艷啲，
無帶閃粉，但就呈有好靚既光澤感覺。

（五星為最高分）
滋潤度：＊＊＊
易卸度：＊＊＊＊
黏稠度：＊＊＊
氣味：果香

講到高貴華麗包裝既lip products，
就非YSL莫屬啦∼
好多朋友都好鐘意佢地既唇膏，唇釉，
我自己都係粉絲之一，
而佢地今次出呢支護唇油確實令我非常有驚喜!

YSL VOLUPTÉ TINT-IN-OIL ＄290 /6ml

呢支產品望落去就同普通lip gloss無咩分別，
不過一搽上去感覺就好特別，
岩岩搽既時侯顏色會淡啲，
但慢慢就會呈現出好靚既唇色啦！
質地就好似平時我地搽係面既face oil咁，
不過質地就再薄啲，唔會覺得痴咀。
超級滋潤，佢簡直係護唇＋唇彩二合一呀！

我自己好鐘意#5 CHERRY MY CHERIE呢個顏色，
搽出黎好有光澤感，好似玻璃咀咁呀！
重點係真係潤得黎感覺一啲都唔厚，
完全唔需要再搽潤唇膏架啦！
聽聞呢支產品一出，某啲色號已經賣到斷貨，
想買就要去專櫃問問啦！

（五星為最高分）
滋潤度：＊＊＊＊＊
易卸度：＊＊
黏稠度：＊＊
氣味：果味

韓風襲港，更加掀起左大玩唇妝既潮流，
LANEIGE身為首屈一指既韓國K﹣Beauty品牌，
每次出新妝物都備受觸目架！
今次佢地以Doggie's Playing Leopard為主題，
一共推出左三款限量妝物，
其中就包括左以下呢款唇膏啦。

LANEIGE Serum Intense Lipstick $210/3.5g

含有高達35﹪補濕精華，成份包括甘油，低敏修護霜
及純天然角鯊烯等。

呢支唇膏既滋潤度我都係非常滿意！
搽完都遮到唇紋，唔會甩皮，亦好柔滑，
一樣唔需要on top搽潤唇膏都得。
而且佢都出到原色，
基本上你望到支唇膏係咩色，
搽上去就係咩色架啦。
＃P40呢個顏色真係好靚，
呢個粉紅色搽完好有韓妹feel呀！

（五星為最高分）
滋潤度：＊＊＊＊
易卸度：＊＊＊＊
黏稠度：＊＊
氣味：淡淡甜味

如果講到係OL之選，
平時番工唔想搽咁鮮色唇膏 ，
只係想化個淡妝等自己精精神神無咁殘既話，
我就推介以下呢款啦。

AUBE Long Keep Rouge $220/3.8g

含有洋甘菊精華，角鯊烯等保濕成份，
亦採用左新color fix oil，可以令唇膏更加貼唇，
更加持久，等你番工唔洗成日要補唇膏啦。 

呢個系列既唇膏顏色都偏向自然感覺，
好上色，含有微微閃粉，
不過搽上去就唔會太閃，
反而就有種好自然既亮澤感覺啦。

（五星為最高分）
滋潤度：＊＊＊
易卸度：＊＊＊＊
黏稠度：＊＊
氣味：無味

平價之中當然亦有佳作 ！
今次心水平價之選我就會推薦ZA啦，
佢今次推出左限定四色霓真彩唇釉，
試完之後既效果都令我幾驚喜。

Za RICH-GLAM LIQUID ROUGE $99/4.5g

含有天然蜂蜜，水溶性膠原等6種潤澤修護成份，
亦含有維他命E，呵護唇部幼嫩既肌膚。
佢今次推出呢個限定系列都係以紅色tone為主，
而且質地好rich ，出到原色，
無咁多budget又想試下sharp色咀就可以考慮下佢。

＃Rosy Red含有好密既金粉，
出黎既效果好閃鑠，去party就最岩啦∼

#Vivid Red 同Bold Red會比較似，
都帶有微微閃粉。
Bold Red 會再鮮紅少少。
想玩紅咀就可以考慮下呢兩支啦。

（五星為最高分）
滋潤度：＊＊＊
易卸度：＊＊＊
黏稠度：＊＊＊
氣味：無味

我自己個咀都比較乾，
所以我鐘意揀潤身質地既lip products,
可以懶啲唔洗搽潤唇膏。
以上試既幾款我自己都幾滿意，
分別有唔同質地，亦有soft同實既顏色比大家揀，
如果鐘意就可以去專櫃試試啦。

如欲取得更多第一手美容及扮靚資訊
可瀏覽Girls Talk Main Blog：
Girlstalk Blog
或 Like我們的Facebook專頁：
Janice Lam Makeup Workshop Facebook

（版權所有，未經同意不得轉載。)

相信有唔少朋友由上年已經開始準備籌劃婚禮事宜，
尤其對女生黎講，結婚係一生人一次既大事，
作為新娘子既裝扮絕對係全場焦點，
除左禮服、妝容，髮型都係非常重要，
2015年結婚想有個好意「頭」，就要留意下今年新娘髮型趨勢啦∼

