仲有一個星期就新年啦!
唔知大家辦好年貨未呢?
除左買定啲糖果俾朋友上嚟拜年之外,
我就好鐘意買啲鮮花同揮春裝飾下家居應下節~
正所謂好話唔怕多~新年痴多幾張都無所謂啦!

買揮春就買得多,做就真係未試過~
今次我地會試下做一張福字刺繡揮春~
實行迎春接福!

呢張就係我自己做嘅福字揮春,
真係一針針刺繡出嚟嫁!
係咪好靚好特別呢~
呢種平面剌繡係新興玩意羊毛氈~
羊毛氈其實好多變化,可以做到好多唔造型嘅手作仔~
嚟緊我地都會介紹其他羊毛氈做嘅作品~
大家可以繼續留意啦!

咁介紹返今次需要用嘅工具材料~
首先要準備一張福字草稿,
不織布兩塊(購自文具店)
紅繩(大約12cm)
羊毛,海綿,氈針,水溶紙
(購自羊毛氈材料店手作仔)
地址:深水埗西九龍中心7樓蘋果商場7070號鋪

上圖分別是3針筆型工具和單針工具,
3針筆形工具使用方便舒適,
製作速度加快之餘,落針更平均, 製作出嚟嘅毛氈作品更加平滑,
針頭每邊兩個倒鈎可加快氈化,
係今次必備的工具！

水溶性複印紙

水溶性複印紙專門用於製作羊毛氈刺繡~
可以直接把羊毛刺在水溶性複印紙上,
由於是水溶性,完成後用清水洗洗就會溶~
十分方便~

而加介紹完啲材料等我教下大家點整啦!

Step1:
先把水溶紙放在預先準備好的福字上複印

Step2:
將畫好嘅福字利用大頭針釘上紅色不織布上

Step3:
利用氈針把黑色羊毛刺上福字內框

*小tips:可以先逐少把羊毛圍住福字邊刺上,會比較容易把邊緣修飾漂亮

Step4:
完成刺繡後,將適量的水倒在福字上,水溶紙隨即溶掉

*小tips:可用手指在褔字上揉搓,加速水溶紙溶化

Step5:
把兩塊不織布縫上,記得要將掛繩打結位置都縫在不織布內~

靚靚嘅福字揮春咁就完成啦!
係咪好簡單呢~
大家都快啲自己DIY獨一無二嘅賀年揮春啦!

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup