你仲做緊鄭多燕？做到出晒汗都好似減得少少？
不如試下日本人氣骨盆操。

就咁聽個名好似有啲恐怖，
可能你會話：下，骨喎！可大可小喎！可以點做？
唔使驚住，等我地介紹一下究竟咩係骨盆操啦。

骨盆操係由日本一位研究針疚美容既醫學者所開創，
佢認為宜家太多人為左瘦身而去試好多極端方法，
最後令到身體出現毛病，係本末倒置。
所以佢就諗可唔可有一種瘦身同時健康既方法，
然後根據佢幫人診症既經驗同試驗情況而創立左呢個獨特方法喇！

咁點解究竟做骨盆操可以減到肥呢？
因為有研究結果指出，骨盆位置對身體係好重要。
如果骨盆歪斜或者變形，那就會導致下半身肥胖，
而骨盆錯位仲會導致下腹既內臟受到壓迫，
咁身體既排泄同代謝功能就唔可以正常進行，
所以導致肥胖喇！

骨盆操係根據 3 個要點去做：
1. 調整骨盆和肋骨內臟至正常位置
2. 透過按壓小腹各穴位，消除不良症狀，促進新陳代謝。
3. 改善飲食習慣

一開始可以先試 1 – 2 樣，
之後就要持之以恆咁去做晒全部架喇。

減肥最忌就係無恆心，
大家要努力呀！

 宜家就教教你最簡單既「平躺瘦身法」，
夜晚做完去訓覺，簡單方便。

首先，我地要準備一個布枕。
布枕造法：用條大浴巾／2-3條小浴巾卷起黎，用繩綁實。

之後我地要係地板挺直身子坐低，
（記得唔可以訓係床做，
因為張床凹凹凸凸又有彈力，
咁樣做唔到理想效果架！）
將布枕放係身後臀部位置，
然後按住布枕兩邊，慢慢訓低，
訓低後檢查一下布枕係唔係肚臍對落個位。

跟住放鬆身體，雙腳打開，
但雙腳拇指要掂住，呈八字形；
雙手舉高過頭，手掌貼地，
手指尾掂手指尾，維持5分鐘。

做緊既時候，全身會拉直晒，
腰部就因為攝左布枕而拱起，
你會feel到個肚仔會扯住咁，
只要放鬆身體，正常呼吸就OK！

 第一次做可能未習慣，
如果太攰，可以打開返雙腳同雙手。
之後做可以逐漸加1-2分鐘，
等身體慢慢習慣。

而起身時都要注意架！
先要轉側身，用向上既一隻手撐起上半身，
再以另一隻手撐起身體。
咁就唔會拉傷喇。

女仔一到每個月果幾日，條腰可能會酸酸痛痛，
做左呢個運動，感覺大有改善，條腰舒展左好多。

呢個動作主要改善腰部線條，
最厲害係有人可以減到 6-7cm架！

下星期再教教大家其他動作，
記得每日都做一做，
然後留意我地下一次既分享啦！

（部分相片：互聯網）

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

（版權所有，未經同意不得轉載。）