Janice Lam (Makeup Artist)
janicelam
暱稱: Janice Lam
性別: 女
國家: 香港
« October 2019 »
SMTWTFS
12345
6789101112
13141516171819
20212223242526
2728293031
最新文章
新手化妝師入行小tips
10個上妝Do’s & Don...
來∼看看今年流行過的...
[ Fashion Gossip ] 今...
熟齡護膚品試用
文章分類
全部 (681)
每月文章
訪客留言
最近三個月尚無任何留言
最近訪客
最近沒有訪客
日誌統計
文章總數: 681
留言總數: 35
今日人氣: 13
累積人氣: 165708
RSS 訂閱
RSS Feed
潤白無瑕底妝好幫手
2015 年 4 月 15 日  星期三

 

 

 

 

 作為一個專業化妝師,可以話係無時無刻都係度搵更好既美容產品。
近日就因為工作試用左一支非常好用既5合1 CC cream,想同大家分享。
呢支CC cream唔只集保濕、美白、遮瑕於一身,
而且仲有高度防曬兼防汗功能,
一支産品有齊晒日霜、底霜同防曬乳液既功效,
大大將打造完美妝容既時間縮到最短!
對於無論係化雜誌creative妝、又或者新娘妝都非常講求效率既我黎講,
呢支全能既CC cream實在係唔可以唔推介!

 

line376


 

 

要妝容貼服透薄,最重要就係皮膚要有足夠水份。
呢支CC cream就可以幫我為model或客人喺上妝前
做到即時補水、急救缺水皮膚既作用,更易上妝,妝容更貼。
當中成份更蘊含濃縮Pitera,深入滋潤肌膚兼同時美白,令皮膚變得光澤水潤;
搽上後仲完全無油膩感,解決皮膚出油等問題,
呢一個特點喺潮濕悶熱既夏天特別重要,
大家都知我屬於油性皮膚,油淋淋既產品我自己就最怕。

 

line354

 

大家化普通日妝,通常會搽粉底黎改善臉色同遮黑眼圈、暗瘡等,
而呢款CC Cream透薄之餘同時做到適度遮瑕,
效果可媲美粉底既遮瑕度,但又無粉底厚妝既負擔。
最重要係附有SPF50PA++++防曬度數,有效阻擋紫外線,
日常上班以至郊外旅行都提供到足夠既保護。
雖然遮瑕防曬兼備,但搽上面後感覺仍然清爽,
少少笠痴痴或者焗促既感覺都無。

 

 

試用後感覺呢隻cream質感有啲似慣常用既粉底,但又比一般粉底易推。
質地輕身透薄,就算唔係專業化妝師都可以搽到均勻效果。

 

只要好似搽面霜咁輕輕推開就可以做到均勻膚色。

左手搽上後,皮膚既色素同青筋都明顯淡左。

line354


 

 

夏天出汗多,有啲底霜如果唔防汗會令到汗水變白,好尷尬,
而我自己就實地測試過呢支CC Cream既防汗功能,
就算外境拍攝model都無溶妝變白臉人!
所以特別適合懶補妝人士!

 

 

防汗測試:遇到水份,CC cream同水點無溶埋一齊或者化成白色水珠。
只要輕輕將汗印走,妝容都無太大改變。

 

 

如用喺乾性皮膚,搽完之後唔需要用碎粉定妝經已好清爽貼面,
有足夠既coverage之餘又可以防曬;
如果好似我咁一樣屬於偏油皮膚,
咁只需要薄薄拍上一層碎粉,就可以定妝同keep到成日架喇!

 

line354


 

 

特別想提提大家,我發現原來有好多朋友習慣搽完日霜就直接上粉底,
其實大家返工既時間愈黎愈長,放工愈黎愈夜,
化妝品停留喺面上太耐就會有機會影響皮膚質素,令到皮膚變黃變暗啞,
要預防呢個情況,其實我地可以先搽有修護功能既精華素打底,
之後先再上底霜、CC Cream或者粉底,
呢個做法除左可以加強補濕,令到妝容更水潤透薄同持久之外,
更重要係可以防止皮膚變差,保持皮膚質素,大家不妨試下丫。

 

line354


 

 

(左) 環采鑽白CC霜
5合1 CC霜結合防曬、美白、遮瑕、滋潤等美肌功能,
透薄質地能輕鬆打造珍珠光感透亮妝容。

 

 

(右) 昇級環采鑽白精華
能夠深層滋潤及美白肌膚,長期使用可以有效改善暗沉膚質。

 

line376


 

 

如欲取得更多第一手美容及扮靚資訊
可瀏覽Girls Talk Main Blog: Girlstalk Blog
或 Like我們的Facebook專頁:

 

(版權所有,未經同意不得轉載。)

分類: 未分類
發表時間:2015-04-15 01:39 PM  [ 訪客留言(0) ] [ 編輯日誌 ] [ 分享至FACEBOOK ]


踢走暗啞黑色素(2)
2015 年 4 月 13 日  星期一

 

上一篇我地就介紹左幾款開架品牌美白產品,
今次會有三set美白系列,
由lotion、serum、cream、防曬到mask都有齊晒,
想要徹底全面擊退黑色素,就可以做足全個護膚steps,
今個夏天就唔再怕啲色斑、黑色素現晒出黎啦!
如果本身皮膚較乾,就可以揀比較潤身既cream,
如果本身皮膚經常泛油,就可以喺搽cream前用水份精華打打底,
宜家市面有各種唔同質地成分既美白產品,
就算係有美白成分都唔會過乾,只要揀返適合自己膚質同需要就ok。
不過都係要提提大家,美白效果並唔能夠即時見到,要持續使用先有效,
所以我地主要會分享試用後質地感覺同成分介紹。

line363

 

VALMONT的EXPERT OF LIGHT臻白勻亮護理系列,
全面照顧肌膚不同需要,提供高效的亮白效果,同時均勻膚色。
系列利用創新成份如色素逆轉鋅離子DNA、抗酪氨酸酶因子、維他命B3等,
具消炎、抗氧、淡斑等功效,使膚色變得更柔滑光亮。

CLARIFYING SURGE 50ml $2250
SPF20 PA+++ URBAN RADIANCE 30ml $1910
ILLUMINATING TONER 125ml $625
ILLUMINATING FOAMER 100ml $650
CLARIFYING INFUSION 30ml $2450
CLARIFYING PACK 50ml $1600
CLARIFYING TOUCH 3.2ml $1000

 

呢瓶CLARIFYING SURGE面霜呈白色cream狀,
含多種活性成分如色素逆轉鋅離子DNA、VB3等,
可改善肌膚的暗啞及色素瑕疵,
感覺比較厚身,帶有VALMONT獨有香氣,
滲透力比較慢,吸收後仍然係好滋潤,
皮膚變得柔軟,適合極乾皮膚。

呢枝有防曬SPF20 PA+++功能既乳液,
可阻礙紫外線侵害,而且加入重組真皮結構複合物,
同時修護受損骨膠原,
質地呈白色,比較薄身既cream狀,同樣帶有香味,
推開後感覺水潤,適合乾性、混合性皮膚使用。
另外呢一款仲有SPF50 PA+++可高度防曬,
如果夏天出外日照時間比較長,就可以揀高度果款喇!

 

INFUSION係一枝含高濃度活性成分既亮白精華,
質地呈乳白色,乳液狀,同樣有香味,
本來以為會好黏笠,但推開後感覺水潤,
亦好快滲透到皮膚,吸收後感覺爽身,
適合缺水性、混合性皮膚使用。

 

佢地推出既呢款面膜CLARIFYING PACK,
加入甘醇酸同不同保濕因子,
可亮白肌膚同時收細毛孔、補充水分,
質地呈白色mousse狀,同樣帶有香味,
敷左10mins後沖水,肌膚感覺水潤清爽,
適合所有肌膚於夏天使用。

 

呢枝重點淡斑筆主要係針對局部位置既色斑同瑕疵,
可準確改善該位置色素,減淡色斑。
每次使用時好似按原子筆咁,精華就會流於筆頭位置,
方便點上面部有色斑位置,感覺精華不會過於滋潤,
用法簡易,適合色斑較少但色素深色的肌膚使用。

line346

 

CLARINS的WHITE PLUS Total Luminescent鏡光透白系列專為亞洲肌膚研製,
當中的光感鏡肌美白科技及高效UVA防曬標準,
加上透亮複合因子Trans Luminescent Complex,
全面發揮提黃、祛黃、淡班、保濕四大功效。

WHITE PLUS Pearl-to-Cream Brightening Cleanser 125ml $270
WHITE PLUS Smoothing Brightening Night Cream 50ml $580
WHITE PLUS Intensive Brightening Serum 30ml $620

 

通常晚霜會比較滋潤,但CLARINS呢款就完全唔同質感,
Smoothing Brightening Night Cream呈白色、質地比較薄身,
蘊含印度吉納樹精華、檸檬萃取物,
可加速肌膚再生,袪除暗啞、粗糙角質,
而且加入超微型透明質酸+甘油,
感覺非常水潤,亦好快被吸收,
吸收後變得爽身,適合夏天使用。

同系列精華質感同樣較水潤,
呈透明,較水質lotion serum,有淡淡花香味,
好快被吸收,吸收後感覺水潤、柔滑,
適合乾性、混合性肌膚使用。

line346

 

Estée Lauder 的Crescent White 循環自生亮白系列,針對亞洲女性研創及測試,
特别配合肌膚的晝夜節律,以循環自生亮白淡斑科技,
促進肌膚的天然亮肌及自我修復功能,
顯著改善色素、色斑、膚色不均和暗啞問題。

Full Cycle Brightening Moisture Treatment Lotion 200ml $430
Full Cycle Brightening Moisture Creme 50ml $630
Full Cycle Brightening UV Protector SPF 50/PA++++ 30ml $390
Full Cycle Brightening Spot Correcting Essence 30ml $810

 

呢款moisture cream質地呈白色cream狀,
好薄身,有香味,
吸收後感覺好水潤,而且皮膚好滑好滑,
適合乾性、混合性皮膚使用。

 

UV Protector係水質cream狀,白色,
但唔會搽到表面有一層白色粉末咁,
感覺都幾滑,水潤,
完全唔會感覺block住毛孔。

 

呢款serum雖然無CLARINS果款咁水質,
但同樣好快吸收,感覺都好水潤,
質地呈乳白色,水狀,
吸收後感覺柔滑,帶有少少香味。

line363

 

 

 
 

 

如欲取得更多第一手美容及扮靚資訊
可瀏覽Girls Talk Main Blog: Girlstalk Blog
或 Like我們的Facebook專頁:
Janice Lam Makeup Workshop Facebook

分類: 未分類
發表時間:2015-04-13 01:59 PM  [ 訪客留言(0) ] [ 編輯日誌 ] [ 分享至FACEBOOK ]


泰國遊記∼泰舒適篇∼
2015 年 4 月 12 日  星期日

 

黎到今次最後一篇同大家分享既泰國遊記,
除左會同大家share下好物之外,
仲有去泰國搭車要注意既事項,
同埋同事們去做massage既分享,
黎緊去泰國或者想plan去泰國既你地就可以睇下啦∼

line376

我以前一年起碼都去兩次泰國架,
宜家工作太忙就少左好多喇,
其實泰國除左飾物,都有唔少好物,
之前Christy都分享左一部分,
我都有一樣好物可以同大家分享下,
就係除臭spray喇!

 

夏天有時著鞋都會好焗腳同出汗,
如果長時間焗住就好容易滋生細菌同有異味。
之前我都有喺香港過一啲噴腳既spray,
但係效用就唔太大。
而呢一枝我買返黎試左一段時間架喇,
發覺呢枝spray真係好好用,
如果腳汗比較多既朋友可以試下。

 

噴出黎會有淡淡既爽身粉味,
噴完之後真係可以保持一整天乾爽,
之前試過其他噴完覺得隻腳有啲粉,感覺唔太舒服,
但呢枝就完全無呢個情況發生。
雖然佢價錢唔太平,50ml / 150bhat (約港紙$3x),
不過英國製造,所以我覺得都ok,
如果大家喺香港試過好多款唔work就可以試呢枝。

line353

以前我都有介紹去水門區行街,今次去到反而買唔到野,
雖然啲衫都偏韓feel,但好多手工都唔好,好似花園街果啲feel,
飾物方面都睇唔岩,可能花多眼亂,
喺terminal 21或翟道翟睇仲好,而且好行好多。
如果行程緊密既話,建議可以直接skip水門區唔使行。

而今次行程都係主要搭BTS鐵路多,
鐵路真係方便好多自由行既朋友,
不過要買鐵路車飛時真係唔夠user friendly,
有啲站到宜家都淨係可以入硬幣,
買飛條龍排勁耐,一係要去唱散紙買先得。

雖然我之前黎就通常係泰國朋友車我周圍去或者搭的士,
但我唔建議大家搭的士,除非係落機果時同拖篋回程,
可以call一早講好價錢既的士公司。
大家都知曼谷任何時候都係勁塞車,
有晚約左朋友食飯,佢預早出門口都塞左兩個鐘,原本只係半個鐘車程!
所以唔想耽誤行程,都係揀返BTS穩陣。
仲有一點就係泰國的士佬大多都會專登兜路呃車程,所以就要小心,
去近既地方搭TUK TUK都OK,
一係就搭酒店既TUK TUK,會比較安全。

line353

去到泰國其實最正就係做spa做massage,
好可惜今次時間緊迫,又約左朋友食飯,
同唔班同事去做massage,
所以呢一part就交比同事講下o唔ok喇!

 

Yuki:
今次去做massage既地方喺Siam Square 1既6/F,
叫Let’s Relax,都係Janice帶我地去,
想做massage就要一早book定、揀定package,
(可以親身去book或者網上book定都得架。)
佢地最夜收11點,如果揀比較長時間既package,最遲就要7,8點去做。

我地就揀左個要做2hr45mins既package:
Full Spirit 2,600 THB
Aromatherapy Oil Massage
Body Scrub or Body Wrap
Foot Reflexology

呢間店地方都好大,仲有兩邊鋪面,
book左8點既我地行完街就趕返去做massage,
開始前,staff會比你揀massage oil 味道同邊款磨砂,
同埋會問你同邊一個同房,無錯!係兩個人一間房!
好在大家都係女仔,唔怕啦∼
揀好就可以跟治療師入房,先沖涼後做massage。
房間都算大,幾企理,有埋沖涼房,
經過兩個鐘既揼揼鬆之後,就出返一個落地玻璃位按腳,
真係所有疲勞一掃而空!

 

幫我按既治療師力度岩岩好,feel到佢用力但又唔會太痛,
不過聽返Christy同Karen講佢地果兩個好hea,
我諗都係一個個,無得比你指定揀邊個都無辦法,
同埋可能佢地趕收工,因為我地做完之後連個商場大閘都閂埋∼
所以大家去做既話,可能真係要預多時間去呀。

 

另外不得不提既係,做完massage之後,
原來佢地會送芒果糯米飯比每位客人,
等客人放鬆晒之後再嘆一嘆美食,呢個service真係要比個讚!

 

網站:http://www.letsrelaxspa.com/

line376

 

 

如欲取得更多第一手美容及扮靚資訊
可瀏覽Girls Talk Main Blog: Girlstalk Blog
或 Like我們的Facebook專頁:
Janice Lam Makeup Workshop Facebook

(版權所有,未經同意不得轉載。)

分類: 未分類
發表時間:2015-04-12 02:02 PM  [ 訪客留言(0) ] [ 編輯日誌 ] [ 分享至FACEBOOK ]


踢走暗啞黑色素(1)
2015 年 4 月 10 日  星期五

就算未到夏天,平時唔keep住搽防曬產品都有機會變黑,
當皮膚吸收左紫外線,就有機會令黑色素沈澱喺皮膚底層,
到色斑慢慢浮現,可能底層已經累積左好多黑色素架喇,
如果想改善暗啞、色斑、減少黑色素形成,
可以因應自己需要,參考市面上各大品牌既美白產品,
揀一款適合自己膚質,又有效改善膚色。
今次我地又有唔同品牌既新美白產品介紹,
不過美白產品都要持續用先見效,
所以我地主要會介紹產品成分同質地,
睇下有無邊一款岩你啦∼

line380

LANEIGE/ White Plus Renew Spot Ampoule $560

每瓶蘊含高濃度Melacrusher™,集中針對色斑、修復暗瘡印痕,
並以Ball Powder Formulating Technology ,穩定營養成分。
只需每星期使用1瓶,連續4星期,袪斑淡印,提升皮膚亮白度。

 

 呢個淡斑精華係以一個療程咁去搽,

 

第一下按泵後,樽身入面既維他命粉末就會同乳液融合,之後搖勻10-15次,令兩者均勻混合。

 

 

精華既質地比較水狀,呈透明,有淡淡香味,滲透得快,吸收後皮膚會變得滑溜爽身,如果以淡斑療程黎講,呢set精華價位算係唔貴,有雀斑、暗瘡印既朋友可以試試。提提你,每一枝開瓶後要喺一星期內用完架。

 

SHISEIDO/ White Lucent All Day Brightener SPF36 PA+++ 50ml $460

 

 

 

採用漸釋亮白技術,於日間維持美白效果,預防氧化;
揉合高效修護維他命C,有助肌膚抵禦空氣污染及紫外線的氧化傷害;
SHISEIDO專利高效美白成分4MSK有助抑制酪氨酸酵素活動,減少黑色素形成。
多功能護膚、有效鎖水補濕,同時可作為菻e底霜使用。

 

呢枝面霜既質地係比較水質既cream,呈奶白色,有淡淡香味,搽上手推開後感覺爽身,吸收唔算快,但吸收後皮膚面層唔會有一層白色膜,只會帶些少閃亮效果,而且有埋SPF36 PA+++,好岩夏天用黎做防曬+base。

 

KIEHL’S/ Clearly Corrective Dark Spot Solution 30ml $490

以活性維他命C配方,100%主動狙擊藏於肌膚底層的頑固黑斑,
配合其黑色素「反聚集」技術,有效分解聚集的色素及阻止黑色素形成。
蘊含白樺及牡丹精華,使用後膚色顯著地變得均勻及改善肌膚的透明感。

 

呢枝專門阻截黑色素既精華呈水狀,透明,草本味道,佢質地雖然係水狀,但水潤度足夠,好快吸收,皮膚表面變得潤澤,可以減淡色斑同時為肌膚補水,適合所有肌膚使用。

 

 

ETUDE HOUSE/ WHITE moistfull cream 50ml $200

 

縕含草本淨白超微細粒子,迅速滋潤肌膚,
補充日間流失的水份外,同時於晚間為肌膚鎖緊水份。
含玫瑰果油及珍珠萃取物,防止黑色素沉澱,並促進肌光滑美白。

 

呢個cream既質地係gel cream,

 

有花香味,水潤度高,好快吸收,皮膚感覺飲飽水,唔會過於油潤,完全吸收後變得爽身,適合缺水性皮膚使用。如果夏天曬後皮膚乾燥用佢就岩晒喇。

  

HABA/ WHITE LADY 30ml $398

以「維他命C誘導體」美白肌膚及淡化色斑,促進骨膠原蛋白之再生,
從而緊緻毛孔和改善細紋及皺紋;
可抗菌,減少暗瘡和粉刺之形成。

 

呢枝美白精華質地呈稀水狀,無味,好快就滲透到皮膚,吸收後感覺乾爽,因為佢有抗菌藥用成分,暗瘡性皮膚就可以試下用佢。

 

Dermacept/ Vitamin C20 Serum 15ml $840

 

 

 

含高穩定性之純維他命C,濃度達 20%,3 倍高濃度滲透,直達真皮層。
針對頑固色斑及暗瘡印,預防黑色素形成,高效抗氧化,有效對抗衰老問題,
及回復肌膚光澤度,同時具收細毛孔、平滑肌膚及改善粗糙問題功效。

 

