各位準新娘搵好適合自已嘅婚紗、飾物，
但又揀唔啱對靚靚高踭鞋？
唔駛怕！
今日會同大家分幾個牌子同款式俾大家參考吓，
俾啲ideas你啦！

講得婚鞋，第一時間就諗起

Manolo Blahnik
佢哋手工同設計，可以講係鞋王之中嘅鞋王，
鍾意高踭鞋嘅你，絕對無理由無聽過呢個大名，
就算無聽過，見到以下sex and the city一幕會唔會有啲印象呢？
 

呢對就係劇中男主角向Carrie Bradshaw求婚，
手中拎住嘅高踭鞋喇！
Manolo Blahnik係劇中每一季女主角，
都會出現嘅品牌嚟㗎！

而呢款sighture閃石方鑽鞋，
可以係唔少新娘子嘅夢幻婚鞋。
不過就係因為呢幕，
對鞋由原本500幾美金已經漲價到900-1000美金不等！

就連之前好hit嘅電影Twilight，
裡面女主角Bella都係著住Manolo Blahnik結婚㗎。

除咗以上兩款特別推介外，
佢其他款式都好靚，好特別架！

Brian Atwood

原本呢個品牌只係出fashion style嘅款式，
但由上年開始就推出咗Bridal collection喇！
搞到一眾fans非常開心呀！
而佢bridal collection，
比其他品牌嘅婚鞋design特別，
除咗有standard classic款色外，

仲有其他好獨特style，
令你整個造型都有畫龍點靖效果呀！

而云云咁多款裡面，
我最情有獨鍾就係以下呢款喇！

首先佢鞋嘅鞋踭設計傾斜角度，著起上嚟，
會令到雙腿線條都好修長突出，
而且露出個腳背,腳踝位,感覺真係非常sexy呀，
加上有bling bling閃石踭同花花襯托，
著住影Pre wedding真係無敵呀！

Jimmy Choo

Jimmy Choo可以話係廣大新娘子嘅首選之一，
款色多而且穩震，
由簡簡單單到誇張少少嘅款都有，
我有幾個朋友都係著佢結婚架！

而近期最紅就莫過於呢對"千頌伊"高踭鞋，

呢款Abel glitter pointed pump銀色款，
襯晚裝真係無得頂，
但可惜呢對都因全知賢效應，賣斷市一段時段喇！

Badgley Mischka

如果大家budget上唔係太多的話，可以考慮吓呢一個牌呀。
Badgley Mischka佢係一個婚紗禮服嘅牌子，
普通cocktail dress到婚紗都有，
連鞋袋、accessories都有得俾你揀埋。

而價錢都算好平民，平均1000-3000都有交易，
如果大家咁啱撞到佢slaes，就真係執到寶喇！
因為好多時都會低至半價清貨，一千蚊有找就執到對鞋，
真係諗起都開心呀！

而花花系列，就係最受歡迎嘅款式，
感覺非常elegant同romantic。

唔知大家有無少少頭緒呢？
不過畢竟結婚係一生一次，
買好少少，對自己好啲，有對靚鞋同你走過人生重要時刻，
所以絕對唔可以慳呀！

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup