Janice Lam (Makeup Artist) - QOOZA BLOG 網上日誌

janicelam : 個人主頁 - 相簿 - 訂閱 [ QOOZA - 論壇 - 登入 ]

人氣：172990

janicelam

暱稱： Janice Lam
性別：女
國家：香港

MORE...

最近沒有訪客

日誌統計

文章總數： 681

留言總數： 35

今日人氣： 3

累積人氣： 172990

RSS 訂閱

真·測試 7款遮瑕液

2016 年 1 月 23 日星期六

遮瑕產品都分左好多種質地，應該點揀好呢？
之前我地講左兩隻唔同既遮瑕產品，今次我地會講埋Liquid狀既遮瑕產品，
液狀比起膏狀既遮瑕度雖然較低，
但係好處就係可以平均皮膚色tone，淡化暗瘡印之餘，
質地夠水狀較易推，好適合初學者，唔會咁易搽到一撻撻，

想知邊隻岩冬天用，邊隻最夠遮瑕度，遮眼紋又o唔ok呢？
今次就分享下我地兩位同事既親身用後感啦！

Candy: 偏乾性, 黑眼圈偏瘀紅,眼底位置有乾紋同浮腫
Christy:混合性偏乾,黑眼圈偏啡紅,同有d灰,眼底位置有輕微乾紋

20160112_172255 拷貝 2 Sheer Eye Zone Corrector

一共6款色調，我地有4色，專為眼底而設，
主打透薄水潤效果。
20160112_195045_mh1452599774342 拷貝 2

下圖係扭一下既分量

Shiseido 呢支我自己本身有用開，
佢叫自己做eye zone corrector,
色調帶有少少橙，而大部分亞洲人黑眼圈偏啡紅色，橙色tone可以中和偏紅既眼底，
質地好透薄，水份好高，感覺好水潤，
偏乾既眼底都岩用，
未至於可以全遮曬，
不過遮7成都無問題，
岩眼圈未係太嚴重既朋友用。

五粒＊為最高
遮瑕度：＊＊＊
滋潤度：＊＊＊
貼服度：＊＊＊
易控度：＊＊＊＊

Nars Radiant Creamy Concealer
全10色，我地收到5色,今次同事會試honey色,
帶橙tone既concealer適合balance啡紅色色素,
呢支concealer有好多化妝師推介，
今次都黎試試係咪咁好用先！

下圖係扭出黎一次既分量

Nars呢支質地係liquid至creamy之間, 較Shiseido杰身，
不過就非常易推，而且好滋潤，唔會乾。
刷頭容易控制，初學者好岩用，
遮瑕度好高！遮面同遮眼都得，
過左幾個鐘都無龜裂既情況，好good!!
我個眼圈都差唔多遮左9成啦！

五粒＊為最高
遮瑕度：＊＊＊＊
滋潤度：＊＊＊
貼服度：＊＊＊＊
易控度：＊＊＊＊

20160112_174008 拷貝 EVE LOM LIGHT ILLUSION CONCEALER

EVE LOM既底妝之前都有試過，
真係覺得唔錯幾好用，
今次會再試埋佢地既遮瑕液啦！
20160112_193325_mh1452599030023 拷貝 2

下圖係按一下既分量

相片 13-1-2016 下午7 24 10 呢支質地都係偏薄身，都幾水潤，
共４色，膚色tone，遮瑕度唔算好高，
打亮效果較為明顯，
搽完上去光澤感幾強，
有明顯既亮眼效果！
如果有眼紋既朋友用完條紋會無咁覺眼。

五粒＊為最高
遮瑕度：＊＊
滋潤度：＊＊＊
貼服度：＊＊＊＊
易控度：＊＊＊

line379

JILL STUART SECRET CONTROL CORRECTING CONCEALER

JILLSTUAHT包裝一樣好公主,蓋上面係施華洛世奇水晶,
淨係放o係化妝袋已經好滿足喇!
哩支遮瑕膏分別有5種顏色,
1~3號係加亮型主要有brightening效果,
4~5號係主力遮瑕既,
而今次我會試遮蓋型5號色~

下圖係扭出黎一次既分量 Photo 17-1-2016, 19 27 01

質地係比較膏狀既CREAMY質地，夠潤唔乾，
顏色自然偏黃tone，岩哂遮偏紅既黑眼圈同面部氾紅位置，

刷頭有一面係比較扁身，更方便遮蓋斑點同暗瘡印，
遮黑眼圈都可遮到7-8成，
我試哩隻5號色係哩支product最深既色,所以如果對膚色偏深既朋友黎講就可能會偏白喇!
通常包裝靚既化妝品都會怕"得個樣",哩隻整睇黎講好唔錯又容易控制,可以叫做有外表有內涵呀!

五粒＊為最高
遮瑕度：＊＊＊＊
滋潤度：＊＊＊＊
貼服度：＊＊＊＊＊
易控度：＊＊＊＊

Diorskin star concealer
成分有光學柔膚因子，有打亮去暗啞效果，特別適合眼底。
備有3種顏色，膚色tone，眼部同面部位置瑕疵都適合，
特別配方有明顯收緊同柔膚功效，
成日眼腫或者有眼紋問題既朋友可以試試。

下圖係扭出黎一次既分量 PhotoGrid_1452608018386

我試左#beige中間色，哩隻色好match我，所以遮瑕效果好靚，遮到8-9成，
質地好滑唔厚唔焗身，顏色自然，
同堆夠水潤，有光澤，望落有打光效果，
我未試之前眼袋位係有d水腫，用左之後真係收緊效果同埋皮膚細緻左。

五粒＊為最高
遮瑕度：＊＊＊＊
滋潤度：＊＊＊＊
貼服度：＊＊＊＊＊
易控度：＊＊＊＊

Laneige watery cushion concealer
BB cushion foundation就用得多,唔知cushion cncealer又係點既呢?
哩款偏有深淺兩色，膚色tone，我試既係#2 natrual色。

下圖係按一下既分量

LANEIGE哩支刷頭係球形既CUSHION，
係咁多種liquid concealer之中質地最水同最薄身,
上面效果係幾貼，但因為刷頭都幾大，
變左未必咁易搽得夠仔細，好輕薄，遮瑕度有4-5成，
保濕度一般，相比其他牌子冇咁潤，
所以比較適合中性至偏油性皮膚朋友喇。

五粒＊為最高
遮瑕度：＊＊＊
滋潤度：＊＊
貼服度：＊＊＊＊
易控度：＊＊＊

Kate Somerville illumnikate concealing eye cream
哩隻係遮瑕膏同眼霜二合一,
備有3種唔同既色tone,3隻色色差相對較大,
活性成分仲有即時亮白同淡紋效果添!

下圖係扭一下既分量

質地係比較水狀，保濕度算係唔錯，兩合一夠方便，但係如果太乾既朋友用之前加eye cream會更加好，
顏色自然，中間至深色適合大部分亞洲人膚色，
淡紋效果明顯，
遮瑕度大概有4成，適合唔係經常化妝既朋友，可以平均淡化暗啞皮膚，效果自然，如果黑眼圈太深既話建議做creamy狀concealer喇！

五粒＊為最高
遮瑕度：＊＊
滋潤度：＊＊＊＊
貼服度：＊＊＊＊＊
易控度：＊＊＊＊＊

分類: 未分類

發表時間：2016-01-23 03:46 PM [ 訪客留言(0) ] [ 編輯日誌 ] [ 分享至FACEBOOK ]

【VIDEO】真・7款遮瑕盤大測試

2016 年 1 月 18 日星期一

前一篇同大家分享左唔同品牌既遮瑕膏，
今次就有遮瑕palette，
而且我地仲嘗試以video形式去介紹，
希望帶來更清晰既效果。

Palette比較適合化開妝、屬高級班既朋友仔，
因為palette一般可以自行溝色，
而盒內亦同時有corrector（調色用）
及concealer（遮蓋用）或finishing powder，
而遮瑕當然就唔少得遮瑕掃，
內裡亦會有介紹架。

今次有兩位同事真人示範比大家睇各款遮瑕產品既實力，
即刻去片～

分類: 未分類

發表時間：2016-01-18 04:43 PM [ 訪客留言(0) ] [ 編輯日誌 ] [ 分享至FACEBOOK ]

多功能自拍美妝APP

2016 年 1 月 18 日星期一

而加流行selfie自拍，

平日嘅妝容變得重要，
但有時遇上皮膚狀態轉差、拍照後輪廓感不夠，
相片大跌watt，
這時大家或許便會利用手機app「執相」，
最為人熟悉的美圖秀秀可以做到簡單photoshop效果，
這次還有兩款多功能的免費美妝app介紹給大家。

初級用家－簡易、易上手Beauty Cam

Beauty Cam與美圖秀秀大致相同，
但修圖功能更多，
有13種：
One-tap（一鍵執相），Edit（crop相及旋轉）， Filters（相片風格），
Smooth（改善膚質），Tones（改變膚色），Details（執走瑕疵），
Slim（瘦面、瘦身），Contouring（加強面部陰影），
Taller（拉長面部或拉長身高），Enlarge（大眼效果），
Brighten（加強面部光影），Dark Circles（踢走黑眼圈），
Whiten（美白牙齒），Mosaic（執走背景），
部分可自行調教位置、效果強度，
有部分則只可自動調整，如一般修圖已足夠使用，
介面對於初級用家來說亦夠簡潔易用。
它另有一鍵化妝功能，只要於Selfie位置按入，有12款固定風格選擇。
按後會自動修正肌膚問題、瘦面、增大眼及上妝，
雖然雙眼及咀唇位可自行調節正確位置，
但由於各種風格都十分濃妝，而且是固定妝容，
不能獨立配襯假睫毛或胭脂等，給人感覺較假，試玩無妨。

Before

After

一鍵化妝

專業用家－完善、效果自然(天天P圖)

若果覺得Beauty Cam已不能滿足你的修圖需求，
天天P圖便適合專業用家！
這個美妝app非常完善，共有14種修圖功能，
比Beauty cam多了Oil-free及Smile按鈕，
前者即時去除面油，令膚質變得啞緻；
後者可令咀形自然向上翹，變成微笑般！
另外不得不介紹的是它有化妝功能，
除了可按不同風格一鍵化妝，
亦可自行選擇逐part上妝，效果非常自然！
一鍵化妝分為日系妝、韓系妝，裸妝等，
各種風格內亦有細分不同色彩妝容，好玩又好用。
而自行化妝部分非常專業，
分為：Foundation（可選粉底顏色），
Lips（可選matte唇膏色或亮澤唇彩色），
Blush（顏色主要有粉色及橙色，可選不同位置的胭脂），
Highlight（加強鼻影強度），Eyebrow（可選不同眉形及眉色），
Eyeliner（可選不同眼線長度、線形及顏色，亦可調整強度），
Eyelash（不同假睫毛效果），
Con（連contact lens也可選！），
Eyeshadow（由紅色到紫色的眼影都有，亦有閃粉效果），
Eyelid（後天加工雙眼皮，眼皮摺位也可選擇），
Hair Color（髮色都可改呢！）。
當然，如需逐part修改、加減，
相對花費時間較多，但效果給人感覺自然！

Oil -Free
d48f9eee-da52-4571-bc34-13c98600927a 一鍵化妝
自行化妝

分類: 未分類

發表時間：2016-01-18 04:42 PM [ 訪客留言(0) ] [ 編輯日誌 ] [ 分享至FACEBOOK ]

東京必掃平靚正好物（2）

2016 年 1 月 18 日星期一

上期我介紹了多款到東京必掃的彩妝品，
這次除了彩妝品外還有body care及hair product，
全部都不超過一百元，好用又抵買！
有時逛日本的藥妝店真的花多眼亂，
去前不妨記下有甚麼平靚正好物吧。

出門前極速梳洗頭髮
FRESSY SHISEIDO Dry Shampoo 540YEN(~HKD33)

Photo 13-11-2015, 13 23 15

有時候遲起床或趕急出門，想洗髮又沒有時間，
便可用Dry Shampoo乾洗頭髮解決。
這款Dry Shampoo與市面上一般產品不同，
噴出來並不是粉狀而是噴霧，
味道是清新洗衣粉香氣，噴到頭皮和頭髮上需接摩幾分鐘，
再以毛巾抹乾。
比起粉狀，它不會令髮絲出現粉粒，
令人誤會是頭皮屑，且有效去除頭皮層異味，
令髮絲回復乾爽，效用比粉狀更持久。
即使是媽媽孕後不能洗髮時或於火鍋BBQ後亦可使用，
即時去除污垢及異味，一枝只售約港紙33元，超值！

解決無襪腳汗煩惱

Deonatulle Sara Sara Cream for feet 1000YEN(~HKD63)

之前介紹過一款於泰國購買的防腳汗噴霧，
這次於日本藥妝店看到這款於cosme排行第一位的腳用除臭防汗劑，
特別在於它的質地，是像油水加白色的cream，
塗勻後會變成透明、質感亦會變得爽滑，有淡淡薄荷味，
除了加入藥用成分，同時也有保濕功效，
試用後由朝早到晚上都能保持乾爽、無異味，
適合無穿著襪時用或腳汗多的人士使用。

防止耳環金屬敏感

medisept Metal Coat 980YEN(~HKD62)

相信不少朋友都試過對耳環金屬產生敏感，痕癢紅腫，
甚至處理不好導致發炎，只能購買一些純銀防敏感耳環，
但這些耳環價錢一般較高。
這次我便於日本找到了這枝金屬敏感防止劑，
由於它的包裝設計像指甲油，大家購買時要小心不要選錯。
只要先清潔好耳環，將防止劑塗於配戴耳環的金屬上，待乾，
便可放心戴上耳環，輕鬆解決對金屬過敏的問題，
而且售價便宜，以後可以盡情購買各式各樣的耳環啦！

易畫上色眉筆

K-Palette Lasting 2Way Eyebrow 1200YEN(~HKD76)
Before：
After：

日本的眉筆、眉粉一向都不錯，
這款K-Palette於香港亦有出售(LOG ON售$98，
（但日本只賣約76元！)，
之前一直未有機會試用，這次到藥妝店時偶然試用後，
覺得上色度及順滑度都很好，
很顯色及易畫，即使新手亦容易handle。
它有兩色，一深一淺，每枝都有筆芯頭及棉花頭。
我自己的眉毛本身較稀疏及淺色，需畫眉毛才顯得精神，
我用的是#101，畫上眉後顏色自然，
亦非常配合我新染的霧灰啡髮色，
市面上類似的眉筆質地大多以啡紅色為主，
如想配合灰tone的髮色，這款便最適合，
而且防水防油，持久一整天！

實黑分明睫毛膏
SUSIE N.Y. Beaulerless Curl & Volume Expert 1300YEN(~HKD82)

（Model試用後睫毛挺身，維持一天不易drop，
而且顏色實黑，令睫毛有豐盈效果。）

這款是日本的開架品牌，它的顏色屬自然實黑色，
而最特別之處在於它的金色皇冠頭，
轉出來後是一枝迷你睫毛梳！
我於藥妝店即場試用後發覺睫毛膏順滑易刷，
加上有睫毛梳梳開睫毛，令睫毛更分明好看，
即使在街上使用都不怕掃得不均勻或「一舊舊」，非常方便！

