啱啱踏入2014年，唔同品牌都已經出咗唔同嘅skincare迎合大家嘅需要，
冬天嘅護膚品過埋聖誕應該剩番三份一度啦，
又係時候留意轉季護膚喇。
今次介紹嘅Skincare可能係大家比較少留意嘅品牌，
如果你係喜歡天然成份，有機products或者醫學護膚品牌嘅朋友
就更加要留意以下嘅介紹喇！

philosophy hope in a jar night高效嫩膚霜 ＄380
philosophy喺今年7月份再進駐香港，
產品配方結合科研及醫學驗證，
唔係好了解philosophy嘅朋友都可能會認識品牌皇牌hope in a jar呢個product，
今次仲出埋night cream添，
當中甘醇酸及葡萄聚醣成份有助撫平細紋、均勻膚色
同時增強防禦能力。

質感同一般night cream有啲唔同，
介乎Gel同cream之間，有少少黏黏地，
要推到好薄再慢慢吸收。

產品底部有註明成份含果酸(aha)，
可能令皮膚對陽光變得敏感及增加曬傷可能，
所以記住要搽防曬同減少陽光直曬。

Neal’s Yard Remedies 乳香賦活緊緻活膚霜 $790
英國第一有機護膚品牌 Neal’s Yard Remedies
用乳香油研創出抗老化有機配方，製成乳香賦活緊緻活膚霜。
乳香賦活緊緻活膚霜仲係全球首個獲FairWild有機認證嘅美容產品，
對改善膚質、緊緻同減淡皺紋都有顯著效果，
裡面含純淨梔子花，未經化學物污染。
全新多重抗老化配方進一步強化緊緻肌膚，
加上多種有機精油，葡萄籽、夏威夷、摩洛哥堅果等，
能深層滋養，撫平皺紋。

質地比philosophy hope in a jar night薄身，
好易推亦快吸收，幾潤身，有種似香薰嘅香味，
適合中性皮膚，春夏天嘅時候乾性皮膚都啱用。

產品上亦有註明係有機認證同埋有機成份嘅百份比。
 

Neal’s Yard Remedies 野玫瑰亮采萬用霜 $565
主要成份有迷迭香、大麻籽油、玫瑰果油，99﹪Organic,
高品質野生玫瑰果油有強力嘅抗老化效果，
喺肌膚形成保護膜，幫助修復緊緻肌膚。
呢個product有好多用途，可以用嚟卸妝，
輕輕打圈後再用隨盒附送嘅小手巾以溫水洗淨，可以幫助去角質，
亦可薄薄塗一層做面膜滋養肌膚，尤其適合舒緩脫水肌膚。
曬後肌膚使用有舒緩、修復作用。
每次用嘅份量唔需要太多，攞少少再慢慢推薄，
所以一樽都可以用到好多次架。
EVE LOM都有類似嘅產品， 質地、成份差唔多，但係價錢就相對較貴，
所以如果想試下呢類product,不妨試下呢個萬用霜啦。
如果想了解多啲呢個品牌，可以click入下面嘅網址：
http://www.nealsyardremedies.com.hk/

Phyto-C維他命C美白抗氧面膜 ＄1,080
以純優質天然草本植物配合科研製造嘅產品，
主要成份有10﹪穩定L﹣抗壞血酸、麴酸、熊果素、水楊酸等，
強效抗氧，能緊緻皮膚，
減淡皺紋、幼紋，預防皮膚提早衰老，
含多種美白去斑成份，能改善暗啞、
偏黃膚色，令皮膚更亮白，
同時能抑制黑色素形成，減淡色斑。
另外產品亦有消炎抗箘作用，有助預防暗瘡形成。

顏色火山泥面膜好相似，有好似海藻嘅味道，
質地就同一般火山泥好唔同，比較水啲稀啲，
亦好易推薄，推開之後可以見到白色粒子，
仲有涼涼地嘅感覺。
 

做完mask就梗係要做番保養程序啦。
以下係其中有抗氧修復作用嘅配搭，
分別有(由左至右)橄欖高效修復精華、橄欖高效抗氧精華、
橄欖升級修復乳液及維他命B12細胞活化精華，
其中高濃度純橄欖葉精萃嘅修復癒合能力，
能改善敏感膚質，抗氧，增強皮膚抵抗力。

盒上面仲有教日、夜保養程序，
每種產品有咩功效都列明晒，簡單易明。
Phyto-C仲有不同系列，針對抗氧、修復、補濕、治療等方面嘅產品，
比大家可以根據自己嘅需要或者皮膚狀況去選擇架。
有興趣了解多啲可以參考以下網址：

http://www.phyto-ceutical.com.hk/

相信大家對ORIGINS呢個品牌唔會太陌生，
但係你又知唔知佢嘅產品係用100﹪天然植物精油，
不含常見化學成份比如礦物油、凡士林、石蠟等作防腐劑、起泡劑、保濕劑等，
保持愛地球嘅理念。

前排去咗ORIGINS Plantscription新產品發佈會，
當日預備咗大概10種主要成份嘅油比我地聞下味道，
有啲好熟悉嘅味道一聞就知道係咩嚟，
有啲就冇乜味嘅，顏色有深有淺，
質地都有啲"杰"啲、有啲稀啲，
對用嚟製成護膚品嘅油又加深咗認識喇。

ORIGINS Plantscription悅肌再生清爽面霜SPF25 $560

而最新推出嘅Plantscription悅肌再生清爽面霜特別加入印度沒藥樹萃取，
紅桑莓植物幹細胞同非洲長青木萃取，
加強肌膚再生能力，修復受損細胞，刺激天然微纖蛋白組織增生，
有效減淡皺紋、幼紋，緊緻肌膚。
睡菜精華、百金花精華及三重透明質酸複合物
能修復肌膚彈性，令肌膚緊緻飽滿、 輪廓提升。

以清爽無油性配方研製，質地完全唔黏膩，
亦好快被皮膚吸收晒，帶少少甜香嘅味道令人好舒服。

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup