早係12月時候，我地workshop已經透過公開招募，
揀左3位讀者進行今次大變身，
今次大變身除左有Janice做形像總監外，
仲有兩位髮型班導師同makeup team落手落腳幫model變身！

即睇花絮：

最近我地都收到靚相，
而家即刻同大家分享啦！

當日真係非常熱鬧，
今次就有我地既同學一齊幫手，
導師一開始就為同學分好工，
大家都好認真係自己既崗位度幫手。

有幾位同學都係我地新娘班既同學，
上完堂又考完試既佢地，
今次可以一嚐實踐既機會啦！

同學Yan:新娘化妝真係比我想像中唸得太簡單，
原來化妝前後真係可以有好大對比，
當日我有份幫手整妝頭，3位miss都有幫我地check妝，
係妝容上比左好多意見我地，仲偷到好多師！

同學Alice：

當日時間好緊湊，實戰時真係明白平日練妝既重要性，
到真係出黎做野比起上堂更加嚴格，
真係明白Janice平時上堂點解會有咁高規格要求，
今次真係一次好寶貴經驗試試自己身手！

同學Kristy：

實戰會因為好多環境變數，
所以隨機應變同team work係好重要，
過程中出現左點小意外，
令我發現打好基本功真係好重要
所謂台上一分鐘，台下十年功，
真係完全體現到出黎！
做自己鍾意既野真係有種莫名投入感。

最後全體工作人員仲偷左啲時間出黎影大合照添！
事不而遲，大家一齊睇下我地既成果啦！

第一位變身主角係Nicole,
本身已係一名美女，
佢比我地既感覺好有氣質，
今次我地設計比佢既形像都係較古典既感覺，
襯埋套長袖蕾絲婚紗，有少少韓式得黎都好Fashion！

唔講唔知，原來Nicole都係一名待嫁新娘，
佢都有同自己本身個化妝師提出想做all back造型，
不過對方就話佢額頭高唔建議咁整，
我地makeup team就試下滿足佢既願望啦！

第二個造型就係將頭髮放落黎，
加上假髮，令成個髮型都充滿豐盈感覺！
前陰捲上Finger wave,
高貴得黎來點復古味道。

第二位讀者係Vicky，
樣子好甜美！所以我地都幫佢設計左個甜美風格造型，
感覺仲好似仙子，
而Vicky就話覺得好似Elsa啦！
一開始設計Vicky既髮型既時候，
我地都有唸過究竟分中界好定側界好，
到最後就決定左將全部頭髮都梳起整高，
令到Vicky原本較圓既面形視覺上拉得長少少，
影相效果更加靚。
深色頭髮較難營造層次感覺，
不過都可以利用鬢辮等技巧令髮型望落更豐盈。

第二個look就將全部頭髮扎起，
感覺clean得黎都十分清新。

第三位讀者係Oriava，
雖然年紀細細，但一擺起pose上黎就十足專業模特兒咁呀！
佢比我地既感覺好型格，
唔會過份甜美，所以我地為佢設計既look都係好有個性！
大家見到我地用既頭飾好像好大好跨張咁，
其實上鏡或者影pre wedding都可以用跨張同顏色鮮艷既頭飾，
影出黎效果會出啲，
不過到真係big day當日就唔未必需要到咁跨張既頭飾啦∼

三位model既風格各有不同、各有特色。
show到自己優點出黎之餘，
又可以試到同平時截然不同既造型，
大家喺影pre-wedding／big day時
都可以搵定多啲reference架∼