呢度頂樓有間泰式餐廳感覺都幾正宗，所以就揀左佢，

之前去過日韓台都會去呢間baskin robbins雪糕店食，

之前參加咗一個event，
event裡面有提供一啲乾果嘅食物，
食過之後就覺得原來呢啲乾果食物都好好食架喎。
因為自己成日返工，公司又冇雪櫃，所以平時都好少食生果，
其實食生果對身體都好啲有益啲，
於是就諗如果自己都有部乾果機，
咁就可以生果當零食，隨時隨地都食到生果，
又唔使成日食啲冇營養又唔健康嘅零食，
整咗仲可以拎番workshop食，
諗住自己一個人住，屋企都有位擺，所以愈諗就愈想買。

其實買之前都做咗啲資料搜集嘅，
行咗百老匯、豐澤都唔見有得賣，
以為唔係好普及，所以唔係咁多地方有得賣，
有次行行下商場見到有部機，初時以為係蒸爐，
發現裡面擺晒生果，有啲似係乾果機喎，（其實果部就類似我而家果部）
入到舖頭一試之下，唔知係因為生果烘乾時間唔夠耐定咩原因，
我就覺得好似烘得唔係好乾，
而且果部機實際嘅size大過一個大容量嘅電飯煲，
咁我就考慮到擺放位置問題，
同埋價錢差唔多要$900，唔算平，用途又唔係咁多，
始終體積好大，所以本來一心諗住買，但最後都冇買到。

好彩果陣冇買到！因為之後行另一個商場，
應該係吉之島嘅電器部裡面見到另一部乾果機，
初時售貨員話係買電器送嘅贈品黎，
但係我而家冇電器需要買，
要買嘅之前都買晒，以為唔會有零售啦，
再問另一位售貨員，佢就話有零售嘅，
咁我再睇下幾錢，$290！
呢個價錢係比我之前睇果部平幾倍！
而家仲做緊減價，＄270咋，
咁我就即刻買咗部機返屋企試喇。

呢部機可調較不同度數，最高度數去到70度，
聲稱6小時可以烘乾，所以我第一次就試下較到最高70度6個鐘去烘乾喇。

 

 

 

但發現6個鐘係唔夠嘅，烘完仲有啲濕軟感覺，
未完全抽乾水份。

以下兩張相係焗咗6個鐘之後，
可以睇到仲未係好乾身。

 

 

 

之後就再試下烘一晚，
夜晚切完，然後第二朝10點幾11點拎番出黎，
呢個乾度就最OK喇。

再烘過夜就好似以下呢張相咁薄片喇~

 

 

 

 

呢部機有五層，就剛好夠放一個大蘋果同一個大橙，

但放晒五層嘅話，熱度唔太高，

所以我會喺中段時間，等抽乾咗部分水，體積細咗，

咁我就夾番埋兩層或者三層繼續烘乾。

 

其實已經試咗用呢部機四、五次，
以$270呢個價錢黎講，
我覺得呢部機值100分架！
第一價錢真係好平，雖然佢烘乾嘅程度未去到好似喺街買嘅乾果咁乾身，
但係for自家製嘅要求黎講，已經好OK喇！
另外，而家天氣都比較潮濕，
都建議大家整完之後可以放入雪櫃，保持乾爽度。

之前喺啲網站比如beecrazy，logon或者citysuper
都見過一啲專業嘅乾果機(上圖)，
成幾千蚊一部，可能烘乾速度會快啲，或者烘乾能力好啲，
但如果係自己用嘅話，我買果部機其實都綽綽有餘。

以我少少嘅經驗，建議大家切嘅厚度唔好太薄，之前試過切得太薄，
好似咬緊張紙咁，口感唔係咁好，
切大概2-3mm度個質感就會好啲，厚身啲咬感都好啲。
如果小朋友唔鍾意食生果，家長們可以試試整成乾果，
整乾咗其實都幾甜架，好似食緊糖咁，
所以我覺得無論味道同口感，小朋友都應該會鍾意嘅。
除咗整蘋果、橙之外，仲可以整菠蘿、芒果、香蕉等，
呢排天氣潮濕，用黎烘乾果仁都得架。

照計平常唔會太多人會買呢部機，
但如果屋企有小朋友，或者自己鍾意食零食，
最緊要屋企又夠位嘅話(因為都幾大部)，可以考慮下。
呢部機勝在係膠，唔會太重，熱度唔太高，就算小朋友掂到都唔驚“辣”親。

我諗唔會太多人買嘅，應該冇咁快賣晒，
如果大家有興趣就可以去吉之島家品部睇下喇！

如欲取得更多第一手美容及扮靚資訊
可瀏覽Girls Talk Main Blog： Girlstalk Blog
或 Like我們的Facebook專頁：
Janice Lam Makeup Workshop Facebook

 

 

 

 

（版權所有，未經同意不得轉載。)

 

 

化妝品：

STEP 1:

Step 2:

Step 3:

Step 4:

Step 5:

於權骨近眼部位置開始掃上珠光色胭脂(b)，hightlight能使面形輪廓更明顯。

Step 6:

Step 7:

Total look:

（版權所有，未經同意不得轉載。)

今次再同大家分享埋其餘孕婦都用得既護膚品，
其實媽媽最重要都係留意返用品成分，
除左唔可以用有香料、精油、化學成分，
仲唔可以有A酸、B酸、水楊酸、BHA、塑化劑等，
所以最好都係揀返成分天然既用品。
希望各位媽媽既靚靚又健康∼

centifolia/ Organic virgin oil – Apricot 100ml $190

100%純天然配方，第一次冷壓之植物油，尚未經過精練、加工程序。
法國原產地研製，ECOCERT 有機認證，
有機杏仁油 100%的成份源自天然萃取、有機耕種 ，
屬高修復性植物油，能有效保護肌膚重現光采， 回復生氣，
柔滑的質感不會令肌膚油膩，為非常理想的按摩底油。
特別適合乾燥、暗啞及有乾紋的肌膚。

有左bb對身體既負擔都好大，特別係腰椎、雙腿，
宜家市面都有唔少專for孕婦既按摩療程，
但係喺選擇時就要非常小心，因為一般美容院會用香薰油按摩，
而有左bb唔可以接觸香薰精油成分用品，
所以各位靚媽有時間想自己按下，可以用天然成分既按摩油。

呢個植物油質地薄身，無味，
推開後會慢慢滲透到皮膚，
透過按摩動作，油份會加快被吸收，
皮膚唔會感覺油膩，反而係好柔滑同變得柔軟。

Pulpe de Vie源於法國南部，崇尚天然、有機，整個生產流程100%在法國製造，
有多款天然有機保養系列，臉部和身體肌膚都同樣照顧得到。
所有的天然原材料由有機農場在無使用農藥的條件下生產，
利用天然新鮮水果萃取配方取代精油，以減少精油刺激敏感的風險，
給予肌膚天然、溫和、柔嫩的更佳護理。
所有產品不經動物測試或實驗，亦無基因改造成分。

(左1) 有機西柚4合1卸妝水 125ml $155
配方除蘊含於法國南部採摘的新鮮有機果物外，更加入天然海水，
其微量元素及調理效能，能有效地預防肌膚水分流失。
主要成分有水、番茄果水*、西柚萃取*、矢車菊花水*、
香蜂花/葉/莖水*、太陽花籽油*、甘油(*成分來自有機耕種)，
可溫和地潔膚卸妝，同時滋潤並調理肌膚。
適合任何肌膚使用。

呢個係油+水既卸妝水，無味，
卸妝效果幾好，洗面後肌膚感覺清爽，
有化妝既媽媽就更加要做好卸妝部分，
除左護理返自己皮膚，亦要保障返bb健康。

(左2) 有機西柚卸妝潔面泡沫 125ml $195
配方來自法國普羅旺斯的新鮮有機果物成分，及兩種卸妝活性成分，
幫助平衡及清潔肌膚，蘊含20%西柚萃取及番茄果水，抗氧化同時淨化美肌。
主要成分有水、西柚萃取*、香蜂花水*、甘油、番茄果水*、
亞麻薺籽油*、矢車菊花水* (*成分來自有機耕種)。
適合任何肌膚使用。

呢個泡泡cleanser只需要一泵(乒乓球大小)份量就可以搽勻全面，
帶有微微西柚味，洗面後皮膚感覺柔軟、水潤。

(左3) 有機西梅多效眼部啫喱 15ml $250
不含香味，蘊含新鮮有機果物及植物萃取，全部採摘自法國南部，
並配合3種專利活性成分，可減退眼部四周肌膚細紋、浮腫狀況，淡化黑眼圈。
主要成分有水、辣薄荷葉水*、奇異果萃取*、西梅籽油*、
矢車菊花水*、檸檬馬鞭草花水*、山毛櫸嫩芽萃取*、
仙人果萃取*(*成分來自有機耕種)，可作眼膜/眼霜使用。
適合任何肌膚使用。

呢個啫喱其實比較似mousse狀，推開後會變成水狀，
好快被皮膚吸收，感覺水潤，唔會油膩同過於滋潤，
如果眼周肌膚比較乾，可以搽厚啲當眼膜敷，
平時就可以用作eye cream。

(左4) 有機香桃保濕抗氧日霜 30ml $250
採用地中海的新鮮有機果物，蘊含奇異果水和香桃萃取，
再加入4種活性成分，含抗氧化功能，能舒緩並滋潤肌膚。
主要成分有水、奇異果水*、香蜂花/葉/莖水*、亞麻薺籽油*、
香桃萃取*、錦葵花萃取(*成分來自有機耕種)。
適合任何肌膚使用。

帶有微微桃味，帶橙粉色cream狀，
搽勻吸收後皮膚感覺清爽、水潤，
媽媽喺夏天用佢就岩晒喇。

(左5) 有機紅莓再生抗衰老晚霜 30ml $280
採摘法國南部的新鮮有機果物（覆盆子、無花果、仙人果），
配合3種專利成分，修護肌膚、抗氧化、促進細胞再生，對抗衰老。
主要成分有水、覆盆子果水*、無花果果水*、香蜂花/葉/莖水*、椰油醇-辛酸酯、
小葉椴花萃取*、橄欖油*、黑加侖子葉萃取* (*成分來自有機耕種)。
適合任何肌膚，或成熟肌膚使用。

晚霜比日霜厚身少少，但都唔會過於rich，
帶有微微莓味，搽勻後皮膚感覺潤滑，
皮膚較乾、成熟肌用就岩岩好。

(右3) 有機甜蜜潤手護甲霜 30ml $85
蘊含新鮮有機果物，其微量元素有助回復肌膚活力，
配合3種高效保濕專利活性成分，隨時隨地保護及滋潤雙手。
主要成分有水、麥蜜*、甘草萃取*、太陽花籽油*、甜瓜果萃取*、
金盞花萃取* (*成分來自有機耕種)。
可同時滋潤指甲邊緣及雙手。

除左面部，雙手都要滋潤架∼
呢枝hand cream比較薄身同稀，無味，
雙手搽勻後感覺水潤，而且可以keep住潤滑，
細細枝仲好方便帶出街添。

(右2) 有機蜜糖玫瑰潤唇霜 15ml $130
100%天然潤唇霜，蘊含新鮮有機洋槐蜜、
維他命E、白蜂蠟及仙人果，有效保護及滋潤雙唇。
主要成分有太陽花籽油*、白蜂蠟*、蓖麻籽油*、麥蜜*、
榕秈果萃取*、有機洋槐蜜*、仙人果* (*成分來自有機耕種)。
適合任何肌膚使用。

呢個潤唇霜比較難唧，
又唔會好似平時潤唇膏既質感，好乾咁，
搽上手係橙啡色，無味，
但係之後試左上咀，發覺出奇地滋潤，
而且唔會係橙啡色，係深深地既暗紅色，
媽媽出街唔化妝都可以搽下潤唇霜，
睇落氣息會變得好好∼

(右1) 有機西柚磨砂修復面膜 75ml $250
面膜及磨砂2合一，使用公平貿易及有機的太陽花籽油，清潔同時滋潤肌膚。
採摘自法國南部的有機新鮮果物，含抗氧化和促進肌膚再生功效，去除肌膚老化角質，同時舒緩及補充水分，令肌膚回復柔軟細膩的觸感。
主要成分有小黃瓜萃取*、太陽花籽油*、甘油、水、
杏籽粉*、西柚萃取*、麥蜜*、大豆油 (*成分來自有機耕種)。
適合任何肌膚使用。

呢個磨砂mask既磨砂粒粒比較粗大，
所以接摩時唔需要太大力，
而面膜質地似蜜糖，推開後都係杰身gel狀，
洗面後感覺滑溜，柔軟度大大提升，
而且可以充分補水，皮膚變得水潤，
係一個唔錯既磨砂mask！

如欲取得更多第一手美容及扮靚資訊
可瀏覽Girls Talk Main Blog： Girlstalk Blog
或 Like我們的Facebook專頁：
Janice Lam Makeup Workshop Facebook

（版權所有，未經同意不得轉載。)