呢一枝濃度達20%既Vitamin C原液呈透明水狀,質地比5%既原液杰身少少,帶有藥水味道,(我自己就真係唔OK呢隻味)佢既水潤度夠,吸收後皮膚感覺變得有彈性,建議先用5%令皮膚適應後先轉用20%高濃度,適合乾性、成熟年齡肌膚使用。

 

Dermacept/ Vitamin C5 Serum 10ml $315

性質較溫和,能淡化剛出現的色素問題,
抑制黑色素形成,改善皮膚早期出現之彈性不足及毛孔擴張問題,
同時可防肌膚鬆弛,適合敏感薄弱肌膚及可用於眼周。

 
 

 

呢一枝濃度5%既vitamin C原液比較稀水狀,呈透明,
同樣帶有藥水味道,
吸收度比20%快,但水潤度無20%咁高,
吸收後皮膚變得柔軟,爽身,
因為佢既濃度無咁高,
如果有敏感肌既朋友就可以試試呢一款。

line380Yuki tag

如欲取得更多第一手美容及扮靚資訊
可瀏覽Girls Talk Main Blog: Girlstalk Blog
或 Like我們的Facebook專頁:
Janice Lam Makeup Workshop Facebook

(版權所有,未經同意不得轉載。)

分類: 未分類
發表時間:2015-04-10 01:13 PM  [ 訪客留言(0) ] [ 編輯日誌 ] [ 分享至FACEBOOK ]


2015-04-08
2015 年 4 月 8 日  星期三

 

岩岩就過左復活節假期啦,唔知大家有無去旅行放鬆下呢?
去旅行一個好既行李喼就非常重要啦!
就算唔係化妝師,平常人屋企都至少有1﹣2喼看下門口,
特別係我地化妝師,化妝喼係我地既搵食工具,
所以對揀喼我地都非常講究,
我地公司既化妝喼有分軟喼同硬喼,
亦有分唔同既ize,我地會視乎咩類型既job去選擇用番咩喼。

對於揀喼我地已經非常有經驗,
所以我地都想share番啲揀喼既小tips比大家。
不過比tips大家之前,
我地都想同大家分享番之前買左一個品質極差既喼既不愉快經歷。
等比想買喼既朋友有所警剔同參考。
line373

最近發生左件事令我同workshop同事都非常勞氣!
大約半年前我係銅鑼灣SOGO買左legend walker旅行喼,
購買既時候覺得個內籠唔錯顏色靚,sales亦話有一年保養加十年保用我先購買。

約半年多時間,用左唔夠20次,有次拉住個喼過馬路上梯級時就甩左個轆出黎
(連個托都甩埋果隻),對於趕住出job既我地真係非常狼狽同無奈!

 

「關於Legend Walker香港代理」.....

我地就即刻搵legend walker代理檢查同維修,
香港品牌代理吳先生話我地係人為整爛整唔到,
亦無得賠償,請自行去SOGO拎番個爛喼走!
然後代理更非常不負責任地講左句:
「如果我地品質咁差,又唔見4個轆一齊爛,只係爛一個?」

態度差唔再講,而佢話我地「人為整爛」都有好多疑點...

疑點1)大家都知化妝喼對化妝師黎講係幾重要,我地對個喼非常愛錫,個喼無論外殼定內籠都95﹪新,外殼9成新。試問一個女仔如何可以將個轆連托都連根拔起?

疑點2) 其實個轆柄係白色,大家都知如突然有野夾住再扯爛都會有痕跡,亦會有黑色痕或者花,何況個轆柄係白色既,所以根本唔成立。

疑點3)品牌賴係航空公司掟爛,但我地個喼根本無出過境,只係for outjob用!

為求真相,我地願意比正價價錢買個一模一樣既喼,懇求代理示範一次如何可以整到個轆爛成咁,當然佢地無言以對,而佢地根本解釋唔到原因,
只識答「人為整爛」、「無得整」同「無得賠」。

Legend walker書面回覆如下:

而香港代理話問過人無得整,我地亦有問過係咩情況下會發生爛到咁,
當然我地得唔到答覆。而代理商亦話不能提供維修公司contact比我地。
係無實質既證據同專家既證明下,
你就話係因為我地用得唔好而導致呢個情況,
叫我地如何信服?

