Janice Lam (Makeup Artist)
janicelam
暱稱: Janice Lam
性別: 女
國家: 香港
« October 2019 »
SMTWTFS
12345
6789101112
13141516171819
20212223242526
2728293031
最新文章
新手化妝師入行小tips
10個上妝Do’s & Don...
來∼看看今年流行過的...
[ Fashion Gossip ] 今...
熟齡護膚品試用
文章分類
全部 (681)
每月文章
訪客留言
最近三個月尚無任何留言
最近訪客
最近沒有訪客
日誌統計
文章總數: 681
留言總數: 35
今日人氣: 4
累積人氣: 165617
RSS 訂閱
RSS Feed
【Video】讀者信箱(上)
2015 年 11 月 4 日  星期三

 

youtube cover

一直以黎都收到好多讀者問有關化妝同護膚既心得,
亦有好多疑難想解答,
咁今次我就拍左個短片比大家,
因為平日打字都未必咁清楚可以表達到。

我會分上、下兩集出,
內容好實用同詳細架,
希望幫到大家啦∼

劇透少少比大家知,
上集會先解答兩條問題,
一條護膚一條化妝,
仲有小tips、同女仔最想知道既瘦面技巧!

事不宜遲,即刻去片∼

 

 

line370

JaniceLam jlm

 

如欲取得更多第一手美容及扮靚資訊
可瀏覽Girls Talk Main Blog:
www.girlstalk.hk/blogs
或 Like我們的Facebook專頁:
www.facebook.com/janicelammakeup

分類: 未分類
發表時間:2015-11-04 06:10 PM  [ 訪客留言(0) ] [ 編輯日誌 ] [ 分享至FACEBOOK ]


秋冬轉季必備精華素
2015 年 11 月 4 日  星期三

 

相片 28-10-2015 16 33 55貪靚H女士化妝櫃點都會有一兩支精華液係度!
而加秋涼H天氣皮膚有機會唔適應導致乾燥甩皮,
當大家感覺到面霜唔夠潤,就要選擇精華素啦!
大家又知唔知精華液有咩用處呢?
精華喚言而之護膚成分比普通面霜濃縮,
但質地水潤,皮膚容易吸收,
而且仲可以重點針對皮膚需要而選擇合適H精華~
近期我地都收到一系列精華素,
而加等我地逐一介紹啦!

line383

ClarinsClarins 極活齡精萃 ($1250/30ml)

Clarins早前都出左V sharpH護膚系列,
出名lifting同firming功效明顯,
如果大家覺得皮膚乾之餘仲開始有鬆弛現象,
就可以試下呢支華,
呢支精萃加入三款全新植物萃取,
包括那葉,薔薇同車前草,
可以針對修復荷爾蒙影響H問題,
減淡黑色素問題,
仲可以修護肌膚H老化問題, 緊緻提升輪廓線條!
另外仲有透明質酸複合物可以保濕鎖水添!

呢支精華淡淡粉紅色帶花香味,
質地Gel狀偏水,
一推開就好水,好快俾皮膚吸收哂,
一啲都唔粘嫁!
適合中性偏乾人士

line383DermaceptDermacept by Dr.Zein Obagi Derma Power Serum

除左Clarins果支外,
Dermacept by Dr.Zein Obagi呢支好啱出現鬆弛問題H你使用,
之前由楊采妮代言H美白serum都好見效!
佢H護膚理念係喚醒肌膚本身H自身能力,
全新H活膚精華可以促進肌膚自我產生透明質酸,
彈性蛋白同膠原蛋白,
主要令真皮層提升自我保濕力,
有效保濕之餘仲可以提升肌膚緊緻度同減淡細紋!
啱哂輕熟女使用!

呢支精華無咩味,
一泵出黎已經係水狀,
所以推開已經好爽,
重採用左獨特探知乾燥部位膠囊技術同維命他A誘導體,
所以強效保濕嫁!
啱哂怕笠H朋友仔!

line383

ePureéPure Cryo Cellular Jelly Essence ($298/30ml)

大家唔好以為中女先要用精華,
其實後生女都要嫁!
如果大家轉季感覺到皮膚好乾,
上粉又cake粉,就可以試下呢隻補水serum!
主要成分有超低溫技術萃取之1000 倍高濃度橄欖胚芽精華
有機鼠尾草萃尿 (Xeradin)同玻尿酸,
再加入左多種珍貴天然成分,
肌膚可以迅速吸收並且形成滋潤薄膜,
另皮膚底層緊鎖水分

質地呈jelly狀,
不過一推閞就好水,
完全無粘粘H感覺,
仲無人工H香料味,
啱哂缺水皮膚人士使用!令皮膚飲飽水!

line383

HR

Helena Rubinstein Force C 注光抗氧精華($1380/50ml)

皮膚會因為化得妝多又或者天氣問題變得暗啞,
唔知大家有點無試過上粉過左半日皮膚就又啞又黃,
呢啲就係氧化問題,
如果有呢啲問題建議用返抗氧化H精華!
Force C 結合左三種不同維他命C,
包括純維他命C能高效抗氧,
Cmap能穩定純維他命C及持續發放抗氧力量,
Cg能穩定純維他命C及高效保濕,發揮活性功效,
使用係修護精華同面霜之間,
有效提升產品H吸收力同效果!
有效緊緻皮膚同另膚色更亮澤均勻!

