新既一年又到啦！
回想起上年都算幾充實，
除左可以加入workshop工作，
我亦都參加左advance同City & Guilds課程！
上完C&G課程先知比我想像中既好唔同，
想知有咩唔同就記住睇落去啦。
想得到City & Guilds國際證書都唔係話咁易架！
分別要通過一個筆試＋兩個實操考試。

上第一堂既時候導師Mona就派左好大疊筆記比我地！
我當刻都呆一呆，
就好似番左去讀書既年代咁！
MISS上堂時會同我地講解下筆記內容，
考試規矩等等。

筆記既內容都好多元化，包括美容化妝專業守則，
皮膚認識、了解骨骼同肌肉知識等等。
骨骼同肌肉果part實在讀得有少少吃力，
始終畢業之後biology既知識已經唔太記得！
要記番每舊骨同每舊肌肉叫咩名真係叫曬救命架。
不過對皮膚了解既等等知識，
好彩我地上專業化妝班既時候已經有詳細講解過，
所以都好易記曬入腦。

除左講書外，導師亦教左好多新技巧，
例如係點幫客人敷面膜、
漂染眉毛同漂染眼睫毛等，
所有手勢都要好正確，
呢啲技巧對我地黎講都非常新鮮，
因為之前都未接觸過呢類知識，
同學們都好心急影相同抄低筆記，
驚死會唔記得！

雖然呢啲技巧未必好常用，
不過專業化妝師識多啲野就最好啦。

國際既實操試要求十分嚴格，
特別係衛生方面更加係極嚴格！
所以上堂既時候Miss都不斷提住我地要留意衛生問題，
例如所有化妝棉都要先消毒先用得，
唔可以用手直接「撩」啲skin care出黎，
又或者化妝掃係唔可以直接掂落化妝品度，
全部都要用刮棒放入玻璃碗入面先用得，
而凡係任何用品跌左落地都唔可以再用番等等
（所以大家都好驚跌野，哈哈∼）

雖然剩係衛生方面都有好多野要記，
不過衛生確實對化妝師係好重要，
如果日後客人見你化妝掃好骯髒，
對手又骯髒就幫佢化妝既話，
人地下次就唔會搵你架啦！

每逄校內考試Janice都會親自監考，
同學都會超緊張！
而係C﹠G實操試當日大家更加係份外緊張，
因為除左有Janice在場之外， 仲有兩位考官在場監督考試，
Workshop同事亦好落力為同學打點做準備，
各同學都自動自覺好早就到學校準備，
張枱亦擺好曬陣。

同學既衣著亦有嚴格規定
要著全黑衣服，頭髮要扎好夾好，
亦要化番個精神既妝容添，
同學們都好乖做到曬要求架！

而實操試要求一小時內要幫model 落妝、
洗面、搽skin care化日妝＋轉晚妝。
所以點解Janice平時上堂成日要催大家要化得快啲，
出到去化唔到就唔合格架啦，無人會等你架。
大家平時都比Janice鞭策得多，
所以都好順利係限時內完成考試呀！YEAH！

除左筆試同實操試之外，
同學們亦要交一份功課先叫完成，
平時上堂前Janice都會叫我地做定功課，
不過當然C﹠G既功課都有詳細規定應該點做，
要將幫model每個清潔，敷面膜、化妝既step影低放入portfolio，

所有step要好清晰架！
呢份功課亦要做得好詳細。
除左影相亦要作文字上既紀錄，
今次我地都學識左點填客人療程紀錄表。

進行每個step前我地都會填一張，
寫番低model膚質，準備工作同時間上預計等。
呢步對我地之後既工作都好有用架！
例如新娘試妝可能成年前己經試左，
新娘亦可能對某類產品會敏感，
過左成年後真係咩都會唔記得曬，
如果有呢份紀錄表係手就會清楚啲啦。

所以話做呢份功課係一啲都唔可以馬虎架！
如果黎緊想考C&G證書既同學就要努力啦 ！

如欲取得更多第一手美容及扮靚資訊
可瀏覽Girls Talk Main Blog：
Girlstalk Blog
或 Like我們的Facebook專頁：
Janice Lam Makeup Workshop Facebook

（版權所有，未經同意不得轉載。)

市面上有好多唔同類型唔同功能既眼膜，
今次我就揀左5款眼膜，
由眼膜形狀、濕度、功效等方面，
逐一同大家詳細介紹同分享用後感，
希望幫到想買又唔知買邊隻好既你啦∼

EPFORA/ EYE & SPOT TREATMENT
ESSENCE GEL PATCH $109(4對)
產地: 韓國

EPFORA係全球首個同唯一拎到NASA認證既功能性保養護膚品牌，
佢地既護膚品係利用左太空生物科技去製造，
而呢個eye mask主要係修護眼部同色斑，撫平眼部細紋。

打開之後有一個圓形膠盒放住眼膜同小圓膜，
眼膜既質地係水凝膠，佢既精華份量可以睇到唔係好多。

我自己比較鍾意水凝膠質地，涼涼地好舒服，
而呢個眼膜既形狀係長條彎形，都好貼近我既眼形，
不過就唔似其他眼膜咁大塊，只係岩岩好敷到成個眼肚。

佢個mask係需要敷20mins，我自己都敷左20mins，
但到15mins左右已經覺得無咩精華，好快吸收晒。
效果方面，我覺得我眼底既細紋係有明顯減淡左，
至於保濕度就略嫌唔夠。

大家可以睇到敷完之後既mask係已經乾乾地，
如果精華可以多返少少就比較好。

之後我都有試埋佢個小圓膜，
因為我自己都有幾多雀斑，所以今次就可以試埋比大家睇。

同樣都係敷左20mins，效果方面，我自己就覺得無分別，
可能要持續敷先試到佢有無減淡到。

肌研/ 極潤α彈力肌緊緻眼膜 $79(5對)
產地: 日本

呢個眼膜主要有維他命A誘導體(Retinol)、超級透明質酸、膠原蛋白等，
除左緊緻眼部肌膚，仲可以保濕鎖水、提升彈力同撫平細紋。

一打開都可以見到佢既精華係岩岩好，
眼膜濕透，包裝袋無多餘既精華。

而呢個眼膜大小約7.5cm x 4cm，呈腰果形，
算係比較大塊既眼膜。

佢布質既眼膜好薄，好貼面，而彎度都好貼近眼形，
由於佢塊眼膜比較大塊，所以眼尾同面珠位置都可以覆蓋到。

佢個mask係需要敷10-15mins，我自己就敷左15mins，
撕下之後覺得眼部仍然濕濕地，唔會乾。
效果方面，我覺得佢既保濕度好好，好滋潤但又唔會痴笠笠，
細紋都有略略減淡到，但緊緻度就唔明顯。

敷完既眼膜仍然有少量精華，
我覺得呢個眼膜用作保濕就非常好。

ZINO/ Dark Circle Removal $398(30對)
產地: 韓國

ZINO呢對眼膜我地之前都有試過，
不過就想比大家睇到唔同眼膜既對比，
所以今次會再詳細測試一次。

呢對眼膜含有金箔魚子等高效成分，可以減淡黑眼圈，
減淡眼周色素、同時緊緻眼袋、去浮腫。

因為佢係盒裝設計，上次試既時候敷左10mins已經覺得乾，
所以今次我將個盒倒轉左一陣，等啲精華可以滲返上面頭果啲mask度。
打開既時候見到眼膜真係有濕到，精華真係會多返。

而呢個眼膜大小約6cm x 3.5cm，同樣呈腰果形，
不過就比頭先果塊小同更圓。

呢個眼膜係水凝膠質地，不過就比EPFORA大塊，
因為形狀問題，太圓太彎唔係太貼近眼形，
眼尾位置敷唔到，不過就可以敷到面珠位。

今次我敷左20mins，真係無上次咁乾，係岩岩好有啲緊緻感覺，
效果方面，呢款眼膜減淡細紋既效果做得好好，
同埋可以減淡眼底油脂粒，不過主打既減淡黑眼圈就唔明顯。

大家都睇到敷完既眼膜都開始乾，
所以我諗每次用之前，真係要倒一倒轉個盒會比較好，唔係就會太乾。

Wish Formula/ Panda Eye Essence Mask $220(10對)
產地: 韓國

呢對主打踢走熊貓眼既mask，蘊含豐富既維他命C同E，
可以美白、保濕、抗皺同抗衰老，
除左重點針對黑眼圈，仲可以改善皺紋同眼部四周黑斑。

一打開個包裝，入面有好多精華喺底，
而塊eyemask係棉質，所以都吸收左好多精華。

而呢個眼膜大小約7.5cm x 3.5cm，
同肌研果塊差唔多咁大塊。

佢既彎位係最岩我眼形，唔會太彎，岩岩好貼住眼底邊位，
而佢好大塊，眼前眼後都唔係太圓，
可以遮蓋到眼頭同眼尾，以及面珠位置。

呢個mask寫住敷20-30mins，我自己就敷左20mins，
效果我覺得麻麻，唔係即時去到黑眼圈，
可能要持續敷一後時間先會見到效果。

敷完之後塊mask仲係濕濕地，
不過我建議敷20mins已經足夠。

JOSERISTINE/ Snail Skin Rejuvenating & Repairing Eye Mask $15

呢個蝸牛眼膜既精華係黎自南美蝸牛，純度高達99%，
可以快速滲透肌膚進行修護，補充膠原蛋白，
改善眼部疲勞、浮腫、黑眼圈、細紋同緊緻眼周肌膚。

呢個mask質地係透明同非常薄，
而佢係咁多款之中最多精華，
可以見到塊mask係濕透滴水，

塊mask既大小係8.5cm x 4.5cm，
呈腰果形，係第二長既一款。

因為呢個mask好薄，可以好緊貼皮膚，
腰果大果邊可以覆蓋比較大既範圍，而尖位就長到去鼻樑，
我覺得尖尖位其實就唔需要咁長，如果岩岩好遮到眼頭已經足夠。

敷左15mins，我覺得佢係非常之保濕，
敷後眼肚位仲有好多精華，需要按摩幫助吸收。
佢既效果都幾好，細紋同黑眼圈都有明顯減輕，
而且可以去腫，明顯右邊係有緊緻到。

早前台灣有一宗新聞，指一位新娘對大日子當日聘用的化妝師
感到非常不滿而向化妝師追討賠償。
新娘於結婚那天的日和夜聘用了兩位不同化妝師，
經過對比後發現日間化妝師的新娘妝容實在化得太差，
當中「罪行」如眼影塗得不好，假眼睫毛貼得很差等，
最後新娘決定控告日間聘用的化妝師。

遇上不合適的新娘化妝師就如同買了一條不合身的婚紗，
同樣是可以讓人懊惱半生的，
所以今次想和大家分享選擇新娘化妝師需要留意的事項，
讓大家都可以找到最適合自己的：

1) 先找出自己喜愛的新娘妝容

若不了解自己想要什麼，那又怎能找到合適的呢？
許多新娘會在各大結婚網站做資料搜集去尋找化妝師，
並選擇正評多的化妝師為自己化妝，
然而好評多未必一定適合自己，
建議應先看看化妝師的portfolio，
了解她化出來的妝容是否自己喜愛的款式？
所以簡單來說在開始選擇化妝師時先必須找出自己喜愛的新娘妝容。

2) 朋友介紹的化妝師

這可以是一個較可靠的途徑，
但同樣需要注意朋友的style是否與自己相近，
否則原來朋友喜歡朗拿甸奴，
而自己則是鍾情碧咸一類的那便出事了。
朋友喜歡的妝容你也未必一定喜歡呢。
所以就算朋友介紹也謹記要自己抽時間先去看看化妝師的portfolio。

3) 現場觀察朋友婚禮中的新娘妝效

相信大家都有試過用自拍神器來拍selfie，
就算沒有神器也總會用過美圖秀秀吧，
那更何況是化妝師的專業portfolio呢?
大部份化妝師的portfolio都會給photoshop得完美無瑕的，
所以要看化妝師的真璋可以在婚宴現場多加留意，
當然要小心不要金睛火眼的盯著新娘子的臉看，
另外也可以到朋友的facebook或一些花絮照
去窺看一下打算聘用的化妝師是否真的有quali啊。

4) 提供多點參考資料給化妝師

化妝師若能收到多點的參考資料，
那他就能清楚明白你心中想要的style。
你可以將喜愛的新娘妝容彩色列印出來，
又或者email不同相片style給他等，
那更可以讓化妝師早點給妳意見和提議：
究竟你喜愛的妝容是適合自己嗎?
還是有其他選擇更配合妳big day的total look? 這都可以和你分享。

5) 待最好皮膚狀態才試妝

當皮膚狀態不穩定，如死皮太厚太多又或者出現敏感情況時，
那建議應暫時不要試妝，一方面避免試妝時增加對皮膚的刺激，
並且若皮膚已出現紅腫、脫皮、嚴重暗瘡等狀況，
化妝師無論用任何的化妝品也未必能有效處理你的皮膚問題。
若果本身皮膚質素一直未能得到改善而大日子卻逐漸迫近，
那應先和化妝師溝通，一方面讓化妝師可以做更好準備，
同時也可看化妝師有沒有建議可提供。

