之前我地去完韓國之後，
返黎介紹左咁多位同事食、玩、買同住宿啦
出Trip記之韓國瘋食>> http://www.girlstalk.hk/blogs/?p=28907
詢問度爆登！韓國住宿好去處>> http://www.girlstalk.hk/blogs/?p=29021
韓國瘋買﹣衣飾篇>> http://www.girlstalk.hk/blogs/?p=28853
韓遊飾品小物>>http://www.girlstalk.hk/blogs/?p=28976
今次輪到介紹我自己買到既好野喇！
以前去東大門買衫得批發冇零售，
而家雖然未必間間都有零售，
不過多左好多可以只買一兩件，
但係價錢就偏貴！
最失望就係上年同今年都有去行既U:US，
 完全冇收獲，
好多款色o係香港同taobo都差唔多，
所以建議大家可以專攻［食！］同買［化妝品！］同［飾物！］
１．[ eye shadow回購必選！－A'PIEU MINERAL MONO SHADOW]
做化妝師好處就係經常會收到好多最新出或者甚至未有得買既化妝品可以試，
我自己唔會睇價錢，
平貴都會有好野，
有時人地send黎既未必岩用，
所以遇到好用既或者想試下既都會自費買既！
今次介紹哩個我每隻色x4咁買俾自己學生用，
因為真係又正又抵玩！
上年買左試過之後，
今年再大手回購！
最值得買既係matte type既eye shadow，
要搵一款好用既matte type其實唔係咁容易，
要睇下１飛唔飛粉，２上唔上色，３會唔會一撻撻！
哩隻夠滑唔飛粉，夠出色，唔會一撻撻，
仲有計返港幣都只係2,30蚊，必買！
除左matte type之外，shimmer、sparkle都有，
建議化妝師可以大手入，
我諗around有80色，
買哂80色都係$2400到，真係平靚正！
２．[市面少有淺色幼刷眉GEL！－A'PIEU SKINNY BROW CONCEALER]
點解我會買哩隻呢，
唔係因為叮噹，
雖然都靚！
其實係因為好少眉gel有咁淺色，
另外就係掃頭細，
搽．出黎夠自然夠soft！
 
價錢唔洗問嫁喇，
因為哩個牌子既野都係好平！
３．[大罐好用唔乾遮毛孔妝前！－A'PIEU MOISTURE PORE COVER BALM]
哩類既遮毛孔產品大部分都會怕佢乾，
有d好用既品牌但又偏貴，
哩隻遮到毛孔之餘唔乾，
 
同埋好大盒，
我多入手左5盒俾我既學生用，
大家都可以用到！
４．[靚色唇膏筆！－A'PIEU COLOR LIP PENCEL]
哩支唇膏筆令我最surprise既係好出色！
顏色又靚又抵用！
雖然都好正，
但係對比跟住落黎極推介既lips product就唔算太夠潤喇！
５．[方便易用小顏必用髮線棒！－A'PIEU HAIR CONTOUR LINER]
畫hair line可以有小顏效果，
平時我通常用eye shadow就已經可以畫到hair line，
哩個都係貪玩買黎玩下，
我覺得勝左夠方便，
不過做既時候要留要，
佢係每開蓋一下都會自動壓出，
所用第一下用既時候要溫柔d唔好咁重手，
咁就會畫得夠平均喇！
６．
其實好耐都冇留意IT’SKINS哩個牌子喇，
行過見到冇乜人就入去睇下啦，
但佢地既暗瘡水好正，
但成日斷貨，
其實佢地未放上架嫁，
所以你要問佢地既staff先會攞俾你！
我年中收唔少唔同既品牌化妝品同護膚品，
貴至過萬，平至幾百都有，
但係都要買哩隻！
同埋佢地既ACNE LINE真係幾岩外油內乾皮膚，
通常暗瘡系列既SKIN CARE都怕佢好乾，
但係佢唔乾，好水狀！
平平地又買黎試下，
返到黎香港我就開始試，
我一向都會生暗瘡，
但係到現時為止都冇再生過暗瘡！
真係好正！
所以我極力推介哩個ACNE LINE！
價錢都係百幾蚊一支，
又係好抵買！
７．[打造自然霧感雙唇！－IT'S TOP PROFESSIONAL PAINTING TINT MARKER]
哩隻就係IT’S TOP PROFESSIONAL LINE係
IT’S SKIN一個FOR PROFESSIONAL用同埋係偏貴既一個系列，
（但其實都係平）
質地同同類型差唔多，
我自己平時好鍾意搽橙色，
哩隻橙色夠靚又夠sharp！
 同埋真係好long lasting！
食完飯都唔甩！
通常tint狀都係冇咩滋潤度，
但係一樣好抵買！
－－－－－－－－－－－－－－－－－－－－－－－－
８．[極推出色絲絨感唇筆！－IT'S TOP BY ITALY SATIN LIP PENCIL]
我自己好鍾意筆狀唇膏，
哩隻係好岩我自己心水，
係韓國品牌最好一隻！
同埋詢問度極高，
好多PR BA都問我用邊隻！
佢係十分上色，
顏色係好FASHION！
同埋好滑，夠潤！
做到好似Dolce&Gabbana o個隻絲絨感覺！
仲好long lasting，
真係好正！
９．[BLING BLING感眼妝必用打底！－IT'S TOP PROFESSIONAL SPARKING SHADOW]
  
哩隻幾幼滑，
同埋顏色好易襯，
就算皮膚黑或者白都岩用，
令令地可以做到水汪汪既感覺！
１０．[一下已經好SHARP好出色！－MOONSHOT POWDER BLOCK]
哩隻同事同係咁買，
佢係搽一下已經十分上色！
同埋夠幼細夠滑！
黎緊sasa都會有得買，
冇時間去韓國既朋友o係香港都可以買到！
１１．[送禮自用必選！－SEATREE VIVID COLOR LIP GLOSS]
哩隻簡直係送禮自用佳品！
夠多色之餘，
 
d色夠靚又大路，
仲要1+1買一送一！
同埋包裝又靚，
夠哂大方得體！
－－－－－－－－－－－－－－－－－－－－－－－－－－－－
１２．[送禮自用必選2！－SEATREE ART MULTI COLOGNE]
哩個係送禮佳品2號！
又係1+1買一送一！
同埋個樽好靚，
用完都可以reuse唔會浪費，
我都買左黎送俾朋友同自己用，
佢仲有好多味道，
我揀左哩隻就好岩夏天用，
夠哂refresh！
今次衫都冇乜買到，
所以就唔多介紹喇！
我平時去日本韓國好鍾意買accessories！
d款夠靚夠特別，
我自己鍾意買珍珠款耳環，
今次買左哩款耳環粒珍珠真係好大粒！
同事形容佢為＂白鳳丸＂咁大！
影張俾大家對比係一般size既珍珠耳環同哩粒加大碼珍珠耳要既分別！
  
眼鏡又係其中一樣不能不買既ITEM！
因為真係又靚又多款！
今次介紹既野差唔多喇，
下次有咩荀野新野推介再同大家分享啦！
| 
