天氣變得乾燥，敷面膜就變得好重要啦∼
面膜都有好多唔同功效，
例如清潔去角質、保濕、美白、緊緻收毛孔等等。
今日我地幾位同事都會試下幾款唔同功效既面膜啦！
Joan:
極乾膚質，皮膚容易敏感
有紅印，眼圈等問題！
Chirsty:
偏合性偏乾肌，
近期肌膚偏敏感。
Yuki:
T-zone位油，兩邊面頰乾，間中會敏感。
 敷面膜前最重要就係幫自己先清清角質啦！
角質層其實係無用既死皮黎架啦，
如果唔定時清左佢之後用既野就會好難吸收，
就算用幾多好野都無用架∼
逆齡煥膚之選：
 Philosophy / 微導煥膚睡眠修護組合 ＄755
呢個set包括左免沖洗煥膚精華＋嫩膚睡眠啫喱，
蘊含兩大技術可以係晚間溫和同高效地對抗衰老。
第1步：先用免沖洗煥膚精華
含有甘醇酸、乳酸同水楊酸，可以溫和地推動死皮細胞更生，
激活細胞再生， 可以令後續肌膚更加吸收。
 
Christy:
佢入面附有一包cotton,
首先將精華滴係cotton上，
最好整塊都要沾濕。
 然後由內而外抹走角質層∼
 其實呢個產品都係建議清潔好皮膚後，
搽上爽膚水同眼部精華先抹走角質，
本來我都以為我洗面洗得好乾淨，
唔會再抹得出啲咩野，
點知抹完張cotton都係灰灰黃黃，
原來我塊面都幾污漕呀！
最近皮膚都有少少敏感，
如果用太刺激既野我塊面都好易有刺痛感，
不過驚喜地抹完佢都無刺痛感覺。
抹完之後唔洗過水就可以直接敷埋以下個mask啦∼
第2步：嫩膚睡眠啫喱
幫肌膚去左角質之後搽既野就更加吸收啦！
呢個睡眠啫喱含有增強肌膚免疫力既紫錐花精華、
洋甘菊精華同燕麥精華可以幫肌膚減低敏感徵狀，
等你訓教既時候都可以幫肌膚持續保濕同鎮靜，
而入面含有既仿縮氨酸，係強效抗老化劑，可以促進皮膚更生架！
 個質地好得意，好似凝結左既啫喱咁。
 好容易推開，質地好滑，
仲聞到好淡淡清新既青瓜香味，好relax~~~~~
用既份量係比平時搽面霜多一倍份量左右，
性質都好溫和，唔會有刺痛感，
敷完我都覺得帶鎮靜既效果，
都好保濕。
 緊緻抗衰老之選：
 Kate Somerville / Age Arrest Hydrating Firming Mask
革命性TELO-5抗衰老科技可擊退各種衰老問題，
令肌膚保持彈性，
配合埋入面既白色水百合萃取及純正ceramide-3養分，
有助緊緻肌膚，改善彈性，
同時補充水份流失，令到肌膚keep住水潤。
Joan:
  佢�H質地杰身，一推開就是變左右creamy狀，
搽左上面涼涼地，感覺好清涼，
呢隻mask可以唔洗沖洗ovrnight使用，
用完之後好似有層帶油狀�H薄膜保護，
試用左一次雖然明顯�Hfirming就唔覺，但好補濕，
啱哂我極乾人士用呀！
美白之選：
PHYTO-C / Whitening Mask
呢款whitening mask既質地係clay mask咁，
淺灰綠色，滑身，而上面後會慢慢咁乾。
Yuki:
內裡會有微細粒子，上面時可以輕輕打圈，
同時做到深層清潔效用。
敷上面後會feel到涼浸浸，有少少拮拮地，
不過唔係太刺激，敏感皮膚者可先做皮膚測試。
雖然瓶身上寫明要敷40mins，
但我敷到15min左右已經開始乾同出現裂紋，
最後只係敷左20mins左右已經乾透，全面「猛猛緊」。
 用暖水洗淨後，感覺清爽，
皮膚回復幼滑，而且有明顯去黃效果。
鼻頭既黑頭都明顯少左，清潔力都唔錯∼
不過始終呢類mask會較乾，
建議皮膚屬乾性既朋友之後要搽返補濕產品啊！
深層保濕之選：
 L’oreal / Hydrafresh Genius Water-Bursting Mask
 
L’oreal呢隻mask好驚喜，
Gel狀質地一推開就變左水珠，
上左面超冰涼，味道清新，
薄敷左十分鐘後皮膚吸收哂，
薄薄一層膜好似皮膚鎖緊水分，
我呢啲極乾膚質即時水噹噹，仲可以厚敷做sleeping mask！
急救補水之選：
我的美麗日記 / 高滲透玻尿酸面膜
我自己一向都好鍾意美麗日記既天絲纖維布膜，
質地夠厚身唔易整爛，可承載既精華份量亦好多，
即使敷完都仍然有大量精華。
拎出黎時啲精華多到流晒出黎。
呢款高滲透玻尿酸面膜，一聽就知係補水啦，
由於佢既精華係透明水液狀，上面後有機會滴落黎，
不過面膜既貼面度同剪裁大小對我黎講都好好，
敷左20mins後，面膜仍然都好濕，
而面部亦明顯水潤，有大量精華未被吸收，
所以敷後都要按摩或輕拍面部幫助吸收，
吸收後面部清爽水潤，唔會感覺痴笠，
用黎急救補水就最岩！
多功能舒緩面膜之選：
L‘occitane / Creme Masque Divine
含有高效「7源活肌因子」專利配方，
可以保護及修復細包核心，增加肌膚的密度。
入面既薔薇精華同蠟菊精華油可以顯著減褪皺紋，缺水乾紋等。
乳木果油可以深層滋養肌膚，包括極乾肌膚都岩用！
而呢個乳霜面膜最特別既地方佢既係保濕面霜，又可作為面膜使用。
 質地係好rich既cream狀質地，
聞落去有好淡淡既蠟菊香味。
 呢個mask可以大約敷20-30mins就可以去洗，
由於我最近都幾乾，所以都敷厚少少，
一開始敷既時候鼻位有微微吉吉地，
不過過左一陣就無左呢個感覺，
洗完之後效果真係幾驚喜！塊面真係滑左好多，
亦feel到好緊緻，乾紋亦淡左好多，
有少少亮白效果，
會好似有層薄薄既保濕膜係面咁keep住滋潤。
  
如欲取得更多第一手美容及扮靚資訊
可瀏覽Girls Talk Main Blog： Girlstalk Blog
或 Like我們的Facebook專頁：
Janice Lam Makeup Workshop Facebook
（版權所有，未經同意不得轉載。)
| 