6) 試妝前再重點提高皮膚質素

建議試妝前先敷mask，當中以紙mask為最佳，
能即時提高皮膚水份，皮膚回復水嫩後會更易上妝，
化出來的妝容也更貼服漂亮。

7) 適量就是最好

化妝的目的並不是要將你改造得連親戚們都認不出來，
而是要利用化妝技巧將新娘最美的一面帶出，把缺點隱藏去。
所以不應以為化妝師將所有化妝品、
道具都用到自己的臉上才是物有所值。

8) 視乎膚質決定是否使用噴槍

高清化妝最常見就是噴槍的使用，
但噴槍並非人人適合，並且非常講求皮膚質素。
如屬毛孔粗大皮膚，那使用噴槍的確可以增加遮瑕度，
但留意若皮膚同時亦是粗糙缺水，
那則有機會令皮膚看來更乾糙，
皺紋和細紋亦因而變得更明顯。
現在市面上的粉底都可以按不同膚質作出適量的遮瑕，
所以新娘子也不要以為噴槍就是最好，
盡可能和化妝師多溝通，聽聽他們的建議。

近年好興YAMA GAL、女子露營，
一班女仔行山、過夜，原來成件事可以好fancy，
所有露營既物品都可以好靚∼

呢啲都係最近接觸得多左而發現，
因為黎緊我就會第一次去露營，仲要係冬季！

以前成日見人地去露營，喺山上過一晚，
無得沖涼，仲要冬天去超級凍！
就會不其然地諗，點解唔租間屋宿營渡假？
就好似早前網上傳出黎既呢張相咁，你又會點揀？

宜家既我會答你，識揀梗係揀右邊∼
因為山上既風景真係好靚，大自然有好多有趣既事物。

今次真係好期待呀！
趁出發前就同大家分享下我準備左啲咩物品啦∼

 1. 營帳用品

去露營就當然唔少得個帳幕啦！
今次柴娃娃同朋友兩個人去，
所以只係好簡單咁上最偉大既淘寶淘左個靚靚地又平平地既，
最緊要係易搭、防風、防水，
連埋網紗、地釘、風繩等配件有齊晒。
我都有做過research，睇埋評論先落order架，
最後揀左就係呢個白色既！

淘寶最好就係乜都有，同埋抵！
買一個帳幕竟然送晒其他我要買既用品，
有燈、地蓆、枕頭、睡袋等等，
而全部野夾埋真係平到你唔信，
只係260蚊人仔！！！

淘寶最好就係乜都有，同埋抵！
買一個帳幕竟然送晒其他我要買既用品，
有燈、地蓆、枕頭、睡袋等等，
而全部野夾埋真係平到你唔信，
只係260蚊人仔！！！

因為我今次去既地方會有洗滌區，
所以我都盡量會帶埋可以洗既餐具，
唔想製造太多垃圾。
另外要帶備萬用刀，開罐頭剪包裝都係靠佢！

4. 其他雜品

女仔去露營想fancy就可能要帶多少少飾品，
不過今次我地見太凍，主要都係想帶多幾件保暖衣物多啲！
今次我去既營地會有浴室，
但大家都一致認為兩日一夜可以唔沖涼一晚，
哈哈，最主要都係怕麻煩，同埋怕有昆蟲。
（寫寫下記得要帶驅蚊貼！）

當然，我地會帶毛巾牙刷去洗面刷牙，
亦會帶護膚品sample或者入樽仔去，
去露營就算唔化妝都唔可以比自己懶唔搽野。
講到化妝，我就應該會素顏，
不過我諗就算化妝，都可以帶埋小量化妝棉+小樽裝落妝水，
全部袋起一袋，盡量以輕便為主。
同埋，我會帶埋panadol同膠布，以備不時之需。
電筒、手機後備電池都係必須物品，
數數下，其實都真係好多野要帶！

5. 大背囊

有咁多野要帶，真係要一個大背囊呀！
我自己本身有一個backpack，不過今次真係唔知夠唔夠裝，
之前買佢係因為佢外面係防水尼龍物料，就算落雨都唔怕，
仲有就係外型討好，女仔用都好岩，仲有好多顏色揀∼
其實呢個內籠都好大好實用，仲有網格、手機位等等，
出面有個小袋袋藥物紙巾，背面仲有兩個暗位放私人物品。

