 呢排真係終於覺得有少少涼啦！
身邊既朋友都開始有皮膚敏感既情況出現，
如果皮膚覺得太乾燥都好易敏感架！
如果唔想乾紋暴現，夏天用開既skin care就要換一換啦！
本身皮膚好乾，搽toner好快就會吸乾，
可能未必好夠補水架！
大家就可以留意我以下既介紹啦∼
望落似toner，其實係水狀既護膚精華黎架，
搽完會令肌膚更加補水同滋潤。
 好多朋友都有問過，
點解搽左好潤既cream都好似唔吸收咁呢？
其實皮膚就好似海綿一樣，
如果舊海綿乾得濟，就算掉佢落水池都唔會太吸水！
所以大家呢個時候就可以用呢類既護膚精華幫下手啦！
先為肌膚底層補下水，之後再搽既護膚品都會更加吸收∼
呢類護膚精華除左可用作平常護膚步驟外，
遇上皮膚太乾，亦可以作即時急救使用，
將佢地倒落cotton敷一陣，
有即時既補水效果架！
而另一用法就可以將精華配合而家好流行既導入機使用，
用埋導入機加上按摩動作就可以令treatment lotion更加吸收啦！
 SK-II facial treatment essence
SK－II既神仙水大家都知有幾出名啦！
身邊有好多朋友都係粉絲∼
佢係皇牌試品，呢個精膚精華含有超過90% Pitera成份，
可以去除面上老化角質，
令皮膚望落更加晶瑩剔透有光澤。
呢支神仙水稱為護膚精華，
其實佢都可以當係爽膚水咁用，
質地好水狀，滲透力非常高，
吸收完之後唔覺得笠，但皮膚就有飲飽水既效果！
平時要妝前急救，我都會倒落cotton敷一陣再上妝就好貼啦∼
缺水既皮膚就好岩用啦！
 L'elan Vital Time Evolution Facial Treatment Essence $299/130ml
含有80％酵母萃取，海洋膠原蛋白、亮肌配方Chromocare等，
可以令肌膚回復水潤緊緻，平衝水油，
亦可以減淡色斑，均勻提亮膚色。
 屬於gel狀質地既toner, 感覺好滋潤，
吸收速度都好快，吸完好似有層薄膜係面咁，
塊面好滑，有淡淡花香味。
適合乾肌使用。
 GIORGIO ARMANI極致再生精華活膚水 ＄915/150ml
呢支活膚水有超卓既抗衰老活性成分，
含有保濕因子，透明質酸，同甘油，
可以幫肌膚修護，有長達8小時補濕效果，
可以令皮膚均勻有光澤，
不含酒精成份，好溫和∼
 呢支質地比較rich, 好似水感啫喱既感覺，
就好似一支稀身既精華素咁∼
有淡淡桂花味。
 呢個一搽上去既時候，開頭會覺得有少少笠，
不過等一陣吸收左就無笠既感覺啦！
有層好似保濕薄膜係面咁，
望落去有種好滑溜既感覺，
好適合極乾/成熟型既皮膚用呀！
  HABA G lotion $260/180ml
HABA一向主打無添加產品，敏能皮膚都可以放心使用。
呢支保濕水蘊含多種天然成份，可以幫肌膚即時解渴！
入面含有既礦物質及微量元素有助促進新陳代謝同
提升肌膚彈性等。
 質地為水狀，好快吸收，
吸收左之後，感覺好清爽，
用法都係輕輕拍上面就OK，
亦可以將佢倒係面膜紙上，
敷係乾燥部位5-10分鐘，重點護理。
適合中至油性肌使用。
  SASSOU 金箔水漾凝露 $880/60ml
SASSOU主打用珍貴既金箔做成份，
呢支入面就有99.99金箔, 神經酰胺Ceramide,
甘油三酯, 植物固醇等，
佢可以調節膚質回復於正常規律狀態，
令膚質保持整日水潤、嫩滑及通透。
可以平衡油脂分泌、
仲有預防暗瘡、緊緻毛孔同減淡幼紋既功效添∼
  透明既樽身都可以見到入面有好多細細塊既金箔，
唧出黎都會見到有金箔，
不過搽左上面就會吸收曬唔會痴係塊面度架，
唔洗驚會阻礙化妝架！
雖然佢個名叫凝露，不過質感為水狀，
滲透力都好高，
搽完都feel到好補水，感覺較為清爽，
中性至油性肌適用。
 ESTEE LAUDER Micro Essence $780/150ml
呢支Micro Essence微精華原生液係專為亞洲女性研製，
以革命性Bio-Ferment原生賦活科技注入 Micro Essence 之中，
有效令肌膚變得幼嫩有彈性, 亦可有減退幼紋既功效。
 呢支其實係精華水，質感為水狀，
不過佢就用高科技將精華注入水中∼
吸得好快，保濕得黎又好清爽，
拍完上面，乾紋會即時減淡，
無太多budget既朋友都可以試下一啲開架品牌，
都有類似既產品∼
 L'oreal 水清新3合1智慧保濕精華水 ＄139/175ml
含有法國高山泉水，雙種透明質酸同葡萄籽精油，
精華水幻化為無數的爆水珠珠，瞬間釋放高滲透保濕微晶分子，
有化妝水般既保濕力 ，精華般深透滋養力
亦有乳液般既鎖水力 。
 
呢支既質感都係gel狀，
搽上去既感覺都係好似搽緊精華同護膚油既感覺，
有好滋潤既感覺，
都唔會太痴笠笠，
如果成日補夠水都覺得好乾既朋友，
就要補埋油啦！水油平衡先係肌膚最佳狀態∼
適合乾肌使用。
如欲取得更多第一手美容及扮靚資訊
可瀏覽Girls Talk Main Blog： Girlstalk Blog
或 Like我們的Facebook專頁：
Janice Lam Makeup Workshop Facebook
（版權所有，未經同意不得轉載。)
| 
