 唔知你有冇發覺最近大大小小既化妝品牌都已經推出左秋冬新系列或者聖誕系列，
小編們作為女生，番工對住呢啲化妝品，放假行街仍然係對住呢啲化妝品，
人生點都會遇上一試難忘，唔買唔得既化妝品，
所以今日各位小編就想同大家下最近究竟有咩化妝品咁大威力令佢地非買不可呢！
Joyce:
千祈唔好一個人行街，如果唔係好難忍到手呢！
早幾日行朗豪坊LOG ON，本來都諗住window shopping下，
一入去就係MJ個counter，
sales 姐姐派傳單，咁我又唔好意思拒絕，就攞上手睇。
竟然俾我見到呢個化妝箱！
Muji都新出左細size化妝箱，賣$120，
但MJ呢度買夠$420就送。好想要啊！
買夠$420都唔係好難，而且啲化妝品一向都又平又好用，今次唔忍啦！
我一眼就睇中呢set入面有粉紅色眼影盒、
同一支啡色eyeliner，溫柔妝感get！
本身對入面胭脂興趣不大，但試上手顏色又好自然，
就算上多幾層都唔會厚。
份量好易控制，十分適合手殘女呢∼∼∼
下圖呢盒橙tone適合膚色較深既小編，常用又易用呢！
入面大大格既係eye base，上眼影前用會更顯色，
而且呢盒眼影粉比較幼細，好滑。
而且全場眼妝product有85折⋯⋯
有唔買既理由嗎？折完都係一百蚊鬆啲。
買夠2款眼部product仲會送3支眼部化妝掃，
距離$420仲差幾十蚊咋！
小編就入手多支啡色eyeliner，因為又係有85折，而且眼線筆真係好快用哂。
作為精明消費者既我，最後岩岩好買夠$421.6，
送化妝箱、3支眼妝掃、mascara sample，nude make gel sample。
小編想講句，真係好抵啊！
 
其實小編仲諗住入手埋呢set，可以試埋mascara base，
不過既然已經買夠$420，攞到個化妝箱⋯⋯
都係再忍下啦。
Yuki小編:
BB cushion已經成為我最近常用底妝品之一，
要知道一個慵懶女生最怕就係做9萬樣野先出到想要既效果，
想快、靚、正，就當然首選coverage過高又夠滋潤既BB cushion啦！
不過最近竟然連眉產品都有cushion！！！
開頭大家都以為係噱頭啫，乜都要cushion，
但係當試完之後，真！係！燒！著！了！
呢盒Laneige Eyebrow Cushion-cara分兩色，價錢＄195。
上圖係一號色，深啡色；另外就有隻二號色，偏紅既栗子啡，
而一盒內都有深淺兩色，各一半，
咁樣去做一條立體感既靚眉就更容易啦∼
因為我條眉都算淺色，加上最近染深左頭髮，
所以就揀左較深既一號色啦∼
佢雖然係液狀，但又唔同市面上既iquid eyebrow，
唔會好實色，亦無咁快乾，
只要少少份量就已經足夠畫好一條眉。
另外不得不讚下隨盒附送既呢枝眉掃！
掃頭毛質軟硬適中，掃毛亦夠短，
輕易畫出尖眉尾同同直線條，
唔使一分鐘就已經畫好條眉啦∼
之後仲可以用螺旋刷梳順眉毛同刷鬆眉頭位。
出黎效果出色之餘又好soft，有少少似用眉粉既效果架！
同事們試過都話好用，睇黎唔止燒著我一個呢∼∼∼
 Christy小編：
作為一個專業眼影控，真係見到眼影就要舉手試！
岩岩收到Urban Decay新出眼影盤Naked Ultimate Basics
就好奇究竟佢同好出名既NakedBasic有咩唔同呢？
Naked Ultimate Basics ＄500
呢盒Naked Ultimate Basics眼影盤入面有12隻必備大地色調，
冷暖色都有好全面，
而且粉質真係好似絲咁滑，唔會飛粉仲超好blend,
極易上色添！
 
原本雙目無眼，好似未訓醒咁….
我用Lockout做主色，Blackjack拉長眼尾，再用Blow打亮眼頭，
雙眼輪廓即時番左黎！仲有我完全無用eye base打底都超上色，真係非常值得入手！
因為呢盒除左Blow帶有少少令身外，其他都係matte色，
TMPYED呢隻色可以用黎打鼻影，FAITH可以用黎打面部陰影，
Blow亦可以做堆面部highlight 都好自然架！
真係一盒多用！
Vicky 小編：
最近令我一試難忘，忍唔住要買既化妝品絕對係Za 既 Killer Big Eyes 眼影系列。
老實講平時我真係好少好少好少留意Za既化妝品，
但早幾日有機會試用到佢既Killer Big Eyes 眼影盤系列，
估唔到呢盒價值$99既眼影盤質底都幾幼滑，
平時啲閃粉強既眼影顯色度都較低，
但呢盒眼影就Bling Bling 得黎都好上色，又冇乜飛粉問題，
平價眼影黎講性價比真係算高。
最後我自己係買左Killer Big Eyes 眼影系列入面既BR31型號，
佢屬大地啡色系夠晒易襯，而且佢既閃粉比BR32 大粒同閃,
岩晒我呢啲鍾意化bling bling眼妝既人。
雖然佢閃粉比較粗啲，但顯色度都唔錯同埋都好易Blend開，
不過比起閃粉幼啲既BR32就稍為有極微飛粉，
不過佢咁平，我緊係收貨啦。
睇完各位小編既雀躍分享，
唔知又有冇一款佢地既推介化妝品燒著到你呢？！
大家有興趣可以去試下先買啦。
| 
