之前實在太忙了,好耐無同大家分享最近常用產品.
直到新年有幾日假期,可以安安靜靜在家中寫blog.
上年開始,一路不太喜歡搽唇膏嘅我(尤其鮮色),
一反常態,無鮮色唇膏不歡,仲要係鮮橙,紅,粉紅.
為咗方便出街襯不同嘅造型,自己都有一點私家唇膏盒.
裡面有28隻色由潤唇膏,nude色至不同鮮紅色都有,睇見都開心.
當中有一隻顏色,每次搽一定有人問係咩牌子.
就係盒內右下角尾2紅色唇膏,
初時有幾個朋友問,我都話唔記得.
可能係Chanel, Burberry或者M.A.C卦…….
由於實在太多人問,於是返屋企check check.
原來係RMK 07Red唇膏,紅色唇膏好難揀.
正宗紅色,顏色超靚.
質地夠厚夠實又潤,但又不太令身,唔會現唇紋,搽後面色會白淨d tim.
搽實色唇膏又點少得唇掃呢,要易掃,帶出街細細枝方便,
我就揀左chanel呢根creamy eye shadow brush,
無寫錯,係隨盒附上嘅小掃子.
掃頭斜位搽唇山位好fit,仲好掃過一d大枝唇掃.
早前搭地鐵見到玻璃反射見到自己,
見到自己面珠開始鬆弛,
唉…好唔開心!!
太忙又無得間去做facial,唯有每日勤力d做吓機.
而家每晚用Ya-Man Facercise Up機,用拍打按摩方式令面部肌肉做運動,
除此之外,可以令面部血液循環,面色紅潤d.
佢有3個速度,就梗係集中面珠至腮位地方la.
做左幾次,覺得d肉實左firm左,
但唔係好似做完射頻嗰隻firm,好似幫面做完運動咁.
除左面之外,用來揼骨都好舒服,
力度頸部淋巴位,膊頭什至頭頂都得
頭頂按摩都唔錯.
就算化妝後用都無問題.
留意開我個blog都知道我好like玫瑰味product,
Fresh嘅product相信大家唔會陌生,
今次介紹呢枝Rose Hydrating Gel Cream,
適合中至油性皮膚,質地好清爽快吸收,用後皮膚滑滑.
夠潤但不油膩,無咁易出面油.
有soothing功效,好似我呢嘅容易敏感嘅皮膚就啱晒.
除咗面部護理外,腳部都好緊要.
上年去咗半用月歐遊後,可能着涼鞋行路行得多,
後腳踭變得很乾,粗糙.去美甲店修腳都覺得粗’鞋’,
瞓覺時成日刮到床單,好彩我d床單唔係絲質,
係就刮爛床單,心痛死.
用咗1個月Mentholatum Foot cream＄119,內附專用護跟襪.
日本製造,除腳踭外,手踭,膝頭等極乾部份都ok.
含有20%高濃度尿素,維化命E,乳酸等成份.
質地較厚身,需要按耐一點才可完全吸收,
吸收後不算太黏身,再着護跟襪.
搽左10日後真係滑咗好多,唔再刮床單,正!
不過對護跟襪有d緊(我35號腳),腳比較大的可能着唔到喇.
最後就係3ce閃閃甲油,有我最愛玫瑰金加粉紅色閃粉.
無論單搽或on top加一樣咁靚又易襯,
加上喺韓國買$30唔駛就有一枝,買多幾枝都唔肉痛.
|