新娘髮型

今年既新娘髮型趨勢主要都係偏韓風、自然風為主，
一個簡單既髮型、一個簡單既妝容，
只要帶出新娘子美麗既一面就已經好足夠。

1. 自然氣質長髮

上年湯唯同台灣模特兒吳品萱結婚，都係以最自然既曲髮示人，
無論歐洲定亞洲，呢個髮型都係今年大熱，
當然，要整得靚都唔係容易，
一個唔小心比大風吹到亂晒真係嚇親人架。
呢類髮型比較適合面型、輪廓分明既女生，其實都幾蝦人。
同埋最重要就係自己本身有一頭靚靚長髮。

2. 清爽大丸子髻

同樣上年女神徐若瑄同林依晨結婚，佢地都分別以all back大丸子頭示人，
呢類大丸子髻愈來愈多人鍾意，
比人感覺清爽，配襯比較清新既妝容就岩岩好，
而鵝蛋臉女生就最適合選擇set呢類髮型。

3. 簡單易襯馬尾

紮一條馬尾結婚好似太hea? 唔會!
其實近年都愈來愈流行簡單得黎又可以帶出甜美感既馬尾髮型，
係韓國女生最愛髮型之一。
呢類髮型好多女生都適合，就算唔使配襯頭飾都可以好靚∼

4. 復古Finger Wave

喜歡vintage既朋友就一定會揀呢種大熱finger wave！
今年仍然好流行既vintage婚紗，最好就係配搭呢類古典髮型。
古典美人比人感覺成熟、知性，
配襯埋紗網或者小禮帽就更加特別，
相信今年會更加多人選擇呢種髮型。

5. 韓式清新All Back

呢種韓式all back同大丸子唯一唔同就係將後面既頭髮都通通收起，
all back得黎又會有啲隨意，會有髮絲飛出黎，
營造比較fizzy飄逸既感覺，
加上一個乾淨既妝容，就更加可以突出女生既面部輪廊，
而呢個髮型都係今年大熱之一！

配搭頭飾

頭飾都係新娘髮型入面好重要既元素，
而2015年都會著重用唔同頭飾去配搭，
同埋點綴成個hair style，令到整體望落更靚∼

1. Ribbon頭帶

鍾意清新style既女生通常都會揀呢一款，
一條簡簡單單既頭帶或者ribbon已經可以好靚，
而通常呢類都好襯all back髮型，
整體比人更清爽，又不失淑女感覺。

2. Bling Bling閃石

想成為焦點，唔少人都會想揀啲bling bling閃石，
喺燈光照射之下，顯得更華麗高貴，
而呢類頭飾仍然係每年大熱，
用黎襯落髮髻或鬢辮都可以。

3. 鮮花頭飾

除左bling bling閃石，鮮花真係唔少得，幾乎係女生最愛！
而近年新出既保鮮花就更加可以hold一整日，
無論係咩髮型都可以帶出女生fancy柔美既一面，
係百搭之最！點睇都覺得好靚∼

4. Lace紗網

呢類lace網紗雖然唔係咁多人會揀，
不過自從多左人鍾意vintage婚紗，
網紗亦都愈來愈受歡迎，
尤其係短髮女生，配襯呢類頭飾就最好睇！

如欲取得更多第一手美容及扮靚資訊
可瀏覽Girls Talk Main Blog： Girlstalk Blog
或 Like我們的Facebook專頁：
Janice Lam Makeup Workshop Facebook

（版權所有，未經同意不得轉載。)

最近天氣都轉涼咗唔少，天氣變得乾燥，
頭髮比過往乾咗，再加上平時使用電熱燙髮器，
頭髮開始出現唔少問題，例如毛躁, 髮絲變得粗硬等等….
而且仲要一梳就起靜電，成個頭一梳就鬆起晒！
成隻鬆獅狗咁！
其實宜家市面上有唔少品牌推出專FOR乾性頭皮同髮質嘅朋友使用，
等大家唔洗再做鬆獅狗!

今次為大家介紹幾款性質比較溫和嘅洗髮同護髮產品，
改善乾性頭髮朋友嘅髮質。佢地當中有D係比較Professional 嘅品牌嚟！

首先，為大家介紹四款洗髮產品

Loccitane Rose st Reined Velvet Shampoo (HK$170/ 240ml)

Loccitane嘅產品過往都有用過，
相信唔少人都有用過佢地嘅護膚品又或者身體護膚產品!
佢嘅產品香味散發住好清新嘅花香味，用嘅時候聞到都覺得好舒服!
而且佢嘅產品質地好滋潤，用完之後皮膚都無咁易因為乾燥而痕!