Legend Walker台灣代理得悉事件亦主動聯絡過我地,

大家都見到,處理方法同態度都可以話同香港代理差9條街∼
line372

無助既我地就搵左SOGO投訴,SOGO亦話會書面回覆

我地亦有同SOGO CS莊小姐通過電話,
我地問SOGO莊小姐咩原因會咁損毀?
佢就答:「唔知你地點損毀,總之就係「人為損毀」,
你地可以搵公正行做公正,或者歡迎去消委會投訴。」

而所謂書面回覆如下...

作為大公司既CS,呢啲係應有既態度咩?既然legend walker係專業做喼,應該由佢地搵維修公司證明個喼係點整爛,並唔係叫我地自己搵公正行做證明就算。

而莊小姐回覆,話發現行李箱底部爆裂,裂痕呈向外延伸。
有常識既人都知個轆係向外拉,裂痕當然係向外延伸,唔通個轆會縮左入去?

line373軟身喼較有彈性,當然可以裝得多啲野,
硬身喼雖然較重,但都有佢既好處,
就係可以較protect到入面既產品,
始終我地裝既都係化妝品驚會易碎,
所以大家都見到好多化妝師都會比較鐘意用硬身既喼啦!
不過好可惜,就算買喼幾有經驗都好,
都總會買中一個廢喼。
呢個喼完全經唔起考驗,
出job既時候行行下都可以甩左轆,

咁當然並唔係個個牌子都咁不負責任啦!
當我地share呢件事去facebook fans page既時候,
都有好多朋友share番佢地都曾經遇過呢種情況發生,
不過人地買既品牌就肯負起責任,會換/退錢比客人。
坦白講,邊有人想自己個喼會爛?
出出下job個喼甩個轆出黎我地都非常尷尬同不便,
不過品牌既語氣就講到我地好似貪圖小便宜咁,
其實單係同佢地周旋都已經浪費左我地好多時間,
而家已經唔係錢既問題,我地只係想拎番個公道。
Share呢件事因為我地唔想有人同我地一樣遭遇。
line373

*買喼小tips*
根據我地不愉快經歷,
所以買喼前都要一定做足準備。

1)問清楚保養+保用範圍

買喼既時候佢聲稱會有一年保養+十年保養,
但係大家買既時候就要留意啦!
究竟所謂既保養係包啲咩呢?真係可圈可點.....
買既時候當然係講到樣樣野都包吸引你去買,
到你真係拎去整時就誅多藉口話唔包,
仲更加可能將個責任推落你度就算架啦!
以免口同鼻拗,最好買既時候叫佢地係單據上清楚列明
邊啲情況下係屬於保養範圍,
免得有事情發生時,先搬一堆籍口出黎,再自行定義保養範圍。

2)小心選擇行李喼品牌
原本以為係SOGO咁大公司買就有保證,
不過佢地售後服務實在令我地好氣憤,
建議都係買番有信譽保證既大品牌,例如samsonite,rimowa等等,
呢種大品牌無論品質定售後服務都有保証。

3)Keep好單據
好多朋友買完野都會掉左張單,不過好似旅行喼呢樣野買完係有排用,
為左保障自己都一定要keep住張單,而單據上既字有機會耐左會甩色,
我建議大家最好要影印多一張,或者用手機影低copy。

4)網上做資料搜集
而家網上資訊科技發達,唔難搵到該產品既評價,
當然作為精明消費者既大家,絕對唔難分辯到係流言定真心分享,
如果有曬圖片證明就絕對呃唔到大家啦∼
收集多啲評價,再自行選擇啦∼
line372

如欲取得更多第一手美容及扮靚資訊
可瀏覽Girls Talk Main Blog: Girlstalk Blog
或 Like我們的Facebook專頁:
Janice Lam Makeup Workshop Facebook

(版權所有,未經同意不得轉載。)

分類: 未分類
發表時間:2015-04-08 03:45 PM  [ 訪客留言(0) ] [ 編輯日誌 ] [ 分享至FACEBOOK ]