平時粉底液同粉餅我地都介紹唔少，
不過碎粉就較少介紹，
因為各大品牌都未必季季會出新碎粉，
不過大家唔好以為揀碎粉唔重要呀，
要打造一個透薄持久底妝，
碎粉既角色就好重要啦∼
今次我地就挑選左6款碎粉試用。
究竟碎粉有咩作用？
其實佢就係用黎定妝，令粉底同遮瑕膏無咁易甩。
亦可以修飾皮膚，令肌膚睇落滑D添。
而碎粉主要唔係作遮瑕用途，
所以會比平時用開既two way cake更加透薄，遮瑕力較低。
市面上咁多碎粉應該點揀呢？
皮膚乾既朋友就可以揀令身質地（帶有珠光既碎粉），
可以令樣膚望落更加有光澤，
而皮膚油既朋友就可以揀matte質地，
啞緻既碎粉就唔會比人覺得太油令既感覺啦！
今次分別一邊面會剩係搽完base上碎粉，
另一面就會上左粉底再上碎粉既效果，
測試下究竟佢出黎係咩效果，有無coverage先∼

IPSA PURE LOOSE POWDER EX 2 $360/15g

IPSA呢款碎粉分別有兩款配方(EX1清爽/EX2保濕)，
以大小不一的彈性粉狀粒子，遮蓋毛孔及平滑肌面，
保持妝效持久不脫。

呢款碎粉十分幼滑，一撕開張膠紙就好像有層霧咁飄出黎，
顏色偏黃tone，都幾岩我膚色，
顏色好自然，粉感唔會太重，
有少少修飾到膚色既效果，亦都遮到毛孔。
入面有超幼細既珍珠粒子，但係唔會太閃，
皮膚有好自然既光澤感但唔會太令身。

幼滑度：★★★★☆
自然度：★★★★☆
遮瑕度：★★☆☆☆
光澤度：★★★☆☆

ALBLANC moist white loose powder HK$380/15g 全2色

佢可以防止妝容脫落及泛油問題，
長時間保持明亮有透明感的「潤白美肌」妝容蜜粉。
呢款係有自然光澤感既碎粉，有高度防汗及皮脂功能，
入面仲有亮白粉體令肌膚防止暗啞，
洋甘菊精華、透明質酸可以幫肌膚保濕∼

呢款碎粉質地一樣好幼滑，
妝感都算透薄，都有少少coverage，
入面有較強既閃粉，
皮膚暗啞既朋友就可以試下呢款啦∼

幼滑度：★★★★☆
自然度：★★★☆☆
遮瑕度：★★☆☆☆
光澤度：★★★★☆

 入面蘊含左3種不同既粉末：

純白粉末 – 遮蓋暗啞肌膚，煥發明亮剔透膚色
柔焦效果粉末 – 撫平細紋，令肌膚煥發光彩
粟粉啞緻粉末 – 強效吸收多餘油脂，令肌膚無油啞緻

 

呢個包裝入面有塊鏡，帶出街補妝就好方便啦∼

 

原本試韓國牌子既碎粉我都以為會好閃，
不過呢款就無閃粉，效果好matte,
未至於完全透明，可以修飾到膚色暗啞同泛紅位置，
亦令毛孔睇落無咁明顯。

幼滑度：★★★☆☆
自然度：★★★☆☆
遮瑕度：★★★☆☆
光澤度：☆☆☆☆☆

Lancome blanc expert loose powder $360/20g 共2色（01偏粉，02偏黃）

含活性護膚分子及防曬功效的蜜粉，同時修護及保護肌膚，
讓膚色保持亮麗，白裡透紅。
蜜粉質感輕巧柔軟，即時令肌膚回復亮白剔透，

呢款碎粉望落有少少粉紅色，
但上到面係白色，效果都幾白，
我覺得除非皮膚真係好白，如果唔係都會用唔到佢，
好似我中度膚色既朋友揀02偏黃色既較好，
粉體粒子較大，而且上面有少少乾既感覺，
油性皮膚用就較適合啦∼

幼滑度：★★★☆☆
自然度：★★☆☆☆
遮瑕度：★★☆☆☆
光澤度：★★☆☆☆

Mineral Veil Finishing Powder 9g

呢個定妝粉有吸走油分既功能，同時可以遮蓋幼紋同收細毛孔。

 

佢入面有個蓋，可以控制倒出黎既份量，唔怕倒得太多，值得一讚！

 

呢款碎粉算好幼細，拍左兩層上面都唔覺得太乾，
上到面都好貼薄，效果好透明，
定妝效果幾好，無帶閃粉，
上完覺得塊面好滑。

幼滑度：★★★★☆
自然度：★★★★☆
遮瑕度：★☆☆☆☆
光澤度：☆☆☆☆☆

 

 translucent powder $238/4g

 

 

呢款碎粉打開係支纖維掃，支掃都算幾滑，掃掃下啲粉就會自動出黎，帶出街補妝都好方便。

 

呢個係咁多款之中最滑最透明，
唔會覺得好乾，都遮到乾紋毛孔，
全面上都唔覺得太白，
如容易出油既朋友可以係T字位同下巴位加多少少，
有助控油。

幼滑度：★★★★★
自然度：★★★★☆
遮瑕度：★☆☆☆☆
光澤度：☆☆☆☆☆