好多人認為做化妝師幫新娘子化到個靚妝就已經好足夠~
但其實新娘髮型對整個造型都好重要,
所以做一個全能化妝師最基本都要識set返幾個靚頭旁身!
新娘子結婚當日閒閒地都要轉5,6個頭~
set一個襯到靚妝嘅頭都唔易~
等我介紹下今年新娘髮型嘅走勢啦!

 

今年又興返一啲比較簡單自然嘅髮型~
大家可以睇下今年結婚嘅名人明星~
佢地都係set返簡單嘅曲髮然後將頭髮放落黎,
優雅自然散發著女人味嫁!

 

點解簡單自然嘅髮型咁多人揀?
其實都唔係冇原因嘅~
簡單嘅髮型俾人感覺好清新,
自然曲髮襯婚紗或者晚裝都一樣好睇~
而且不同面形襯返不同分界感覺都唔同嫁!
起碼五年十年後睇返啲結婚相都唔過時啊!

 

 

雖然我地搵嘅Ref.好誇張,
但我真係係婚禮見過人set這個頭~當然唔方便公開人地婚照啦!
而加又唔係拍緊古裝片韓劇,
無理由將自己搞到咁娘嫁~

 

 

除非情有獨鍾一啲誇張髮型或者韓尚宮式髮髻,
如果唔係幾年後睇返都幾outdate~

 

 

睇返結左婚幾年嘅明星婚照,
佢地都係揀返果時興嘅簡約風~
到而加睇返都唔老套嫁!

 

 

如果嫌太過簡單的話,我地都會介紹下有啲款嘅髮型~
好似以辮仔為主或者比較鬆嘅髮髻咁,
不過大家要注意辮仔唔好扎得太實太工整,出黎感覺會好古板嫁!
鬢辮嘅時候可以分返大細section,鬢完可以輕輕拉鬆返,
就可以做到簡單又靚嘅辮仔~
而髮髻方面都唔好太過工整,帶簡約自然感就最好~

 

 

 

 

一個靚嘅髮型點少得靚嘅頭飾呢?
好多化妝師同新娘子都好鍾情用鮮花做頭花~
但有啲特別嘅花種唔係每個季節都有~未必合到新娘子心意~
所以我地都會推介大家可以揀一啲閃石珍珠或插啲小花頭飾,
成個造型都會高貴大方啲!

 

 

提提大家頭飾質素都好重要~
珍珠嘅圓潤同閃石嘅光澤對成個造型都有好大影響~
如果頭飾質素太參差，就會弄巧成拙，
所以大家揀頭飾最好揀啲質素好啲！

如果大家唔想幾年後睇返啲結婚相後悔，
點解當時會咁老土，都可以參考下我地嘅建議~
揀返個啱自己嘅髮型啦!

 

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup