過左個聖誕，
大家都應該洗左唔少錢吃喝玩樂，
月尾窮窮地又想買下野止下癮，
就要睇下同事們介紹啲咩扺買product啦！
Joan:
Heroine Make Volume and curl mascara ($7x)
去到邊都會俾人叫大眼妹，
因為我好鐘意化啲日系大眼妝，
長長眼㫸毛係必須�H！
相信大家對heroine make�Hmascara一啲都唔陌生，
佢�H前身kiss me由做學生已經開始用∼
無論濃密度，Curl都一流，
仲好防水，啱哂眼油眼水多�H人用！
螺旋頭好密又唔會好大，
仲比一般細小小，
好㝓易掃開啲睫毛，
上下睫毛都好輕易搽得靚靚∼
 樽身表明super waterproof，
我梗係試佢�H防水度啦！
嘩！佢�H防水度係完全無甩過！
 防油度都好高，
圖中為抹左3下�H效果，
卸妝時要敷一敷佢啦！
 效果圖
本身我睫毛都偏長∼
無咩眼油但都多眼水！
搽左一層效果已經好明顯，
我自己就鐘意比較誇張�H，搽多層俾大家睇啦，
返工keep左成日都無溶無drop嫁！
真係平靚正呀！
澳洲LUCAS PAPAW 木瓜霜 ($3x 朋友送 屈臣氏有售)
有爬文都應該知我dry到就變人乾，
由其呢啲秋冬天，嘴唇都會乾到裂，
朋友仔見到我咁dry就介紹左呢隻木瓜霜俾我用，
我就多數用佢黎搽嘴，
其實呢支PAPAW係萬用膏，
除左乾燥搽嘴搽手外，
擦傷燒傷都可以用嫁！
而且成分好天然，
係由發酵木瓜而成！
細細支仲好方便帶出街添∼
一開始仲以為佢�H質地好杰身好似凡士林，
點知一推開佢�H質地就變左層油咁，
仲一啲都唔笠，
好似上圖咁，嘴唇啲皮仔都即時無哂呀！
木瓜霜同我地好鐘意用�H8hourscream好似，
不過味道一啲都唔難嗅，普通天然用品味道∼
而且無咁笠∼
dry爆�H人可以一試呀~
Christy:
記得自己讀書果時已經好鐘意買化妝品，
不過果時無咁多budget，所以揀既都要平靚正，
一講起又平又好用既品牌都會唸起Maybelline,
concealer, 眼線液, 睫毛液同唇膏都係我大愛，
今次見佢出左新睫毛液都即刻買來試試！
 Maybelline / Lash sensational Mascara $135
今次代言呢枝產品既Christy Turlington係90年代名模，
亦都曾經多次為Maybelline拍攝廣告架。
佢地既睫毛液一向都好多人鍾意用，夠濃密 唔重身，
因為好多外國牌子既睫毛液都較重身，
亞洲人既睫毛較軟，就會好易drop返，
Maybelline就唔會有呢個情況出現。
今次個梳頭都好特別，一邊係螺旋刷 一邊係梳齒，
可以先用螺旋刷頭輕輕Z型掃上，營造濃密豐營效果，
再用梳齒梳順，令睫毛根根分明。
 可以搽到睫毛好纖長，搽左兩層都無打結既情況出現，
確實做到根根分明效果，
搽左兩層效果都算自然，
搽左一日都無咩點drop！
防油度好高，圖中已經抹左兩次。
可以話係今期平價好物推介。
Maybelline / VIVID matte liquid $89
之前都同大家分享過好多唔同品牌既唇膏液，
Maybelline既唇部產品一向都好出色，
今次呢支新品主打啞緻柔滑感覺，
仲有10色選擇。
 搽出黎都有少少令身，
唔算好matte， 但柔滑感覺真係好驚喜，
就算無搽潤唇膏打底個咀都好soft。
 顯色度好高，個色都超靚！
你見到係咩色，搽出黎就係咩色，
感覺同大品牌有得揮架∼
 不過落妝既時候就要花啲心機，
用落妝水抹兩下，都落唔曬，
證明佢都好鎖色，持久度都一般唇膏較高，
唇妝好易甩既朋友都可以試下佢啦！
Yuki:
最近愛上左買唇膏，無論係實色定透色，
都一定要符合我既最低要求－滋潤。
特別係呢排天氣轉變，咀角都爆左幾次，
就更加需要一枝夠潤、顏色又夠靚既唇膏啦！
今次要介紹比大家就係一向平價既曼秀雷敦，
我自己都有用開佢地既護唇膏、薄荷膏同防曬產品，
平得黎又好用，實在係月光族既恩物呀。
曼秀雷敦/ Sugar Lip by Water Colour #03 $43.9
而呢款就係我最近購入既水彩潤唇膏，
顏色透亮、粉嫩，價錢超級相宜。
雖然上面有少少閃粉，但上唇唔會閃令令，
反而有種立體、水潤玻璃唇感覺。
搽一層就已經有粉紅色，唔誇張，
搽兩至三層就有相中效果，出到本身枝唇膏顏色。
而呢枝唇膏最特別就係蘊含黃糖成分，
黃糖有效保濕，唇紋都即時唔見左，
潤澤度達5星架！
唔少朋友都會擔心唇膏太食色，令唇色加深，
呢款唇膏就唔會有呢個情況，
落妝時用普通卸妝水就已經落到啦！
如果大家budget唔多又想買到滋潤度高，
做到水潤豐唇效果既唇膏就可以試試呢款啦！
dejavu/ Lasting Fine Eyeliner #Black $98
Christmas好多Party，去Party最怕就係溶妝，
唔少朋友都話眼線係最擔心既一part，
一唔小心就變左對熊貓眼，跌晒watt，
所以今次就同大家推介呢款我新購入既眼線液啦∼
 
佢既筆頭係類似marker既設計，但唔會太硬，
畫上眼好暢順，畫粗畫幼都得，一畫出色，
顏色實黑，持久度高，唔易捽甩。
左邊用油抹左兩次都無咩點甩，
而右邊用凍水抹兩次都一樣keep到。
聖誕節出街成日都無甩，真正hold到一整日！
我平時慣左眼尾畫尖啲，呢枝都可以做到我想要既效果！
而且顏色真係非常黑，令對眼睇落都大啲！
咁強勁既眼線液，初初都怕好難落妝，
以前試過某啲牌子用眼部卸妝品都落唔晒，仲捽到對眼紅晒⋯
但係呢一枝真係反轉傳統，
用溫水（暖暖地就OK）就落到！非常方便！
如果本身搽埋眼影、mascara，
會建議用返眼部卸妝品，徹底潔淨。
| 
