5月頭一連幾日去左德國柏林
參加MAC既新品發怖會、master class同Fall Winter 2016，
今次係佢地第一次邀請本地化妝師出席，
同場仲有其他外國著名stylist、blogger、化妝師添！

今次行程好緊密，第一日落機就要參加master class，
在場仲有化妝師示範，
我自己最鍾意就係creative妝，
今次仲可以睇到化妝師功架，
平日真係無咩機會可以睇到其他化妝師化妝，
除左我自己啲學生⋯
始終都唔係咁好，都會怕其他化妝師誤會或者介意，
不過今次就可以任睇唔嬲。

化creative妝用既產品就唔一定係化妝品，
好似係金箔、貼紙、文具等等都可以係輔助工具，
佢地MAC化妝師化既時候仲用左油牆既大油掃，
body painting或creative妝就有機會用到。

化creative妝一定要有focus位，要有層次，
MAC化妝師除左用sharp色，亦有運用陰影突出輪廓，
好似畫畫咁，除左要有色彩、亦要著重層次感。

今次拍左唔少live video，
大家可以睇下人地既襯色、上妝技巧，
特別係可以睇到外國化妝師同亞洲化妝師
喺上色同上妝技巧方面有無分別，
對化靚女妝都有幫助架！

LIVE VIDEO可到我既facebook page睇返：
https://www.facebook.com/janicelammakeup/videos

去到第二日，就出席左佢地既新品發品會，
不過部分新品香港暫時未有架。

你地都可以見到唔少仲係半製成品，
今次睇佢地既產品都可以估到之後個trend。

我自己就比較focus喺底妝部分，
佢地出左幾款shimmer/shiny底妝，

好像上圖呢兩款餅狀，係帶珠光/幻彩色，
外國人皮膚偏乾、紋理較多，
佢地一般會全面塗，
而突出既位置仲會加多一個份量，
令輪廓更加突出同埋可以遮蓋細紋。

但由於香港偏潮濕，好多女仔都係油性肌膚，
所以我地只需要喺突出既位置加上，
幻彩色顯得皮膚好有氣息，
係今年必備既item之一！

另外就係雙頭highlight/shading stick，
暫時有兩隻色，
好多人都覺得stick比較難用，
其實只要唔係畫得太深色，
用手指／用掃推開都ok，
同埋用stick既好處係會比較持久架。

呢枝咁盞鬼既mascara，
你會見到兩張相既掃頭彎度都唔同，
咁係因為佢枝mascara係可以扭一扭就改變掃頭彎度，
平日我地眼頭、眼尾比較難掃既位置，
用佢就好易掃到，for新手用都好易handle。

第三日就係秋冬妝容展覽show，

今次一次過睇到好多唔同既妝容，
而重點妝容就有：

sharp色／紫紅色唇妝（SHARP）

黑色眼妝／碳黑色眼線（RAZOR）

帶有藝術感的彩妝（KALEIDO SCOPE）
（閃粉／金屬色調）

帶有個人風格的裸妝
（LOOSE－STAINED／DIFFUSE）

今次仲有機會到去MAC PRO shop瘋狂掃貨，
果邊既產品顏色sharp又齊全，
好岩專業化妝師用，而且喺香港搵唔到，
所以呢次差唔多全部產品都掃晒返黎！！

其實化妝師都好鍾意用sharp色，
好似係creamy painting, pigment, 閃粉我自己都儲左唔少，
呢啲products喺香港都好難買到，
painting種類／選擇都得好少。

雖然你見我買左呢啲product都好隻隻差唔多色，
但其實唔同texture，出黎既效果都唔同，
好似係油彩、油漆、水彩等等，
我以前化呢類creative妝都要用到架。

(我既作品)

MAC PRO shop唔係每個國家都有分店，
亞洲地區最近應該係日本，
如果大家想查詢產品詳細或分店地址，可到：www.maccosmetics.com/macpro/index.tmpl

呢張係MAC PRO shop既VIP card，專為專業化妝師而設，
喺全球MAC PRO shop都用得，仲有折扣優惠。
如有興趣申請可到專櫃或
MAC facebook專頁”MAC Cosmetics”查詢。

今次就分享到呢度，
希望下次再有機會帶大家同我去睇更多化妝新資訊啦！