而早前佢地就出咗呢支玫瑰洗髮水，入面蘊含玫瑰精萃同埋玫瑰花水，
用嘅時候會聞到好清新嘅玫瑰花香味。
而佢嘅性質都比較溫和，除咗有潔淨頭髮嘅功效，
用完之後頭髮會感覺比平時更柔軟。

Kerastase Discipline Smooth-in-motion shampoo ($280/ 250ml)

Kerastase 呢個品牌係一個比較Professional 嘅品牌，
而佢呢次嘅系列都好適合一D頭髮好看躁，好似鐵線咁硬，
梳極都梳唔貼服嘅朋友!
佢有強化同修護髮絲嘅功效，而且有效抗潮防毛燥，
用完之後會感覺頭髮潤身咗，頭髮變得順服整齊同有光澤，
大大減低頭髮纏結嘅情況。

KLORANE Desert Date Palm 洗髮水  （HK$170/ 200ml）

KLORANE係一個法國純植物洗髮護髮產品品牌，
如果你嘅頭髮係屬於極乾性嘅髮質，乾到幾日唔洗頭都無問題嘅話，
呢一款洗頭水就適合你喇!

KLORANE 嘅 Desert Date Palm 系列以沙漠椰棗作為原材料，
相信大家都有聽過椰子油，椰子油係一種滋潤效果好好嘅產品！
而沙漠椰棗就有極高嘅營養價值，入面有好豐富嘅脂肪酸，多醣體，蛋白質等等，
佢地都係一D有效修護乾燥同受損頭髮嘅成份!

購買地點：指定莎莎分店及指定萬寧分店

RE:>>>Shampoo  (HK$230/ 300ml)

呢支洗髮水入面有粹取自蠔同椰子嘅天然潔淨成分，性質非常溫和。
如果大家嘅頭皮經常因為太乾而感到痕嘅話，呢支流髮水就好岩無喇!
因為佢入面仲加入咗甘草精華，可以紓緩頭皮痕癢問題同緩和刺激。
至於當中嘅葡萄糖、果糖同礦物質成份就可以保持頭髪水分平衡。

呢支洗髮水比起上面介紹到嘅質地較為水潤一D，
無上面提到嘅洗髮水咁杰，所以起泡無咁勁，
但起泡無咁勁唔一定差，因為入面主要係天然成份，所以起泡無咁勁。

購買地點：九龍尖沙咀彌敦道isquare國際廣場504號舖

好多品牌出洗髮水之後，仲會出支同系列嘅護髮素，
其實平時我地用洗髮產品同護髮產品同同一個品牌同系列，
效果會明顯D架!
接住落嚟會為大家介紹兩款同上面洗髮水同一品牌嘅護髮素。

Loccitane Rose st Reined Velvet Conditioner (HK$170/ 240ml)

係上面介紹洗髮產品都同大家介紹到Loccitane嘅玫瑰花系列，
其實同系列又點會只有洗髮水呢!？呢個系列仲有玫瑰護髮素。
佢嘅配方質感輕盈，入面都係加入咗玫瑰精萃同玫瑰花水，
用嘅時候有撲鼻嘅玫瑰花香，聞到都覺得好舒服!
而呢支護髮素有修護頭髮嘅功效，
用完之後更可以令頭髮比之前更加柔順易梳!

Kerastase fondant fluidealiste smooth in motion care

乳液狀質地，質地柔滑，有強韌同修護髮絲嘅效果，
用嘅時候感覺就好似頭髮表面包咗一層幼滑嘅保護薄膜，
用完之後會感覺頭髮變得柔軟同平滑，
頭髮比平時更易梳，而且唔會感覺頭髮油淋淋，感覺頭髮輕盈有光澤。

平時做完洗髮同護髮步驟之外，
定期為頭髮做一D特別嘅修護可以令頭髮質素大大提升。

最後為大家介紹兩款護髮霜，

Kerastase discipline maskeratine smooth in motion masque

乳狀質地，可以強效修復受損嘅髮絲，
仲可以持久滋潤同提升髮絲嘅彈性，而佢嘅配方質地仲好易沖洗！

用完之後可以減低頭髮打結嘅情況發生，比之前更柔順，更易打理。

KLORANE desert date Palm深層滋修護髮膜 （HK$350/ 150ml）

主要成份有沙漠椰棗，水解小麥蛋白，順髮因子同陽離子修補聚合物，
作用除咗重整頭髮結構，修護整乾燥同嚴重受損嘅頭髮。
仲可以有效令髮絲變得更柔軟，髮質比之前更健康更強韌同有光澤，
改善頭髮打結問題。香味方面我覺得好似話梅味。

每星期只需要用一至兩次，如果頭髮問題不太嚴重，純粹作一般護理，可以洗髮後係濕髮上搽上護髮膜，
等5分鐘再用清水沖洗。如果頭髮問題嚴重，需要特別護理，
可以搽上護髮膜後用熱毛巾包住等20分鐘，再用清水沖洗，頭髮就會有更顯著嘅效果喇!

上面同大家介紹嘅都係一D適合頭皮較乾又或者髮質較乾較先躁嘅朋友，
如果本身頭皮出油較多嘅話建議選用去頭油更強嘅洗髮護髮產品。
因為如果頭油比較多嘅朋友使用適合乾性頭皮同髮質嘅產品，
頭髮會變得油淋淋，好重身，好容易榻架！

如欲取得更多第一手美容及扮靚資訊
可瀏覽Girls Talk Main Blog：
Girlstalk Blog
或 Like我們的Facebook專頁：
Janice Lam Makeup Workshop Facebook

（版權所有，未經同意不得轉載。)