呢支精華味道係帶橙H生果味,
感覺好fresh!
質地係油水,精華推開後仲有一層薄膜,
補水之餘仲好滋潤!

line383

KateKate Somerville Age Arrest 凝肌緊緻精華 ($870/30ml)

女士開始踏入輕熟女年紀就要開始注意幼紋問題,
如果唔係就好易變皺紋嫁啦!
Kate Somerville呢支精華主要抗皺,淡化細紋,緊緻肌膚,
同改善肌膚暗啞失色H情況,
產品加入左革命性的TELO-5™抗衰老科技,
全面對抗衰老現象!
另外仲有四胜肽,可以促進膠原蛋白及彈力蛋白再生,
海洋小白菊萃取可以即時減淡肌膚上的細紋及表情紋,延緩初老徵狀,
發酵褐海帶萃取有效減退細紋同時補水,
植物性胺基酸就具有高效抗氧化同抗污染功效,
海鞭珊瑚、海藻原液有效滋潤及紓緩肌膚,防止水份流失!
適合敏感肌膚使用!

精華帶草本味,
質地lotion狀,感覺好rich,
推䦕左好似有層薄膜,
仲有啲涼涼地添!

line383

Pixel

Pixel Fermeté PP細胞修護精華油 ($1180/30ml)

乾性皮膚H朋友未到冬天已乾到爆,
補極都唔夠水就要試下呢支精華油啦!
醫學品牌Pixel Clinical推出左針對秋冬極乾天氣HFermeté PP細胞修護精華油,
添加左Padinami®、Kalpariane、杏核油、
白芒花籽油及月見草油等多種具滋潤效果H成份,
有效達至水油平衡,
促進細胞自我修復功能!
特別適合乾性及嚴重缺水型皮膚使用。

呢支精華油以滴管設計,
帶好淡杏仁味,
而且精華油推開後有一層薄膜,
感覺好滋潤!
真係啱哂乾性肌用呀!

line383

RmkRMK Barrier Treatment Essence ($560/30ml)

如果大家開始有乾紋出現,
又覺得出面H抗衰老產品千千聲太貴就可以試下呢支!
呢支係RMK首次為抗老化而設H美容液,
分別加入左可以促進細胞更新HGABA,
同埋抗炎症H甘䓍酸做主要成分,
另外仲加入左6種唔同H精油,
護膚H同時仲可以放鬆心情,可以配以按摩手法另精華更吸收!

精華有好清新H檸檬香油味,
一泵份量已經好多,
一至兩泵已經足夠搽哂成面,
而且水潤黎仲好吸收添

line383
Sooryehan秀雅韓天然人參自生精華 ($698/50ml)

而加好流行中藥成分H護膚品,
講韓國就諗起人參,
人參藴含左多種功效,
有效促進膠原蛋白,抗氧化,美白保濕,抗皺緊緻等功效!
呢支精華採用左天然珍貴人參總皂苷,
功效比園植人參更高,
但價錢就好實惠!
可以提升皮膚自生能力,改善膚質!

精華好重人參味,
帶淡淡H橙色,
質地少少Gel Gel地,
感覺仲好滋潤!

line383

trilogy

Trilogy抗敏SOS舒緩精華液

轉季除左令皮膚乾燥外仲有機會敏感,
大家應該選用唔刺激而且溫和H精華
Trilogy係紐西蘭天然有機護膚品牌,
一直以簡單、純淨、賦活作為品牌宗旨和產品理念,
而且獲得NATRUE天然認證同首個紐西蘭護膚品牌榮獲BioGro NZ Ltd.有機認證!
而呢支精華液係為敏感肌提供極舒緩修護H功效,
主要成分有SyriCalm,水生植物蘆葦同草本茯苓,
有效迅速緩和敏感泛紅,高效保濕!
改善皮膚狀況!

產品不含香料香精,
質地乳霜狀,
推開吸收哂之餘仲爽身!

line383

Joan


 
 
分類: 未分類
發表時間:2015-11-04 06:08 PM  [ 訪客留言(0) ] [ 編輯日誌 ] [ 分享至FACEBOOK ]


各類潔面產品測試
2015 年 11 月 4 日  星期三

 

相片 23-10-2015 15 01 27好多朋友問過平時就算揀番自己岩用skin care,
點解都好容易出黑頭粉刺,
甚至係爆暗粒?
護膚既第一步就絕對係要清潔好皮膚啦!
如果落妝都落唔乾淨就真係用幾多好既護膚品都無用∼
市面上有各種既潔面產品,
包括有常見既卸妝油、卸妝水,潔面gel,
仲有近年好流行用既Balm狀卸妝產品,
今日我地就挑選左幾款產品測試下潔淨度同用後感啦!
line381市面上有咁多種卸妝產品應該邊款岩自己呢?
如果平時都會化fully makeup
上得較厚妝的話,我地都建議用番卸妝油,
因為清潔力較高,不過就記得一定要加水乳化先落得乾淨架!
而平時化慣淡妝,只係搽下防曬,
薄粉底既話一般用番卸妝水都可以落乾淨,
不過要注意如果搽既防曬/粉底標明有防水功效既話,
就要用番卸妝油啦!

而敏感肌既朋友揀卸妝油都要留意有無礦物油成份,
因為礦物油不易被皮膚洗淨,
好容易會導致block毛孔既情況,
一般揀番用卸妝水同cleaning milk會較溫和!
相片 25-10-2015 下午3 13 47雖然頭先提到卸妝油清潔力好高,
不過對於頑強既眼妝都建議先用水油狀既eye makeup remover先落乾淨,
因為落既速度會快啲,減少對眼皮既拉扯,
而且眼部專用既產品一般都會好溫和,唔怕會拿眼添!

今日要會用眼線液,唇膏同眼影做個大測試,
睇下每款既清潔度去到邊啦∼

相片 23-10-2015 14 52 58Trilogy make-up be Gone cleansing balm $298/80ml

近年好流行用呢種Balm狀既卸妝產品,
呢個cleansing balm含有滋潤舒緩皮膚既成份,
包括芒果籽油、純正椰子油、玫瑰果油等,
除左可以卸除彩妝外,仲可以幫皮膚消炎同修護添∼
相片 24-10-2015 20 45 55

相片 24-10-2015 20 45 34用法:取出1/2茶匙份量,於乾爽既臉上打圈,
再用濕布擦去彩妝同cleansing balm便可,
不需另外過水。
相片 24-10-2015 14 12 25
佢既潔淨能力唔錯,
摔左3-4下就彩妝就開始溶,
不過眼線就唔太落到,
塗開之後既質地都似係油狀,
落完好方便用濕毛巾抹乾淨就得,
用完佢唔會覺得好油,但仲有少少滋潤感,
冬天用就唔錯啦!

潔淨力: ★★★☆☆
line381Biore既卸妝產品都係好多學生們既最愛,
因為勝在價錢平,質素又唔錯∼
佢既卸妝產品都有幾種唔同系列,
今日就揀到佢地卸妝水同卸妝凝露試下啦!
相片 23-10-2015 14 57 40Biore深層高效美肌卸妝水 $69.9/300ml
相片 24-10-2015 20 50 38含有金縷梅萃取、白茶萃取、膠原蛋白,
可以令皮膚更加緊緻,亮白,透滑∼
不含油分、香料、酒精、亦通過皮膚科測試同粉刺測試,
適合幼嫩肌膚使用。

相片 24-10-2015 20 51 58
相片 24-10-2015 14 52 54呢款係水狀質地,用法都係倒落化妝棉然後抹,
大約泵左兩下份量, 大約8成彩妝都落到,
用後感覺較清爽,但都唔會太繃緊∼

潔淨力: ★★★★☆

相片 23-10-2015 14 57 58Biore 高效水漾卸妝凝露 $94.9/230ml
相片 24-10-2015 21 03 11入面含有40﹪保濕美容精華液,卸妝同時有護膚效果,
特有迅速潔淨卸妝技術,水漾配方更容易清洗,

相片 24-10-2015 21 06 01相片 24-10-2015 16 56 24呢款係gel狀質地,有微微花果香,
頑強既眼線只能落到一半,
不過洗完既感覺好水潤,
唔會覺得好笠同油既感覺。

潔淨力: ★★★☆☆
line375相片 23-10-2015 14 57 01GUERLAIN 純淨美肌親膚卸妝水 $470/200 ml

集卸妝水、潔膚液同爽膚水於一身,
可以溫和潔淨肌膚,吸收微塵雜質,
仲有爽膚既功效。

相片 24-10-2015 20 50 17
相片 24-10-2015 14 27 55屬於水狀質地,有淡淡好舒服既花香,
份量都係泵左兩下,抹一下已經抹走8成,
連好難落既eyeliner都差唔多落曬!
以卸妝水黎講效果都算好驚喜∼
抹完之後, 塊面超滑好水潤,
效果真係好似用完爽膚水咁正呀!

