又到每月好物雷品分享時間！
今次workshop同事們又有好介紹，
仲有雷品分享以免大家中招！
快啲睇下啦∼
好物
Irene:
Philosophy
The Microdelivery Peel (約$600)
呢個可以話係我深層清潔嘅至愛，
係Philosophy未回歸香港之前，已經用緊，
仲特登上網或託朋友買，
呢罐已經係第三罐又用到落底喇，
所以真係無佢唔得！
佢究竟有咩好呢？
佢一set有兩支嘢，一罐係維生素 C 磨砂膏，
另一支就係乳酸/水楊酸活膚凝膠，
首先個磨砂膏用嘅時間有一陣柑橘香味，
用嘅時候非常舒服，
輕輕搽一層係面，但唔係駛磨住，
之後再用支水楊酸乳化gel，
再慢慢打圈按摩，
原本黃色嘅磨砂粒粒就會開始乳化成白色泡沫，
按1-2分鐘左右就得喇！
用完之後，塊面真係超滑，
同埋面上嘅黑頭粉刺，都會改善到。
但佢始終有水楊酸成份，所以一星期用一次就夠。
而且皮膚薄、極乾同敏感皮膚就唔建議使用喇！
Joan:
Guinot
Correcteur Pur Equilire (價錢數百元)
話說我成日出粒粒暗瘡,
我表姐就係美容院買左呢支暗瘡膏俾我用,
上網一check佢係屬於暗瘡遮瑕膏而且有藥用成分~
可遮瑕而且改善暗瘡,
我通常夜晚冼哂面就搽一層訓,
用左佢第二朝暗瘡位就會結焦謝左!超work啊!
如果平時出街我就會係暗瘡位打底當埋遮瑕~
但唔建議上粉底,始終化妝品都會焗住瘡瘡,
而且結焦位置容易甩皮搞到cake粉~
大家忍忍身甩焦後暗瘡位就好返~
再化靚妝都唔遲啦!
雖然幾百蚊咁細支好似有啲貴,但用量少而且勁work~
我呢支都用左年幾~其實幾抵用!
Karen:
Clariti one day $230-$240/box
相信好多人都好似我咁有戴隱形眼鏡嘅習慣，
貪靚貪方便又唔敢做激光矯視，
之前試過一戴隱形眼鏡就覺得有嘢“吉”住咁，
最初以為隻con爛咗崩咗或者自己唔夠訓先會覺得唔舒服，
但呢個情況持續都係咁，
睇醫生先知原來係因為長時間戴con，
搞到隻眼太乾，角膜發炎，
結果停戴咗差唔多半年等眼睛復元。
日日要戴住眼鏡返工去街，
果段日子真係好難捱。
未“出事”之前我係習慣戴2 weeks嘅，
之後朋友介紹咗Clarity one day比我，
呢個係矽水凝膠隱形眼鏡，
透氧度同含水量高，長時間戴都適合。
試過太累戴住訓咗覺，起身果陣都唔會好似以前咁乾到甩con。
而家差唔多日日戴con都冇問題！
因為係矽水凝膠質地，
冇咁薄身唔會咁易爛，
而且質地柔軟，唔會戴得唔舒服。
一盒15對，除番開都唔算平，
但係1 day 咁方便，
最緊要係戴得舒服，
所以我覺得付出多少少都係值嘅!
Jellia:
Visee 眼影 $108 (購自日本)
呢個眼影真係好鍾意，
一盒有5隻色，超抵用!
眼影顏色顯色度高，
(上圖係搽咗一層嘅眼影色)
1,2號色可以做眼頭顏色，
1號係珍珠色而2號係帶有閃粉，
一般我會用1號色，比較自然，
但如果想要Bling Bling效果就用2號色啦~
至於3,4,5號色就可以自由配，
我就成日用3同5號色，
3號色會搽係眼窩位，
至於深色就當眼線畫。
百幾蚊已經有一盒5色眼影仲幾好用，
真係幾抵呀~
雷品
Irene:
too cool for school
Egg Mousse Pack (約$100)
呢款泡沫面膜，
功能寫住可以利用無味唔刺激肌膚嘅二氧化碳，
將蛋白同蛋黃嘅滋養成份導入肌膚，
可以令肌膚變得好似雞蛋咁白滑水潤！
初頭係韓國見到支Mask好似好勁咁，
就貪得意買咗嚟試，
但試咗幾次，就知道佢無咩特別。
首先吱出嚟係好大陣香料味，
並唔係佢所講嘅無味。
厚厚敷完後，塊面係滑咗少少，
但唔算好特別，同埋皮膚會有少少緊緊地，
所以乾皮膚用就會覺得乾。
Joan:
Pure Smile
Kiwi point pads ($1x)
呢包面膜初初買返嚟真係貪得意又平,
仲有好多款水果圖案添,
而且成分有Vitamin-E,Hyaluronic acid,Colllagen都幾吸引!
話明Points Pads size大小就唔評論啦!
但一攞出嚟就已經乾乾地無咩水分,
敷一陣就乾哂甩返出嚟,
敷左好似冇敷咁,
完全無補水感覺,敷左嘅地方仲好似蜜糖咁笠痴痴!
除左外表得意啲同埋每款都有返果款水果味道外,
功效上真係一啲都討好!
Karen:
Motex雙眼皮膠紙 $2x (購自淘寶)
之前聽朋友講話有化妝師介紹一隻膚色嘅雙眼皮膠紙好好用，
痴咗唔覺眼又易用。
咁我就諗住試下啦，
於是就淘咗呢卷膠紙返嚟。
佢算薄身，有啲透光咁，
對我嚟講成卷咁剪真係好麻煩，
好難度到一個好fit嘅size,
剪到又粗又幼唔balance，
差少少又要再剪多條。
膠紙嘅顏色偏深，未必可以個個都啱用，
我貼完一眨眼就會見到好明顯見到條膠紙，
咁明顯貼咗膠紙真係幾肉酸！
所以試咗一次之後都冇再用。
Jellia:
Pro Base Coat $12
呢支指甲底油用過2次都一樣，
比指甲油更難乾…
起初見到佢個包裝都好似唔錯咁，
所以就買咗佢嚟用!
(購自12蚊店)
另外，唸住指甲底油應該買邊隻都無所謂，
點知原來唔係嘅…
如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup
| 
