我鐘意香水相信好多人都知,
原來唔只我鐘意儲香水,Workshop嘅同事都好鐘意嫁!
所以話香水有毒真係無錯嫁!
工作之餘我地又多個話題可以講啦!
今次就由Joan幫我地介紹下之前收到嘅香水啦!
我覺得每個人都有自己一種獨特嘅香味,
塗香水就好似自己第二層皮膚咁,
揀啱一支香水仲可以代表到自己添!
我自己就好鐘意甜花香味,唔知大家又鐘意咩味道呢?
而加等我介紹下啲香水,大家睇下有冇啱心水啦!
Burberry Brit Rhythm Women 90ml $890
由樽身開始講起啦!Burberry大部分嘅香水樽都係方形設計,
但係pattern上每次都令人眼前一亮,
今次嘅玻璃樽身做左長條界花,做返Burberry嘅傳統方格圖案,
而呢支香水個味道有啲似BB爽身粉味,
又帶淡淡薰衣草花香,
可能基調味道木質反而減少左橙花的甜膩!
香水味道唔太少女又唔算好女人味,反而我覺得比較中性!前調：英國薰衣草，粉红胡椒，橙花
中調：鳶尾，黑莓葉，橙花，Petalia成分
基調：香根草，麝香，充滿活力的木質香調
ck one RED男士淡香水香氛 100ml $490
而CK今次嘅樽身都係同CK one好似,
係顏色方面用左大膽嘅紅色,
帶出左好強烈嘅型格感覺!
香調方面呢支香水同平時CK一貫海洋運動風格好唔同,
平時CK香水比較清新,
ck one RED for him個前調有梨子,有好輕嘅甜味,
而中調有一陣陣麂皮味,香調好特別!
前調: 紅色梨子
中調: 麂皮
基調:岩蘭草
ck one RED女士淡香水香氛 100ml $490
ck one RED for her呢支個味又係好特別,
用左清新嘅西瓜配白麝香,
淡淡果香加上花香!
比人感覺好性感,大家伴侶約會可以考慮下呢隻啦!
前調: 西瓜
中調: 花香
基調:麝香
L’Occitane Red Cherry Eau Intense 50ml $500
L’Occitane今次個樽身又係做得好靚,
用左紅色漸變,俾人一眼望落去嘅感覺就已經好Sweet好果香,
而個味道不出我所料好重果香好甜,我好鐘意,
適合春夏天用,
噴左兩下就好似俾櫻桃包圍住咁!
如果大家鐘意甜香水都可以考慮下呢支啦!
前調：檸檬、柑橙、黑醋栗
中調：野生鈴蘭、紅櫻桃、覆盆莓
基調：白麝香、香水草、橄欖木
L’Occitane Red Cherry Fragrance Touch 15ml $210
呢支係香氛啫喱，含蜂蠟及來自普羅旺斯呂貝隆的櫻桃精華，
方便攜帶，隨時都可以補到甜美的香味。
如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup
