 早兩日就介紹左我地班同事係韓國瘋狂購物�H一少部分戰利品，
今日就介紹下食嫁啦！
我地班同事除左買野瘋狂外，
食方面一啲都唔弱，
短短4日3夜都食唔少，
當中有好食都有啲麻麻地，
今次就等小編做個總括啦！
柳家炒辣雞，之前Janice都介紹過架！
位於:韓國明洞
呢間餐廳其實係韓國好出名，
凈係明洞都有3間，
就好似香港�H大快活，大家樂咁∼
實有一間係附近！
我地一落機�H第一餐梗係即刻食韓野啦∼
Janice就介紹左一間每次遊韓必食�H炒飯韓物∼
平之餘泡菜仲好好食∼
呢間�H前菜係任添(當然唔可以浪費啦)
有一次Janice同朋友食又係好誇張，
攞到侍應走埋黎話要食得哂∼
當然最後都食得哂啦∼
 前菜選擇都幾多，
而泡菜係我地同事食過今個Trip最好食�H一間∼推介！
(我地偏好比較濃味�H野食)
我地6個人叫左兩個餐∼
佢一個餐可以3個人食，
份量偏大，都係大約200hkd，
分別order左熱溶芝士辣雞同辣炒海鮮，
其實兩個都可以加炒飯！
 
上圖中�H炒雞配料非常多，
我地一致認為佢入面�H年糕超正∼
因為入面有芝士流心，超好味！
辣度適中，
而且一路有專人幫你炒熱食物，
炸炸聲聽到都覺得十分惹味！
唯一美中不足�H係芝士辣雞�H鐡盤太大，
芝士邊好容易凝固∼
要閞返爐先可以溶返！
不過都同樣好味∼
下次到韓都一定要再食∼
位於:韓國新村
  見到呢個紅色波波再見到smooothie king隔離落地下就係嫁啦
呢一間餐廳係我地無意中發現嘗試，
雖然位於大街，
不過要落地庫(一般餐廳都係上一層)，
但好多年青人落去食，應該唔錯
入到餐廳格局有啲似快餐店格局，
野食選擇唔算好多，
不過價錢好平，最貴大約6000won，
一坐底烤肉�H香味已經令我地流口水，
佢會配拌飯，水冷麵，辣冷麵等，
我地分別叫哂咁多款happy share∼
 佢�H主菜係烤牛，
烤得好乾身，
但一啲都唔"un"同唔油！
 每樣都好好食由其辣冷麵，
麵質好幼而且"煙un"，
索哂個汁非常好食！
咁�H價錢只係我地係銅鑼灣食一個車仔麵炸！
 另外呢個望落好似小籠包�H其實係菜肉餃(韮菜餃)
就咁睇就好似好厚皮，
個皮一啲都唔"un"仲好juicy
價錢只係大約20hkd
*我地仲發現明洞都有分店，下次朋友見到都可以一試啦！
Pro soy crab
位於新沙洞，地鐵站大約步行10分鐘
 呢間係首爾非常出名，
基本成條街都係食蟹∼
但大部分人都識∼
黎到韓國梗係唔少得食醬油蟹啦∼
雖然Janice本身唔食蟹，
但有飯局係果度所以幫我地book左隔離房，
等我地都可以一齊試下！
餐廳選擇唔多，大部分都係蟹∼
基本上呢一餐係全蟹宴∼
我地班海鮮控大嘆正呀！
樣樣都鮮甜又好味！
小編就㨂幾款講啦∼
 佢�H配菜味道都唔錯，
可惜只可以添食一次
主菜就梗係有醬油蟹啦，
生蟹唔係係人都啱，
但如果唔試真係對自己唔住呀∼
醬油蟹睇落好似大閘蟹咁好多膏，
但一啲都唔膩，仲好鮮甜嫁！
 
睇相都見到非常多膏，
生蟹質感好似食緊甜蝦刺身咁，
味道非常之鮮甜，
小編們表示食多兩隻都ok！
(大約120-130hkd一隻)
另外呢個蟹湯真係不得不提，
辣豆腐湯底已經好惹味，
最估唔到湯入面已經有三隻肉蟹，
隻隻都好厚身，
惹味之餘仲有濃濃�H蟹味∼
同事們都過足口癮！
份量足夠6個人食，只係唔洗港紙250蚊
 除左主菜外，
呢個拌飯拌醬油蟹真係一流，
個飯有蟹膏，蛋，紫菜等，
拌勻之後又香又滑，
份量就唔算多！
同事們都好回味∼
大家唔好以為呢餐一定唔平∼
我地食左咁多除返開都只係約350hkd一個人，
份量都偏大∼
如果香港食起碼都要700hkd up呀！
Wood Brick
位於韓國北村
呢間餐廳一入北村就會見到，
Janice之前食過記得好唔錯，
而且好靚∼
所以就試下啦∼
 除左韓野我地都有食西餐，
仲包場添
(其實係因為我地好遲先去啲人走哂)
我地選擇呢間餐廳�H其中一個原因除左靚之外，
係打算俾驚喜我地同行�H髮型導師∼
提早同佢慶祝生日，
格局係樓下蛋糕咖啡店，
樓上西餐廳∼
餐廳非常有情調，
好適合情侶用餐呢∼
   西餐方面不過不失好唔錯∼
但香港都可以食到，
不過蛋糕真係要介紹下
 本身以為係普通黑森林蛋糕，
原來蛋糕入面每層海綿蛋糕都浸左rum酒！
海綿蛋糕底好soft好有質感！
好香又唔會好滯∼
最緊要唔會太甜！
我地6個人食哂成個磅半大蛋糕呀∼
再次祝老師生日快樂！
BR baskin robbins
 呢間雪糕店其實係日本，甚至泰國都有分店，
有睇開我地blog其實上年公司trip都有介紹過∼
而加連韓國都愈來愈多。
Janice好鐘意食，
可以話見一間食一間∼
同事們都表示老闆好可愛呀:)
今個trip我地食左兩次，
本來諗住臨走再食多次，
可惜無時間啦∼
 我地仲誇張到叫左一個家庭裝！！！
 有好多必食味道都好推介！
好似coffee拖肥，士多啤梨，抹荼，朱古力chips都係Janice必食推介，
味道好足料，食每啖都好似食緊本身果樣野，
一啲都唔人造∼
發表時間：2016-04-10 04:40 PM [ 編輯日誌 ] [ 分享至FACEBOOK ]
| 
