唔少朋友都好怕用face oil，
驚太油淋淋會block住晒毛孔，搞到塊面爆晒瘡，
其實現時好多face oil質地都好soft，
仲可以幫肌膚平衡油水分泌，令皮膚回復最佳狀態。

今次我地會介紹幾款face oil，保濕同時有其他唔同功能，
減淡細紋、抗氧化、促進細胞更新等，
除左用喺面部，亦可以用喺指甲、髮絲，滋養其他乾燥既地方。

為左比大家可以睇到face oil既效用，
我地今次會試喺身體上最多細紋既地方－手肘位，
（因為試落面度比較難影到效果）
咁大家就可以清楚睇到每一個產品既前後對比啦。

laura mercier/ flawless skin infusion de rose nourishing oil $560

蘊合珍貴的玫瑰果油及多款植物油，能平衡肌膚油脂及水分，
強化肌膚天然保濕屏障，即時柔軟肌膚，鎖緊水分，淡化幼紋。
除了滋養肌膚，它亦可同時滋潤髮尾和修護指甲，預防髮尾開叉及倒刺。

呢隻淡粉紅色face oil一打開就有玫瑰花香，
質感有啲啲杰身，但都好輕薄，唔黏膩，
可以先拎一泵搽全面，唔夠先再拎多少少份量。
滲透力好好，推開後按幾下就已經吸收晒，
皮膚表面會有閃令光澤，觸感柔滑，
但就唔係油潤感，似搽左cream咁soft，
滋潤度適合乾性或敏感性肌膚。

SASSOU/ Purifying Essential oil 100ml $680

蘊含多種珍貴天然植物精華，如荷荷巴油, 角鯊烷, 薰衣草油,
杏仁油, 葵花籽油, 玫瑰草油等，集修護及潔面於一身。
不含礦物油，能平衡油脂分泌，
同時能鎮靜及紓緩肌膚，令肌膚變得更柔軟細緻。

呢隻透明face oil質地比laura mercier果隻再杰身少少，
不過都質感唔會好油潤，唔黏笠。
太力力唧可能會拎得太多份量，慢慢唧一下就已經夠。
滲透力都幾好，推開後按1分鐘左右就完全吸收，
感覺好夠滋潤，皮膚會變得柔軟，細紋都少左，
表面有閃令光澤，仲有植物花香味。
而呢隻oil亦可以用黎卸妝潔面，適合極乾或乾性皮膚。

CAUDALIE/ The Elixir Ultimate anti-aging oil 29ml $820

結合5種具卓越抗衰老效能的天然植物油，
以99.5% 天然成分，通過最完美半油半精華細緻柔滑質感，
令肌膚回復柔軟、順滑、亮澤、年輕。

呢隻透明稀水狀face oil質感好清爽，無味，
佢既泵咀比較細，可以拎2個份量，
搽左上皮膚之後好快就滲透晒，
皮膚感覺爽身，完全唔似係油既質地，
趁黎緊夏天時用就岩啦，同埋適合油性皮膚。
而佢既主要功效係for緊緻、減紋，要持續用先有效果。

WELEDA/ Wild Rose Smoothing Facial Oil Capsules

一粒capsule既face oil份量其實都幾多，
建議分開早、晚搽，或者搽埋頸部位置，以免浪費，
用既時候可以泵左少少份量出黎先，唔夠再拎。

佢既質地係好薄身既油劑質地，無味，
雖然感覺油潤但係好快吸收，而且皮膚變得好soft，
而由於佢係偏油性，拎左個份量之後按2-3分鐘就無咁油，
完全吸收後亦會變返爽身，
適合缺水或極乾性皮膚使用。

CLARINS/ Blue Orchid Face Treatment Oil 30ml $380

100%純植物萃取，不含防腐劑，
配方含有玫瑰木、到手香與蘭花萃取，滋潤肌膚達至水油平衡
調理膚質，恢復極度缺水肌膚的活力與光采。
榛子油預防水分流失，防止幼紋出現。

呢隻黃色face oil黏稠度唔稀唔杰，帶有淡淡花香味，
佢枝泵唔係太長，拎一泵份量都夠，
吸收度都好快，皮膚感覺水潤，好似搽左gel cream咁，
吸收後可以見到手爭乾紋無咁明顯，
而皮膚表面都會有令身光感效果，
適合乾性及缺水性皮膚使用。

bare Minerals/ Mineralixirs 5-oil blend 50ml $450

精選5種具修護及抗衰老功效的果籽油配方，
包括玫瑰果籽油、山茶花籽油、葡萄籽油、杏仁籽油及太陽花籽油，
配以豐富的礦物複合物，滋潤及重整肌膚架構，
促進新陳代謝，撫平細紋及幼紋，同時提升緊緻度及彈性。

呢隻oil既質地比較厚身、好rich，無味，
拎左一個份量之後需要按一段時間，
大慨2-3分鐘左右，先會完全吸收晒，
一路按既時候感覺都好柔滑。
不過要注意返佢枝泵係比較長，
所以唔好一下拎太多，可能半下既份量已經夠，
吸收後似係搽cream既滋潤感覺，
適合極乾皮膚既女生。

bare Minerals/ Mineralixiars eye nourishing oil balm 8.5g $350

含葡萄籽油及啡海藻精華等成分，
能補充肌膚水分及平衝油脂分泌，
眼部肌膚回復水潤彈性，減淡眼周細紋與幼紋。

初時打開見到oil balm以為係好似潤唇膏既質感，
但用手指拎份量時就即刻變返油水狀，
其實個質地都係偏稀，唔需要驚過油令眼皮出油脂粒，
搽眼唔需要太多份量，用手指輕輕拎一浸薄薄就可以，
搽上眼時先印上眼尾然後到眼頭、眼蓋，
我印上去按摩左大約1分鐘左右就完全吸收晒，
加上如果手指夠熱去按摩對眼就更加好，
吸收後感覺到眼周皮膚即時柔軟左，
但係就唔會好油潤同太過滋潤，
我自己本身眼周都好易出油，
但都覺得呢個oil balm既滋潤度岩岩好，
適合混合性偏乾或乾性肌膚。

如欲取得更多第一手美容及扮靚資訊
可瀏覽Girls Talk Main Blog： Girlstalk Blog
或 Like我們的Facebook專頁：
Janice Lam Makeup Workshop Facebook

（版權所有，未經同意不得轉載。)

平時上網我都好鍾意睇下人地有咩心水推介既產品，
無論護膚品，化妝品，護髮產品，
餐廳推介我都好有興趣睇架！
有時買買埋埋屋企都儲埋一堆野，
當中有好驚喜同中伏既產品，
雷野就遲下同大家分享啦，
以下係我試用過價錢合理又好唔錯既產品。

LUSH 薄荷清爽面膜 $100/125g,$175/315g

香港空氣咁污濁，
皮膚都好容易變差，
所以深層清潔係好重要架！
清潔面膜我就用過好多款，
有啲我嫌佢敷完係超級崩緊！
而呢個敷完個感覺都幾好，
feel到塊面好乾淨又唔會太乾之外，
仲有即時收緊毛孔既效果，
亦可以幫我清到好多黑頭，
膚色亦會均勻白淨啲，黃氣無咁重添！
而且佢仲有去油脂同消炎作用架。

佢呈綠色，有啲紅豆粒粒係入面，
敷緊既時候有陣好清涼既感覺，
聞落去仲好似薄荷朱古力雪榚，好好聞！
如果想試既朋友我建議先買細樽試下岩唔岩自己用，
100蚊就買到125g細樽，都可以用到好多次。

Dr.Wu杏仁酸 $220

大家都知道水揚酸,果酸呢類型既產品可以幫助疏通毛孔,
去除皮膚老化角質等功效。
面上無咁多死皮搽其他護膚品都會吸收啲架!

我自己亦都好小心揀呢類型產品,
怕會好刺激,引發起敏感。
呢支杏仁酸既產品就比其他果酸既產品溫和,
皮膚比較敏感既時候用都唔會覺得好刺激,
通常我會係爆緊暗粒既時侯用,
用完第2日就會feel到皮膚平滑番好多,
亦控制到暗粒情況唔會一路爆落去。
就算係甩皮既地方搽上去都唔會有拿既感覺。

不過佢話會有亮白既效果我又唔多覺,
美白都係靠番美白精華啦!
就算平時皮膚無咩問題,
我都會keep住一星期用兩次,
生暗瘡既次數都減少左好多。

Cream黎講我都試過好多唔同款,
有啲質地太厚好難吸收,
好似搽極都只係面既表層,吸收唔到咁,
一上粉底就好易會有擦子膠碎,
有啲搽上去嗰下好似好潤,
但過一陣就開始乾,搽完好似無搽過咁,
我又唔OK啦!

Etude House Moistfull Collagen cream $170

之前我係SASA見到佢做緊promotion就買黎試下,
點知效果出奇地好,
佢屬於gel cream狀，
搽上面既感覺好滑好soft，
保濕得黎佢唔會太笠，

而最重要佢有鎖水效果,
我自己鼻翼位好易甩皮,
搽完佢全日個粉都可以好貼唔甩皮。
用完佢我都即刻去買多樽囤貨。

PHYSIOGEL Intensive cream ＄159

之前試過無啦啦皮膚敏感,
皮膚好易就甩皮又成日好紅,
搽其他護膚品都唔敢!因為好易覺得好拿,
係呢啲咁危急既關頭我就會拎呢支野出黎救命,
相信敏感皮膚既朋友都知佢係好野,
好適合敏感偏乾既朋友用。

佢有分比唔同膚質用既系列，
我揀呢個係for乾性皮膚用既，
我敏感既時候都好易甩皮，
所以就要揀潤身既產品用∼
佢屬於係cream狀,搽上去既時侯就會變左好似層FACE OIL咁,
好溫和又好滋潤。
皮膚敏感既時候我就忍手唔搽其他野,
早晚剩係搽佢就好快會好番啦。
係萬寧就可以買得到啦。

澳寶一分鍾焗油＄2X

我自己都成日會染頭髮,頭皮易出油,但髮尾亦會乾到開叉!
頭髮都好容易打結,
仲要係訓醒唔洗頭會梳唔開果種!

顧名思義呢支產品係比繁忙既都市人用,
將佢搽係濕既頭髮度,大約一分鐘後去沖水,
一個星期用兩次就OK，就會做到好似焗完油既效果。
不過我呢種極度受損髮質,我會每日當護髮素咁用。
我就唔會搽係頭頂怕會笠，
將佢搽係髮尾同易打結位置就得，
洗完頭就好滑好易梳，仲有淡淡既茉莉香味。

呢支產品我其實用左好多年,細細個呀媽買番黎用,
用得好就繼續KEEP住用左咁多年,
當然期間都有試下其他護髮素,但最後都係用番佢。
價錢又平又好用。

如欲取得更多第一手美容及扮靚資訊
可瀏覽Girls Talk Main Blog： Girlstalk Blog
或 Like我們的Facebook專頁：
Janice Lam Makeup Workshop Facebook

之前我講到自己好忙好多野做，
不過無咩人天生鍾意淨係工作，
我自己有時都想懶下，可以休息下。
化妝呢個行業好得意，就係freelance形式，
所以我成日都話好天收埋落雨柴。
無野做都會好驚架，因為會無收入，
又會諗係咪客人唔滿意你既服務，
到有野做時，又會忙到死。

以前我自己都會有咩job都接，盡量唔會推job，
因為心理上覺得推得多怕客人唔再搵我，
就算開左化妝學校，都試過連續2,3年夜晚教班上晝出job，
其實都好辛苦，有時返工可能要超過十幾個鐘！
長時間咁樣返工，身體由上年開始都無咁捱得，
所以editorial既job我都開始少接左。

如果你問我教班辛唔辛苦，
我就覺得最緊要學生聽話、勤力、肯學、用心，
遇到學生成日唔記得野，或者講完又唔知我講咩，
其實我都唔介意講多幾次，
不過如果係無心裝載，都會幾勞氣，
因為我自己對化妝好認真。
唔少同學仔都會覺得我好惡、好嚴、睇得好緊，
但係我自己覺得咁樣會好啲，
因為出到去就無人會提點你，
同埋人地無必要花時間晒口水去教你，
好多化妝師都話唔使咁樣去教，
我亦都聽到其他同學仔講返出面學化妝既事，
唔會咁多over time時間、咁嚴格、咁仔細 等等，
但呢樣係我最基本既要求。

其實我自己都會驚教得唔好，
如果教得唔好，客人都會問返你喺邊度學。
所以我成日都同學生講，
如果無信心化妝或者化到一個靚妝，
就唔好太心急出去接job幫人化妝，
因為化妝係靠自己口碑，
應該到自己有信心幫陌生客人化妝先。
如果佢地覺得你ok，就會再介紹其他客人比你，
之後再慢慢去接job去嘗試會更好。

同學仔都會知道我上basic班或者新娘班時，
都會叫埋model一齊講下個妝有咩問題，
雖然未必個個model都識睇或知道問題所在，
又或是同你好friend而唔敢講你知，
不過呢個時候都應該認真去講、去睇，
因為出到去客人一句唔ok就真係唔會再搵你，
仲可能會叫身邊朋友都唔搵你架，
所以我都希望同學仔可以做到最好，唔怕我長氣同嚴格。
我自己都幾鍾意教化妝呢個工作既。

上次都有提到我自己就鍾意creative/ editorial妝，
見到自己化妝既大頭相喺一啲公開平台show出黎，個滿足感會好大，
所以我自己都會捉得好緊，希望做到最好，
之前我學化妝時，都無諗做邊個類型既化妝師，
總之化到靚妝、有人鍾意就已經好開心。
宜家見到好多學生會揀、會諗，
只係做新娘化妝、又或者只係想化media妝，
搵到錢就ok，唔需要出名等等，
其實全部都係化妝skills既問題，
因為我自己都好鍾意化beauty/ 化妝品牌既妝，
化呢類妝可以好好鍛鍊自己技巧，
大家喺書見到既妝容，係放到好大、好仔細，
當有某一part做得唔好，
好似係眼線唔夠貼、睫毛夾得唔夠靚、
搽得唔夠好、用色落既位置唔岩，
呢度就會睇到自己功力，
所以我自己既路向係做一個全能既化妝師。
一來可以多啲choices，可以揀做media/ 廣告 /beauty等，
如果淨係做新娘就會局限左自己，況且宜家既競爭都好大，
所以我都會叫同學仔嘗試多啲唔同方面，對將來出路都比較好。

不過我自己就有一樣野無諗過要做，就係做artist既化妝師。
因為我自己學化妝時既夢想都係做一個出名既化妝師，
如果聽到「呀，你係幫邊個大明星既化妝師！」，
感覺好似唔係靠自力實力咁。
當然好多幫artist化妝既都化得好好，
但我自己會係想人地聽到我個名就知我係一個化得好好既人，
咁樣對我黎講滿足感都會大啲。
但係相對黎講呢條路就會比較遠少少，
做化妝既都知，出去做野時都會有人問「丫，你幫邊個化開妝架？」
初時做野都會聽到「你都唔係幫邊個明星化，你都唔係好出名啫！」
我自己都好想打破呢樣野，唔使靠人地個名出名，
so far 到宜家自己都慢慢做到，咁所以滿足感都好大。
以前化artist我都有做過既，不過要用好多時間、好唔定時，
變左無時間去做自己鍾意既creative妝，
所以相比之下，興趣個動力大好多。

細細個岩岩化妝既時候就梗係雄心壯志，
同現時學緊化妝既同學既心態/諗法其實係一樣，
我記得有次同朋友去泰國旅行，
去到一間主題房既餐廳，可以大聲講野唔會有人聽到，
我地就係度大聲講自己既夢想，
咁當年就有好hit既戲，就係sammi套《嫁個有錢人》，
其他朋友都不約而同咁講呢樣係自己夢想，
但我自己就希望係成為一個出名既化妝師！
幸好中間捱左幾年之後開始有人欣賞，慢慢接job，
其實大家如果都有睇開我之前既sharing，
我都係想帶一個message比大家：
如果自己本身條件未必可以順利地去做到一樣野成功，
都唔可以打定輸數，覺得自己唔ok，
呢個時候要問自己付出左幾大決心同幾多努力，
如果已經做好左決心同付出左努力，其實已經成功左一半，
而另外一半當然係天時地利人和啦。

如果大家想睇返我一啲舊作品或者之前既sharing，
可以click入以下連結：我的化妝師生涯 / 我的化妝師生涯(2)

如欲取得更多第一手美容及扮靚資訊
可瀏覽Girls Talk Main Blog： Girlstalk Blog
或 Like我們的Facebook專頁：
Janice Lam Makeup Workshop Facebook

bare Minerals

 

 及對美白十分重要的鈣和鎂，

  推出Illuminating White 礦物美白護膚系列，

  預防膚色暗啞泛黃和色素沉澱，持續減淡色斑。

bare Minerals/ Illuminating Softening Mineral Lotion 145ml $300

  吸收後感覺清爽，但又唔會過乾，

  適合油性或混合性皮膚，

  如果乾性皮膚怕會乾可以拍多一個份量上面，

  呢個質地好適合夏天潮濕天氣去使用。

bare Minerals/ Illuminating White Treatment 28g $460

  吸收後皮膚會感覺好水潤同柔軟，

  但又唔會過於油潤，

  適合各種膚質，亦十分適合夏天使用。

bare Minerals/ Illuminating White Brightening Mineral Powder 4.2g $470

L’OCCITANE

L’OCCITANE/ REINE BLANCHE whitening cream 50ml $520

L’OCCITANE/ REINE BLANCHE whitening serum 30ml $550

M.A.C

M.A.C/ LIGHTFUL Marine Bright Formula SPF 30PA++ Moisturizer 50ml

M.A.C/ LIGHTFUL Marine Bright Formula Essence 30ml

<

春天剛到，唔少品牌已經開始推出唔同既美白產品，
為黎緊夏天做足準備，外在對抗紫外線侵害，
內在擊退黑色素、色班等肌膚問題。
可能大家以前用開美白產品都覺得好易乾，
其實宜家好多市面上既美白產品都加入左保濕成分，
除左美白，保濕度亦同時加強，
如果仲有舊時個諗法就錯喇∼
今次我地會分兩篇文章介紹今季既美白產品，
想擁有靚靚白晢肌，就可以參考下我地既產品介紹啦！

CHANEL

CHANEL/ LE BLANC Brightening Moisturizing Lotion 150ml $470

含磁性水分複合物，自然貼合肌膚，提供深層滋潤及持久補濕，
平衡肌膚狀態，提供充足水份，充分吸收美白精華的活性成分，
極致發揮兩年珍珠萃取的亮白效果。

呈透明水狀，質感水潤薄身，
推開後快速被皮膚吸收，
感覺皮膚變得柔軟潤澤，表面柔滑，
適合各種膚質。

CHANEL/ LE BLANC Whitening Concentrate 30ml $940

以9年時間研發的TXC成分，能分別針對過量黑色素形成的 7 個因子，
發揮 12小時的美白功效、淡化原有的色斑及抑制新色斑的形成，
改善因黑色素沉澱而形成的膚色不均問題，有效改善肌膚老化和暗沉膚色。

有淡淡百合花香味精華，質地呈水gel狀，
質感輕柔，快速被皮膚吸收，
吸收後感覺皮膚變得水潤、明亮，
可以充份為皮膚補充足夠水份，
適合各種膚質，即使乾性皮膚使用都唔會過乾。

CHANEL/ Brightening Cheek Mask 6pcs $645

專為雙頰設計，粉紅莓精華油能促進微細血管的血液流通，
讓雙頰綻放自然粉嫩光暈。
而且面膜紙與修護成分獨立分隔，
確保成分穩定完整，直至使用時兩者即時融和，隨即產生氣泡。

Clé de Peau Beauté

Clé de Peau Beauté/ Concentrated Brightening Eye Serum 15ml $700

蘊含紅茶精華、亮肌複合物及多重維他命複合物，
孕育排列整齊且透明度高的肌膚細胞，並且抑制透明黑色素及24小時保濕，
持續使用可維持肌膚透明感、消除暗啞、角質層混濁。

呢個眼部精華呈白色，乳液狀質地，
推後開感覺滋潤，無黏笠感，
吸收後仍感覺十分滋潤，
如眼周肌膚過乾可以試試呢一枝。

Clé de Peau Beauté/ intensive brightening mask 6pcs $850

蘊含防禦色斑複合物、維他命C乙基及4MSK，
強力針對黑色素，徹底改善頑強色斑、雀斑，
配合品牌獨有美白成分，高效亮白及亮肌複合物，增強代謝機能的運作；
柴胡精華及黑兒茶精華，增加骨膠原及透明質酸形成。

LANCOME

LANCOME/ BLANC EXPERT Brightness Diffusing Essence in Lotion 150ml $580

蘊含薄荷、玫瑰及龍膽根萃取物，抑壓發炎狀況，藉此減輕色素沉澱，
Actyl P可抑壓黑色素細胞，減少黑色素生成，
而專利高效滲透補濕因子Aquatoryl能導入水份，
能讓肌膚即時吸收，在肌膚表面形成水漾光澤。

呈透明水狀，質感水潤，有淡淡花香味，
吸收度高，吸收後變得爽身，皮膚變得柔軟，
適用於油性至中性皮膚，
乾性皮膚可以用多一個份量，以達到保濕功效。

LANCOME/ BLANC EXPERT Intense Whitening spot Eraser 30ml $760

獨有「M.E.L自我溶斑機制」，賦予肌膚淡斑能力，
重點擊退、吞噬、溶解黑色素；三步分解、控制、預防頑固色斑。
精準鎖定黑色素，改善五大色斑問題(色澤、大小、數量、密度、均勻度)。

呢個精華呈白色，乳液狀質地，
推後開帶點滋潤黏笠感，
但吸收後不黏笠，滋潤度高，
如配合Essence in Lotion會感覺剛剛好，
即使乾性皮膚都十分合適。

la prairie

la prairie/ white caviar illuminating moisturizing cream 50ml $4370

含有黃金魚子精華及淨白亮膚複合物，
如甘草根精華及瑞士水芹精華，
有助防止黑色素的合成，令皮膚回復亮白，以及提升皮膚的緊致度。

帶有香味，質地為白色乳霜狀，
初時會覺得滋潤，推開後會變得爽身，
吸收度好，皮膚會變得水潤柔滑，
未有緊緻感覺，或需持續使用先有效果。

如欲取得更多第一手美容及扮靚資訊
可瀏覽Girls Talk Main Blog： Girlstalk Blog
或 Like我們的Facebook專頁：
Janice Lam Makeup Workshop Facebook