今次Karen同Irene會同大家分享近期試用，
同一直keep住用緊嘅Products,
其實市面上真係唔少平價而質素唔差嘅Products架，
不過好多時就係覺得太便宜，總覺得應該唔會太有效啦，
又或者唔夠膽試，
但係我地就鍾意咩都試，滿足下好奇心嘛，
以下嘅產品都係我地兩個貪靚王試用過先同大家分享架，
睇下你地覺得啱唔啱用啦！

Fresh Line 草本洗髮皂 $139

Fresh Line係希臘一個知名國際美容品牌，
佢所有產品都係用天然成分去製造，
堅持唔加任何化學物料。
而我今次介紹嘅就係佢天然草本美髮系列，其中一個洗頭皂。

大家可能會講，洗面皂就聽得多，
洗頭皂真係未聽過，
所以我自己都好好奇！

初頭見到一粒粒，以為係粉狀，
原來係一粒粒粉壓制出嚟嘅皂。

雖然無加任何化學物料，
但加少少水都已經好易起泡，
大家可以用手起泡或
直接整濕個皂捽上頭都得。
一邊洗，慢慢散發橙香味道，
感覺好fresh，好舒服！
而一個皂大概用到一個月架，
都幾襟用，大家可以試下！

用後感：洗完好乾淨，又唔乾，
而我用呢個係專為髮色暗啞同染髮後嘅髮質，
咁我本身有染髮，
用呢個皂洗完頭髮都好有光澤！

售賣點：Fresh Line

肌美精眼膜 ＄88

唔知大家有無聽過肌美精嘅mask呢？
佢係日本一個專出mask嘅牌子，
而且係平靚正添，
中學時候已經開始用佢架喇！

今次就介紹佢嘅eye mask喇，
為大家慳下個荷包！

佢有幾底用，你睇下個包裝就知喇！
佢一包有60杖，姐係有30對！
係唔係好底先？
大家都知而家啲嘢愈黎愈貴，
而呢個eye mask 80幾蚊就有30對，
除開每對都係3蚊左右，日日敷都唔心痛呀！

佢好似平時濕紙巾咁，
表面會有一個透明保護膠，
但大家就唔好掉咗佢呀！
佢可以keep住啲精華唔揮發，

個mask嘅型好貼，而且好有彈性，
而精華質地好水，唔會係稠身，好易吸收，
所以日日敷都唔會生油脂粒。
而且係無香料，敏感人士用都唔怕。
敷完慢慢按摩，加強吸收，
長期敷眼周圍嘅乾紋都改善咗好多！
好適合中性至乾性皮膚，
有時朝早覺得雙眼好乾好攰，急救下都唔錯架∼
有興趣可以去呢個品牌嘅日本網址睇睇其他嘅products~

http://www.hadabisei.jp/index.html

售賣點：SaSa、Log on

Maybelline型格持久染眉膏 ＄69

有深啡、銅啡兩色選擇，
髮色較淺建議用銅啡，
一向都有用染眉膏嘅習慣，
因為染啡咗頭髮，條眉好黑嘅話就太"突出"，好奇怪，
所以都會用番染眉膏整淺少少條眉，
而且可以gel番眉毛，令睇上去眉形整齊啲

今次試咗銅啡色，效果好自然，
唔會覺得誇張，而且有防水配方，
keep得耐啲，
如果本身頭髮係黑色，可以用深啡色，
條眉睇上去soft啲，比人感覺會溫柔啲架∼

球形掃頭設計更易掃，拎嘅份量較少，
唔會一舊舊，效果亦會soft啲，
想實色啲可以用尾段掃上，掃完覺得顏色未夠，
可以等乾咗再加色∼

售賣點：大屈臣氏、萬寧、莎莎及化妝品店

專科速淨潔面泡沫 ＄79

專科係Shiseido旗下品牌，而且係日本開架洗顏No.1品牌，
見到係Shiseido出品，又係全新product，
價錢又便宜就試試∼
聽過有人話起泡嘅潔面產品會增加皮膚磨擦，
對皮膚唔係咁好，但其實只需要將泡泡均勻舖喺面上，
然後喺泡泡上面打圈按摩，
毛孔裡面嘅污垢就可以清走，用法好簡單，
唔會對皮膚造成傷害，
專科呢個洗面泡泡一pump已經係泡泡，
唔使加水起泡，慳水又方便，
用後感覺好清爽，
好啱中性至油性皮膚，
平時出油情況多，又想學人清潔皮膚嘅男仔可以試下用，
又或者十幾歲開始注重保養又冇太多零用錢買護膚品嘅女生，
價錢經濟，不妨一試∼

售賣點：萬寧