三月二十三日    星期日   雨

今日一早八點幾就起左身

同呀爺去飲茶

好眼訓

之後我地搭地鐵去銅鑼灣

我地去左花卉展覽

我同細佬陪呀媽、呀爺行左一陣

頂唔順就去左美食廣場

我地買左兩枝棉花糖

我地都係諗住過下口癮

但個老闆唔知話佢好人淨係咩好？！

佢比左兩大大大卷既棉花糖比我地

好好味，但超甜

跟著

我同細佬就去中央圖書館借書同玩電腦

有一樣野好搞笑

我叫細佬幫我去八樓搵本「天幕下的戀人」

最終都係借唔到

佢搵就搵到啦

但本書係參考書

so 唔借得

我借左三本

其中「夢飛行」勁好睇

雖然我淨係睇左兩個鐘

但我都睇左百幾頁

大家都可以借黎睇

我呀媽同呀爺買左七、八盆花

係唔係好多呢