Janice Lam (Makeup Artist) - QOOZA BLOG 網上日誌

janicelam : 個人主頁 - 相簿 - 訂閱 [ QOOZA - 論壇 - 登入 ]

人氣：252808

janicelam

暱稱： Janice Lam
性別：女
國家：香港

MORE...

最近沒有訪客

日誌統計

文章總數： 681

留言總數： 35

今日人氣： 28

累積人氣： 252808

RSS 訂閱

冬季護髮產品特集

2014 年 12 月 3 日星期三

冬天就快嚟喇，最近天氣都變得乾燥咗，
唔知大家有無留意自己嘅髮質開始有毛躁嘅問題呢？

頭髮出現毛躁問題真係好令人困擾，一來外觀上無咁好睇，
二來頭髮太乾太毛躁，冷天就經常出現靜電問題，
有靜電，頭髮就會梳極都唔順滑唔貼服。

除咗天氣問題會影響我地嘅頭髮狀況，
其實平時我地係使用電熱髮器會令我地嘅頭髮變得毛躁。
想改善毛躁問題，我地就要好好修護我地嘅頭髮喇！

今次我地會為大家介紹一ｄ可以修護頭髮嘅護髮產品，
當中除咗有需要沖水嘅產品，仲有幾款唔需要沖水，
岩晒平日生活較為忙碌，需要方便ｄ嘅朋友！

首先先介紹兩款需要沖水嘅護髮產品

AQUAIR 鎖水保濕護髮霜
成分方面有水潤膠原成份，毛鱗片修護成分同埋氨基酸，
水潤膠原成份配合氨基酸，有保濕導入嘅效果，令保濕效果可以直至髮芯。
而毛鱗片修護成分，可針對染燙受損毛鱗片部分，填補表層空洞，
令頭髮更有韌性同埋有順滑嘅效果。

香味方面比較得意，雖然佢介紹係清香嘅花香味，
但我聞落反而覺得有Ｄ似平時軟糖嘅味道。

SHISEIDO 凝護髮素

SHISEIDO 呢個系列用咗獨創嘅「模仿水份技術」,
可以針對導致髮絲乾旱主因，改善頭髮乾旱問題，
而且仲可以由內而外發揮深層補濕同鎖水嘅作用。

另外,可以修復受損嘅髮質同埋令頭髮更加水潤同有光澤！
好適合頭髮乾旱、因染燙令髮絲受損嘅朋友！
香味方面，係清新嘅草本植物香味！

上面同大家介紹咗兩款需要沖水嘅修護頭髮產品，
接住落嚟就會同大家介紹幾款唔需要沖洗嘅產品。

L’OCCITANE Rose et Reines Hair Mist (HK$190/ 100ml)

呢支護髮噴霧質地好水，完全唔會令人感覺好杰同好笠。
佢入面加入咗嘅玫瑰花水，有好好嘅滋潤效果。
入面仲配有格拉斯，保加利亞，摩洛哥，土耳其同埋普羅旺斯嘅玫瑰精華，
令呢支Hair Mist 帶有果味之餘仲有少少清淡嘅玫瑰花味。
而佢除咗可以滋潤頭髮，仲有少少定型嘅作用，令頭髮更加容易造型。

噴完之後用手輕輕梳整齊頭髮，有即時改善唔貼服嘅問題，
質地好清爽完全唔笠身，仲有少少改善本身頭改打結嘅問題。
平時噴完之後唔需要再沖洗，好岩平日趕出門口又怕整到對手痴笠笠嘅朋友！

kms TAMEFRIZZ de-frizz oil

佢係一支針對頭髮毛燥問題嘅 oil，
雖然係oil, 但係佢嘅質地完全唔笠，
搽上頭髮感覺佢質地好輕盈, 好滑, 好跣手，
好快就被頭髮絲吸收。
搽嘅時候聞到佢嘅香味有少少似杏仁味。

佢有即時改善頭髮毛躁問題之外，
更有抗潮濕同埋抗熱嘅功能。
搽完之後頭髮明顯摸落滑咗同埋順直貼服咗。

好適合平時用得多電熱髮器同埋頭髮出現毛躁嘅朋友。

AQUAIR 水分 Hair Pack <免沖水>

入面有鎖養型導水因子，可以密集補修受損嘅頭髮，
而入面嘅另一成份奈米精華就可以迅速滲入髮芯空隙，
有即時順滑頭髮嘅效果。

搽完之後感覺質地清爽唔笠，搽完之後可以令頭髮更有光澤，
佢清淡嘅花香味仲可以阻隔平日外出周圍嘅煙味又或者難聞嘅氣味。

使用嘅時候頭髮唔需要完全乾躁，
大家係洗髮後先用毛巾輕輕拭乾水分，
再搽上頭髮（搽係髮尾同埋受損頭髮嘅位置）。
如果夜晚訓教前用效果會更好!

TSUBAKI Hair Oil （HK$112/ 60ml）

TSUBAKI 今次推出嘅HAIR OIL 極上美髮油，同過往一樣用咗山茶花油，
但今次推出嘅Hair Oil 仲加入咗大豆卵磷脂同埋滲透美艷精華，
呢兩種成分令美髮油更迅速滲透入髮芯，質感清爽不黏膩，
令頭髮更有光澤之後，更有保護、保濕同修復嘅效果。

用時只需要滴 2-3 滴落掌心再推勻 (因應長度和髮量調節)，
以受損髮尾為中心，塗勻髮絲。

用嘅時候聞到好大陣好香嘅花味，
搽完之後感覺頭髮嘅毛躁同乾旱問題大大改善咗。

髮油好多時候只係搽係髮尾又或者受損髮絲位置，
咁以下落嚟就會介紹兩支搽係頭髮上面之外，
仲可以搽係頭皮位置嘅精華油。

PHILIP B 頭髮調理精華油 (HK$270/ 60ml)

佢採用嘅精純草本, 果仁同埋鮮花精華油成份濃度好高，
作用係由內至外平衡, 紓緩, 修護同埋修復髮絲。
好適合成日燙染頭髮，令頭髮受損，出現乾旱同失去光澤嘅朋友。
另外，佢嘅成分可以為頭皮提供足夠養分，
搽係頭皮位置可以促進頭髮生長同埋減少銀髮或者白髮嘅形成。

佢嘅質地好輕盈，好透薄，搽完佢之後好容易就被頭髮吸收，
而且用完唔會有痴笠笠嘅感覺。

不過，佢嘅時候一定要係乾爽嘅頭髮上面用，唔可以係濕髮上面使用。
用嘅時候滴幾滴頭髮落頭髮，然後等佢循髮絲順流到髮尾，
直到全部頭髮被精油覆蓋。
再由髮根到髮尾慢慢擠出頭髮調理精華油，就會感覺頭髮變得順滑。

AVEDA Shampure Composition 純香綜合滋潤油 (HK$300/ 50ml)

佢入面有 25 種純淨花卉同埋植物精華，再經複合配方調配而成，
當中包括源自保加利亞嘅有機認證薰衣草,
馬達加斯加嘅有機依蘭依蘭同埋有機向日葵油等等，
佢地嘅作用就係深層滋潤頭髮同埋鎖緊水分。

佢嘅香味聞落好舒服，用嘅時候感覺自己好似做緊 Spa咁!
使用佢時可以係洗髮前滴幾滴係手心，再輕輕地按摩頭皮，有修護頭皮嘅效果。
除咗可以用係頭髮上面，佢亦可以係沐浴後搽係皮膚上面，
有唔錯嘅滋潤效果。

今次為大家介紹係咁多喇，希望下次可以再同大家介紹其他產品喇！

欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

分類: 未分類

發表時間：2014-12-03 12:27 PM [ 訪客留言(0) ] [ 編輯日誌 ] [ 分享至FACEBOOK ]

Irene 2014年用清光產品

2014 年 12 月 2 日星期二

12月就有好幾日就到喇！
時間真係過得好快，證明又過一年喇，
一年流流長一定用完唔少product，
今日有我Irene同大家分享吓，
呢一年裡面我過啲product啦！

1. Neutrogena Hydro Boost Treatment Lotion Pre-essence （左）
2. Cle de Peau Balancing Lotion （中）
3. Cle de Peau Clarifying Serum （右）

Photo 21-11-201419 16 40

1. Estee Lauder Advanced Repair Serum（左）
2. YSL Forever Youth Liberator Serum （中）
3. YSL Forever Youth Liberator Creme （右）

欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

分類: 未分類

發表時間：2014-12-02 12:14 PM [ 訪客留言(0) ] [ 編輯日誌 ] [ 分享至FACEBOOK ]

每月好物雷品分享

2014 年 12 月 1 日星期一

又到左每個月好物雷品時間，
唔知今次同事們同Janice又有咩好嘢同雷嘢介紹呢？
唔講咁多，睇吓今個月有咩介紹先！

好物

Irene:

Apivita Intensive Hydration Mask with cucumber

呢一款mask，大大話話用咗3、4年喇！
本身自己都好鐘意呢個牌子，
首先呢個牌子係來自希臘，
而佢所有產品都係用天然有機成分，
所以就算皮膚敏感都一定用得！

而我每次做完深層清潔或皮膚好缺水時，
一定會用佢急救！
佢質地好水潤，而且有淡淡青瓜味，
加上佢係好易吸收，
敷完後塊面真係好似飲飽水咁！
而佢一包份量其實有好多，
我就會分兩次用，咁就更加化算喇！
但留意佢品牌產品係無咩防腐劑，
所以最好就快啲用哂佢。

Christy:

3CE shimmer stick #pink $118

3CE既化妝品可以話係紅極一時,
我都試過好幾款佢既產品,不過就唔係樣樣都有驚喜啦!
而呢支光影棒就確實令我幾有驚喜!
同類型既產品市面上就無太多選擇,
就算有價錢都唔算平,
而呢支只係賣百幾蚊就有排用啦!

冬天天氣咁乾，特別係乾肌既朋友，
用光影膏會比用光影粉好啦，
唔會令到皮膚更加乾，而且效果亦好自然，
好似係皮膚透出黎既光澤感。
質地亦好滑又易推添！
佢有分為兩隻色＃Peach（偏膚色）同＃Pink(偏銀光)
我就揀左#Pink色，個效果會比較出，適合較白既朋友，
如果偏健康膚色既朋友就可以揀＃Peach色啦。

Una:

POWER STYLE Liquid Eyebrow SWP N #1 （HK＄75）

之前去日本時已經見過，當時錯過咗無買到，
返到香港見到$75 唔算貴就買喇!
以前手多多抆多咗搞到眉尾好少毛毛，
有時唔化妝走去跑步都覺得好尬尷!
呢次買佢一來見佢係LIQUID狀，自己想試好耐。。
二來佢包裝上話佢超防水，岩晒我跑步就買喇!

筆頭比較似早幾年嘅LIQUID EYELINER 咁，
畫嘅時候筆頭唔會好硬，其實幾好畫嘅！

畫落去效果自己其實好滿意，
特別係眉尾邊位，平時D眉筆唔夠尖真係畫得好古怪㗎！
而呢支Liquid Eyebrow 就好輕易就畫到自己想要嘅效果，
仲有不得不讚就係佢嘅防水效果，用佢畫完跑步都無甩色。

Janice:

黑頭粉刺針 $ 4x

前排行經SASA買左3枝黑頭粉刺針，
點解要買3枝？因為想試下邊隻好啲，
之前我就用開屈臣氏金色果枝，不過又唔經過，
所以就去SASA買，夾埋都買左100蚊。
好用同唔好用真係好大分別，唔好用果啲好易整傷皮膚。

最後試完覺得呢枝好輕身，好易唧，
雖然唔建議大家成日唧，
但有時無時間去美容院都要自己清清。
呢枝壓落面都無問題，個圈圈都好實淨，
另一邊既兜形用黎清粉刺都好OK！
＄4x算係有啲貴，但就物有所值。

雷品

Janice:

黑頭粉刺針 $ 2x

3枝針入面仲有枝$1x既，但真係好流，
用左一次個圈就飛左出黎，我影都無影就掉左喇！

呢枝$2x有啲日文字，但唔知係咪made in China，
個包裝就話好易清，但個角位太尖，要平拖都唔易，
我試過用個角位拮，點知整損左！
對生手黎講好難控制。
仲有佢另外一邊針既膠塞除極都除唔到，
用左一次我就打左入冷宮喇。

Yuki:

Real Doll -natural watery veil- MAKE UP BASE 1600YEN

之前去日本shopping見到呢枝base好似好正咁，
以為會做到白滑效果，好似個包裝一樣，
點知，中晒伏！！！

唧出黎既色係比較白，質地好厚，
明明寫住natural watery，隻色已經好唔自然，
唔岩亞洲人既膚色之餘，係一啲水潤感都無！
質地既關係，厚到好難推開，
推開亦會有擦子膠碎，同埋有黏住黏住既感覺，
base黎講真係唔合格，我用過一次就無再用，
價錢都唔平，要1600YEN，之前10算都160蚊架喇！
不過，我去親日本都會試新野，希望下次有其他係好物啦～

Christy：

pdc 甜心女孩膠原緊緻水凝露約＄100

之前我都同大家講過pdc個gel mask有幾雷，
點知…原來佢呢個保濕gel一樣咁雷！
之前見佢網上評價唔錯，而香港又無得賣既，
仲係made in Japan添！
所以我去台灣旅行個時就買左4樽番黎（極後悔…)

首先，佢聲稱有膠原蛋白、玻尿酸等成份，
可以幫皮膚做到保濕鎖水效果等等。
我一打開就聞到好大陣酒精味，仲有少少刺鼻，
一搽上面就覺得好吉面，仲有少少「拿」既感覺，
敏感皮膚就唔好試啦！
呈gel狀質地，搽完上面會feel到幾笠，
過一陣吸收完塊面又開始乾番…
為左唔好浪費，我就拎黎搽腳用曬佢算啦！

如欲取得更多第一手美容及扮靚資訊
可瀏覽Girls Talk Main Blog：
Girlstalk Blog
或 Like我們的Facebook專頁：
Janice Lam Makeup Workshop Facebook

分類: 未分類

發表時間：2014-12-01 02:32 PM [ 訪客留言(0) ] [ 編輯日誌 ] [ 分享至FACEBOOK ]

韓國彩妝新品速遞 PART 2

2014 年 11 月 30 日星期日

雖然我自己已經有好多化妝品護膚品，
但出國時都會去找些「平靚正」products自用和跟大家分享。
這次韓國之旅真的買了很多東西，上期介紹了香港暫時未有的品牌產品，
今期我會繼續和大家分享這些好用又抵買的化妝品。

The YEON專門店是我每次必到的店舖。

上期說到，去韓國一定要到The YEON專門店回購幾支柚子味hand cream，
我還在店內發現到半價專櫃，
除了眉筆，還有好好用的眼線液呢！

The YEON眼線液的筆尖很幼，
有啡、黑兩色，顏色較soft及自然，很易畫上眼，
最後我每樣買了30枝回港，都只是＄900。
當然不會全部自用，送給朋友也很不錯！

A’PIEU位於明洞的專門店經常人山人海，
因為店員派samples派得很大方。

現在很多韓國牌子都有三叉眼線筆，
但香港好像只有之前KATE的那枝，
因為A’PIEU專門店半價的關係，
原價六十多元，半價只是三十多元一枝，
香港真的不可能以這個價錢買到。
一開始我買了一兩枝回去，打算先試試好用再買，
之後就買了很多，不要以為便宜就沒好東西，
它的顏色很實色，用來補睫毛根部位置或是畫內眼線都很合適。

顏色很實色！

用三叉眼線筆畫內眼線，感覺方便很易畫！

同樣是品牌A’PIEU的cream狀胭脂FINGER BLUSHER，
7折優惠，只是三十多元一枝，照字面看即是用手指塗抹胭脂，
試過後，發覺它的質地不黏稠，很易推開，
而且帶點水潤感，用手指上妝都沒問題，
顏色有五至六種，我就挑選了自然柔和的大眾粉色，
很多女生都適合，用來做手信就最好！

效果自然柔和，毫不黏立！

如欲取得更多第一手美容及扮靚資訊
可瀏覽Girls Talk Main Blog：
Girlstalk Blog
或 Like我們的Facebook專頁：
Janice Lam Makeup Workshop Facebook

分類: 未分類

發表時間：2014-11-30 02:04 PM [ 訪客留言(0) ] [ 編輯日誌 ] [ 分享至FACEBOOK ]

走進夢幻巴黎＋playmobil陪您過聖誕

2014 年 11 月 29 日星期六

唔知大家有冇留意，近年各大小商場聖誕節嘅時候都佈置得好靚，
仲多咗好多主題比人去影下相，
最常見就係卡通人物、插畫師或設計師嘅figure公仔，
今年仲有主題佈置添！
鍾意影相嘅朋友就啱晒啦！
尤其是有自己鍾意嘅character，
就梗係要去睇睇，影多啲靚相留念啦！
仲有好多紀念品買添，
送比人同送比自己一樣咁開心呀！
好似青衣城商場咁，有小朋友為之瘋狂嘅Frozen,
聽朋友講，多人到要排成兩、三個鐘先影到相呀！
今次我地就會介紹兩個小朋友同大人都會鍾意嘅商場佈置，
一家大細去影下相就最好不過啦！