好多朋友都鐘意睇底妝產品既介紹，
我地定時都會挑選幾款底妝產品試用，
睇下會唔會發掘到驚喜產品，
今次將會就揀左幾款cushion同粉餅試比大家睇,
大家都根據自己既需要去選擇啦！
innisfree Long wear cushion SPF 50 PA+++ 15g
佢唔算係新品，不過佢呢個唔同包裝係限量版黎架∼
佢具有強力抗汗防油既SweatProof效果，
含有持久複合體成分可以令肌膚在濕熱既天氣下都唔會脫妝，
仲含有控油粉末，令膚色明亮不暗沉。
禁落去唔算太濕，質地較透薄。
呢個long wear字眼既cushion通常都會較乾，
效果會較持久，
不過我混合偏乾皮膚用都唔算覺得好乾,
都feel到水潤。
一般cushion比我既感覺都係好強光澤感，
呢款搽完皮膚會有少少自然光澤但唔算太強，
唔洗驚皮膚會太油令。
印一層都可以做到均勻膚色既效果，
感覺較爽身唔會太笠。
手背上眉筆痕跡未完全遮到，
但都遮到一半以上。
遮瑕度中等，
適合喜歡透薄裸妝既朋友。
遮瑕度：★★★☆☆
透薄度：★★★☆☆
光澤度：★★☆☆☆
適合：油性、混合性肌膚
back to sixteen BB cushion SPF 50 PA+++ $179/14g
呢個品牌對於大家黎講可能好新，
原來佢都係dreamskin旗下既品牌,
連韓國頂級皮膚科醫院院長李周赫醫生都推薦，
品牌以天然健康食材為主要成份，
幫肌膚注入最天然既護膚營養。
佢仲有寫埋EXP DATE呢點好值得讚，
唔係個個brand都有列明架∼
一禁落去都算多份量，好濕潤。
光澤感算係咁多款之中最強。
呢個cushion含有鬱陵島1500M海洋深層水、透明質酸、蘆薈、
蜂膠、橄欖油、熊果素等，
有美白、保濕既效果，內含珍珠粉同姐寶石粉等矜貴成份，
有效折射光線，令膚色均勻有光澤，
亦有SPF 50 PA+++既防曬效果。
手背上眉筆痕跡差唔多遮得曬∼
呢款Cushion一上面會覺得白左少少，
皮膚吸收左之後就無咁白，
感覺都幾滋潤，比較岩乾性既肌膚用，
之後要上番碎粉定妝就會持久啲，
遮瑕度唔錯，
光澤感強，肌膚暗啞既朋友都可以試下啦∼
遮瑕度：★★★★☆
透薄度：★★☆☆☆
光澤度：★★★★☆
售賣點：屈臣氏
適合：乾至中性肌膚
L’oreal 光透水潤氣墊粉底 ＄199（全2色）
平時開價品牌比我既感覺佢既質素同大品牌都有得比，
但個包裝總係差少少…
今次L’oreal呢個氣墊粉底既包裝就比到少少驚喜我啦，
係好靚既玫瑰金呀！感覺都幾高貴。
今次佢就分別出左兩隻色，
包括R2粉色系(適合白哲肌）
N3亮肌色（適合自然肌）
入面係富有光感既粉底液，可以即時帶黎光感既效果，
令輪廓更加立體，亦含有精華水成分，令肌膚更加水潤亮澤。
佢個氣墊密度低啲，禁落去都好濕潤，
手背上眉筆痕跡都遮到大部分
呢款質地較透薄，無咁厚身，
遮瑕度中等，鼻翼泛紅位要印兩層先遮到，
感覺好潤，但唔算好笠身，
光澤感較強，可以係T-tone位置印多少少，
輪廓就更加立體啦！
遮瑕度：★★★☆☆
透薄度：★★★★☆
光澤度：★★★★☆
適合：乾至中性肌膚
| 
