Janice Lam (Makeup Artist)
janicelam
暱稱: Janice Lam
性別: 女
國家: 香港
« October 2019 »
SMTWTFS
12345
6789101112
13141516171819
20212223242526
2728293031
最新文章
新手化妝師入行小tips
10個上妝Do’s & Don...
來∼看看今年流行過的...
[ Fashion Gossip ] 今...
熟齡護膚品試用
文章分類
全部 (681)
每月文章
訪客留言
最近三個月尚無任何留言
最近訪客
最近沒有訪客
日誌統計
文章總數: 681
留言總數: 35
今日人氣: 6
累積人氣: 165603
RSS 訂閱
RSS Feed
好用小物新發現
2015 年 9 月 29 日  星期二

 

我地一班shopping精同事最近都發掘左一啲好物,
當中有化妝品,護膚品,護髮產品同隨身小物都有,
而且都係大眾化價錢,
想知我地會介紹咩好物就唔可以錯過今篇既介紹啦!

line379Joan:

冰涼護眼小法寶

Lycee小花眼藥水 ($3x 購自一般日本藥妝店)

早幾個月去完日本,
原本已經係一個小購物狂,
係日本更加買到痴線啦!
買呢支小花眼藥水H原因其實主要都係睇包裝(由其粉紅色H野)
佢有分有con版同無con版,
平時都會帶conH我就㨂左有con版啦!
一䦕盒連藥水都係粉紅,因為含有維他命B12,
外表細細粒,好方便攜帶!
而且滴兩下眼睛即時舒服返,
仲可以減淡紅筋,感覺薄荷冰冰涼!
價錢仲好平!
好後悔唔掃多半打返黎呀!
不過要注意一點就係眼藥水一般開封後一個月內就要用完,
用喺眼度都係要安全啲,千其唔好過期都用呀!

便攜潔淨洗面粒粒

kanebo suisai 酵素洗顏粉 ($14x 購自一般日本藥妝店)

除左眼藥水外仲買左KaneboH洗顏粉,
其實都係抱住亂買一通咩都試H心態買嚟用下!
洗顏粉聲稱可以對付黑頭粉刺,頑固角質,
我本身係特乾膚質,用後都無掹掹緊H感覺,
而且非常乾淨,有淡淡BB沖涼液味道,
用後感覺非常良好啊!

一盒有32粒,啱啱一個月份量,
每粒除開都只係4蚊一粒!
而且細細粒好方便出trip使用!

而且一粒分量已經夠用兩次,我會早晚使用,
泡量都唔少,如果用埋起泡網泡泡會更多!

分別用左唇彩,眼影,粉底,眼缐液同眼缐筆試佢H潔淨能力,
基本上用落妝水洗得甩H佢都洗得乾淨,
眼唇產品就要用返落妝油卸左先洗啦!

line379 Christy:

平價定妝蜜粉之選

早幾日去完台灣旅行都買左啲好野,
去之前都有做下research睇下有咩去台灣必買,
見到好多人推介1028既粉餅,
因為之前都有用過1028既產品覺得唔錯,
所以今次都決定要買來試試∼

(網上圖片)

1028係一個台灣化妝師所創立既品牌,
可以係台灣屈臣氏搵到,
不過提提大家每間屈臣氏賣既價錢都唔同,
大家要去格下價啦!
我呢啲慳妹要格到最抵先買,
呢個大約係$50港幣就買到,
真係好抵用!

不過留意佢既粉餅係有分美白/保濕/控油型三款,
我唔建議大家買美白粉餅,因為佢既粉質無咁幼滑,
而且好乾身,乾肌用就唔得啦!
而保濕型果款我就覺得佢太多閃粉,
追求matte妝感都唔太岩用∼

而呢款超控油型都真係好唔錯,
雖然都偏乾身少少,不過我混合性偏乾肌都好可以接受,
粉質真係幾滑,唔似係開架品質,
上面係透明,所以係無色揀,
係台灣仲熱過香港,所以我買完都即刻開黎用,
果然無出咁多油,個妝keep得幾好,

而且佢細細盒帶出街又方便,
不過我建議用掃上,唔好用佢附送既粉卜,
出黎既效果會透薄啲∼
對於無咩budget既學生們可以話係must buy item!!

辟走異味小法寶

熊寶貝衣物清新噴霧(森林瀑布味)

呢支係我同行朋友介紹要指定買番去香港做手信,
所以我都買左兩支黎試下,
佢同香水唔同,
花味、果味人人鐘意既都唔太一樣,
不過呢支就係好清新既洗衣粉味,
好多人普遍都會鐘意,
噴完佢落件衫度,就好似岩岩係洗衣機洗完拎出黎咁,
味道好清新,好fresh!!

如果去完打邊爐,BBQ,或者岩岩出完汗用佢都好OK!
某品牌都曾經出過類似既產品,
不過價錢都唔平,
而呢支100ml都只係港幣約十幾蚊度,
真係可以買多幾支番黎做手信呀∼

line379

Yuki:

香噴噴護髮乳液

 

Milbon / Elujuda emulsion+ 2600yen 120g 約HKD180
(購自日本PLAZA)

去日本就除左行一般街邊大型藥妝店,
我自己就好喜歡去商場入面既藥妝店,例如係PLAZA,
果度會有比較多化妝用品、限定品同髮型用品,
今次我要介紹既就係呢樽好靚桃紅色樽既護髮乳液!

可能大家都聽過呢個brand-Milbon,
佢地既Elujuda生命果油系列出既髮尾油真係超級好用!
呢樽護髮乳液就係呢個系列既新品。
由於我頭髮漂過又成日染,髮尾真係非!常!乾!
所以我都好樂於嘗試護髮用品架。

上網睇過,有人就將佢既簡介釋左做中文,
大家可以參考下∼
「以非洲生命樹的種子油為成分的造型油,
能於髮絲表面的鱗狀表層調整髮質至順滑貼服的狀態,
增加頭髮承托力及韌度,塑造出柔軟富彈力的頭髮造型」

 

(網上相片)

其實呢款乳液有兩個質地,
因為我自己頭髮太爛,所以就梗係揀左有"+"既!

 

髮尾油平時就用得多,乳液就真係第一次,
開頭都怕用完之後會好笠痴痴、啲頭髮一束束咁好似幾日無洗頭…
但用完後發覺完全無以上既問題出現!
佢既質地係出奇地好快被吸收,
而且吸收後會變得爽身,頭髮唔會一束束架!
最最最重要,就係佢既味道係非常香甜,
就好似雜莓既味咁,用完成個頭都好香∼

 

(網上相片)

佢既使用方法同髮尾油有少少唔同,
要先洗頭後用布抹乾,再搽上髮中間至尾,然後再用風筒吹。
我自己都會足返佢既方法,
每次拎2-3泵落手心,再重點搽落髮尾,
之後梳順返頭髮先吹頭,頭髮就順滑好多啦∼

呢款產品喺香港某啲salon、水貨店都有賣,
不過價錢就要約$300,差一倍!!
建議大家去開日本可以去睇睇呀∼

細滑啞緻磺物粉

 

ONLY MINERALS / FOUNDATION 3800yen 10g 約HKD270
(購自日本PLAZA)

呢款礦物粉我想介紹好耐啦∼∼∼
終於可以同大家介紹佢!
因為我自己已經用左3、4盒,
兩年幾都係用佢,之後就無用過其他喇。

呢款礦物粉喺日本有超高人氣,
集底霜、遮瑕、粉底、碎粉 4種功效於一身,
好多日雜model都推薦。
而佢當中既微粒子粉末有效遮蓋毛孔、斑點,
100﹪礦物成分,天然,無添加,無香料。

 

雖然就咁睇以為佢有成18色咁多,
但其實有一半係shimmer質地,一半係matte質地,
兩款同樣有防曬度SPF17PA++,
shimmer既透明感會高啲,而matte就遮瑕度高啲。

打直睇,有分3個色調,
左邊係粉色系,中間係橙黃色系,右邊係偏黃色系。
打橫睇,分左適合邊4種膚色,
由上至下係偏白皮膚、標準膚色、較深膚色同日曬後既膚色。

我自己想要遮瑕度高啲,所以就揀左matte質地,
而色號我用8號色,係一款比較自然既粉底色,唔會偏白。

 

打開盒後入面會有7個小窿,
由於佢啲粉好幼,所以新開初時會有比較多粉飛出黎。

 

我既膚質屬混合性,T-zone位較油、面頰較乾,
上粉前會搽定控油base同較水潤既skincare打底,
上粉後感覺好貼服,唔會乾、甩粉,
不過香港天氣潮濕,比較油同痴笠既位置都需要再加碎粉,
通常過左大半日,我既T-zone位先會開始泛油,
所以都只係補一兩次妝就ok,
如果喺日本用,可以hold到個妝一整日架。

而遮瑕方面,我自己就覺得不錯,
膚色明顯均勻左,小毛孔、瑕疵、紅印等都可以遮到,
較深既黑眼圈、癦、雀斑就需要另外遮。
所以瑕疵不多又屬中至乾性皮膚既朋友,
用base+呢盒粉底就可以出街,方便之餘對皮膚負擔都無咁大,
絕對係best buy item!

line379
christy 2
Yuki tagJoan

分類: 未分類
發表時間:2015-09-29 02:24 PM  [ 訪客留言(0) ] [ 編輯日誌 ] [ 分享至FACEBOOK ]


護膚一週:日本護膚品牌(II)
2015 年 9 月 27 日  星期日

 

比較之前介紹過既歐美、韓國品牌,
佢地既護膚產品質地都比較rich、潤身,
而日本品牌既質地一般都係水狀,以補濕為主,
不過各有各優勝既地方,而且要視乎唔同皮膚人士使用,
用上唔同既膚質都有唔同既效果及差別。

水狀既護膚品除左可以比皮膚快啲吸收,
亦更容易到達肌底層,幫肌膚吸收足夠既水分。

今次我會介紹日本護膚品牌中價錢較貴,
但成分較尊貴既護膚品,
當中有唔少都適合秋冬天使用,
改善肌膚狀態同時補濕滋潤肌膚,
令肌膚即使係乾燥天氣下都可以keep住最佳狀態。

line379

POLA

可能唔係太多人知道POLA呢個品牌,
其實佢地喺日本算係美容界三大品牌之一,
而佢地更研發左多款成功抗衰老產品。
今次會介紹佢地新推出既美白產品White Shot CX N,
呢款祛斑精華蘊含POLA自行研發SC Liquid成份,
可激活肌膚中天賦祛斑能力,從源頭瓦解黑色素,
協助女性解決色斑煩惱。

White Shot 25ml $1360

美白精華質地通常都比較清爽,
呢款都唔例外,一睇相都知佢既質地係水液狀,
帶橙黃色,無味,推開後感覺水潤清爽,
想趁黎緊秋冬幫夏天曬後肌膚做返個美白療程,
建議用完美白精華之後,根據個人膚質用返較滋潤或補濕既產品,
因為秋冬天氣始終比較乾燥,需要額外好好護養皮膚,
咁就美白得黎又唔怕乾啦∼

line363

ENARY

ENARY係一個日本甲殼素專家品牌,
平時用甲殼素減肥就聽得多,我自己都係第一次接觸呢款產品,
原來當中既皇牌成份甲殼素同獨特美肌成份茶氨酸,
可以幫助平衡心神,改善睡眠質素,
同時確保睡眠期間長效鎖水保濕,全效抗紋、淡斑,
真係岩晒慵懶又想護膚既朋友啦!

ENARY Treatment Cream 甲殼素鑽顏靜肌水潤面霜 50g $1280

呢款面霜呈白色乳霜狀,
質地潤澤,水感度非常高,唔會太厚,
上皮膚後感覺非常細滑,
吸收後皮膚表面變得有彈力、潤身,但唔會感覺黏笠,
建議皮膚極乾既話可以厚敷當sleeping mask敷過夜,
第二日就好似做左個補水療程咁水潤嫩澤啦∼

line363

shu uemura

相信呢度都有唔少讀者有用過shu既潔顏油,
而佢地最尊貴既ultime8琥珀系列,
除左可以溫和潔淨卸妝,仲有補濕護膚改善肌膚狀態功效,
最近佢地亦加入新成員-ultime8琥珀精油精華,
提升肌膚水份含量及鎖水能力,
激活真皮層中膠原蛋白增生,重塑柔軟、富彈性的飽滿肌,
同時結合抗衰老因子 ,刺激細胞再生,增強肌膚彈性及活力。

ultime8 sublime beauty oil in essence 30ml $890
ultime8 sublime beauty cleansing oil 150ml $370

今次試左呢款新出既精油精華,
帶清新舒適既柑橘味道,質地係油份,但唔厚重,
推開後感覺油滑,帶少少黏笠,
但按摩後好快就被皮膚吸收,
建議可於妝前或睡前用呢款精華按摩肌膚,
提升肌膚狀態至水潤光澤,亦可提升輪廓、去水腫。

line363

IPSA

IPSA既護膚品之中最有印象係佢既TIME RESET系列,
皆因女仔都想keep住青春,逆轉肌齡,
今次介紹既係佢地既THE TIME RESET AQUA W 同METABOLIZER SUPERIOR W,
前者最新版加入升級智能人工水層Aqua Presenter III,
為肌膚築起高密度人造水分膜層及鎖水屏障,迅間滲透及持久鎖緊水分,
為肌膚頃注大量水分,從而改善粗糙問題及預防成人暗瘡,
而後者為針對肌膚彈性及暗啞問題而設,
當中蘊含當歸、薏仁及全新紫蘇萃取,
可活化真皮層纖維母細胞,抑制膠原醣化,令肌膚回復原來的彈性及透亮感。

(左起)METABOLIZER SUPERIOR W 175ml $680、
THE TIME RESET AQUA W 200ml $320

呢款METABOLIZER SUPERIOR W質地為白色乳液狀,
推開後感覺水潤,肌膚即時充滿彈性,
雖然有少少黏笠感,但係佢都滲透得好快,
皮膚亦顯得較亮澤,
適合乾性暗啞皮膚,或想提升肌膚彈性既朋友使用。

line363

clé de peau Beauté

日本既尊貴護膚品牌當中不得不提既當然有cle de peau啦,
佢地既皇牌le serum係特別為於秋冬季肌膚而設,
潔面後爽膚前使用,可以軟化表層細胞同時激活真皮幹細胞,
讓營養成分能輕易深入肌膚根源,改善肌膚暗啞,
更可令後續護膚品更易吸收。
而佢地最近亦新推出the lip serum,
有效深層滋潤及加強唇部彈性,
改善乾燥及脫皮情況,令之後再塗抹唇膏就更加持久貼服。

(左起)Le Sérum 40ml $2500、the lip serum 15ml $650

 

呢款le serum質地係透明水狀,帶有淡淡花香味,
上皮膚後感覺水潤,快吸收,
而呢款精華最特別係有類似肌底液既功效,
先軟化表皮層,為肌底補水補養份,
如果本身底層缺水既話可以試試,
從根本著手,改善肌底狀態,
之後用其他護膚品就事半功倍,更加見效喇!

line379

如果大家覺得水狀既護膚品都係唔夠滋潤,
到左秋冬天都係會過乾,
其實可以加返一啲適合自己膚質既face oil,
令皮膚有足夠既水分及油份。
而之後我地亦會陸續介紹更多呢方面既產品,
大家記得留意住啦!
Yuki tag

如欲取得更多第一手美容及扮靚資訊
可瀏覽Girls Talk Main Blog: Girlstalk Blog
或 Like我們的Facebook專頁:
Janice Lam Makeup Workshop Facebook

分類: 未分類
發表時間:2015-09-27 03:55 PM  [ 訪客留言(0) ] [ 編輯日誌 ] [ 分享至FACEBOOK ]


護膚一週:日本護膚品牌(I)
2015 年 9 月 24 日  星期四

 

之前同大家分享左韓國、歐美以及醫學品牌既護膚品,
以美容國黎講,當然唔少得日本品牌啦∼
本篇會以價錢親民大眾化護膚品為主,
而另外一篇就會介紹唔同既日本尊貴護膚產品。
其實日本既護膚品大部分都已經做到照顧各種皮膚需要,
宜家日元大跌,唔少朋友更加會去到日本狂掃護膚品,
想去之前睇定掃咩好物,就要睇下今次既介紹啦!

line379

肌研極潤

開架護膚品牌之中,極潤多受青年人喜愛,
價錢親民,補濕滋潤肌膚效果不俗,
以下呢款保濕精華素含3倍保濕因子,
弱酸性配方,24 小時長效保濕,
產品不含香料、色素、礦物油及酒精,
敏感皮膚都適合使用。

Essence 30g $169

 

呢款精華呈半透明水液狀,
質感輕盈、透薄,
於皮膚上搽勻後好快被吸收,
感覺好水潤、清爽,
怕太油或太潤而導致生粒粒既朋友就最岩用,
適合油性至中性肌膚使用。

line363

Curél

大家一聽到Curél都知道佢地係專為是乾燥性敏感肌膚而設,
以下潤浸保濕系列使用弱酸性防敏感配方,不含香料、酒精及色素,
高效細胞間脂質Ceramide護理可深層保濕,
增強肌膚的屏障功能,抗禦外來刺激。

(左起)Wrinkle Moisture Essence 40g $220、Foaming Wash 150ml $150、
Moisture Lotion III Enrich 150ml $160、Intensive Moisture Cream 40g $180

 

呢款面霜一上手就覺得好滑好滑,
質地係白色cream,無味,
感覺好補濕、水潤,
而且不帶刺激性,可以舒緩面部敏感紅腫位置,
推勻後好快被吸收,吸收後變得清爽。
適合敏感性皮膚、乾燥、缺水性皮膚使用。

 

呢款精華呈半透明水gel狀,
無味,好快被吸收,
推開感覺有層薄薄既油份保護膜,
對乾燥皮膚黎講可以keep住水分無咁易流失,
適合乾燥肌膚使用。

line363

HABA

另一款為人熟悉既無添加低敏品牌HABA,
除左皇牌離子導入機,
仲有以下既SQUA鯊烯系列同WHITE DAY美白精華,
產品加入高純度鯊烯及高穩定性維他命C,
提升肌膚水份含量及鎖水能力,
同時抑制黑色素形成,促進膠原蛋白增生,
而且適合敏感皮膚使用。

(左起)SQUA Cleansing 120ml $250、SQUALANE 30ml $300、
WHITE LADY 30ml $440、VC SQUA MILK PREMIUM 25g $300

 

呢款VC SQUA MILK PREMIUM係HABA新出既產品,
具「保護」功能既清爽乳液,
質地油滑、輕盈,推勻後好快被吸收,
吸收後皮膚表面有層保護膜,水潤清爽,
建議可於洗面後微濕時,先拎一個份量喺手心,再搽勻全面。
適合乾燥肌膚、油性至中性皮膚使用。

line363

RMK

RMK其實除左推出化妝品,佢地亦有護膚品架,
其中呢一款強效保濕液就係佢地既皇牌之一,
當中配合維他命B群及甘草酸,
有效防止因乾燥造成的肌膚粗糙及炎症問題,
加強肌膚的天然保護屏障,
蘊含歐洲椴花精華、大豆精華、薏仁精華等保濕成分,
將水分速效滲透至角質層,
特別加入山桑子精華及酸橙果皮精華,調整肌理,
適合轉季補濕使用。

Skintuner Conditioning 150ml $340

 

呢款保濕液質地係透明水液狀,帶草本植物味道,
上皮膚後感覺清爽、舒緩,
建議皮膚較乾既朋友可以先倒於棉花上,
輕輕抹勻全面,先抹走老化角質,
之後先再拎一個份量拍於面上,
亦可以再喺快吸收同乾燥既地方上再拍多一次,
咁樣底層可以吸收足夠既水分,再上其他護膚品就更吸收喇。
適合乾燥皮膚使用。

line363

SHISEIDO

SHISEIDO既精華比起同類型產品價格尚算中等,
呢款多效修護精華揉合SHISEIDO獨創成分Multi-Capisolve 1124™*,
著眼於微絲血管,提升肌力,
配方有效均勻膚色,淡化泛紅現象、皺紋,緊緻毛孔,
提升透明感,同時改善緊緻彈性。

BIO-PERFORMANCE Glow Revival Serum 30ml $720

 

呢款精華呈粉色,帶橙味香氣,
質地呈水cream狀,透薄、輕盈,
於皮膚推勻後感覺水潤、清爽,
因為佢係專為改善泛紅、微絲血管問題而設,
所以適合想改善面部鼻翼、面頰位置較多明顯微絲血管既朋友使用。

line379

Yuki tag

如欲取得更多第一手美容及扮靚資訊
可瀏覽Girls Talk Main Blog: Girlstalk Blog
或 Like我們的Facebook專頁:
Janice Lam Makeup Workshop Facebook

(版權所有,未經同意不得轉載。)

 
分類: 未分類
發表時間:2015-09-24 03:35 PM  [ 訪客留言(0) ] [ 編輯日誌 ] [ 分享至FACEBOOK ]


護膚一週:歐美護膚品牌(II)
2015 年 9 月 16 日  星期三

 

歐美牌子當中唔少都係尊貴品牌,
而且大部分都係為人熟識,
今次我會逐一試下佢地近期新出既護膚產品,
分享產品成分、質地等等,
而當中部分都係適合成熟肌膚人士,
如果你都想了解多啲抗皺、抗衰老、緊緻、提升光澤、彈性等既產品,
就唔好錯過今次既分享啦∼

line379

LA MER

Photo 15-9-15 12 51 45

moisturizing cream(Amber Heritage Edition) 60ml $2,700

經由獨特低溫生物發酵程序製成,
蘊含Crème de la Mer的獨有成份Miracle Broth™及酸橙茶精華,
可保護肌膚免受各種外來侵襲,
令肌膚自我修護,改善膚質整體狀態,
同時改善毛孔問題,讓肌膚更柔軟、水嫩有彈性,
敏感性肌膚亦可獲得鎮靜及舒緩。

Photo 15-9-15 13 32 26

相信大家認識LA MER都必定認識Crème de la Mer,
今次呢一款係50周年限量款特別包裝,
但入面既成份仍然以巨大海澡作為主要原料成分,
修復受損肌膚,改善各種肌膚問題,
因為佢既顯著效果,一直深受名人明星捧場。
滋潤厚實既cream狀質地,感覺滋潤柔軟,
適合所有膚質及敏感皮膚使用。

line372

la prairie

Anti-aging Rapid Response booster 50ml $2,550

革命性有效遞送系統會鎖定細胞作為目標,
利用準確度和速度,針對最需要補強的地方供應抗皺成分(胜肽),
當中亦蘊含活性成分黃芩、甘草、桑樹、洋艾、
大棗的複合物及木天蓼精華,提升緊緻彈性及透明感。

成熟肌膚最想就係可以逆轉肌齡,
以前可能無諗過皮膚會明顯變差,
但過左25歲後,面上毛孔粗大、出現乾紋等,
就發覺真係要落力補救。
呢一款精華主打抗皺,係la prairie新出既產品,
而且指出兩星期內就睇到效果,
如果有同樣煩惱既你地就可以試下呢款喇。

line372

EVE LOM

Brightening Cream 50ml $960

加入亮白功效抗氧化活效成分DERMAPEP™,
有效改善色素沉澱問題,展露光澤及均勻膚色,
蘊含三重補濕配方及奧圖玫瑰精油,為肌膚強效補濕,
同時抵禦因氧化導致老化及色素形成。
尿囊素及甜菜鹼兩款天然抗炎成分同時促進膠原合成、改善彈性及膚色。

夏天曬到一身古銅色既朋友,
想趁轉季護膚同時做埋美白護理,
咁就可以留意下呢款集美白、補濕於一瓶既brightening cream,
白色輕盈水潤cream狀,感覺透薄,
為肌膚即時補充大量水分,
平時市面既美白產品質地都比較清爽,
如果乾性或缺水性皮膚需要美白呢款產品就好適合。

line372

Dior

(左)CAPTURE TOTALE DREAM SKIN
Global Age-defying Skincare Perfect Skin Creator 50ml $1,050

含Longoza 煥妍草精華及Opilia 山柚花精華,
全面美肌、抗老化,
專責打擊皺紋、鬆弛、欠缺光澤的深層幹細胞,
同時有助持久地減少黑斑及泛紅現象,煥發暗啞肌膚的光彩。

(右)ONE ESSENTIAL Intense Skin Detoxifying Booster Serum 50ml $715

特別加入紅木槿精華作排毒修護,
能對抗污染及氣候變化對肌膚的損害,幫助肌膚回復剔透亮麗。

保持青春美膚係女士既終生事業,
白滑緊緻充滿光澤彈性既肌膚相信係都係大家既dream skin,
有見及此,Dior就推出左一款全面改善面部肌膚既dream skin精華,
一收到呢瓶精華就好想即刻試下,
佢既質地係比較稀水狀,橙粉色,無味,
上手後感覺通透潤滑,當然要達至最佳效果需要每日使用。

line372

CHANEL

LE LIFT Masque de Massage 50g $840

含橙花精華,透過按摩,重塑面部輪廓,
為肌膚排出多餘水分,均勻膚色,
淡化肌膚瑕疵及皺紋,令肌膚獲得舒緩。

呢款cream狀面膜主要係針對水腫肌膚,
從而去皺,令面部變得緊緻,
佢既質地水潤,帶淡淡花香味,
好順滑易推,只要配合返按摩手勢,
按摩後等5分鐘,就可以用濕棉花抹去面膜,
想小顏既朋友可以試試。

line372

LANCOME

(左)-ADVANCED- GENIFIQUE Youth Activating Concentrate 30ml $695

革命性「青春源生科技」,配合7款專利成份,提升基因活動力,
令肌膚回復年輕質素,柔滑如絲,細軟如綿。

(右)-ADVANCED- GENIFIQUE Youth Activating Eye Cream 15ml $520

結合最新光學技術及含多重抗疲憊活性因子的配方,
專門針對脆弱的眼周肌膚,新配方適合任何年齡及膚質。

Advanced genifique呢個小黑瓶系列相信大家都有聽過,
佢既眼霜同精華都係主打活膚,
而佢既新配方眼霜改良至適用於各種肌膚,
半透明白色cream狀質地輕盈幼滑,
水潤易推勻,可以好快滲透到皮膚底下,
而且皮膚面層就好似有個保護屏障,
即時令眼部肌膚變得明亮,感覺精神返,
適合經常捱夜、唔夠訓,眼底肌膚比較暗啞既朋友架!

line372

CAUDALIE

(左)VINOSOURCE S.O.S Thirst-quenching Serum 30ml $380

含有機葡萄籽水、葡萄籽多酚、
紅酒酵母萃取物Vinolevure®、玻尿酸、橄欖鯊烯
即時紓緩因肌膚缺水而產生的繃緊不適,
並可補充深層細胞水份,改善肌膚乾燥暗啞的不適情況。
並有效延緩衰老,提升肌膚光澤,持久滋潤保濕。

(右)VINOSOURCE Overnight Recovery Oil 30ml $380

主要成份有玫瑰草油、大馬士革玫瑰花油、芝麻油、
迷迭香葉萃取、荷荷巴植物油、葡萄籽油,
專為舒緩乾性及敏感肌膚,
有效深層滋養及舒緩容易出現紅腫過敏現象而繃緊不適的肌膚,
並修復皮膚天然屏障。

(左)POLYPHENOL C15 Anti-wrinkle Defense Serum 30ml $450

獨特配方Polyphenols專利葡萄籽多酚及穩定維他命C,
有效抗氧化、抗皺,而透明質酸及橄欖角鯊烯能深層保濕、
滋潤肌膚,其中使用低敏配方適合敏感皮膚使用。

(右)POLYPHENOL C15 Anti-wrinkle Protect Cream Broad Spectrum
SPF20 PA++ 40ml $400

結合防曬功效,特別加強保護乾性肌膚,
免受UVA及UVB紫外線產生的自由基侵害。

line379

Yuki tag

如欲取得更多第一手美容及扮靚資訊
可瀏覽Girls Talk Main Blog: Girlstalk Blog
或 Like我們的Facebook專頁:
Janice Lam Makeup Workshop Facebook

(版權所有,未經同意不得轉載。)

 
分類: 未分類
發表時間:2015-09-16 01:38 PM  [ 訪客留言(0) ] [ 編輯日誌 ] [ 分享至FACEBOOK ]


護膚一週:歐美護膚品牌(I)
2015 年 9 月 14 日  星期一

今次同大家分享護膚一週第三篇-歐美品牌,
不過由於歐美品牌眾多,所以我地會再分2篇介紹。
今次呢篇會先介紹幾個比較新同親民既品牌,
佢地既護膚品大多都係用天然成分,
而且適合唔同皮膚人士使用,
岩岩踏入秋天,都要開始物色下適合自己護膚品,
當中有幾款強效補濕產品,唔知岩唔岩你地呢?

line370

Thursday Plantation

Thursday Plantation係全世界首間自家種植茶樹、
提煉具治療功效茶樹油既公司。
品牌於澳洲新南威爾省種下第一棵茶樹而命名,
當地出產既Melaleuca Alternifolia茶樹更係國際公認最高品質。

(左) Rosehip Oil 25ml $198

用「冷榨技術」粹取100%有機純正玫瑰果油,
保留高濃度有效成分,包括脂肪酸Omega3,6,9、
維他命A及抗氧化劑,有助撫平幼紋及皺紋。

(右) Nurture Oil 60ml $198

含8大活膚植物精華,包括網羅甜杏仁、小麥胚芽、
葡萄籽、貫葉連翹、玫瑰果、薰衣草、金盞花、柑橘,
可減輕印痕及妊娠紋,同時保護肌膚免收抗氧化及紫外線侵害、
預防及淡化幼紋及皺紋出現,適合懷孕時使用,係準媽媽既護膚恩物。

 

 

今次試左Nurture Oil,質地係油份,呈橙黃色,
有淡淡既植物草本味道,
雖然佢係油份,推開後會有一層油膜喺皮膚表面,感覺潤澤,
但吸收後會變得爽身,完全唔黏唔膩,
因為呢款油係為準媽媽而設,成分全天然,
懷孕中想減淡妊娠紋就可以考慮呢款產品啦!

line350

Glamourflage

澳洲護膚品牌Glamourflage採用優質天然植物精華,
並以百老匯女郎作為產品設計概念,
為各產品注入瑰麗吸引力及獨特性,
演譯出品牌誓學"Serious Fun…Serious Skincare"。

(左起) Facial Re-hydrating Night Cream 50g $280
Oxygenating Masque 100g $240
Facial Re-hydrating Essence 30g $260
Facial Re-hydrating Toner 220ml $200
Facial Re-hydrating Cleanser 100g $160

Fantastic Faith長效保濕透亮系列蘊含AMC長效保濕成分,
及三重保濕因子KMF等,為肌膚提供24小時持續保濕功能。
而呢個系列既質地都係偏水潤清爽,
適合油性及中性肌膚人士使用。

 

呢款精華蘊含透明質酸鈉及維他命E雙效粒子,
可以為肌膚注入大量水分及養分,
當中有微細礦物粒子雲母,即時提升肌膚光澤。

呢款精華係透明gel狀,
非常易推、水潤、快吸收,
開頭有少少黏笠感,之後會變得清爽,
帶有淡淡香味,
比較適合油性至中性皮膚。

 

爽膚水不含油脂成分,其透明質酸及多重植物萃取,
能改善肌膚粗糙,回復緊緻彈性。

呢款toner係透明水狀,
拍開後感覺好冰涼舒服,似有薄荷成分,
帶有淡淡香味,
感覺水潤、快吸收,
適合曬後皮膚需要舒緩補水使用。

line350

ELEMIS

英國專業水療及護膚品牌Elemis採用從大自然提煉最純正成份,
拒絕使用基因改造的植物或從動物身上抽取的骨膠原,
所有產品不含礦物油、酒精、硅酮、人造香料、色素及防腐劑。

 

PRO-RADIANCE ILLUMINATING EYE BALM 10ml $520

活性強效配方,能讓眼肌釋放光澤,
獨特天堂鳥花能溫和減淡黑眼圈及浮腫,
同時光感柔肌粒子能淡化眼周細紋。
而Omega6、維他命A,E的杏桃核仁油,可以滋養修護肌膚,
配合山金車花和洋甘菊萃取,有效撃退黑眼圈及浮腫。

 

以冰涼鋅合金筆頭沿眼周輪廓按摩,即時紓緩及喚醒困倦眼睛。

 

呢款eye balm帶淡橙色,無味,
質地係水cream狀,上眼後感覺幼滑、水潤,好快就被皮膚吸收,
帶有微細閃令顆粒,明顯撫平眼幼紋,
加上按摩頭好冰涼,可以好舒服咁按摩眼周肌膚,
由於佢都好快滲透同清爽,
所以唔鍾意eye cream黏笠既朋友就可以試下呢款喇。

line350

Philosophy

美國品牌philosophy一向將感性美學融入理性科學內,
佢地既產品配方均結合科研實證及醫學驗證成份及科技。
而每款產品都有激勵人心既語句,以平易近人既觀點去體現「美」。

renewed hope in a jar(night cream) 60ml $390

蘊含亞洲果實精華、透明質酸和「再生草」,
可於睡眠期間,對抗缺水、暗啞和粗糙的肌膚

renewed hope in a jar spf25 60ml $365

於保濕霜中加入防曬功效spf 25,
不但能撫平乾紋調節水分平衡,
同時有效抵禦具侵害性的uva及uvb。

renewed hope in a jar gel cream 60ml $365

零油分配方,質感輕盈,為肌膚補水滋潤,使皮膚回復粉嫩、啞緻。
適合中性或油性肌膚使用。

renewed hope in a jar dry 60ml $365

蘊含三種不同的aha果酸(甘醇酸、檸檬酸和苦杏酸)、
亞洲果實精華、三種不同性質的透明質酸及洋甘菊精華沒藥醇,
能瞬間為肌膚長效保濕,擊退乾燥、繃緊等皮膚不適的情況,
適合一般及乾性皮膚使用。

呢個系列本身都係佢地既皇牌,
今次就推出左4款新既cream,適合唔同皮膚性質既朋友使用,
以下我試用左其中兩款,大家可以參考一下:

 

呢款晚霜質地杰身,白色cream狀,
帶有淡淡香味,感覺滋潤,有少少黏笠,
由於佢既質地比較杰同厚,所以吸收得比較慢,
佢比同系列既dry cream更滋潤,
而dry就比gel cream更水潤,
所以呢款晚霜適合皮膚偏乾或極乾人士使用。

 

 呢款gel cream質地係白色水cream狀,
同樣有淡淡香味,
輕盈透薄,十分易推,快吸收,
感覺水潤清爽,完全唔黏笠,
有令肌膚吸收左好多水分既感覺,
十分適合缺水性同油性皮膚使用。

line350

Nabelle

Nabelle品牌成立於加拿大,100%加拿大製造及生產。
以各種天然有機草木花果原料為基礎,
透過傳统蒸餾法提煉而成,兼具香薰治療及護膚功效。
含純天然活成成分及有機成分認証,絕不傷害及刺激肌膚。

ROSE Anti-Oxidant Gel 50ml $428

主要成分玫瑰香薰油(Rose Edward)被稱為「花中皇后」,
具卓越保濕滋潤、緊緻肌膚及增加肌膚的彈性效果,
它具有逐步調理和收斂面部微血管的能力,
適合經常因微血管擴張引導臉頰發紅症人士使用。

 

一打開已經嗅到玫瑰香味,質地呈透明,gel狀,
推開後變成水凝質地,非常快滲透到皮膚,
感覺水潤清爽,唔黏笠,補水效果不錯,
而且佢可以調理、收斂面部微血管導致發紅既情況,
建議於潔面後使用,先舒緩肌膚,為肌底補水,
之後先再搽返精華或面霜。
適合皮膚較薄易泛紅,同時需要補濕既肌膚使用。

line350

CLINIQUE

Clinique為每一種皮膚類型及肌膚色調的人士,
提供最優質及最有效的產品,
以確保所有產品安全、有效,每次經由皮膚科專家配方,
通過過敏性試驗,百分百不含香料。

Clinique Smart™ custom-repair eye treatment 15ml $420

採用「皮膚訊息修復科技」,結合強效雞尾酒複方成分,
針對性地改善不同眼部肌膚問題:減淡並撫平眼紋、
亮澤暗啞膚色、補濕抗燥、修復及緊緻眼周鬆弛的肌膚,
更可加強肌膚的吸收力,將修護功能提升至最高。

 

呢款眼霜呈淡黃色,無味,
質地滋潤,幼滑,需按摩幫助吸收,
感覺潤身但唔笠,
由於佢可以改善多項眼周肌膚問題,
適合開始覺得眼周出現問題既朋友使用。

line350

CLARINS

今次收到兩款唔同質地唔同系列既產品,
一款係補水為主,皮膚比較乾燥既朋友可以留意下,
另一款係煥顏緊緻系列,CLARINS既firming產品好出名,
最近加入左新成員Extra-Firming Neck,
專為解決頸紋問題而設,
今次推出呢款產品相信都有唔少女士想試試

HydraQuench Cream-Mask 75ml $360
HydraQuench Cream-Gel 50ml $460
HydraQuench Intensive Serum Bi-Phase 30ml $550

雖然已經開始轉季,唔少人都會轉用滋潤既產品,
不過都會有朋友抗拒潤身既產品,特別係油性皮膚人士,
咁佢地就可以揀啲水潤性強、專補濕既產品,
但冬天始終非常乾燥,
如果唔夠滋潤可以再加埋精華滋潤皮膚。

 

呢款gel cream質地係半透明乳白色,帶有淡淡護膚品香氣,
上到皮膚後好易推,亦好快吸收,
而且吸收後皮膚好滑,水感十足!
水潤程度非常高,而呢款產品亦有控油成分,
所以適合缺水性肌膚、混合性同油性肌膚使用。

Extra-Firming Eye Complete Rejuvenating Cream 15ml $500
Extra-Firming Neck Anti-wrinkle rejuvenating cream 50ml $680

 

蘊含突破性頸部抗老化配方,向日葵精華有助撫平幼紋及皺紋,並有提拉效果。

同時緊緻及調理膚質,保護前胸與頸部肌膚。

平時大家都覺得抗皺產品質地都比較黏笠厚身,
但係我就會推介呢款比大家,
因為呢款新出專for頸部用既cream質地輕盈,帶有花香味道,
淡橙色cream上皮膚後感覺滋潤得黎唔黏笠,好易推勻,唔厚身,
配合埋按摩動作,減淡頸部細紋,仲有輕微即時緊緻效果添。

line370

分類: 未分類
發表時間:2015-09-14 06:11 PM  [ 訪客留言(0) ] [ 編輯日誌 ] [ 分享至FACEBOOK ]