6/ 付運費 -> 收出貨email -> 等收貨
(只要追蹤返出單no.就可以隨時睇到件貨去到邊啦！)

第一個要介紹既係「Jshoppers」，
呢個係我最常用既集運網，
原因就係一個字－平！

佢地係用順豐速運，相信淘寶既朋友都非常熟悉，
佢地既運費比EMS或者其他運送方法平，
而且一星期內一定送到，
又可以揀直接送到屋企或者到門市自取。

不過，最近Jshoppers多人用左，
登錄訂單既速度足足要delay 9日，
即係當佢地今日收到你件貨，
要9日後先會通知你件貨到左倉，
同埋話知你運費係幾多。

直接轉送通常你比左錢之後既一個工作天就會寄出，
所以都算ok快，如果係急件當然就唔建議用佢地。

要集合捆綁就會delay 8日，夾夾埋埋都成十幾日架，
要自己衡量，想快定想平，
我自己就唔mind遲啲，所以暫時都係用Jshoppers比較多。

第二個要介紹既係「御用聞き屋」
呢個集運網相對比較少人識，
我覺得佢地既服務態度好好，
收貨通知同發貨出度都好快。

佢地既手續費都唔係太貴，
如果要重新捆綁所有唔同店舖既貨品，
甚至想佢地幫手將貨品輕量化，
都係完全唔使另外收費，
而貨品最耐可以寄存喺倉庫一個月。

呢個係我之前訂貨既email，
佢地另一個好處係會問你想以咩方式郵寄，
如果貨品唔係太大件可以以小形包裝寄就一定最平，
用船便就太慢，起碼兩星期先到，
EMS最快但就最貴。

有時佢地都會做折扣優惠，
好似我上次咁，係做半價！！！

如果唔係太急件，
都可以留意住佢地有無做promo先買野，
有既話真係抵上加抵架！

第三個就係同樂天網站經常合作推出優惠既「TENSO」，
相信有用過樂天既朋友都可能試過佢地既轉送服務。
 

雖然佢地好多人認識，有唔少人用，
團隊亦比較大，物流速度比較快，
但係佢地既收費就無其他果兩間咁平，
當然，同樂天聯同做promo有折扣都係ok既！

佢地既手續費係因應運費而作調整，並唔係劃一收費，
所以整體費用會比其他公司貴，
另外佢地既集運捆綁費用係需要另外收費。

如果2個要加500yen，其實都幾貴，
尤其係衣服都幾重，加埋加埋就好快過左budget架喇！

如果急件既話，我會揀佢，
因為佢地既收件發貨會快啲，
但一般普通貨品，我都會寧願揀間平啲既。

如果大家喺訂購上有咩疑難，都歡迎留言詢問，
基本上淘寶、集運等等訂過一次就會明白成個流程。
我今個月都已經訂左幾轉喇！
一來聖誕節比藉口自己買野，二來日本果邊已經開始做sale，
仲開始可以預訂福袋添！

其實大家唔怕麻煩，盡量自己訂就最抵最優惠，
希望幫到想online shopping既你地啦！

如欲取得更多第一手美容及扮靚資訊
可瀏覽Girls Talk Main Blog：
Girlstalk Blog
或 Like我們的Facebook專頁：
Janice Lam Makeup Workshop Facebook

（版權所有，未經同意不得轉載。)