平時打理皮膚所需既花費都唔平，
如果想買skincare但budget有限，
唔緊要，其實市面上都有好多選擇，
價錢介乎百零蚊至二百幾蚊左右，
今次我就揀左幾款呢個price range既skincare，
好用得黎唔係太貴，當中仲有精華添！
潔面
我的美麗日記/ Ultra Facial Cleanser $35 100g
含4大極淨保濕因子，不刺激肌膚角質，
可深層清潔毛孔，清除殘妝，並保留水分，
綠茶精華平衡肌膚水油分泌，用後不感乾燥或繃緊。
相信大家都有用過我的美麗日記既mask，評價都唔錯，
而今年新出既呢枝cleanser主打水潤，唧出黎有淡淡番梘香味，
質地係cream狀，加水推開後會有綿綿泡泡，
我自己本身唔係太鍾意泡泡，因為通常洗完都會過乾，
不過呢枝洗完感覺唔乾，皮膚仲柔軟左，適合中性至乾性肌膚，
同埋佢既無添加配方，敏感性肌膚亦都岩用！
35蚊呢個價位真係值得一試。
面霜
Holika Holika/ Skin & Good Cera Super Cream Tone Up $228 60ml
有亮白功能的保濕日霜，含Power Ceramide專利技術，
直接為肌膚補充水分，增強肌膚的水分保有力。
同時提亮修飾，遮蓋肌膚上的瑕疵，打造凈透無暇的肌膚。
呢隻cream質地比較爽身，適合油性皮膚既人，
我自己本身係混合性偏乾，所以會覺得唔夠，
所以偏乾膚質既人用之前記得搽左補濕產品先。
而佢既最大賣點係亮白，推開後明顯見到皮膚表面有層白色cream，
但慢慢吸收晒之後唔會有一層粉末喺表面，做到好自然既美白效果。
為左比大家睇下係咪真係白左，我就影左張左右手對比圖（如下）。
雖然我本身右手係黑少少，
但個效果真係好明顯，而且即時就會見到，
如果想皮膚比人睇落有提亮美白既效果，
上妝前可以用佢打底，美白度即時提升！
極潤既產品我地成日都有介紹，因為佢夠平又做到預期中效果，
有適合唔同膚質既護膚品，又做到唔易敏感，係大眾價錢中既好物。
(左) 肌研/ 極潤α New Retinol 3D Cream $169 50ml
面霜蘊含3D及多種透明質酸，配合膠原蛋白及維他命A誘導體，
能深入滲透至角質底層，提升膠原蛋白滲透力，讓肌膚彈力緊緻。
呢隻cream質地比較厚身，試上手推開後吸收得無咁快，
不過因為佢既厚身質地，滋潤度十分高，
雖然有少少黏笠，但就好適合中性偏或乾性肌膚，
平時搽極cream都覺得唔夠滋潤既話就可以用佢，
而主打彈力緊緻既呢隻cream，成熟年齡肌都可以用架。
(右) 肌研/ 極潤 New Super Hyaluronic Acid Cream $169 50ml
採用4種－高分子、低分子、超級及納米透明質酸，
並加入維他命E抗氧化成分，深入滲透鎖水及軟化角質，
令肌膚水潤柔滑。
同紅色包裝唔同，呢個cream主打超勁保濕，
如果乾到裂、甩晒皮既人就可以用佢喇，
質地係帶膠質狀既cream，比紅色果瓶厚身，
拎左一個份量之後要慢慢按同推開到完全被吸收，
吸收後感覺會有黏笠感，但岩晒極乾燥肌，
皮膚表面會有一層保護膜咁，感覺超級滋潤，補水度十足。
精華
Element 100系列為針對不同肌膚問題而推出4款精華，從根本改善，
配合蝸牛分涕物濾液及小份子蛋白質，
有效淡斑去印、撫平皺紋、增加膠原蛋白形成。
韓牌出蝸牛產品都出到出神入化喇，今次就睇下呢4款精華既o唔ok啦！
(左1 橙色) Dream Skin/ Element 100 蝸牛亮目眼部精華 $195 15ml
呢枝針對眼部既精華呈水gel狀，好快吸收，
如果眼周肌膚太滋潤好易有油脂粒，
呢枝就岩岩好喇，感覺水潤唔黏笠，
當中既成分仲可以去黑眼圈、減少浮腫、眼紋，
雖然要長期用先試到三大功效，
但黑眼圈同浮腫好多時都係自己造成，
呢個價格淨係去眼紋都唔使諗即刻入手啦。
(左2 黃色) Dream Skin/ Element 100 蝸牛活膚精華 $195 30ml
呢枝精華主要為肌膚補水、增加彈性同修護，
質地呈水gel狀，水gel狀一般都好快吸收，
吸收後皮膚變得水潤，即時舒緩左缺水問題，
適合油性及混合性皮膚。
如果係偏乾皮膚，可以搽完一層之後再多個份量，
咁就可以做到補水功課喇∼
(右2 紫色) Dream Skin/ Element 100 蝸牛純蔘緊緻精華 $195 30ml
如果純補水都唔夠，就可以用呢一枝主打緊緻既精華，
一按呢個精華出黎就即刻有陣人蔘味，
如果認識韓國某人蔘品牌，相信對人蔘既功效都唔陌生，
佢既質地呈cream狀，比水gel杰身，但吸收度都好好，
好水潤唔黏笠，適合各種肌膚。
而呢枝精華係主打抗皺、緊繳同提升面部輪廓，
想要V面既女仔可以配合埋按摩動作去搽精華，
以呢個價錢黎講真係好抵！
(右1 白色) Dream Skin/ Element 100 蝸牛嫩白去斑精華 $195 30ml
最後呢枝白色精華係for美白、抑制黑色素同淡斑，
平時美白產品都會好乾，
但係呢一枝就岩晒想美白又偏乾既朋友，
因為佢係4枝精華之中最滋潤。
質地呈白色乳液狀，但推開後一樣好快吸收，有少少黏笠，
如果想要美白，或者有雀斑既朋友就可以試試啦。
Holika Holika/ Skin & Good Cera All in One Master $258 50ml
特含 Ceramide 修護水份子，能迅速滲透至肌膚深層的精華液，
為肌膚急速補濕。只要一滴，解決 6 大困擾：
保濕+鎮定+增加彈力+好氣色+補水+改善膚質
配合多種天然植物性成份，能夠鎮靜敏感肌膚。
如果想一次過滿足所有肌膚要求，
又唔想麻煩搽咁多野（太懶搽野），又想皮膚好，
其實市面上都有好多all in one精華，
不過考慮到budget問題既話，呢枝平靚正精華就幫到你喇。
佢既質地呈清透水gel狀，推開後皮膚好快吸收晒，
有淡淡草本味，感覺水潤、唔乾，肌膚變得有彈力同柔滑，
雖然over 250蚊，但all in one + 適合敏感肌，算係平靚正之選！
面膜
Holika Holika/ Skin & Good Cera Ultra Sleeping Mask $148 70ml
含多種天然植物性成份，如火箭菜提取物、薰衣草提取物、
洋甘菊提取物及佛手柑提取物等，
能夠鎮靜敏感肌膚，更能鬆弛繃緊肌膚，
睡眠仿如有做 SPA 感覺，提升睡眠質素。
今次亦有款sleeping mask介紹返，
平時有敏感肌唔敢用，怕block毛孔，仲要敷過夜，
就可以試試呢一款，當中成分可以鎮靜敏感肌膚，
佢既質地係偏水既cream狀，有淡淡洋甘菊味，
我試上手後覺得薄薄一層已經好夠潤，
皮膚滑左同感覺無咁磞緊，但又唔會太滋潤。
如欲取得更多第一手美容及扮靚資訊
可瀏覽Girls Talk Main Blog： Girlstalk Blog
或 Like我們的Facebook專頁：
Janice Lam Makeup Workshop Facebook | 