其實我會建議大家買正式可調節負重既露營backpack，
不過基於今次未有打算另外添購背囊，所以就決定用住佢先喇，
等我用完就再報告一下呢個backpack好唔好用啦！

我大慨就係準備左呢啲，不過可能都會有啲甩甩漏漏，
等我黎緊去完露營再話比你地知有咩要注意，
因為我今次係報左一個團體去，唔係自發性，
所以都唔擔心安全問題，
至於貴重物品、金錢最好就唔好帶咁多喇∼

今個星期我去完呢個營再報告有咩好玩啦！

如欲取得更多第一手美容及扮靚資訊
可瀏覽Girls Talk Main Blog： Girlstalk Blog
或 Like我們的Facebook專頁：
Janice Lam Makeup Workshop Facebook

（版權所有，未經同意不得轉載。)

又到每個月一次既便宜好物推介啦，
我地呢啲shopping精，
每個月都試好多新products，
好多產品都唔係一定愈貴愈好架，
平野之中都有好多正野，
唔知今次同事們又有咩平靚正既野推介比大家呢？
Christy：

Visee Glossy Rich Eyes Color: PK-3 $98

講起平價又好用既眼影，
我就唸起Kate ,Canmake 等等 ….
而家又多左個平靚正選擇啦！
Visee呢個牌子相信大家都唔會陌生，
之前要去日本先買到，
而家佢已經進駐左香港SASA啦!

佢都有唔同系列既眼影，
而我就揀左呢個一盒四色既眼影組合，
十分顯色，粉質都算細膩。

左下角呢個棗紅色，我一見到就好想買!
平時化悶左啡Tone眼影就可以試下呢類顏色，

唔會太跨張化出黎亦都好型格，
用黎化個秋冬妝容就好適合啦！

Yuki:

PURESA MASK 5塊盒裝 $55

最近我都有用Puresa既mask，
之前去日本旅行都會買呢款黎敷，
估唔到宜家香港都有得賣啦

櫻花同珍珠我都有敷過，其實只係精華既分別。
佢地既mask形狀係圓形、好大塊，
因為裁剪位多，所以都幾貼面，但就略嫌大塊左少少。
啲精華岩岩好，唔會過多，
拎左塊mask出黎之後個袋已經無剩。
櫻花有淡淡既花香味，唔會太俗，
敷左15mins，mask上面會有精華未吸收晒，
我通常就用黎搽埋頸部位置。
我覺得敷完呢個mask好水潤同清爽，
試過臨訓前敷完就即刻訓覺，無搽其他cream/lotion，
到第二朝都唔覺乾燥，又無出油，都幾好用，
一盒5塊，$55都算好抵用。

Una:

heroine make long&curl Mascara  $79

呢支Mascara 係我有次無意中買咗，試到覺得好好用嘅！
佢價錢好平，平過平時用開果支好幾十蚊，
刷頭設計同平時我用開果支好似，
佢嘅質地唔杰唔重，搽咗一層已經有纖長效果，
又唔會搽到一舊舊!
呢支Mascara 係莎莎買，平時我用開黑色，
今次純粹想有個新嘗試所以買咗啡色。
顏色啡得嚟搽完唔會覺得奇怪同好假，
效果好自然！
所以用完佢之後，我仲會買埋佢同系列其他睫毛膏試下!

Karen:

Workshop Sponge ($20/8)

呢包 Sponge 係我地workshop 入面嘅皇牌產品之一嚟，
佢嘅價錢好抵，20蚊就有8舊，
最值得一讚就係佢嘅質料，SPONGE嘅密度好高，
所以可以洗完再用大約7次至8次。
另外，佢嘅SIZE唔會太大，拎起化妝好就手，
而佢三角形嘅外型都令我化妝可以化得更細緻，
就好似鼻翼位置喇!

Irene:

Maybelline BIG EYES 眼影 #BR-2  (HK$99)

顏色好出，粉好滑好幼，雖然價錢好平，
但論質素唔會比其他大品牌遜色!
呢盒眼影隻色都好大路，
深膚色又或者淺膚色嘅朋友都岩用。

如欲取得更多第一手美容及扮靚資訊
可瀏覽Girls Talk Main Blog：
Girlstalk Blog
或 Like我們的Facebook專頁：
Janice Lam Makeup Workshop Facebook

（版權所有，未經同意不得轉載。)