潔淨力: ★★★★☆
line375相片 23-10-2015 14 56 20L‘OCCITANE 蠟菊卸妝油 $235/200ml

蘊含珍貴既蠟菊精華油,透過物理潔淨作用,
徹底去除積聚係表面既雜質,有抗衰老效能添!
相片 24-10-2015 21 19 18相片 24-10-2015 21 20 35相片 24-10-2015 17 09 14呢款都洗得好乾淨,eyeliner仲差少少先落到,
洗完皮膚覺得好舒服,唔會太繃緊,
算係比較薄質地既油分,唔會太杰,
乳化得好好,
油皮膚都唔洗驚會block毛孔∼

潔淨力: ★★★★☆
line375相片 23-10-2015 14 58 33FANCL MCO 納米卸蛢G $208/120ml

新一代納米速淨配方, 含有超微細納米速淨因子同白池花籽油,
可以迅速去除彩妝,清除毛孔中既油脂,不含礦物油。

相片 24-10-2015 21 27 13相片 24-10-2015 21 28 08相片 24-10-2015 17 17 19屬於較厚身既gel狀質地,以天然無添加為賣點,
所以開封三個月就要用完架啦!
乳化得好快,不過eyeliner都係落到一半左右,
不過其他部份都落得幾乾淨!
洗完既感覺都係較為清爽,但就無咩滋潤感覺。

潔淨力: ★★★☆☆
line384
相片 23-10-2015 14 58 21Bare Minerals Mineralixirs facial cleansing oil $260/177ml

bareMinerals最近推出左礦物玫瑰籽油活膚系列,
當中包括左呢支卸妝油,
入面既成份加入左玫瑰果籽油和葡萄籽油等植物成分,
有助促進細胞更新及新陳代謝,
同時深層滋潤及紓緩肌膚,改善細紋。
相片 24-10-2015 21 14 55相片 24-10-2015 17 04 14呢個卸妝油潔淨能力好高,
輕輕摔幾下都差唔多全部都落得曬,
落完覺得滋潤感幾重, 好岩乾性肌同冬天使用。

潔淨力: ★★★★★

line368相片 23-10-2015 14 56 37éPure 水潤氨基酸潔面乳 100ml

含有機鼠尾草同高效保濕玻尿酸,
可以溫和咁清洗肌膚,縮小毛孔,令皮膚更加細緻∼

相片 24-10-2015 20 53 44相片 24-10-2015 20 57 47
相片 24-10-2015 15 14 08其實佢係支daily cleanser ,
不過妝都可以落到一大半,
屬於lotion狀質地,摔開後會起泡,
用後完全無覺得繃緊,
以佢唔係專門落妝產品黎講,都算落得幾乾淨。

潔淨力: ★★★☆☆
line384相片 23-10-2015 14 57 23Phyto-C soothing cleanser $435/240ml

含有維他命A﹠E, 茉莉花萃取物,橄欖葉萃取物,
可以去除過厚角質層、改善暗啞膚色,提升吸收力。
相片 24-10-2015 21 02 53
相片 24-10-2015 15 27 13佢都係支daily cleanser, 屬於gel狀,
洗完覺得毛孔乾淨左好多,
膚色會均勻左,
用後感覺較清爽,連男仕都岩用架∼

潔淨力: ★★★★☆
line375

 
分類: 未分類
發表時間:2015-11-04 06:05 PM  [ 訪客留言(0) ] [ 編輯日誌 ] [ 分享至FACEBOOK ]


吃喝玩樂在巴黎(下)
2015 年 11 月 4 日  星期三

 

FotorCreated

上一篇介紹左幾個南法既地方同好味既餐廳,
今次就繼續分享我喺Paris既食玩買行程同工作。
有睇前一篇都知道我今次出trip每日都落雨,
雖然無咩點影相同shopping,
不過最後我都有買到少少野同手信,
想知有咩推介餐廳同店鋪就要睇下今次介紹啦!

line376

首先講左兩間餐廳先,
本身我自己就唔係話好食野,
不過由於今次無咩點shopping,
所以就勁食勁食!

camelia3cameliaa

(網上相片)

呢間餐廳位於Paris Mandarin Oriental,
今次係朋友帶路,所以開頭都唔知係食邊間,
一入到去就覺得「咦!咁熟口面」,
原來之前喺J2台介紹過,
因為呢間餐廳既裝修好靚,所以一眼就認得!

Photo 17-10-15 21 01 40

Camelia係一間好出名既餐廳,
而法國係好出名食鴨,
呢度亦有鴨,所以就點左黎睇下水準如何。

Photo 17-10-15 21 01 52

我地三個係share野食,
每碟既賣相都好ok,
不過坦白講,
呢度既鴨係明顯overdone左,
亦唔夠juicy。

Photo 17-10-15 21 01 46

呢份係龍蝦加啲紅菜頭,
我自己本身唔食蝦蟹類所以都無試到,
朋友食完話覺得ok啦,但就唔係太特別。

Photo 17-10-15 21 01 43

而呢份牛配薯蓉就完全overdone,
反而配菜薯蓉先最有驚喜,味道好好,
不過整體黎講都係失望居多。

Photo 17-10-15 21 01 50

最後我地都想食啲甜甜酸酸既甜品,
所以就揀左呢枝raspberry雪糕!
個waiter一開始都同左我地講係ice cream bar,
咁我地都無expect好靚,
果然∼真係無期望無失望,
下面係底座唔食得,真係得一枝雪條。

呢一間喺Paris黎講算係數一數二既餐廳,價錢都唔平,
不過以食物水準黎講我覺得一般,
但想食環境,睇靚人靚衫,要整個luxury感覺既話,
咁呢間餐廳就岩晒喇∼

Camelia
地址:251 Rue Saint Honoré, 75001 Paris

line376

我今次住喺Paris Saint Honoré街頭,
最後一站就去左一間喺附近叫Flottes既餐廳,
喺Rue Cambon,同CHANEL總店同一條街,
Rue Saint Honoré係好大既長街,Rue cambon就係橫街,
餐廳就喺交界附近。

f1

呢間餐廳都好出名,好多本地人去食,
我地見就腳,所以就揀左佢喇!
我地去食lunch時都要排隊,
不過等左一陣就好快有位喇。

呢度lunch既價格比較相宜,
我極力推薦比大家,黎到一定要試試!

Photo 17-10-15 21 01 59

Photo 17-10-15 21 01 56

今次當然又係食鴨,
我地點左個鴨脾同鴨胸,
估唔到好入味,好juicy,好淋,
完全唔韌!

IMG_0497

值得一提就係左邊兩pat野,
其實兩個都係薯蓉,不過有少少唔同,
一個係普通薯蓉,我地都覺得好好味,好快就食晒,
另一款係芝士薯蓉,呢一個食幾啖就食唔到落去,
可能外國人會比較鍾意,
但比我感覺就好似食緊芝士薯蓉既香口膠,
好杰身,薯蓉比啲芝士扯住,
呢個口感我就唔係太鍾意喇…
啲芝士最少起碼可以拉起兩尺高,好誇張!
其實我好想影相,不過礙於呢間都係一間高級餐廳,
咁樣影相好似唔係咁好,所以最後就無影到。

Photo 17-10-15 21 02 09

其餘既野食都好好食,
好似係法國田螺,全部都好好味。

Photo 17-10-15 21 02 02

我地去到每間餐廳都有叫鵝肝食,
呢間係我地一致認為最好食!
如果大家行名店行到攰,
都可以黎呢度試下,值得一試!

呢度早晚既水準都好好,
雖然價錢都真係唔平,
不過一心諗住黎shopping結果無野買,
所以就將budget轉移去食野度喇。

f3f2

(網上相片)

Flottes
地址:2 Rue Cambon, 75001 Paris

line376

lafayette

(網上相片)

講到行街,我第一站就去左Lafayette,
其實我自己對行百貨公司既興趣唔係太大,
如果要買名牌就可以去睇睇。
我自己比較鍾意行一間間shop,款式齊啲同多啲野睇,
呢度地下有個鞋部,我兜左圈都無買到野。

不過喺Lafayette買野退稅方面有好處,
喺入面所有shop買野湊夠170euro就有得退稅,
其實買袋買鞋就已經有得退,
但我自己就覺得去專門店買仲好。

line380

IMG_0493

其實耳環呢個brand我好鍾意,
香港亦都有,平時我都有睇開,
不過覺得佢個價錢偏貴,睇完就無買。

IMG_0488IMG_0489

今次呢度有一部分做六折同半價,
再加埋退稅,價錢大約三百幾,
我自己覺得好抵,所以都買左幾對。

IMG_0495

IMG_0491

我本身鍾意綠色,加上呢個款都好靚,
所以佢無減價我都第一時間揀左,
之後見到白色同款有減價,都好易襯,所以就買埋!

IMG_0492IMG_0490IMG_0494

其實佢地既官網都有show減價款出黎,
大家有興趣都可以去睇下。
link:http://www.lesnereides.com

line380

岩岩上一篇講左Burberry既褸出trip可擋風防水,
今次都有去店睇野,不過價錢貴左好多。

IMG_0486

本來我都無買野,最後喺outlet試左呢件,
我自己都好鍾意,但價錢唔算太平。

呢個款我朋友7月中左右喺London以正價買左,
輾轉間3個月已經去左Outlet!

初時我想買Classic款,同呢件差一千蚊,
不過呢件款式特別啲,所以揀左佢。

IMG_0500

*Tips*

去Outlet就一定要去Information center,
佢地會有extra discount比遊客,
好似我去Burberry買野,買夠一千euro有85折,
再退埋稅等於75折左右,都算幾抵!
其他好多shop都有discount架,
建議大家睇左先行街,
同埋可以拎單去返center換asiamiles,
所以大家記得去左information center先啦∼

line380

Photo 19-10-2015, 17 33 59

香港好多化妝師鍾意用呢枝base做打底,
我就買左幾枝比同事做手信,
喺法國買圍返一百蚊枝度。

Photo 20-10-2015, 18 35 09

地圖果度一排既藥房都有做優惠,
或者去Lafayette男裝部側邊果間藥房,
都好多特價,不過就比較多人,
如果想買返啲法國產品都可以去睇下。

perfume2perfume1

呢兩款香水宜家香港都有得賣,
法國當然平好多!
係同行朋友試過好用推介,佢覺得味道好香又持久。
我今次就買左兩隻味,
上邊係朋友極力推介既鈴蘭味道,
而另一款就係Jasmine,味道好似白蘭花既清香,
呢個味其他brand比較少有,
同埋佢既香味比較持久,
無論自用手信都好唔錯,
機場都有counter賣呢隻香水,
如果臨到最後想買返手信比朋友就可以留意下啦!

line378

去到法國,相信大家都有留意其他blogger推介必買RIMOWA,
諗起我之前既不愉快事件,
之後對啲唔係好出名既brand都唔係太有信心,
想知道咩事就可以睇返我舊blog,
link:http://www.girlstalk.hk/blogs/?p=23474

身邊有好多朋友都用RIMOWA,
今次終於屈服要買,
有朋友經常出trip,用7~8年都keep得好好,
香港買貴好多,
所以今次順道買左個最大size既篋,
扣埋稅都係4千蚊內,
呢個算係RIMOWA入面最平既一個。

IMG_0485IMG_0482

呢個磨砂質料係新出既,會再輕身啲,
我覺得鐵果隻太重,
實用性黎講呢隻比較適合。
其實佢地仲有出膠面,比呢款貴一千蚊度,
不過無咁易刮花,
我自己就鍾意呢款多啲又唔介意刮花,
出trip刮花都好正常,所以就揀左呢款喇!

*Tips*

買篋千祈唔好去Lafayette,
我亦都去過春天百貨,不過款式唔太多!
佢其實喺巴黎有幾間分店,
大家可以去返St Honoré果間La Bagagerie睇,
我今次就去羅浮宮對面岸(巴黎第7區)果間La Bagagerie買,
由羅浮宮行過去20mins度,果一帶亦好安全,
附近係傢具店同畫廊,行既時候都可以放心睇下其他野。

其實我之前果啲篋都要千幾蚊,但用年幾就要換,
比較過,RIMOWA既轆的確好好多,
即使裝重野都行得好順,
加上法國買又平啲,
所以我覺得都值得喺法國買返黎既!

line378

之後途經一條街,見到文具店,
大家估唔估到係咩黎呢!

IMG_0483

其實呢個好實用,係擦子膠同筆刨。
當然我就唔捨得拎黎用,
因為個蘑菇好得意,所以買返黎當裝飾,
價錢都唔平架,70蚊左右,
不過個款好特別,香港無見過類似,
所以就買左返黎。

IMG_0484

另外,有個地方想推介比大家!

IMG_0480

就係呢個dept store附近,
呢條街好多特色野,
有古董錶、鞋、本土野等等,好多野睇,
如果唔想行死名店,建議大家可以行下呢條街。

le_bon_marche_rue_sevres_paris

le-bon-marché1

(網上相片)

而呢個dept store好少亞洲人,
大品牌當然有,
但當中亦有唔少唔係大路brand,
好多特色野睇,
如果大家鍾意化妝護膚品,
呢度就有超多唔認識既品牌但quality好好既產品,
全部都好吸引!
有時間既話可以睇下∼

line370

IMG_0498

今次出trip落雨真係好少影相,
趁最後幾日好天少少所以就影多啲相,
其實今次都係去做野為主,幫本magazine化妝set頭,
不過當中都有個小插曲,
就係我地去到當地先知book唔到model,
好彩之前識得一位韓國model,
記得佢講過有韓國朋友喺Paris做model,
即刻facebook問佢,
好快就book到一個非常專業既韓國model。
好彩宜家科技進步,有wifi跟身,可以連絡到其他人,
如果唔係都幾麻煩。

line363

今次既分享就到呢度,
如果大家去Paris就不妨參考下我今次既行程啦!

