上一次同大家分享左一啲尊貴品牌嘅Skin Care，
今次就同大家介紹一啲for敏感皮膚嘅朋友用啦!
佢地主要都係用咗天然嘅成分，
如果皮膚比較敏感嘅人，都可以試下以下嘅品牌產品。

今次收到L’OCCITANE最新嘅蠟菊亮白系列Skin Care,
佢嘅成分都係純天然,所以開封後3個月就要用哂啦!
今次最新系列其中選用左兩種擁有卓越護膚功效的花朵,
就係IMMORTELLE蠟菊同BELLIS PERENNIS雛菊!
蠟菊係科西嘉島生長嘅植物,
即使採摘後都唔會凋謝!
可以高效抗衰老,而雛菊有助明亮膚色!

蠟菊亮白雙效眼霜
Eye Care & Mask Duo Brightening Correction $390 / 15ml

呢隻眼霜係啫喱乳霜狀,
可以每日當眼霜用,又或者厚敷當作急救修護眼膜!
質地好清爽,好快吸收哂,
而且有特製金屬按摩頭,
可以幫助眼霜吸收之餘,按摩頭冰冰涼仲有助減輕眼部浮腫!

主要成分:有機蠟菊精華油、雛菊精華、草本亮白注氧因子、咖啡因、甘油
可以增加膠原蛋白製造,抑制黑色素,有助減退黑眼圈,保濕同時發揮舒緩功效。

(新配方)蠟菊亮白淡斑精華露
Immortelle Brightening Essence $530 / 30ml

呢隻精華露質地好水,
一推開就滲入皮膚底層,
雖然佢係淡斑精華,
但都Feel到佢有保濕嘅功效，
而味道就帶淡淡花味。

主要成分:有機蠟菊精華油、雛菊精華、維他命C、冬青葉精華、草本亮白注氧因子
蘊含更高濃度的活性分子,發揮高效亮白功能,預防黑色素沉澱,淡化各類型色斑。

之前去咗fresh嘅新品發佈會，見識到唔同成份和功效。
佢地嘅Product係用天然成份製造，
全部都可以食用，
敏感皮膚嘅人都啱用嫁!
今次嘅Product以蓮花為主，
同其他天然成份，
大家可以睇下有咩功效先啦。

今次嘅Product加入左Super 7全效複合成分同7種高效護膚成分，
包括睡蓮、藍綠藻、洛神花、無花果萃取、
維他命C、維他命E、植物甘油，
全面提升保濕、亮白和防護效果。

睡蓮含豐富多酚成分，高效抗氧化，能有效抵抗自由基，預防皺紋形成。

洛神花茶就飲得多啦，
用嚟做skincare成分都得！
洛神花萃取促進透明質酸形成，令皮膚保持水嫩。

無花果萃取含果膠和糖分，有助保持肌膚水份。

維他命C高效抗氧化，促進膠原蛋白形成。