分類: 未分類

發表時間：2016-01-18 04:40 PM [ 訪客留言(0) ] [ 編輯日誌 ] [ 分享至FACEBOOK ]

東京必掃平靚正好物(一)

2016 年 1 月 18 日星期一

上星期剛剛到東京出席一個新品發怖會，

而這次要介紹的好物是我於藥妝店搜羅回來的，
每次去旅行我都喜歡到處找尋新產品，
對於已經3、4年沒去過日本的我來說，
這次都找到不少驚喜好物，便宜又好用，
以下便會推介給大家。

高度遮瑕首選

SHISEIDO SPOTSCOVER FOUNDATION 1200YEN(~HKD76)

Before

After

這款concealer於普通藥妝店便可找到，
雖不是新品，但獲一致好評。
它的遮瑕度高，質地易推，不易乾。
一盒20g，比一般concealer份量多，非常耐用！
唯一要挑剔的是它只有兩款顏色，對化妝師來說顏色選擇太少，
自用的話則很不錯。價錢方面只售約港紙76元，超值之選！

高質素平民價粉餅

PRIOR(SHISEIDO) BB Foundation(粉芯) 3000YEN(~HKD190)

Before:
相片 13-11-2015 下午1 52 45 After

平日我很喜歡用日本造的底妝產品（如粉底），質素有保證，
連外國的一些品牌都會找日本的廠商訂造。
這次閒逛東京，於一間大型藥妝店看到這個PRIOR專櫃，
於是便試試它的粉餅，一試之下發覺它的質地超級幼滑！
遮瑕度高、感覺不乾，有微微珠光感但不會太閃亮，
這個質地一般只會在貴價品牌中才有。
雖然PIROR系列是為成熟肌而設，
但若個人肌膚合適、而又喜歡較潤身的產品，
這款粉餅一定是必購的！

人氣爆燈睫毛膏

我個人必用的日本品牌產品除粉底外，就定是睫毛膏。
因為外國品牌的太濕太重身drop，
對於軟身睫毛的我來說並不適合。
而日本品牌的睫毛膏顏色不只能做到極黑，
即使長時間後亦不脫色、不會因時間過長而令顏色變淺；
掃後睫毛更可做到根根分明、持久挺身效果，
所以這次旅程也找來了兩款好用的睫毛膏推介給大家，
特別適合油眼人士！

SHISEIDO CHIFFONETTE Mascara 1500YEN(~HKD95)

（Model本身睫毛偏短，掃兩、三次已有明顯纖長效果，
效果自然、分明，掃後亦不易drop。）
我本身愛用MJ的睫毛膏，
挺身不易drop，而這款SHISEIDO特別版的睫毛膏，
給我感覺像MJ，不會有過多纖維，掃頭偏細，
無論上睫毛或下睫毛都十分易掃，做到纖長、持久、挺身的效果。

MOTE MASCARA (Comb Type) 1800YEN(~HKD115)

（Model掃上兩層已做到豐盈效果，
睫毛明顯加粗但根根分明，
且顏色屬極黑色，增加整體睫毛濃密度。）

這款是我於旅程的最後一天才買的，
因為每逛一間藥妝店都看到被放於當眼處，
亦看到這個品牌於網上獲得一致好評。
它有多個顏色、種類供選擇，有long wear/ volume/ base等，
而我選的這款comb type，屬黑色廣角卷曲，
彎形掃頭就像MJ的第一代款，
同時適合用於下眼睫毛，非常易用。
它每次拿的份量不會過多，
掃開後睫毛分明、纖長，而且它還加入睫毛助長精華，
用後約3星期睫毛明顯變長，是一款精華睫毛膏，
價錢亦不貴，必買之選！

分類: 未分類

發表時間：2016-01-18 04:37 PM [ 訪客留言(0) ] [ 編輯日誌 ] [ 分享至FACEBOOK ]

« | 8 | 9 | 10 | 11 | 12 | 13 | 14 | 15 | 16 | 17 | ... | 137 | »