ZA 多元水活修護眼霜 ＄129/20g

眼部肌膚比面更薄，所以我哋要更加保養佢。

所以ZA出咗一支，可以解決3大眼部肌膚問題嘅眼霜，

加添美白維他命C，可以減少黑眼圈形成，

同樣都係有氨基酸礦物質複合物，

可以修護粗糙又乾嘅眼周肌膚。

質地好透薄、清爽，唔怕搽完會出油脂粒，

仲可以撫平眼四周細紋。

而且通過過敏性測試，唔會阻塞毛孔！

適合十幾歲青春肌膚使用，絕對係平價之選！

Elizabeth Arden 2013 限量版 Iconic Collection

Elizabeth Arden 8 Hour Cream相信大家對佢都唔陌生啦！

而且都深受化妝師嘅愛戴，為紀念呢個產品，

 

就推出咗限量版 Iconic Collection。

紅毯星光限量版8小時潤澤霜 ＄144/28g

大家都知8 hour cream，真係有好多功能，

不但可以當潤唇膏，滋潤唇部，

皮膚有咩問題，乾燥、曬傷等等，

又有急救同鎮靜肌膚作用。

更有時要化一啲特別妝容同效果，

好似閃粉妝都會用到佢！

所以每一個人都好應該有一支傍身，

而且呢個限量版，更加方便大家使用，

包裝又靚，未買過嘅人絕對入得過！
 

紅毯星光限量版SPF15 8小時潤澤唇膏 ＄112/3.7g

出面唔係好多潤唇膏有防曬功能，

而佢就有SPF15防曬功能，防止唇部受紫外線傷害。
而且裡面有維他命E，性質溫和，
滋潤能力非常高，搽完唇紋都減少咗好多！

大家如果咁岩又用完支潤唇膏，
唔知買邊一隻好，
又覺得8 hour cream夠滋潤，
但唔想拎甘大支出街，
咁就可以考慮下呢支！

大家都對Body Shop嘅Skincare
同Bodycare都唔陌生，
唔知大家對於佢哋嘅化妝品，又覺得點呢？

上次Body Shop event，

見到Janice用咗佢哋嘅化妝品，

化咗一個好靚嘅demo，

令到我好想試下佢哋嘅makeup products。

而最近就收到Body Shop，

最新推出嘅唇膏系列。

The Body Shop Color Crush 亮彩唇膏系列 ＄139

今次Body Shop推出咗全新嘅唇膏系列，

有21隻色揀，分別用咗3大主調，

亮麗鮮紅、迷人粉紅同自然裸色。

可以襯返唔同妝容！

我就試咗兩隻色俾大家睇，

首先係迷人粉紅系列。

今次就用咗隻桃紅色，

做個漸變咀效果俾大家睇喇！

其實呢個唇妝，好容易化。

首先搽咗啲唇膏係中間，

用手指慢慢推開，

唇邊位都用遮瑕膏遮鬆個邊，

最後可以再加少少唇膏係中間，突出個效果！

本身自己試過好多實色嘅唇膏，

今次試呢個Body Shop唇膏搽實咀時，

更加感覺到支唇膏質地比好多大牌唇膏好幼滑，

而且一啲都唔乾，原來裡面有櫻桃籽油同漆樹果仁油等天然成分。

所以搽完，唇紋一啲都唔顯眼，仲有好亮澤嘅感覺！

 

顏色都非常實色，都好易上，

 

搽一層都已經足夠！

 

而且支唇膏有純天然玫瑰花香，

 

 

感覺就好似搽潤唇膏咁！

大家睇完有無睇岩心水呢？

以上產品，每樣都兩、三百蚊有找，

而且仲好好用添，買完絕對唔會心痛呀！