產品包裝成日都咁靚嘅Paul & Joe，
今次春季限量collection都冇令我失望呀！
以春日神秘花園為主題，
推出胭脂、唇膏、指甲油、face powder，
特別在唔同花紋pattern嘅packing，
真係會靚到唔捨得用架，
但係為咗試比大家睇都冇辦法啦！
大家睇下以下嘅介紹啦！

首先係全新Color Powder 胭脂粉（＄250），
三種新色都係好大路嘅顏色，包括珊瑚橙（上）、緋紅（左）同粉紅色（右），
除咗包裝盒有特別嘅圖案之外，
連粉芯都有花花pattern，好靚呀！
等我地試晒三隻色比大家睇啦！

珊瑚橙色好百搭，
無論你係白淨定係健康膚色都可以carry到，
微微向上斜掃仲可以修飾輪廓添！

如果想自然啲，鍾意好似白裡透紅嘅感覺，
粉紅色就最啱喇！化咗妝好似冇化咁，
但睇落精神啲，面色好啲，
效果好似係自己本身紅潤嘅氣色咁，好啱上班族。
呢個顏色好soft，亦好適合配襯sharp嘅唇色或者眼線妝，
幫你突出到妝容重點唔會搶focus。

最後係最sharp嘅緋紅色，就咁睇粉芯覺得好似好紅，好似比較難用，
但係掃上面嘅效果都唔會好誇張，
反而覺得紅卜卜咁，好有陽光氣息！

三種唇膏新色包括baby pink（左）、玫瑰紅（中）、鮮橙色（右），
唇膏芯（＄200）同唇膏筒（＄100）可自由配搭，
唇膏筒同胭脂粉盒襯埋一set又得，
每支唇膏芯都刻有花紋，好精緻架！

唇膏成份有荷荷巴油、白百合精華、
薰衣草油、橙花水、糙米胚芽油，
質地好潤身，搽上咀好滑、好順，
就算唔搽潤唇膏打底都冇問題，
效果令令地好有光澤感，唇紋都冇咁現。

Baby pink比人感覺會sweet啲、cute啲。

鮮橙色好有春天氣息，好fresh嘅感覺。

玫瑰紅顯色度好高，有啲令嘅效果，
感覺會soft啲唔會好誇張，
如果未搽過sharp色唇膏又想嘗試下嘅朋友，
不妨試試呢個顏色！

除咗彩妝產品之外，指甲油嘅顏色都好有春天feel，
其中兩款仲有閃粉，可以自己mix and match！

甲油質地少少杰身，但顏色好透薄，想實色啲可以搽多兩層。

珍珠白色帶少少幻彩，襯粉紅幼閃粉最perfect！
藍色閃粉粒較大較明顯，可以全隻指甲或局部畫pattern。

最愛呢個印有知更鳥圖案嘅彩珠蜜粉粉盒（＄360），
四種粉色小圓球包括粉藍、純白、粉紅同淺黃色，
混合使用有助提亮膚色。
隨盒附送粉撲，有需要亦可以配埋蜜粉掃（＄250）。

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup