Janice Lam (Makeup Artist)
janicelam
暱稱: Janice Lam
性別: 女
國家: 香港
« July 2019 »
SMTWTFS
123456
78910111213
14151617181920
21222324252627
28293031
最新文章
新手化妝師入行小tips
10個上妝Do’s & Don...
來∼看看今年流行過的...
[ Fashion Gossip ] 今...
熟齡護膚品試用
文章分類
全部 (681)
每月文章
訪客留言
最近三個月尚無任何留言
最近訪客
最近沒有訪客
日誌統計
文章總數: 681
留言總數: 35
今日人氣: 2
累積人氣: 164992
RSS 訂閱
RSS Feed
秋日新粉底 (2)
2015 年 9 月 3 日  星期四

Maybelline pure mineral bb super cover SPF 50 PA++++
($109/30ml)
含有純礦物防護配方,玉蜀黍成份及維他命E,
幫肌膚表面形成防護層,
抵禦微細污染物,同時抗氧化,
增強肌膚抵禦力。

Joan:

 

呢隻粉底都係偏清爽,
對於皮膚性質偏乾H我黎講就唔冼上碎粉定妝啦!
而且遮瑕度都非常好,
9成紅印都遮哂,
令膚色均勻返!
不過顏色唔算多,如果膚色比較深H朋友有機會偏白啦!

Christy:

Maybelline經常都有佳作,
今次呢個粉底就係其中之一,
夠遮瑕力,好水潤又易推,
不過又唔會好笠,
唔會現乾紋,毛孔都遮曬∼
上面效果同大品牌有得揮,
效果以呢個價錢黎講算幾驚喜,
不過佢得兩色揀,
如果好似我咁中等膚色可以揀2號色就好自然啦∼
唔多budget既朋友就可以考慮下佢啦!

line379

Skinfood pore fit cushion bottle $295

呢支噴霧粉㡳加入左冷凍技術,
可以幫皮膚打造零毛孔,
零油光既清爽韓妝!

呢個設計都幾特別,要用粉卜禁落個樽度,
D粉底就會好似噴霧咁噴出黎,
所以記住唔可以就咁禁落去,一定要用埋個粉卜,
唔係就會整污糟架啦∼

Christy:

呢個粉底一上面感覺好特別,個粉底係凍既!
就好似將個粉卜放完係雪櫃拎出黎咁∼
韓國既粉底都偏白,呢支既色號上面對我黎講都係偏白,
光澤感幾強,對我偏乾皮膚黎講,
佢都唔算好清爽,我覺得有少少笠,
而家用加番碎粉就比較好啦∼
遮瑕度OK,可以均勻到膚色,貼面度一般。

Yuki:

一按呢個粉底既時候真係嚇左一跳,
好強力既壓縮噴霧噴左出黎,
所以一定要用粉樸壓住先按。
佢呢款粉底好特別,唧完出黎好冰涼,
上面果下感覺好似放左粒冰喺面咁,
但佢既味道就唔似平時粉底果種咁,
反而有少少似止汗劑既味。
質地比較水狀、透薄,貼服度ok,色號偏白,
Christy用完覺得有啲笠,
但我兩邊面頰乾燥,感覺爽身,亦有少少現紋,
佢遮紅印同毛孔都幾好,遮到7-8成,
深色黑眼圈就要另外遮過先得∼

line379Yuki tagchristy 2Joan

如欲取得更多第一手美容及扮靚資訊
可瀏覽Girls Talk Main Blog: Girlstalk Blog
或 Like我們的Facebook專頁:
Janice Lam Makeup Workshop Facebook

 

(版權所有,未經同意不得轉載。)

分類: 未分類
發表時間:2015-09-03 03:05 PM  [ 訪客留言(0) ] [ 編輯日誌 ] [ 分享至FACEBOOK ]


秋日新粉底 (1)
2015 年 9 月 3 日  星期四

最近好多品牌都出左新粉底,
今次我同同事Joan就挑選左5款粉底出黎試用,
試下唔同質地,遮瑕度各方面既效果,
因為每個人對粉底既要求都唔一樣,
所以無話邊隻粉底係最好,
只有適唔適合自己,
如果你都想揀一隻自己岩用既粉底的話,
就要留意以下介紹啦∼

line364

Christy:
屬於混合性偏乾皮膚,
T字位會出少少油,
兩頰有色斑同少少暗瘡印,
對粉底期望:
有高coverage,
保濕得黎唔好太笠,
有少許控油效果更佳。

Joan:
屬於混合性偏乾皮膚,
皮膚容易敏感泛紅,有輕微粒粒,
而且眼圈偏深,
對粉底期望:
保濕之餘一定要高遮瑕度,
最好透薄啲唔好太厚!

CHANEL LIFT LUMIERE SPF 15 ($520/30ml 4色)

呢款粉式含有Liftoptic 光學視覺複合物,
呢種智能成份可以將光線折射到所需位置,
而透過全方位散射光線,
係視覺上撫平皺紋。
另外,入面仲含有緊緻聚合體可以撫平膚質,
做到提升、緊緻效果。
其實呢支粉底係第2代黎,
第1代大約係4年前推出,
推出果時Janice都幫過佢地event做makeup demo,
Janice本身都好鐘意用佢H粉底出job,
遮瑕度高之餘又易推,
今次就睇下第二代有咩分別啦!

外形方面其實一模一樣,
只係舊裝(左)用10,20,30,40分色號,
而新(右)H就係05,11,12,20咁分號!
呢款粉底都係liquid狀,非常貼面~
屬於低遮瑕度

Joan:

 

 

一直都有用開ChanelH粉底液,
今次粉底同樣地有Firming功效,
一聽到都覺得好吸引,
佢H質地比較水潤,顏色偏自然粉,
上粉後好貼面而且有亮澤,
雖然皮膚狀態麻麻地又有粒粒,
但粉底搽左上左去都無甩皮情況,
7成紅印都遮到,但可能眼圈太深,
如果要完完全全遮哂我個眼圈我諗都要加返少少遮瑕膏了!

Christy:

我自己之前都用過Chanel粉底,印象唔錯,
最近唔夠訓個樣都殘D,所以都鐘意高coverage既粉底液,
呢支對我黎講就唔太夠遮瑕度,
均勻膚色OK,不過鼻翼偏紅位置需要靠番遮瑕膏了,
不過佢一上面就覺得好貼面,
因為通常唔夠訓會第2朝會覺得難上粉D,
用佢都好貼,皮膚望落都滑D
皮膚唔太多瑕疵既朋友就岩用啦。

line379

Eve Lom Radiant Glow Cream Foundation SPF30(HK$690/10g)

呢款粉底加入了強效既護膚成分,
包括專利 BerryFlux Vita™(提煉自覆盆子幹細胞)、
蘆薈、維他命B3等,做到「化妝同時護膚」,
並會令到皮膚更具光澤既效果。

Joan:

Eve Lom呢隻係Creamy狀質地H粉㡳,
質地非常滋潤,要配合碎粉定妝,
係暗瘡位上粉都無甩皮現象,
而且遮瑕度偏高,
紅印斑斑都遮到8成,
由於Creamy質地都會偏厚身滋潤,適合秋冬天同瑕疵比較多H人使用!

Christy:

呢隻Creamy粉底光澤感幾好,
好滋潤,呢個天氣用加番碎粉會更持久,
遮瑕度好高,紅印同斑差唔多幫的遮到8,9成
我ontop唔再加遮瑕膏都OK,
感覺唔會覺得好厚,好易推開,
岩曬乾性同成熟型皮膚使用。

line379

Make up for ever Ultra HD Foundation $380
超高清無瑕粉底液含獨家4K Complex配方,
有效修飾毛孔、遮瑕、保濕、提亮同均勻膚色,
多達20種色調,容易選擇適合自己H粉顏色!

分別有偏紅(R)同偏黃(Y)tone色
大家可以參考返以上色表!

Joan:

 

Make up for ever粉底一向都係高度遮瑕,
呢隻粉㡳質地比較清爽,
對於皮膚偏乾H我黎講有少少甩皮現象,
但遮瑕度超高,
薄薄一層已經遮哂大部分H瑕疵!
適合油性混合性皮膚使用!

Christy:

呢支粉底遮瑕度幾好,上完唔會覺得好笠,
質地較清爽,岩曬而家既天氣用,
都好貼面,用完皮膚望落去會細緻D,
毛孔都無咁現,我上面無甩皮情況,
如果皮膚太乾,用佢之前保濕功夫要做足D∼

line379


分類: 未分類
發表時間:2015-09-03 03:04 PM  [ 訪客留言(0) ] [ 編輯日誌 ] [ 分享至FACEBOOK ]


秋日紅粉妝容
2015 年 8 月 29 日  星期六

 

 

仲夏未過,秋天新品已稍稍來到,
今個秋天大熱酒紅、桃粉系等偏紅顏色,
這類色系會較女性化,若果怕化出來太俗氣,
可試試流行心形胭脂及另類眼線畫法,
令整個妝容變得時尚瑰麗。

 

line372

必備妝品:

 

Majolica Majorca / Lash Expander Edge Meister #BK999
Les Merveilleuses LADUREE / Lip Stain #03
MAC / CASUAL COLOUR LIP & CHEEK COLOUR #HI JINKS!
MAQuillAGE / Double Brow Creator #BR611
Holika Holika / PRO:BEAUTY FOXY EYELINER #08
Vina / Eyeliner #brown (tel: 28366553)

 

line372

Step 1

 

因為現時流行粗眉,可用眉筆於眉山底及眉頭頂畫實線加粗。
用手指印上兩用胭脂到眼蓋位作眼影,然後推鬆營造漸變效果

 

Step 2

 

用啡色眼線筆畫內眼線,避免現眼內白線。
畫時可輕輕拉高眼皮,避免出現火車軌。

 

Step 3

 

於眼尾位微微剔高,並於雙眼皮摺位畫上1/3眼線與之連接,
之後用細號眼影掃掃鬆眼線。
建議這個步驟用筆狀眼線,因為易於blending,
而且效果自然,不實色。

 

Step 4

 

下眼線位可由眼尾到眼頭,由粗至幼畫上3/4長度,然後用細號掃掃鬆。
之後用粉色眼線筆畫於整個眼框,令眼睛有水汪汪、柔和效果。
最後加上mascara,令眼睛更圓大有神。

 

Step 5

 

於眼底位置掃上腰果形光影,打亮肌膚,
並用兩用胭脂於面珠位置掃上心形胭脂,
可突顯面珠位置,予人自然好氣息。

 

Step 6

 

咀唇同樣用上兩用胭脂,用手指印到中間位置再印開,
類似咬唇咀方法,最後on top加上粉色lip gloss便可。

 

TOTAL LOOK:

 

line372

 

 

 

如欲取得更多第一手美容及扮靚資訊
可瀏覽Girls Talk Main Blog: Girlstalk Blog
或 Like我們的Facebook專頁:

 

(版權所有,未經同意不得轉載。)

分類: 未分類
發表時間:2015-08-29 11:52 AM  [ 訪客留言(0) ] [ 編輯日誌 ] [ 分享至FACEBOOK ]


學生分享天地-成師之路
2015 年 8 月 27 日  星期四

 

之前分享過兩位大師姐H成師之路,
好多朋友都會問點樣可以成為成功H化妝師啊?
究竟係咪上左堂就可以出黎做野嫁啦?
係咪上左堂包有Job嫁?
其實做到化妝師真係好容易,但做一個成功H化妝師無想像中咁簡單!
勤力,唔怕辛苦,很付出,對我黎講係主要成功H原因,
而且多啲留意身邊H事物,邊做邊學都好重要嫁!
今次就訪問左完成新娘班H同學仔Elanie Leung,
等佢分享下佢H成師之路啦∼

line346

 

Elanie 本身係做緊文職,
佢想成為化妝師H原因係因為當年結婚化妝師幫佢完成妝容後變得更靚,
而身邊朋友仔學完化妝又比之前靚左,
令佢覺得化妝好神奇,對化妝好感興趣!
而佢㨂化妝學校最主要係睇WorkshopHPortfolio,
睇下造型妝容H風格係咪自己鐘意又襟睇,
最後㨂左我地WorkshopH原因都係我地宗旨簡㓗就是美!
希望學完之後都可以做到唔同令人舒服H造型妝容∼

當䦕始左學化妝之後,少不免有啲Outjob機會,
先發現上堂同做野好唔同,
上堂化妝Hmodel都係自己H朋友,
基本上化得好唔好都唔會出聲,而且上堂即使化得唔好都可以再化過,
如果出去做野H時候面對客人真係會緊張好多,
客人唔同model朋友,客人會好著重妝容效果,
需要好on time同快手完成最靚妝容!

line346

係報讀我地H課程之前 Elanie 都報讀過其他化妝學校,
但由於之前化妝學校提供H練妝時間唔多,
一直都無綀妝,
覺得自己H化妝技巧有待改善,
所以都再揾其他學校再進修下!
一直都有留意開JaniceHBlog,
都有好多同學分享過即使係出面學過都返黎昵到進修,
而且上堂教授H化妝技巧好仔細,仲有充足H練妝時間俾同學仔練習,
所以佢就揀左呢到上堂!

之前都試過去其他H化妝學校做model,
有一次就真係好難忘!
話說有一次我幫個朋友做考試model,
事前準備當然會卸妝帶圍裙夾頭髮∼
係做皮膚分析H時候都有同佢地H導師傾下計,
但當佢知道我都係學化妝H時候竟然好緊張咁話:
“我地化妝學校唔可以俾其他化妝學校H人黎…"
就請左我離開,我就係落哂妝H情況俾人請走左,
當下就覺得好奇怪,
咁大間化妝學校竟然會怕人學哂佢啲技巧,
呢個真係一個好難忘H經歷!

另外都有一件都好難忘H事就係某間化妝學校只要求學生帶靚女做考試model,
同Workshop剛剛相反,
Janice經常要求同學帶唔同Hmodel黎上堂,
唔一定要靚先可以做model,
因為人總有優點缺點,
學化妝最重識修飾缺點突顯優點∼咁先知學到野!

line346

 

都有啲野想同而加學緊同學完化妝H朋友仔講,

keep住綀化妝真係好重要,因為可以接觸多啲唔同H人,
每個人H膚質,要求都唔同,
將來客人都有機會有呢啲要求,我地都會輕易完成!
又或者可以同其他化妝學校H同學互相練習,都係一個非常好H經驗,
可以參考下其他人Hstep同自己有咩唔同,從而再學習∼

 

line346

以前未學化妝H時候都唔覺得化妝師好專門,
因為自己識化妝唔明點解跟果一日就可以收幾千蚊,
但學完先發現化妝唔難,
但面對唔同人要將人地H優點突出,缺點修飾化得靚就好難!
所以而家真係覺得化妝師係好専業H職業∼

成功H化妝師除左手妝要靚,態度都好重要,
出面都唔少化妝師俾人H感覺好串,
但其實你nice啲俾客人H感覺你會take care佢H會比較重要,
畢竟服務性行業同學仔都可以注意下!

line346

我自己就希望可以做到新娘化妝師,
因為我偏向鐘意化靚女妝,
由素顏到一個新娘妝H轉變變靚左令人H成功感好大∼
希望大家同學仔都努力做到自己想做H野啦!

line346

如欲取得更多第一手美容及扮靚資訊
可瀏覽Girls Talk Main Blog: Girlstalk Blog
或 Like我們的Facebook專頁:
Janice Lam Makeup Workshop Facebook

(版權所有,未經同意不得轉載。)

分類: 未分類
發表時間:2015-08-27 01:09 PM  [ 訪客留言(0) ] [ 編輯日誌 ] [ 分享至FACEBOOK ]


夏季新娘大變身-個人造型(3) 經典女皇VS歐陸復古
2015 年 8 月 23 日  星期日

 

 

終於黎到最後一篇大變身造型介紹啦∼
最後兩位變身主角-Emily 同 Yanie,
一位已婚,一位未婚係教師,
兩個既感覺都比人比較成熟,
所以兩位既造型就以經典同復古為主,
想睇佢地更多妝容介紹就要拉落去繼續睇啦。

 

 

想重溫返之前兩篇大變身介紹,
可click入以下鏈結:

 

 

之前既group shoot投票仲未截止,
未玩既朋友花少少時間去投票啦∼
(夏季新娘大變身-有獎遊戲-:

 

line370


 

 

line379

 

 

 

第五位大變身既主角係Yanie,
佢現職係一名教師,
佢就話第時結婚時想自然啲、causal啲,
今次大變身既造型係佢無諗過要試,
不過出到黎成個感覺佢自己都覺得好好、好靚。

 

 

 

 

 

Yanie皮膚白,眼大大,頭髮中長度,
佢比我地感覺好鄰家女孩feel,
今次我地就想幫佢做個大突破,
所以設計左以下呢一個經典中分大曲髮,帶點韓式型格feel,
營造到佢同平時不一樣既感覺∼

 

 

配上大膽紫紅色smoky eyes+鮮橙色唇妝既Yanie
出到黎影相時大家都異口同聲話好似影緊唱片封套咁!
大家可能都覺得呢個妝唔似新娘,
其實係因為Janice覺得Yanie可塑性好高,
身材高挑,可以襯到唔同既look,
所以就以fashion shooting既造型為佢打造,
完全打破左日常新娘妝既框框。
配合埋其他衣飾、髮型,成個感覺好fashion,
比人感覺好似出席外國頒獎典禮或者一啲event既女星咁,
打扮出眾、時尚、富有魅力。

 

 

加上佢既一頭中分大曲髮,真係好有復古味道,
估唔到同一個鮮花皇冠,配上唔同造型會有唔同感覺,
收起笑容既Yandy就好似女王,帶住幾分高傲氣質,
同平日成日笑既佢完全唔同。

 

 

第二個造型我地就幫佢收起長髮,
打造一個韓式梨花波浪髮型,加上紅色碎花朵做頭飾;
妝容方面只係抹走左鮮艷既唇色,換上淡粉色,
配上一襲高領修身蕾絲婚紗,
帶出另一個韓式高貴新娘feel∼

 

 

line379

 

 

 

最後一位大變身主角-Emily,
佢同其他參加者有啲唔同,因為佢已經結左婚,
之前已經影過婚照,試過好多唔同造型,
不過佢就話其實睇返Big Day啲相唔係咁滿意,
因為當時好緊張唔係好識對鏡頭,
又無好好咁同化妝師溝通,
所以出到黎個效果唔係佢想要既。

 

 

由於Emily頭髮係咁多個參加者中最淺色,
如果做其他較斯文既髮型未必咁適合,
所以今次我地為佢設計左兩款造型都係以復古為主,
淺既髮色做有紋理同帶有層次感既finger wave就最岩,
呢個gel到非常貼頭同順滑既finger wave,感覺比較古典,
最後當然效果都好好啦,Emily都話好鍾意∼

 

 

Emily同我地分享時話佢都好鍾意復古造型配合lace婚紗,
不過之前未咁流行,無咁多選擇,
今次有呢個機會試到,佢都好開心呀。

 

 

好多人以為finger wave只係適合中長髮,
其實短髮都做到架,襯埋白色小禮帽,
感覺好古典優雅,鍾意復古造型既朋友不妨參考一下丫∼

 

 

妝容方面,因為佢本身都係幼眉,
而呢個造型靈感亦都係取自20年代,
帶有20代元素,所以都非常配合。
為左襯返佢既淺金色髮色,
所以面部既顏色唔係太多,
眼部就做左一個啡tone好soft既smoky eyes,
成個感覺就好似係20年代既現代版化法。

 

 

因為我地都覺得finger wave好襯Emily,
所以第二個造型會係復古得黎帶點fashion感覺,
換上晚裝後,Emily大讚我地BridesTalk呢套綠色晚裝好靚,
無諗過原來出黎效果好好、好特別∼

 

 

呢一款finger wave係將髮尾至中間位置整鬆,
望出黎就感覺比較fashion,
不過如果就咁整完會覺得偏成熟,
所以我地即場做左個粉色保鮮花髮夾,
夾喺耳邊對上位置,令個造型無咁老成。
而大家都見到佢身穿晚裝係類似旗袍咁,
就好似4~50年代上海女士,古典得黎又夠時髦,
所以一個好既造型係需要互相配合。

 

 

今次Emily同Yanie既造型好類似,
同樣都係以波浪(finger wave)髮型、smoky eyes、鮮色唇妝示人,
雖然同樣差唔多既髮型、妝感,
但只要改變少少,出到黎既效果都可以好大分別,
最開心佢地兩位都喜歡以上既造型。

 

 

其實點解我地今次會做大變身呢…?
因為我地都發覺現時新娘子既妝同頭整個感覺都好公式化,
雖然都靚,不過就好似無左個人特質同氣質,
所以今次大變身可以比各位新娘子睇到,
唔只係model做到呢類效果,
其實每個人都可以做到唔同感覺既造型,
唔想新娘子比太多框框框住自己,
只係揀流行既某幾款造型,
當中仲可以加入好多元素,從而打造一個適合自己既造型,
希望今次可以比到大家作為pre wedding或者係Big day一個參考啦∼

 

 

我地都好希望黎緊有機會再幫其他朋友做到更多新既花火,
之後我地會再喺facebook公怖點樣參加「我最喜愛個人造型」投票,
記得留意住啦∼

line370

 

 

 

分類: 未分類
發表時間:2015-08-23 03:01 PM  [ 訪客留言(0) ] [ 編輯日誌 ] [ 分享至FACEBOOK ]