JaniceLam jlm

分類: 未分類
發表時間:2015-11-04 06:04 PM  [ 訪客留言(0) ] [ 編輯日誌 ] [ 分享至FACEBOOK ]


遊覽南法小鎮(上)
2015 年 11 月 4 日  星期三

 

FotorCreated

早前去左10日歐洲,
今次出trip去法國,其實都係以做野為主,不過平時都好少放假,
所以今次做野前都抽左少少時間去遊覽幾個南法小鎮,
成個trip只能用一句總括,就係「貴人出門招風雨」!
我去到邊,啲雨都跟住走,所以都無咩mood行街,
所以都唔同上年咁買左咁多野啦,
今次主要都係觀光同食野為主,
第一日去到果邊本身諗住行下museum但又比人勁打尖,
所以最後都係行下小巷小店同埋勁食野!
今次想同大家分享番去左既餐廳,當中有好介紹架!

line372

Nice (尼斯)

第2日就同朋友去左Nice,
身邊好多朋友,就連外國朋友都一致推薦呢個地方,
咁岩我又有位朋友喺當地study,
所以就plan左去呢度玩喇!

day1-1

呢度係屬於舊城區內既海邊,
雖然天陰但都有泳客,
由於呢邊所有灘都係石灘,
見住泳客上岸時好似做緊腳底按摩咁。
我自己都係鍾意沙灘多啲!

本來一場黎到,我都好想落下水,
呢度水質好好,好清又好藍,
但係天陰陰,比想像中清涼,所以最後打消左呢個念頭。
相片 18-10-2015 下午4 47 44呢張相係我地去前幾日前個朋友影比我地,
見到真係好興奮!!
不過去到都幾失望,
遇著又落雨,又大風,做唔到户外活動啦!
相片 18-10-2015 下午4 47 47而呢張就係我地走果日影既,
走果陣就即刻變左碧海藍天囉,唉……

day1-2題外話∼大家見到我長期著住呢件Burberry既乾濕外套,
呢件真係我今個旅程既救命外套,
因為佢好擋風又好防水,
個幾日都落好大雨,就算拎住遮都會濕曬,
番到酒店發覺除左件外套之外,入面既衫都完全無濕過,
所以建議大家出trip一定要必備呢類既乾濕外套呀!

之後我地轉移左去行街,呢度比我既感覺好似外國版古裝街,
不過都係以遊覽為主,無買過野,
呢度都好易行,唔怕盪失路,而且有google map就更加唔使怕!

nice2呢度好多小店同埋傳統野食賣,
不過勁甜!
唔係太岩我,
周圍行下就已經好寫意。

我成日都覺得巴黎好似深圳羅湖附近,
其實坦白講,應該話仲危險過羅湖呀!
因為身邊真係太多朋友比人偷野搶野,
去過巴黎既朋友都知,
身邊既朋友都會叫你小心比人搶野!
其實都想share番比大家聽,
而家D賊偷野既手洗真係層出不窮,
所以大家要小心啲!
好彩我都未試過比人偷野,
只係之前都試過比吉卜塞既乞兒嚇過下!
大家呢個時候真係要鎮定,
如果佢地知你驚既話,就會成班黎搶你野架啦∼

我有朋友試過由巴黎機場搭車出市區,
因為個度有條高速公路成日塞車,
而附近有好多單車黨會扑玻璃搶野,
我朋友就將手袋放係膝頭上面咁就出事啦,
啲賊真係好狼死,
所以我建議手袋放係腳底就比較安全啦∼

去到旅客區,老實講吉卜賽啲人都知道你唔係當地人,
佢地通常一家人行事,可能會拎張地圖扮問下你野,
其實已經派左個小朋友摷緊你個袋啦!

之前又聽到朋友講去間餐廳食野,
啲賊好鐘意一班人行事,
佢地又會倒杯野係你身,當你好慌忙抹緊既時侯,
又乘機偷你野啦∼
我建議大家要買個細袋仔跟身,
用黎放貴重物品,
而我自己既裝束都係將個袋放係件外套入面,
再將貼身要用既野,
例如化妝品,紙巾等等放係金色個shopping bag入面,
就算比人偷左都唔會心痛啦∼

去到巴黎都建議大家興奮之外都要提高警覺呀!
最好唔好去到太夜或者去好靜既地方,
唔好以為好nice既外國人一定係好人,
而且佢地鐘意帶埋小朋友犯事,
因為小朋友就算比人捉到都唔會拉,
所以啲賊先咁倡狂,
係當地報警又好麻煩,
所以真係小心財物呀!

不過今次黎到Nice安心好多,relax好多,
唔怕比人偷野搶野,可以好好享受。

nice1

Nice其實好細,呢度既名店亦相對較細同少,
如果真係想shopping既朋友都係去Paris比較好。
呢邊用一日享受陽光海灘,一日行下小巷睇下野,兩日就已經行晒。

去到幾日都落雨,我地化悲憤為食量,
決定勁食!!

因為呢邊好近意大利,約一小時車程就到,
所以附近都好多意大利餐廳,
pizza、pasta果啲…
不過今次黎到反而想食海鮮!特別係生蠔!

nice

呢間餐廳叫LOVE,但係唔關個名事,
只係見到佢menu有生蠔所以揀左佢。

day1-7

唔知點解去旅行都特別快肚餓,
我同朋友兩個order左3-4人份量,
但最後都食晒!

day1-6

第一樣推介就係生蠔!
我地order左一打,around二百蚊左右。
本身我自己唔鍾意美國蠔,嫌太creamy,
法國蠔鮮甜好多,又滑,
完全唔膩!
食既時候加少少檸檬汁就已經夠,
唔需要並他醬汁。
真係超過正!
如果afford到比較貴價既餐廳真係好ok,
我地食完已經上左癮!

1-4
另外我地點左到法國必食既青口,同樣都好鮮味,仲一啲都唔韌!
鵝肝配麵包同無花果醬個口感亦都好好,
唔會感覺膩口,全部都比我地食晒。

不過呢邊天氣都凍凍地,低過15度,
所以都想叫個熱食,最後揀左份牛扒,
估唔到呢度既扒勁juicy!好好食!
推薦比會黎Nice旅行既大家∼

LOVE
地址:13 Rue Massenet (angle rue de France), Nice,France

相片 18-10-2015 下午4 49 00相片 18-10-2015 下午4 48 49相片 18-10-2015 下午4 48 46(真實圖片)
今次我地去Nice無book酒店,我地係airbnb度租Apartment,
如果下次再黎我都會再係airbnb度book,
因為真係好舒服,設備好齊全,有廚房有雪櫃,
好方便∼
大家見到相入面有啲亂,
其實都係太攰唔想執自己野所以先咁亂∼
兩間房都好大,價錢仲平過酒店,
如果兩pair人去,除番開個價錢就真係抵啦!
螢幕快照 2015-10-18 下午05.01.16(網上圖片)

大家見到真係同網上張相一樣咁靚咁乾淨架∼

網址:http://www.airbnb.com.hk

line372

Cannes (康城)

第3日去左康城,
大家都聽得多康城影展,
我自己都係第一次去,由Nice搭火車去原來好近,
不過一到步已經勁大雨,
所以都完全無影相,
以下既相係上網搵返黎。

cannes1(網上相片)

初時以為年年都有影展,
個地方應該好大好靚,
不過其實呢度好細,兩個幾鐘已經行晒,
係好普通既小鎮feel,觀光ok,
但如果太多行程,就可以skip唔去。

cannes2

(網上相片)

line372

Monaco (摩納哥)

而康城另一邊就係好出名既摩納哥,
又係一個小時就已經去到,
呢度最出名就係賽車同蒙地卡羅賭城!

我原本以為會見到好多豪華裝修、富豪、名車…
但呢度比我感覺好似澳門。

day3-3

一落車既地方已經好熟口面,
係好多車手撞果個彎,賽道既地方,
不過呢邊既野都好舊,無好新時代既感覺。

day3-1

海岸邊泊左好多遊艇,感覺好似淺水灣。

day3-2

之後去左賭場,初時又以為會好似las vegas咁,
點知原來好細,得一忽仔係賭場,
澳門仲更加豪華同新淨!
其實真係無咩特別,
當然黎旅行都可以睇下呢類景點,
不過就有少少失望。

line372

Saint-Paul-de-Vence (聖保羅)

留係Nice既最後一日,
我地就去左呢個地方,
係Nice搭巴士去大約45分鐘度就到,
其實呢度係一個好出名既旅遊景點,
好多本地既旅客都會去觀光。

係地產公司見到呢個touch mon,
我都覺得值得一讚,
因為我地太鐘意睇下樓市情況,
呢邊一間house已經係香港一個床位既價錢…
價錢平,地方大,環境又好,真係好正,我自己都想係個度住呀!
因為外國小鎮舖頭好細,佢地就將所有放盤既資訊放係個touch mon度,
就算佢地收左工,我地都可以隨時睇到,真係好方便∼

day4-0

平日我地去墓地都唔會亂影相,
不過呢邊既墓地係好似公園咁,
亦有好多名人被葬喺呢度,
好似係好出名既法國畫家Marc Chagall都係葬喺呢度。

day4

之後我地就周圍去行下小鎮小巷。

vence2

行到去當地一間酒店入面食lunch。

day4-6

呢間餐廳真係極力推薦!
好好味!

day4-1

呢度既前菜、甜品都係一流!
我地3個人order左兩個餐,岩岩好,
所有食物都好精緻,
如果比較大食既朋友可能就要一人一個餐啦∼

vence

左上果個無花果甜品,加埋餅底同其他材料,
口感非常之好,餅底又夠鬆脆,
建議大家黎到可以試試佢地main course既鴨,
一啲都唔韌,好食!
不過呢度食野都唔平,
黎食野就真係要準備定銀彈啦∼

Hôtel Le Saint-Paul
地址:86 Rue Grande, 06570 Saint-Paul-de-Vence, France

line372

今次就同大家介紹住咁多先,
下篇將會繼續同大家介紹Paris有咩值得去既地方啦∼

JaniceLam jlm

分類: 未分類
發表時間:2015-11-04 05:59 PM  [ 訪客留言(0) ] [ 編輯日誌 ] [ 分享至FACEBOOK ]